भुजंगप्रयात

बळे आगळा राम हा श्रेष्ठ स्वामी

Submitted by पुरंदरे शशांक on 2 April, 2020 - 03:20

बळे आगळा राम हा श्रेष्ठ स्वामी

प्रभू लाभला रामराया सुनीळू
दीनाकारणे पातला तो कृपाळू
सदा भक्तकाजी उभा पाठिराखा
तया वंदिता चित्त चैतन्य देखा

उभी जानकी वामबाजूस नित्य
पुढे वंदितो मारुती भक्त मुख्य
सदा सज्जनालागि कोदंडपाणी
असा सावळा राम लावण्यखाणी

जरी अंबरी मेघ हे श्यामवर्णी
मनी लोचनी सावळा चापपाणी
असा स्वामीश्री सर्वसंपन्न गुणे
तया आठवाने समाधान बाणे

पती जानकीचा प्रभू मारुतीचा
असे स्वामि हा भक्त बिभिषणाचा
कधी भिल्लीणीकारणे सेवि बोरे
ऋषी आश्रमी राक्षसा ताडि घोरे

बेफिकीरी

Submitted by विशाल कुलकर्णी on 17 March, 2011 - 07:23

जुनी म्लान तत्वे हवीशी कुणाला?
उगा भ्याड आदर्श पाळा कशाला?

असे सोडली लाज त्यांनी गड्यांनो
कशी खंत वाटेल लोभी मनाला?

म्हणे लोकशाही जनांचीच भाषा
हवी मात्र खुर्ची पुढारी 'बुडा'ला... (बुड : पार्श्वभाग)

इमानी मतीला नको तो 'हवाला'
हवी झोप थोडी सुखाची जिवाला

पुन्हा सांगतो आज आम्ही जगाला
नको 'अर्थ' ऐसा विषारी अम्हाला!

नको ती अमीरी नको वा गरीबी
अता बेफिकीरीच मागू 'हरा'ला !

विशाल

गुलमोहर: 
शब्दखुणा: 
Subscribe to RSS - भुजंगप्रयात