..... तर तो/ती कुठलं गाणं म्हणेल? (भाग ८)

झिलमील बरोबरच असेल. ते जांभूळ मुद्दाम distract करायला टाकलं असेल. >>>> मानव

तडपती/ तडपाती अस काही आहे का? >> नाव आहे त्या झाडाचं पण हे शब्द नाहीत.

क्ल्यु १ : झाडं कुठे मिळाली शेवटी ते लक्षात आलं की लगेच गाणं आठवेल.

बरोबर श्र. तालवृक्ष म्हणजेच ताडाचं झाड.

८/ ४

पंचवटीतील पर्णकुटीतून राम घाईघाईनं बाहेर पडला. पर्णकुटीत सीता मूर्छित होऊन पडली होती. जवळच्या वस्तीवरून राहणार्‍या एका वैद्यमुनींनी सीतेला तपासलं ( नाही नाही, त्यांनी नाडी बघून 'सीता अब राम के बच्चे की मां बननेवाली है' वगैरे काही घोषित केलं नाही. पहिली गोष्ट म्हणजे तोवर हिंदी सिनेमे जन्माला आले नसल्याने असला काही ड्रामा करण्याचं त्यांना कारण नव्हतं. दुसरं कारण असं की तसंही सीतेला बाळं बरीच नंतर झाली. ) तर सीतेला तपासून त्यांनी सांगितलं की हे अतिउष्णतेमुळे झालं आहे. एखाद्या पामच्या हिरव्यागार झावळ्या आणून सीतेच्या अंगावर पांघरल्यास तिला आराम मिळेल.

राम पर्णकुटीतून बाहेर पडून जंगलात भटकत हिरव्या झावळ्या शोधत होता पण सगळी पामची झाडं सुकलेली दिसत होती. शेवटी एका नदीच्या पात्रात त्याला हिरव्या पानांनी डवरलेली पामची झाडं दिसली आणि त्या झावळ्या घेऊन परत आला.

' इतका वेळ का लागला, दादा?' लक्ष्मणानं विचारलं.
रामानं सगळी रामकहाणी सांगितली.
' मग कुठे मिळाल्या या हिरव्या झावळ्या?' लक्ष्मणानं उत्सुकतेनं विचारलं.
उत्तरादाखल राम गाऊ लागला ........

उत्तर : (श्रद्धा)

ओ, हरे ताल मिले नदी के जल मे

हे हे हे ... बोले रे पपी हरा वर मी देखिल सुरवातीच्या कोणत्यातरी भागात कोडं टाकलं होतं.

सातव्या भागात पेरू म्हणजे जाम असं ठरलं होतं ना? एक पे रेहना जी >>>>

८ / ६

अत्यंत श्रीमंत अश्या करमचंद कुटुंबात लग्न होऊन आलेल्या मोठ्या मुलाच्या नव्या बायकोचं घरात खूप कोडकौतुक आणि लाड होत होते. अपवाद होता फक्त करमचंदांचा धाकटा मुलगा - तनिष. तसा लहानच होता तो - शाळकरी आणि भयंकर खोडकर. आपल्या नव्या वहिनीच्या खोड्या काढायला त्याला भारीच आनंद वाटत असे. त्याच्या या सततच्या खोड्यांनी नवी सून त्रस्त झाली होती पण तक्रार कोणाकडे करणार ? एकटीच असताना ती बिचारी गाणं म्हणू लागली ......

श्र, बरोबर उत्तर.

८ / ६

अत्यंत श्रीमंत अश्या करमचंद कुटुंबात लग्न होऊन आलेल्या मोठ्या मुलाच्या नव्या बायकोचं घरात खूप कोडकौतुक आणि लाड होत होते. अपवाद होता फक्त करमचंदांचा धाकटा मुलगा - तनिष. तसा लहानच होता तो - शाळकरी आणि भयंकर खोडकर. आपल्या नव्या वहिनीच्या खोड्या काढायला त्याला भारीच आनंद वाटत असे. त्याच्या या सततच्या खोड्यांनी नवी सून त्रस्त झाली होती पण तक्रार कोणाकडे करणार ? एकटीच असताना ती बिचारी गाणं म्हणू लागली ......

