marathi kavita

जोडे

Submitted by vasant_20 on 9 July, 2018 - 12:41

एक अशीच कविता

अविरत साथ दिली मजला
पिऊनी कित्येक पावसाळे
नेहमीच माझ्या सोबत होते
माझ्या पायी माझे जोडे

दरवाज्या बाहेर उभे नेहमी
तरी ना कसली तक्रार करती
निमूट माझा भार झेलुनी
बाहेर पडती माझे जोडे

गुपचूप नजर असे तुझ्यावर
पण मोजमाप करती माझे
कौतुक शब्द न बोलती
लांबून पाहुनी माझे जोडे

सोबत होती ठायी ठायी
अगणित खाचा, काटे खाऊनी
माझ्यासाठी झिजले ते
माझ्याहुनी जास्त माझे जोडे

शब्दखुणा: 

आज पुन्हा उडावेसे वाटले...........!!!!!!!

Submitted by लतांकुर on 2 September, 2013 - 10:01

आज पुन्हा उडावेसे वाटले
पंखाना जरा विहारावेसे वाटले
दगदग काय रोजचीच
आज उसंतीला चाखावेसे वाटले

घोटभर शांततेसाठी
हे मायाजाल हटवावेसे वाटले
आज पुन्हा उडावेसे वाटले
आकाशात हरवावेसे वाटले

धावपळीत विरघळलेल्या मला
अलगद ओढावेसे वाटले
आज पुन्हा उडावेसे वाटले
नभीचे तरंग वेचावेसे वाटले

विस्मृतित गेलेल्या बालपनाला
परत जगावेसे वाटले
त्या निरगसतेत
झोकून द्यावेसे वाटले

शब्दखुणा: 

तुझ्या येण्याने

Submitted by gajanan mule on 27 August, 2011 - 13:14

तुझ्या येण्याने

तुझ्या येण्याने...
ऋतू बदलणार नाहीत
...हे मलाही आहे माहित

पण पानगळीतही आतल्या आत
बहरत राहील झाड
तेव्हा गळणाऱ्या पानांचं पिवळं मन
त्याला विचारणार नाही प्रश्न
‘कसं रे सहायचं आता हे जग उष्ण”

तू येऊनही...
ग्रीष्माचा दाह तसाच असेल टिकून,
पण गोड होईल स्वप्न
आतल्या आत पिकून ...
पिवळ्या केशर आंब्यासारखं

काळ्याभोर कोकिळेसारखं
गात राहू उन्हात
कुठेतरी बनात
असेल निवारा
परक्याचा का होईना
राहू एखाद महिना
... पुन्हा नवा ऋतू ...

तुझ्या येण्याने ...
मीही भिजून जाईन पावसात
एकाकी वाटणार नाही
कितीतरी दिवसात

तुझ्या सोबतीनं
घडत जाईल सारं

गुलमोहर: 
शब्दखुणा: 
Subscribe to RSS - marathi kavita