भारताचा ऑस्ट्रेलिया दौरा (२०११-२०१२)

चला संपली पहिली इनिंग.....................

ऑस्ट्रेलिया पागल आहे की बॅटिंग प्रॅक्टिस करून घेते आहे. ३३२ मध्ये दोनदा भारत आउट होताना पण परत बॅटिंग घेतली.

पहिली विकेट पडली

आणि लगेच दुसरीपण

आणि लगेच तिसरीपण
लीड ५०० पर्यंत लिमिटेड ठेवुन आपण करु का तितके रन्स लास्ट इनिंगमध्ये? (एक अति भाबडा आशावाद )

मास्तुरे ___/\___

ईशान्त शर्माने जवळ जवळ सेहवाग आणि लक्षमन इतक्या धावा काढल्या आहेत ... महान फलन्दाज.!

आता उद्या उपाहाराच्या आत ऑस्ट्रेलिया सर्वबाद १२० (इशांतचे ६ बळी) आणि नंतर भारत दुसर्‍या डावात एकूण ४५० धावांचा पाठलाग करून ५ व्या दिवशी टी नंतर तासाभरात सामना जिंकणार (त्यात सेहवागचे द्विशतक आणि लक्ष्मणचे नाबाद दीडशतक) ! ! ! ! !

थोडा फरक. सचीनचे सुद्धा शतक होईल, पण भारत सामना हरेल, ५० ते ६० धावांनी. नि परत एकदा सचिनचे शतक झाले की भारत हरतो असे म्हणणारे पुढे येतील.
जिंकलो तर भारत जिंकला, हरलो तर बीसीसी आयचे माजलेले खेळाडू हरले असे म्हणायला पाहिजे. हरणार्‍या लोकांशी भारताचा संबंध लाऊ नका. भारत महान, लोकच दळभद्रे, त्याला इलाज नाही.

बाकी सचिनचे शतक झाले तर हरलो काय नि काय काय, आपल्याला आनंद व्हायला नि त्यानिमित्त दारू प्यायला काहीच हरकत नाही. शिवाय नैतिक सामर्थ्य फार वाढले तर इंद्र पण सुंदर सुंदर अप्सरा पाठवेल. मग बिचार्‍या कोहली कडे कोण लक्ष देतो?

तेंव्हा येणार्‍या आनंददायक गोष्टींचा विचार करत सुखाने काळ कंठा!

ऑसीज भारताला घाबरले. भारताला फॉलोऑन देऊन २००१ ची कलकत्त्याची पुनरावृत्ती होईल की काय या भीतिने फॉलोऑन न देता आपली दुसरी बॅटिंग सुरू केली. >> नाहि हो, this goes back to trend of modern day captain being defensive. मागे तुम्ही धोनीबद्दल जे बोलत होतात तेच इथेहि लागू होते. ३-० नंतरही क्लार्कला असे वाटत नाहि कि आपल्याला चौथा डाव खेळावा लागणार नाहि ?

लक्ष्मण ला open करायला सांगा. शेवटच्या वेळी ओपन केले तेंव्हा १७७ काढले होते

jokes apart, will he retire on his own or will it get dropped ? Sad end really !

<< ऑसीज भारताला घाबरले. >> जास्त शक्यता ऑसीजनी असा विचार केला असावा -
पाँटींगने म्हटल्याप्रमाणे विकेट निर्जीव असेल तर ती उत्तरोत्तर 'पाटा' बनेल व भारतीय फलंदाजही त्यावर वेळ व धांवा काढूं शकतील; त्याऐवजीं दुसर्‍या डावासाठीं खूप मोठं लक्ष्य करून ठेवलं तर निदान त्या दबावाखालीं असलेल्या भारतीय फलंदाजाना बाद करणं अधिक सोपं होईल. डावाने तर भारताला आधीं पराभूत केलंच आहे, मग चौथ्या- पांचव्या दिवशीं विकेट फिरकीला अगदींच अनुकूल झाली तर त्यावर खेळून 'कंप्लीट व्हाईट वॉश'ची संधी कां दवडावी !

कारण कांहीही असलं तरी ऑसीज "घाबरले" असं म्हणायला सध्या छाती फुगलेला विराट कोहली सुद्धा धजेल असं वाटत नाही !