उत्तर : (श्रद्धा)
तकदीर(तक - तनिष करमचंद ,दीर) का फसाना जाकर किसे सुनाए..

इथे हे सुरेख गाणं ऐकता येईल.
लता : https://www.youtube.com/watch?v=Q3h0cS1IYFE
रफी : https://www.youtube.com/watch?v=_mfJ7YK0d1c - गाण्याच्या या व्हर्जनमधे सुरवातीचा शहनाईचा पीस काय सुंदर आहे. देस राग आहे आणि ताल दादरा आहे जो फार सुरेख ऐकू येतो शहनाईचा पीस संपून गाणं सुरु होण्याआधी. ही शहनाई ऐकताना एका पॉइंटला अचानक 'भातुकलीच्या खेळामधली' ची आठवण येते. खरंतर 'भातुकलीच्या खेळामधली' गाण्याचा राग वेगळा आहे - वृंदावनी सारंग. दोघांचे थाटही वेगवेगळे आहेत. देस राग - खमाज थाट आणि वृंदावनी सारंग - काफी थाट.
दादरा तालाचा असाच सुंदर ठेका 'ठाडे रहियो' गाण्याच्या सुरवातीला तबला सुरु होतो तेव्हा ऐकू येतो.

भातुकलिच्या खेळामधली - वृंदावनी सारंग वाटत नाही. मधमाद सारंग असावा. >> बरोबर. मलाही मधमाद सारंगच वाटला पण नक्की नव्हतं म्हणून गुगललं तर कुठेतरी हा वृंदावनी आहे असं लिहिलेलं सापडलं. करेक्ट करते. धन्यवाद.

हपा, चित्रपट संगीतातील सौंदर्यस्थळे - राग, ताल, म्युझिक पीसेस हा धागा पहा. आवडेल तुम्हाला.

८ / ७

ब्रेडक्राफ्टची स्पर्धा असते. कोणी पक्षी, कोणी नक्षी, कोणी ससा, कोणी मासा असं काय काय बनवलेलं असतं ब्रेडपासून. संतासिंगला असल्या स्पर्धांच्यात भाग घेण्याची खुमखुमी मोठी. शिवाय बोलणं मिठ्ठास आणि आत्मविश्वास जबरदस्त. त्यामुळे अंगात फार कलाबिला नसतानाही तो ब्रेडपासून एक लांबुडका गोल गोळा बनवतो, त्याला हिरवा रंग फासतो आणि आता हे प्रकरण काय म्हणून खपवावं याचा विचार करत बसतो. तेवढ्यात सौ. संतासिंग बाजारातून घरी येतात. पिशवीतली भाजी बघून संताला आयडिया सुचते. स्पर्धेच्या ठिकाणी तो स्टेजवर जाऊन तो बोलायला लागतो - मेहरबान कदरदान, श्वास रोखून बसा ... आता तुमच्या समोर येत आहे ही ब्रेडपासून बनवलेली भाजी (इथे तो एका विशिष्ट भाजीचं नाव घेतो पण मी ते तुम्हाला सांगणार नाहीये.) ......

तर हे तो गाण्यातून कसं बोलेल?

मानव ... योग्य ट्रॅक पण बोलणारा सरदारजी आहे हे लक्षात घे आणि भाजी देखिल दुसरी एखादी निवड. भाजीचं वर्णन कोड्यात दिलंच आहे.

bun) बन के पटोला असं काही गाणं आहे ना. >> हे असं काही गाणं असेल तर मला माहित नाहीये.

@मानव

क्ल्यु : बोलणारा सरदारजी आहे हे लक्षात घे आणि भाजी देखिल दुसरी एखादी निवड. भाजीचं वर्णन कोड्यात दिलंच आहे.

सरदारजी बन के (पटोला) ऐवजी काय म्हणेल?