न्याय

ख-याचं भांडण खोट्याशी होतं, तेव्हा
खरं समजावण्याची पराकाष्ठा करतं
ख-याकडं भक्कम पुरावा कुठंय
म्हणून खोटं काही मानत नसतं

एक काळा कोटवाला खोट्याला कडेवर घेतो
मीच खरा कायद्याचा रक्षक ठणकावून सांगतो
खरं गुडघे टेकत न्यायाची याचना करतं
पण न्याय आंधळा असतो

भकास, उदास,वाकलेलं, क्षीण सत्य ताटकळत कोर्टाच्या अंगणात
“मेरी बारी आयेगी” असं मनाला बजावत
संवेदनाहीन, निर्ढावलेल्या कायद्याच्या नजरा
निराश, हताश, उपाशीपोटी सत्य सायंकाळी घरात

जग बनवलंस दगडांचं
मन केलंस मेणाचं
अजब न्याय प्रभो तुझा
सांग कसं जगायचं ?

‘महाराष्ट सोशल ऑलिम्पियाड’ हा एक अभिनव कार्यक्रम आहे, ज्यामधून विद्यार्थ्यांच्या सामाजिक बुद्धिमत्ता, नेतृत्वगूण व इतर सामाजिक कौशल्यांचा विकास होईल.

न्याय

खरे वाटले खोटे वाटले
पण न्यायालयाच्या दारातून बाहेर कोण सुटले?
कधी कधी खोट खोटच राहण्यात खरी मजा आहे
तर कधी खर्‍याच खरेपण उलकण्यात खोटी आशा आहे.
आयुष्य हा खर्‍याखोट्याचा चक्रव्यूह आहे
खर म्हणजे खर कांहीच खर नसत
आणि खोट पण खरच खोट नसत
ज्याला त्याला ते जस जस वाटत
तसच
ते खर खोट ठरवल जात.