मास्तुरेजी, तुम्ही म्हणता तसं हे << त्या कसोटीत हात पोळल्यामुळे >> असेलही, पण मग तें "बचावात्मक" पावित्र्यामुळे नसून पूर्वानुभवातून शिकलेल्या शहाणपणामुळे , असंही म्हणतां येईल !
<< बादवे, ऑसीज भारताला घाबरले हे मी उपहासाने लिहिले होते. >> मीही गंमत म्हणूनच त्यावर मल्लीनाथी केली होती.

मास्तुरे पण २००१ मधली नि आजची आपली परिस्थिती ह्यात प्रचंड अंतर आहे. २००१ मधे मुंबईच्या टेस्टमधे आपण हरलो तरी सचिन मस्त खेळला होता, लक्ष्मण फॉर्ममधे होता हे दिसत होते नि हरभजन सुरू झाला होता. इथे तीन टेस्ट्मधे कोणीच धड खेळत नाहिये. ह्याच टेस्टमधे गोलंदाजांना धार्जीण्या नसलेल्या पिचवर २०० हून अधिक लीड मिळाला आहे. अशा वेळी खराब होत चाललेल्या पिचवर भारतीयांचा दुसरा डाव अधिक लांबेल असे आपणसुद्धा म्हणणार नाहि

हे साग्रसंगीत करावं का:

"सामना (२०१२)"

कुणाच्या भिंतीला नऊ नऊ भोके, नऊ नऊ भोके..

कशासाठी पाठवावे म्हातारे येथून
आडवे होती मैदानावर लाज सोडून
राहतात मागे सारे तरूण कुजून
तरी कसे निवडतात यांनाच पुन्हा ताजे

विक्रम गेले येथे सारे मोडून, तुटून
अब्रू गेली मैदानावर लोळून पळून
आयपिएल चा घेती पैसा मोजून मोजून
म्हणतो आम्ही वेडे लोक तरी यांना राजे!

(आणि थोडी वोरिजिनालिटी हवी म्हणून एक स्वत:चे कडवे) :
आता तरी जागे व्हारे झोपेतून सारे
गोड स्वप्न संपते अन लुप्त होती तारे
निरोपाचे बिगुल ही गल्लीतून वाजे
शोधायाला नवी भिंत आणि नवे राजे.

वा, वा योग. फारच छान!!
क्लिष्ट तांत्रिक, नि संख्याशास्त्रीय चर्चा चालू असताना, भाऊंचे विनोद नि तुमच्या चपखल कविता वाचायला बरे वाटते.

अरे काय हे? दुपारी मुद्दाम झोप काढली, रात्री क्रिकेट बघायला. वाटले होते, ऑस्ट्रेलियाचे लोक तासाभरात ५० एक धावा करून आटोपतील, सेहवाग पटकन बाद होईल नि कदाचित द्रवीडपण. म्हणजे मग सचिनची फलंदाजी, त्याचे शतक बघायला मिळेल.
कसले काय? ते क्लार्क नि पाँटिंग जणू मधे काही झालेच नाही अश्या रितीने परवासारखेच खेळत बसले होते. मधून मधून कुणीतरी 'वाईट वाईट' म्हणून ओरडत होते. जरा वेळाने लक्षात आले ऑस्ट्रेलियात वेSट चा उच्चार वाईट असा करतात. म्हणजे धाव घ्यायची नसेल तर तसे म्हणतात!!
शेवटी अंपायरने क्लार्कला खोटा बाद देऊन परत पाठवले. कंटाळा येतो माणसाला सारखे तेच तेच लोक खेळताना पाहून!
नि आता दोन तास होत आले, अजून खेळतातच आहेत! आता वाईट वाईट म्हणले तरी कळले आहे.

जाउ दे झाले झोपतो! झाले सचिनचे शतक तर आठवडाभराने कुठेतरी यू ट्यूब, नाहीतर ऑस्ट्रेलिया क्रिकेट इथे कुठे तरी बघायला मिळेल.

छान योगजी ! साग्रसंगीत केलंच तर ढोल व शंख हीं दोनच वाद्य वापरावीत [ क्रिकेटसारखंच मला संगीतातलंही कांही कळत नसूनही माझा हा अनाहूत सल्ला; जुनीच खोड आहे ही माझी !]

