नारायण धारपांची पुस्तके - विचार/समीक्षा

अनु,
तुपण धारप आणि मी (अनु) असा एक वेगळा धागा काढ की. त्यात तुझ्या सगळ्या सुरवातीपासूनच्या आठवणी लिहून काढ.

अगं आठवणी अश्या खास नाहियेत ☺️☺️ कॉमनप्लेस आहेत.
फक्त सर्व(3 सोडून) पुस्तकं वाचली आहेत इतकंच.

भरत , मुद्दे पटलेत . तुम्ही जे लिहिलेत ते माझ्या मनात आलेलं । पण लेखक स्वातंत्र्य म्हणून सोडून दिलं ।.

अज्ञातवासी , मी ही सैतान वाचायला सुरुवात केलीये काल रात्री . कसलं डेंजर आहे . मी अर्ध्यात वाचून बंद केलं . रात्रीच वाचण्याची हिंमत नाही माझ्यात ते पुस्तक

विशेषतः फोटो ग्राफर ला मारण्याचा सीन.

आळस, दुर्लक्ष , अभ्यासाचा अभाव इत्यादींना स्वातंत्र्याच्या लेबलखाली दडपणं बरं न्हवं.

सैतान पुस्तकाच्या विमान नंतरच्या कथेत आहे बिहारीलाल बाहुलीवाला. अर्थात आता पुस्तक स्टाईल बदलून त्यात एकाच विमाणकथा टाकली असेल तर माहीत नाही.
पूर्वीच्या काळी जत्रेत अत्यंत स्वस्त आणि पातळ प्लास्टिक च्या लगेच चेपे(डेंट) पडणाऱ्या बाहुलया मिळायच्या, चेहरा वगैरे पण वेल डिफाईंड कला नसायची.रात्रीच्या वेळी कधीकधी भीतीदायक दिसतात. त्यांना कचकड्या ची बाहुली म्हणतात.बाकी आताच्या सुबक कुपोषित सोनेरी केशीय आखूड ड्रेसीय बारब्या थोड्या नंतर आल्या असाव्या भारतात(85-9० दरम्यान)

नीट आठवत नाही.कॉलिंग rmd

आता धारप नाहीत , तेव्हा कोणाला विचारणा करणार . त्या पुस्तकात लूपहोल्स आहेत, क्रफ्टिंग नीट झालेलं नाही हे बरोबर . , ती सिरीयल आली नसती तर ते पुस्तक वाचलही गेलं नसतं. फॅन्टसी प्रकार आहे म्हणून सोडून दिलं .

हो अनु बरोबर , डेंजर सीन आहे तो .
अज्ञातवासी , पूर्ण वाचलं नाही अजून पुस्तक , पण मला लताचा घाबरून जाण्याचा आणि चौधरींचा गोदाममधील प्रसंग भीतीदायक वाटले

अज्ञातवासी, अनु, rmd,
तुम्ही ५+ तारे दिलेली पुस्तकं कोणत्या (स्टिफन किंगच्या?) पुस्तकांवर बेतलेली आहेत सांगू शकाल का? मी ती वाचेन.
===

> अगं आठवणी अश्या खास नाहियेत ☺️☺️ कॉमनप्लेस आहेत. > आठवणी म्हणजे तशा नाही. ती पुस्तकं तू कधी, कितीदा वाचली, दर वाचनात नवीन काही गवसलं का, भीतीचे परिणाम काय झाले वगैरे.

अगं सगळी किंग वरून घेतलेली नाहीयेत.काही ओरिजिनल कल्पना,काही दुसऱ्या लेखकांवरूनही घेतलेली असतील.किंग काकांकडे पुणेरी पाटी नाहीय "आमची सर्व पुस्तके मराठीत हवी असल्यास धारप यांच्या दुकानात जावे, इतरत्र गेल्यास आम्ही वॉरंटी ची जबाबदारी घेणार नाही, आमची इतरत्र शाखा नाही" अशी ☺️☺️

किंग काकांची पेट सीमेटरी, कॅरी, द शाइनिंग,सालेम्स लॉट ही आवर्जून वाचावी अशी पुस्तकं आहेत.शिवाय 1 पास्ट मिडनाईट(लँगोलियर्स),निडफुल थिंग्स हे पण.

