निसर्गाच्या गप्पा (भाग २७)

Submitted by जागू-प्राजक्ता-... on 4 August, 2015 - 05:07

रामराम दोस्तांनो,

वर्षाऋतु चे काहीच दिवस शिल्लक राहिलेत.. पावसाळ्याचे नै बर का !
सुरुवातीला,
" वो है जरा.. खफा खफा.
के नैन यु .. चुराए है.. " या गाण्यातल्या प्रियकराप्रमाणे
रुसुन बसलेला पाऊस आता लाडात येऊन मनभरुन बरसायला लागलाय .. ऋतुअखेरीस
तो या धरणीच्या हरेक कोपर्‍याला भिजवुन सोडेल अशी आशा करुया .

सरत्या ऋतुबरोबर हे दिवस आपल्यासाठी घेऊन येतात विविध सणवारं . खरतर
सगळीच हिंदु सणवार एकदम खासमखास आहेत; निसर्गाचे आपापल्या परिने धन्यवाद
मानणारी..

सुरुवात होते ती नागपंचमी पासुन. शेतकर्‍यांचा मित्र असणार्‍या या सापाची
आणि त्यांचा राजा म्हणुन दिमाखात मिरवणार्‍या नागाची आपण यात पुजा करतो.
त्यानंतर येणार्‍या नारळीपोर्णिमेला अथांग अश्या समुद्राला नारळ अर्पुण
वरुणदेवाला धन्यवाद देतो. पोळ्याला ज्याच्या मदतीशिवाय जगायचा विचारही
आपण करु शकत नाही अश्या बैलांना गोड घास भरवुन त्याच्या उपकारांची धन्यता
मानतो . पोळ्यानंतर येणारी हरितालिका, ज्यात आपण पुजा करतो पार्वतीची..
साक्षात प्रकृतीची.. निसर्गाची.. आणि शेवटी येतो आपला सर्वांचा लाडका
बाप्पा.. गणराय.

वर्षाऋतु स्वतःबरोबर खुप मोठा आनंदाचा ठेवा घेऊन येतो. येणार्‍या
प्रत्येक थेंबाबरोबर आपणही आपले दु:ख विसरुन निसर्गाच्या घडीघडी बदलत
जाणार्‍या रुपात सणावारांच्या साक्षीने त्याच्या अधिकाधिक जवळ जातो. पण
खर तर त्याच्या जाण्याचा काळ मनाला खुप हुरहुर लावुन जातो. त्याला
निरोपाचे बोल बोलायचे असतात आणि जोडीला रंगीबेरंगी फुलाफळांची बरसात
करणार्‍या शरदाच्या आगमनाची तयारीही करायची असते.

त्या आभाळाचे रंग बदलायला सुरुवात झाली आहे.. दिवस कमी उरलेत दोस्तांनो
.. भिजायचं शिल्लक असेल तर भिजुन घ्या.. हे दिवस परत उगवायला एक अख्ख
वर्ष वाट बघावी लागणारे. या काळात निसर्ग ज्या खुल्या दिलाने
इंद्रधनुष्याचे जे रंग आपल्यावर उधळत आहे त्यात सामावुन जा, त्याच जतन
करा..
कारण आपण या निसर्गाचे खुप देणे लागतो; तो आपले नाही..

वरील प्रस्तावना व फोटो मायबोलीकर टीना यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

सायली, एकदाच फुले आली

सायली, एकदाच फुले आली हिवाळ्यात नंन्तर झाडे जळुन गेली.

Submitted by सकुरा on 18 September, 2015 - 09:14

हा एक छान फोटो.

unnamed[1]_8.jpg

Submitted by सकुरा on 18 September, 2015 - 10:19

सकुरा.. ऑस्स्म!!!

सकुरा.. ऑस्स्म!!! केशरफुलं.. व्हॉट अ ट्रीट!!!!!!!!! सुपर..

सायली, पिकासावरून जिथून लिंक टाकशील तिथे स्क्रोल करून बघ, साईझ चे ऑप्शन्स मिळतील.. दिनेश ने सांगितलेच आहे वरती..

Submitted by वर्षू. on 18 September, 2015 - 10:57

केशराचे कंद होतात.. परत

केशराचे कंद होतात.. परत उगवतील ते. कुंडी तशीच राहू दे.

Submitted by दिनेश. on 18 September, 2015 - 11:58

दिनेश्, माहिती बद्दल

दिनेश्, माहिती बद्दल धन्यवाद.

Submitted by सकुरा on 18 September, 2015 - 12:08

केशरफुले मस्तच. अजूनही काही

केशरफुले मस्तच.

अजूनही काही ठिकाणी सोनमोहर फुललाय. उशिरा फुललेली झाडे असतील. माझ्या घराच्या मागच्या झाडावर तुरळक फुले आहेत पण काही ठिकाणी बरीच आहेत.

Submitted by अन्जू on 18 September, 2015 - 12:20

अरे वा। मला वाटले नव्या

अरे वा। मला वाटले नव्या मुंबईत आले केसर

Submitted by साधना on 18 September, 2015 - 23:07

सोन मोहर. बहावा, स्पथडिया।

सोन मोहर. बहावा, स्पथडिया। सगळे फुललेत. अवेळी फुललेत ऎसे वाटतेय पण निसर्ग चक्र स्वताच्या तंत्राने चालते, माणसाच्या अंदाजावर नाही.

Submitted by साधना on 18 September, 2015 - 23:22

सकुरा.मस्त फोटो.

Submitted by देवकी on 18 September, 2015 - 23:26

सहिच..

Submitted by टीना on 19 September, 2015 - 02:23

सोनमोहोराला तसेही तंत्र नसते

सोनमोहोराला तसेही तंत्र नसते पण बहाव्याचे नवल वाटतेय.. कदचित पुढे उष्णता वाढण्याचे संकेत झाडांना मिळाले असतील. त्यांना फळे पिकवायला, बिया वाळवायला ती लागतेच.

झाडांचे असे, तर पक्ष्यांचे काय होणार ?. त्यांनादेखील पावसाची, थंडीची गरज असते.

नवरात्रातही पाऊस पडायला हवा.

Submitted by दिनेश. on 19 September, 2015 - 06:20