गारवा..!
कुंद या हवेत दाटलाय गारवा..
मज तरी असा कुठे हवाय गारवा..
हे जळावरी कशास दाटले धुके,
रूप न्याहळीत गुंतलाय गारवा..
लोकरीत अंग सर्व झाकुनी कसा,
आज तो विचारतो कुठाय गारवा..
पांघरून शाल मी सुखात राहिलो
मज कुठे अजून झोंबलाय गारवा ?
कुंद या हवेत दाटलाय गारवा..
मज तरी असा कुठे हवाय गारवा..
हे जळावरी कशास दाटले धुके,
रूप न्याहळीत गुंतलाय गारवा..
लोकरीत अंग सर्व झाकुनी कसा,
आज तो विचारतो कुठाय गारवा..
पांघरून शाल मी सुखात राहिलो
मज कुठे अजून झोंबलाय गारवा ?
सरला प्याला झिंग जराशी बाकी आहे
अजून थोडे दुःख उराशी बाकी आहे
दिसतो जो मी केवळ वरचा तरंग आहे
माझे 'मी'पण खोल तळाशी बाकी आहे.
तुम्ही हव्या तर सुखे आठवा श्रावणधारा
हिशोब माझा जुना उन्हाशी बाकी आहे.
नोकरांना जात कुठली, धर्म कुठला शेटजी
जो तुम्हाला भेटला तो देव म्हटला शेटजी!
एक वाटी शेंदराची सांडली रस्त्यावरी
अन तिथे तुमच्यामुळे बाजार भरला शेटजी...
का जुन्या मालाप्रमाणे वापरोनी फेकता?
एवढा का माणसांचा भाव पडला शेटजी?
भक्त झाले लोक सगळे गुंड लोकांचे
भोवताली भव्य पुतळे गुंड लोकांचे
रोजची चतकोर पत्रे सभ्य लोकांची
अन पहा हे भव्य मथळे गुंड लोकांचे!
पांढर्या कपड्यांतली ही पाहुनी 'ध्याने'
चाहते होतात बगळे गुंड लोकांचे...
दंगली करतात त्यांना दंड देताना
न्यायमूर्ती नाव वगळे गुंड लोकांचे
जाळले संसार थोडे, मोडले थोडे
एवढ्याने भाग्य उजळे गुंड लोकांचे
दोस्तहो तलवार नाही, लेखण्या परजा
लेखणीने तख्त निखळे गुंड लोकांचे...
- प्रसाद
अशी गोड तू... एक महाग़ज़ल!!!
फुलांनी पुन्हा चूर लाजून व्हावे अशी गोड तू...
निशेने नव्या मंद गंधात न्हावे अशी गोड तू...
अशी तारकांनी असूया करावी तुला पाहता;
सदा चंद्र-सूर्यात संवाद व्हावे अशी गोड तू...
इथे गुलमोहर वर स्वता:चे साहित्य लिहायचे आहे. संदीप खरे यांचे साहित्य खालील ठिकाणी आहे.
http://www.maayboli.com/hitguj/messages/103385/46788.html?1196684867
- मोडरेटर-२
आज फुलांची भाषा.....
आज फुलांची भाषा मजला कळते आहे
फूल होऊनी ऊर बघा दरवळते आहे
उष्म उसासे टाकीत आली, झुळूक कशी ही?
कोण आज त्या दूर तिथे तळमळते आहे?
शांत सागरा, आज कश्या ह्या निमूट लाटा?
आज काय रे तुझ्या मनी खळबळते आहे?
हाय हॅल्लो करण्यासाठी जमतिल सारे
आणि खोटे हसण्यासाठी जमतिल सारे
जर उद्याला रस्त्यावर का मेला कोणी
कोण मेला बघण्यासाठी जमतिल सारे
हाल कोणी पुसण्यासाठी आले नाही
भाळ ओले पुसण्यासाठी जमतिल सारे
आज पौर्णिमा नभात काय फायदा?
चांदणे नसे मनात काय फायदा?
वेचला मरंद तू जरी फुलांतुनी
वाटलास ना कुणात! काय फायदा?
पोटचे विकूनही न पोटभर मिळे
जन्म देउनी जगात काय फायदा?
चंद्र, चांदण्या खुडून आणशीलही
भाकरी न जर पुढयात काय फायदा?