नारायण धारपांची पुस्तके - विचार/समीक्षा

अप्पा वरच्या यादीत काळगुंफासुद्धा टाका.
थँक्स!!
आता अत्ररचा फास वाचायला घेतोय.

@radhanisha, tumhala sanparkatun mail kelay, plz reply.

श्रद्धा मी अत्ररचा फास सुरू केलय, बघूयात कस आहे ते!

अत्ररचा फास मी आताच वाचून पूर्ण केलं. हा एक कथासंग्रह आहे.

१. केशवगढी - एका पुरातन गढीच्या सभोवताली असणाऱ्या वातावरणाने माणसावर होणाऱ्या बदलाची कथा.
रेटिंग - ★★★

२. सूड - तीन बहिणींची कथा. भयंकर आहे. वाचताना अंगावर काटा आला.
रेटिंग - ★★★★★

३. सुवर्णा - एक वेगळीच कथा. सुवर्णा नटी होण्यासाठी एक करार करते.
रेटिंग -★★★

४. वासना - अप्रतिम! मानवी शरीर सोडलं, तरी त्याच्या वासना अतृप्त राहतात, त्याची कथा
रेटिंग - ★★★★★

५. काजळी - एक वेगळी कथा. सुर्वेना एक काळी आकृती जवळ येताना दिसते, आणि हळूहळू सुर्वेचा गर्व गळत जातो.
रेटिंग -★★★

६. अत्रारच फास - एक प्राचीन काळाची आताच्या काळाशी सांगड.
रेटिंग - ★★

सरासरी रेटिंग - ★★★1/2

सखाराम गटणे!
https://youtu.be/knZueiyKM9U

खरंच, मी फॅन झालोय आता गटणेचा!!!

आणि त्याच्या बापाचाही!!!

@वावे - मस्त!
@सुलू - धन्यवाद! इथे बऱ्याचदा गटणेचा उल्लेख येत होता, म्हणून म्हटलं बघूयात तरी काय प्रकार आहे. साक्षात पुलंच्या तोंडून गटणेची महती कळाली.
सध्या बराच वेळ आहे म्हणून पुस्तक वाचतोय, नाहीतर माझीही बरीच वाचायची राहिलीत.

वेडा विश्वनाथ -

वेडा विश्वनाथ ही छोटेखानी जवळजवळ दीडशे पानांची कादंबरी.
विश्वनाथ हा लहानपणी मेंदूत ज्वर गेल्याने मतिमंद झालेला असतो. पण एके रात्री त्याला एक अमानवीय सावली चंद्रात दिसते, त्यानंतर तो झपाटल्याप्रमाणे वागू लागतो, आणि अमानवीय घटनांची साखळी घडत जाते.
वेडा विश्वनाथही काहीही वेगळी कादंबरी नाही, एक अमानवीय शक्ती एका व्यक्तीला झपाटते, आणि त्याद्वारे आपलं कार्य करून घेते, ही ढोबळ संकल्पना. धारपांच्या कथेत आतापर्यंत मला न आढळणारा बीभत्सपणा यात आढळला. भयापेक्षा त्या बीभत्सपणाने मनात एक भीती निर्माण होते.
वेग जबरदस्त आहे, आणि कथानकदेखील उत्कंठावर्धक.
अजून एक निरीक्षण, वेडा विश्वनाथमधील काही गोष्टी आपण डोळ्यासमोर इमाजिन करू शकत नाही. त्या कशा इमाजिन कराव्या, याच्यात गफलत होते. उदा विश्वनाथचं ट्रान्सफॉर्मेशन डोळयांसमोर आणताना कस लागतो. त्यामुळे यावर एखाद्याला चित्रपट वगैरे काढावसा वाटला, तर त्याचा कस नक्कीच लागणार.
रेटिंग - ★★1/2

धन्यवाद जाई!

तुम्हाला पुढील पुस्तके कशी वाटलीत नक्की कळवा!

आता पुढची कोणती कादंबरी वाचावी, या संभ्रमात सापडलोय.
जाणकारांनी मार्गदर्शन करावे!

अप्पा भारीच की.
मी शक्यतोवर रात्री १२ नंतरच दुसरी कादंबरी चालू करतो. त्याआधी वेळच मिळत नाही.
बंगल्याच्या बाहेर, मस्त नारळाच्या झाडाखाली एकदा जीन अंथरून पडलं, की अशी वातावरणनिर्मिती होते, की ज्याचं नाव ते!!!
पण तुमचं ऐकून असं वाटतंय, की गंगेच्या घाटावर रात्र काढावीच, पुस्तक वाचता वाचता!

न्यायमंदिर -

न्यायमंदिरला फक्त हॉरर न म्हणता, हॉरर - फँटसी अशी कादंबरी म्हणता येईल.
एका अपरात्री नीलम पार्टीहून परतत असताना तिच्यावर अतिप्रसंगाचा प्रयत्न होतो, पण त्यातून तिला शरीर पूर्ण काळ्या रंगाने झाकलेली एक आकृती वाचवते. त्यानंतर तिचा त्या आकृतीशी संबंध येत जातो, व नवीन रहस्य उलगडली जातात.
ही अजून एक वेगळीच कथा. कथा प्रचंड वेगवान आहे. भय आणि उत्कंठा या दोन्हीने ओतप्रोत भरलेली. काही वर्णने, प्रसंग बघून मला दचकायला झालं.
उदा. क्राटाटानिम्र चा आकार बदलून तिचे होणारे प्रेमकांशी चाळे.
शेवटची फाईट, न्यायमंदिराचा प्रसंग, सगळंच जमून आलंय. त्याची मानवी सिविलायझेशनशी सांगड थक्क करते.
एक मसालेदार भयकथा + फॅन्टसी वाचायची असेल, तर नक्की वाचा.
रेटिंग -★★★★
बादवे यात समर्थ या कॅरेक्टरचा उल्लेख येतो, आणि त्यांचे मित्र अप्पा यांचीही छोटीशी भूमिका आहे. धारपाना आताच्या काळात ट्रेंडिंग असलेलं स्पिन ऑफ, क्रॉस ओव्हरचं तंत्र त्याकाळीही जमलं होतं असं म्हणायला हरकत नाही.

आता माटी कहे कुमहारको वाचतोय!!!!

व्यक्ती आणि वल्ली वेळात वेळ काढून वाचेन.
आणि असं कोण म्हटलं? त्याला पाठवा बरं माझ्याकडे
पण तुम्हाला एखादं पुस्तक हवं असल्यास सांगा, माझ्याकडे असल्यास नक्की देईन.
धारपांची बरीच पुस्तके किंडल वर नाहीत. अशावेळी हा वाचन यज्ञ चालू ठेवण्यासाठी अनेक दात्यांनी भरभरून अनेक दुर्मिळ पुस्तके पाठवलीत, त्याबद्दल त्यांचे आभार
अप्पांच्याच भाषेत, पुस्तकदाता सुखी भव!!!

जुई मला संपर्कातून मेल कराल प्लिज?
आणि वाचकांना एकच विनंती, प्लिज कुणालाही एखादं पुस्तक हवं असल्यास मला संपर्कातुन मेल करा. धाग्यावर नको. (विनाकारण adminला इश्यू व्हायचा)

अप्पा एवढंच? तपशीलवार लिहा की!