पाठवलेले सर्वच म्हातारे आहेत असे म्हणायला वाव आहे मात्र

चला आज चा पराभव उद्या वर.............हीच काय ते कमवले आजच्या दिवसात.........

विराट उगाच रन घ्यायला का पळाला तेच कळत नाही
शेवटचीच ओवर बाकी होती ......इशांत ची विकेट गेली असती तरी काही फरक पडला नसता.....उगाच स्ट्राईक घेण्याच्या नादात अक्कल हुशारी नडली.........

पाचव्या दिवसापर्यंत मॅच गेली, अचिव्हमेंट

साग्रसंगीत केलंच तर ढोल व शंख हीं दोनच वाद्य वापरावीत शंख फुंकायचा की हाताने ताँडावर मारून आवाज करायचा? माझ्या मते कुठल्या तरी एका मराठी गाण्याची चाल म्हणे रडणार्‍या बायकांच्या रडण्यावरून घेतली होती, तसेच काहीसे करावे.
पाचव्या दिवसापर्यंत मॅच गेली, अचिव्हमेंट खरे आहे! आणि शनिवार असून खेळणार! काय ही निष्ठा खेळावर!

आता मला वाटते मार्चपर्यंत लाच देऊन का होईना, जरा दोन तीन सामने चांगल्यापैकी जिंका, नाहीतर भारतात विमानतळावर उतरल्याबरोबर सडकी अंडी, कुजका भाजीपाला यांचा पाउस पडेल, घरावर, गाडीवर हल्ले होऊन मोडतोड होईल. शिवाय अण्णा हजारे उपोषणाला बसतील, आणि कुणितरी पुनः शरद पवारांना थोबाडीत मारतील!! (मला वाटते, शरद पवारांनी त्या मानसाला कबूल केलेले पैसे दिले नाहीत म्हणून त्याने शरद पवारांना मारले. त्यात कसला आला आहे आणखी काही अर्थ? आता ते ऑस्ट्रेलिया नि श्री लंकेच्या खेळाडूंना ठरलेले पैसे देतील!)
आता खेळून जमत नाही, राजकारणी लोकांची मदत घ्या!
खरे तर पुढचे सहा महिने तरी भारतात कुणीहि कुठेहि क्रिकेट खेळू नये, फक्त लगान सिनेमा पहावा.

झक्की, फार मनाला लावून घेऊ नयेत, खेळात हार जीत असतेच असे ऐकले आहे

खेळात हार जीत असतेच असे ऐकले आहे >>>

हो फक्त आपली जित आणि त्यांची हार असे समिकरण ठेवा.

खेळात हार जीत असतेच असे ऐकले आहे >>>

हो फक्त आपली जित आणि त्यांची हार असे समिकरण ठेवा.
>>>>>

उनकी जीत हो अपनी हार हो - असे गाणे बद्लून लिहावे लागेल.

झक्की, फार मनाला लावून घेऊ नयेत,
कळतात, कळतात बरे ही असली बोलणी! मी हे सगळे मनाला लावून घेतो आहे हे कुणालाहि खरे वाटणार नाही. पण थोडक्यात, लिहीणे पुरे कर असे म्हणायचे होते तुम्हाला.
म्हणा. तुम्हाला कल्पना येणार नाही इतका निर्लज्ज आहे मी. कुणि काही म्हंटले म्हणून बदललो असतो, तर एव्हाना वीस वर्षे भारताचा पंतप्रधान झालो असतो, स्विस बँकेत मावणार नाहीत इतके पैसे केले असते नि मग मायबोलीवर लिहायला कशाला आलो असतो?

झक्की, मला फार वाईट वाटले हा प्रतिसाद वाचून आपला. इतका का मी कटू बोललो? अहो तुमचे स्वीस बॅन्केत खाते कशाला, स्विस बॅन्केने तुमच्याकडे खाते काढावे अशी माझी ईश्वरचरणी प्रार्थना. भारताचे काय, अमेरिकेचे अध्यक्ष व्हावात अशी इच्छा आहे. मला इतकेच म्हणायचे होते की आपले खेळाडू तसे खूप चांगले आहेत, पण बिचारे हारतात दोन अडीच दिवसात, आपला जास्त वेळही घालवत नाहीत. एकेकाचं चांगलं काय ते बघावं! पण मी एक बापडा आणि माझं वय लहान. त्यामुळे थांबतो.