खाऊगल्ली - आजचा मेनू - (६)

मूगाची उसळ खाल्ल्याचे समाधान मिळाले. >>

मुगाची उसळ आणि फरसाण तसे चांगले लागते. पण मटकी मध्ये जी मजा आहे ती अजून कशात नाही.

rmd तुमचे प्लेटिंग मस्त असते.. >>> _/\_

मंजूताई , मोकळ भाजणी चांगली दिसतेय.

मिसळीत मूग नाही आवडत मला. डाळिंब तर त्याहून नाही. पण तर्री वगैरे लूक मस्त दिसतोय.

मानव मिसळ स्टोरी हैदराबादी लहेज्यात आवडली
वरती डाळींब दाणे भ्रमनिरास करत आहेत.
मुगाच्या आणि मटकीची चवीत फरक आहेच.
तर्री देखील जमली नाही का त्यांना.
दिसताना तरी ( डाळींब दाणे वगळून ) छान दिसत आहे फोटो.

डाळ शिजवून, घोटून, पाणी घालून पातळ करून (आणि इतर संस्कार करून) त्याचा पोळी, भाकरी किंवा भातासोबत खाण्यासाठीचा द्रव पदार्थ (काही वेळा घट्ट पदार्थ) याच्या कुठल्याही प्रकाराला आम्ही वरण म्हणतो.

पुणेरी भाषेत डाळ, वरण आणि आमटी यांत नेमका काय फरक आहे?

डाळ म्हणजे किराणा दुकानातून आपण न शिजवलेली डाळ आणतो ती डाळ.
त्याला विशेषण लावले तर खाऊ होऊ शकतो उदा. वाटली डाळ.
वरण म्हणजे डाळीत हळद घालुन शिजवतो आणि मग मीठ घालतो ते, घुसळा अथवा घुसळु नका. त्याला फोडणी दिली की फोडणीचे वरण.

त्यात आंबट (कोकम/चिंचेचा कोळ) गोड (गूळ), टोमॅटो, गोडा मसाला घालुन जे करतात ती आमटी.

त्यात मग कटाची आमटी वगैरे वेगळी.

रावडाचिवडा भातासोबत लोणच्याची फोड छान लागते >> मुलगा लहानपणी असा भात करून मागायचा (त्याच्या बाबाला ). त्या भाताचं नाव त्याने ठेवलं होतं, "मश्त मश्त भात".

धन्स् @मानव.‌

मराठवाड्यातले आम्ही (वर सांगितल्याप्रमाणे) डाळींच्या कुठल्याही प्रकाराला वरण म्हणतो.

आमटी ही केवळ दोन प्रकारे होते, एक म्हणजे शेंगदाण्याच्या कुटाची विशेषतः उपवासाला करतात ती आमटी, दुसरी म्हणजे तुरीच्या शेंगांच्या सोल्यांची आमटी.

मलाही कोणत्याही वरण, आमटी भाताबरोबर फरसाण, चिवडा मिक्स करून खायला आवडते.
नावडती आमटी असेल तर मुद्दाम फरसाण घालून खातो.

नावडती न्याहरी = उपमा

नावडता, पण करता काय? व्हायरलने फणफणल्यावर असेच काहीतरी गिळगिळीत बेचव खावे (आणि त्याला पौष्टिक / good for the gut म्हणावे) असा नियमच आहे आमच्याकडे 😀

… तुरीच्या शेंगांच्या सोल्यांची आमटी.…

बेहद्द पसंतीचा प्रकार ! झणझणीत.

सोले नसले की मटार, हिरवे हरभरे वगैरे वापरून करतो पण तुरीचे सोले ते सोले, त्याची चव युनीक. ती रिप्लिकेबल नाहीच.

मस्त गप्पा आणि फोटो.
Masht masht भात. मोकळं भाजणी ही छान दिसतेय.
कडधान्यात माला मूगच आवडत नाहीत त्यामुळे त्याच्या कोणत्याही पदार्थाला पास.
रणबीर च्या रेसिपीने उपमा करून बघा एकदा. नावडता एकदम आवडता होऊन जाईल.

सध्या नागपूरला एका स्नेह्यांकडे आलोय. त्यांनी सकाळी नागपूरचा विशेष चना तर्री पोहा केला. भरपेट खाऊन थोडं अंग टाकलं तर ठार झोप लागली. आता उठून हे फोटो टाकतोय.

पण डाळभात हा तर प्रचलित शब्द आहे. >>> पुणेरी भाषेत?

रणबीर च्या रेसिपीने उपमा ?

पुढच्या आजारपणात करू की 😀

एकदम आवडता होऊन जाईल.… याबद्दल नॉट शुअर

>>>आज जागतिक पोहे दिवस आहे
अरेच्चा! हे माहीत नव्हते. फोटो टाकले हे चांगलेच केले म्हणायचं!

>>>सगळ्यांनी व्हाट्सअप वर स्टेटस लावा.. कळू दे सगळ्या जगाला...
लावलेत लावलेत; तीन भाषांत चार स्टेटस लावलेत!