ओके ओके
धन्यवाद दोघांनापण.
मला ते चंदनवाडी, स्वाहा, सैतानबद्दल कुतूहल वाटत होतं.

पेट सिमेटरी चित्रपटातली झेल्डा कसली भयंकर आहे ... ते पात्र एका पुरुष अभिनेत्याने भरपूर मेकअप करून साकारलं आहे हे समजल्यावर सुद्धा तो सीन बघायची हिम्मत होत नाही ... अनेक हॉरर चित्रपटांमध्ये या एकुलत्या एक सिनने मला घाबरवलं ...

देवाज्ञा
भय-रहस्य कादंबरी
पृष्ठसंख्या : 252

ही कादंबरी मृत्युचा स्पर्श होऊन बचावलेल्या माणसाच्या मनात होणारे बदल/ जाणिवांवर आधारीत आहे. यात भीतीचे प्रसंग जरी कमी असले तरी ते रोमांचक आणि भीतीदायक आहेत..(उदा.हेमांगी पात्राच धारपांनी थोडक्यात केलेल वर्णन)

आचार्यांच पात्र जे सुरवातीला सरळ आणि पवित्र वैगेरे वाटत तेच पुढे जाऊन अनपेक्षितपणे धक्का देत..
असे लहान मोठे धक्के देणार देवाज्ञा सुरवातीला थोडस रटाळ वाटत पण नंतर कादंबरी अचानक वेग घेत त्याच गतीने पुढे शेवट गाठते.

रेटींग: 4 stars

पूर्वीच्या काळी जत्रेत अत्यंत स्वस्त आणि पातळ प्लास्टिक च्या लगेच चेपे(डेंट) पडणाऱ्या बाहुलया मिळायच्या, >>>>>>> ' अ‍ॅना बॅले' सिनेमातल्या बाहुलीसारखी?

तिला निरखून पाहिले नाही.बघून सांगते

वेडा विश्वनाथ
पृष्ठसंख्या - 152
भय कादंबरी

विश्वनाथ कादंबरीतील मुख्य पात्र! ज्याची पुर्ण वाढ होऊनदेखील आकलनक्षमता मात्र एका 3-4 वर्षाच्या बालकाएवढीच. आर्यवर्मन हा मांत्रिक विश्वनाथचा वापर शत्रुच्या अंतासाठी करुन त्याचा वेडसरपणा घालवुन जन्माचे कल्याण करतो.
2 stars

संक्रमण .

टिपिकल भयकथा धारपांच्या नसतात हे सांगणारे अजून एक पुस्तक. इंग्रजी पुस्तकात ती घाणेरडी भुतांची वर्णने वाचून भय नाही पण किळस नक्कीच येतो.
चांगले आहे पुस्तक, पण बऱ्यापैकी संथ आहे.
वाचायला सुरुवात केली तेव्हा आठवण झाली मायबोलीवरच्या विषवल्ली या कथेची. त्या कथेच्या प्रतिसादात कोणीतरी ह्या पुस्तकाचा उल्लेख केला होता की ती कथा पूर्ण नाही पण बरीचशी या कथेवर आधारित आहे, अन खरेच तसे आहे.
असो, बऱ्याच वर्षांनंतर मी कुठलेतरी पुस्तक रात्रभर जागून वाचले आहे, तेही घरात एकटी असताना, पूर्ण अंधार करून. म्हटले धारपांचे आहे सो मजा येईल, पण यात भीती वाटेल असे काही नाहीचे. काल रात्री ८ वाजता वाचन सुरू केले ते आता संपले. आता झोपेन, पण एवढे रात्रभर जागरण करून वाचून पण जे थ्रिल अनुभवायचे होते ते झालेच नाही. आज पण एकटी आहे, सो एखादी चांगले भयकथा पुस्तक सुचवा रात्री वाचायला.

आज शेवटचा दिवस ना धागा संपादन करता येण्याचा?
३० दिवसात एकाच लेखकाची २० पुस्तकं!
रोचक होतं हे सगळं. आणि अजूनही लेखकाचा, शैलीचा कंटाळा आला नाही हे विशेष.