प्रजासत्ताक दिन परेड

प्रजासत्ताक दिनाचा कार्यक्रम संपल्यानंतर लगेच सुरु झालेला हा जोरदार पाऊस मग अगदी संध्याकाळी अंधार पडेपर्यंत चालू होता.अगदी पावसाळा वाटावा असे वातावरण होते.रात्री थोडीशी उघडीप होताच खास प्रजासत्ताक दिनाची रोषणाई बघण्यासाठी मुद्दाम बाहेर पडलो.
लाइटिंग केलेले राष्ट्रपती भवन इतके सुंदर दिसत होते! बहुतांश सरकारी कार्यालयांवरही रोषणाई केली होती.
आमच्यासारखे बरेच लोक हे बघायला बाहेर पडले होते; त्यामुळे बऱ्यापैकी गर्दी होती.

कार्यक्रमाचा समारोप:
आता या संस्मरणीय कार्यक्रमाची सांगता होण्याचा क्षण जवळ आला होता.

नुकतेच जमिनीवरचे रोमांचकारी क्षण अनुभवले होते;आता सर्वांचे लक्ष लागले होते आकाशाकडे! हवामान अनुकूल असेल,तरच विमानांद्वारे सलामी (fly past)दिली जाईल,अशी तळटीप कार्यक्रमपत्रिकेत होती.वेगवेगळ्या ठिकाणाहून उड्डाण करून विमाने येथे येणार होती. हवामान ढगाळ होते,कधीही पाऊस कोसळण्याची शक्यता होती! त्यामुळे काय होणार,याबद्दल आम्ही जरा साशंकच होतो.पण..पण अखेर नशिबाने आम्हाला साथ दिली! आपण खूप सुदैवी आहोत;असं त्याक्षणी वाटलं.

आता सगळ्यांचे लक्ष लागले होते मोटार सायकल display कडे.
सेनेचे CMP (Core of Military Police) दल; जे 'श्वेत अश्व टीम' म्हणून ओळखले जाते; ते मोटर सायकलवरील चित्तथरारक कसरती सादर करते.त्यामुळे सर्वांचे लक्ष विजय चौकाकडे लागले होते.अशा कसरतींसाठी खास धाडस,उत्कृष्ट balancing वdriving skills लागतात.

यानंतर शाळेतील मुलांच्या 4 कार्यक्रमांचे सादरीकरण झाले.पण हे कार्यक्रम फक्त प्रमुख मंचासमोरच सादर केले गेले. लांबून नीट फोटो आले नसते,म्हणून काढले नाहीत,फक्त कार्यक्रम पाहिला.म्हणून त्याचे screen shots देत आहे. ती मुले परत जातानाचे थोडेच फोटो काढले होते,तेही देत आहे.

२१) CSIR@75: Touching lives
(Council of Scientific & Industrial Research)
वैज्ञानिक व औद्योगिक अनुसंधान परिषद गेली 75 वर्षे राष्ट्रसेवेत आपले योगदान देत आहे व देशाच्या वैज्ञानिक व औद्योगिकीय विकासात उत्कृष्ट भूमिका निभावत आहे.आपल्या तंत्रज्ञानाद्वारे लाखो देशवासियांच्या जीवनाची गुणवत्ता सुधारण्यास गती व प्रेरणा देण्याचे काम CSIR करीत आहे.

16) गुलमर्ग मधील winter sports
राज्य: जम्मू-काश्मीर
या राज्यातील जगप्रसिद्ध पर्यटन स्थळ गुलमर्ग येथे खेळले जाणारे winter sports येथे दाखविले होते. हा बर्फाच्छादित चित्ररथही सुंदर होता.
2650 मीटर उंचीवर असलेले गुलमर्ग. हिवाळ्यात बर्फाच्छादित झालेले हे ठिकाण जगभरातील पर्यटकांना आकर्षित करते व winter sports चे एक आकर्षक destination बनते.

11) शरद उत्सव
राज्य: पश्चिम बंगाल. राज्यातील उत्सव पर्व यापासूनच सुरू होते.या उत्सव पर्वाचा केंद्रबिंदू म्हणजे दुर्गापूजेचे पर्व होय.
शरद ऋतूत ग्रामीण पश्चिम बंगालच्या हरित भूमीवर सुंदर पांढरे 'काष फूल'प्रगट हाेणे हा सणांच्या आगमनाचा संकेत मानला जातो व तो संपूर्ण राज्यात 'शरद उत्सव'रूपात खूप आनंद व उत्साहात साजरा केला जातो.

6) लक्षद्वीप-एक दुर्लक्षित (unexplored) पर्यटन स्थळ:
लक्षद्वीपच्या या चित्ररथात तेथील समृद्ध सागरी संपत्ती व एक sustainable economic activity म्हणून तेथे पर्यटनाचे महत्त्व दाखविणे हा मुख्य उद्देश होता. तेथील संवेदनशील पर्यावरणामुळे पर्यटन उद्योगच शक्य आहे व अपेक्षितही.
अरबी समुद्रात असमान स्वरूपात विखरून असलेल्या 36 बेटांचा समूह म्हणजे लक्षद्वीप.भारताचा सर्वात छोटा केंद्रशासित प्रदेश.

आत्तापर्यंत 68 व्या गणतंत्र दिवसाच्या परेडचे आर्मी,नेव्ही,एअरफोर्स,DORD,पॅरा-मिलिटरी व इतर सहाय्यक सिव्हिल फोर्सेस,NCC,NSS या सर्वांचे शिस्तबद्ध संचलन व शक्तिप्रदर्शन आपण पाहिले.