आज जागतिक पोहे दिन आहे.
#LifeIsFunOnWorldPohaDay

https://www.internationaldays.co/event/world-poha-day/r/recIHAb0PZWBbQkcR

आम्ही दुकानातुन डाळ आणतो आणि त्याची डाळ करतो,
डाळभातातली डाळ. ह्याचा पुण्याशी काहीही संबंध नाही.

डाळ नुसती उकडुन घेतली आणि मॅश करुन त्यात हिंग हळद घातले तर ते वरण. फोडणी दिली तर फोडणीचे वरण होईल पण फोडणी देण्याइतपत वेळ्/उत्साह आहे तर डाळच करा की. वरण कशाला? फोडणीत कढीपत्ता मिरची पडली की
उकडलेल्या डाळीची डाळ होते, ती वरण राहात नाही.

कोकणात ओला नारळ वाटुन डाळीत घातल्याशिवाय बायांना चैन पडत नाही आणि पुरुषांना जेवल्यासारखे वा टत naahee.

इती डाळपुरान समाप्त.

आमरस घरच्या हापूस आंब्यांचा आहे. अल्पना ह्यांनी 'भंडारेके आलु' अशी रेसिपी लिहीली होती, त्याप्रमाणे केलेली बटाटा भाजी आणि पुर्‍या.
दर वर्षी आंबे व्यवस्थापनाची इतकी धांदल होते, की आमरस पुरी केली जात नाही. आज जरा वेळ हाताशी होता. त्यामुळे 'आली लहर केला कहर' तत्त्वावर आज मस्त बेत झाला.
पूर्वी पत्राखाली अक्षरास हसू नये, अशी टीप असायची. तसं मला फोटो पोस्ट करताना ' छायाचित्रणाला हसू नये' असं लिहावंसं वाटतं...

अरे काय छान लागतो उपमा. आणि चावावाच लागत नाही. कम्फर्ट फुड. गपागप गिळा. मस्त बसतो पोटात.
--------
>>>भाताचं नाव त्याने ठेवलं होतं, "मश्त मश्त भात".
की मशी मशी भात?

अनया, छायाचित्रणाबाबत एकट्या नाही आहात, मी पण तुमच्या क्लबात.
पण असे साधे फोटो सुद्धा चांगले वाटतात.

मागच्या पानावरच सगळ पहायचं राहूनच गेल....
तिखटमिठाची पुरी आणि आंब्याचा शिरा मस्त आहे अश्विनी.
पनीर ६५ आणि spaghetti pasta पण मस्त दिसत आहे.

वामन राव, परवल का भाजा, एकदम टेम्प्टिंग दिसतंय.
एका यूपी कडच्या मित्राकडे खाल्ल्यासारख वाटतंय.
चारीमोरी शब्द पहिल्यांदा ऐकला.
मला ती प्लेट अतिशय आवडली आहे. तिला क्रोकरी धाग्यावर टाका

ऊकड्या तांदुळाची पेज, फणसाची भाजी आणि कैरीचं झटपट आंबटगोड लोणचं.... मस्त साधा मेनू.

मंजूताई, मोकळ भाजणी मस्त. प्लेट पण छान.
जुई उत्तपा छान

मानवदा
स्प्राउटा की तर्री वाली सब्जी तो दिखने में अच्छाच दिखता.
खाली उस्मे अनार दाना नक्को.

अनिंद्य, उपमा मस्त.
काळजी घ्या, सध्या साथ आहे व्हायरलची

वामन राव, तर्री पोहे जबरी.
ते नागपूरला जाऊनच खावे.

जागतिक पोहे दिनाच्या शुभेच्छा!
माझा सर्वात आवडता नाष्टा.

अनया, छान आहे ताट आणि फोटो सुद्धा.
आमरस घरच्या हापूस आंब्यांचा आहे.>>>> रंग सुरेख आहे.

आमरस… सिर्फ नाम काफी है…

परवल अजिबात आवडत नाही पण भाजा खाविशी वाटली.

मी आत्ता जागुच्या रेसिपीने कुरकुरीत सुके बोम्बिल केले. पोटेटो फिंगर्ससारखे नुसते खाणार आहे. फोटो देणे जरा कठिण जाते.

आमरस, तर्री पोहे, उप्पीटू सगळेच आवडते पदार्थ.

जागु तैंच्या रेसिपीने सुके बोंबील अहाहा.
पाऊस,संध्याकाळ, तळलेले बोंबील,हाती पुस्तक आणि बाजूला एक चषक.
वीकांत साजरा करायला अजून काय हवं ?

इच्छुकांसाठी हा दुवा

.

आणि हा फोटू

केन्ट आंबा + स्मोअकड सालमन & मेयो सँडविच - आजचा नाश्ता. आंबा काळसर दिसतो पण अतिव गोड आहे आणि तसाच काळसर रेषावाला आहे.
.

हे आमचे पोहे

>>>>>>>>>मी आत्ता जागुच्या रेसिपीने कुरकुरीत सुके बोम्बिल केले. पोटेटो फिंगर्ससारखे नुसते खाणार आहे. फोटो देणे जरा कठिण जाते.
साधना पाटाखाली (पाटा-वरवंटा) दाबून ठेवलेले का? म्हणजे पाणी निघून जाउन कुरकुरीत होतात.