निसर्गाच्या गप्पा (भाग २७)

शिक्षकदिनानिमित्य ह्या धाग्याला वंदन. अजूनही एक विद्यार्थिनी असलेली मी (कायम विद्यार्थिनीच असेन), धाग्यावरील सर्वांना वंदन करते. ___/\___. .

इथे खूप छान शिकायला मिळते. कधी कधी वाटते आपली ओंजळ अपुरी आहे हे सर्व ग्रहण करायला.

जागुले, गोड आहेत फुलं पेंव ची...

हीरा , खूप सुंदर माहिती दिलीस.. नागकांडी, पेव बद्द्ल

अन्जू, खरंय गं, इथे इतकं काही सतत शिकायला मिळत असतं, खूप आवडल्या तुझ्या शिक्षक दिना बद्दलच्या भावना.. तुला १०० % अनुमोदन

जिप्स्याने काही दिवसांपूर्वी या फळांचा फोटो टाकून कोडं घातलं होतं, साधना ने बरोबर उत्तर दिलं होतं..

मी ही पहिल्यांदाच पाहिली ( आणी ऐकली सुद्धा!!) ही फळं ..

अर्रे पण माझ्या फोटोतील फुलांचं नांव अजून कुणीच सांगितलं नाहीये !!! क्यूं क्यूं????

अर्रे पण माझ्या फोटोतील फुलांचं नांव अजून कुणीच सांगितलं नाहीये !!! क्यूं क्यूं????>>>>>>

white alba coral vine - वर्षूदी - हे आहे का ते फूल ??? तू दिलेल्या फोटोवरुन त्याची पाने वा फुलांचे इतर डिटेल्स कळत नाहीयेत - जरा गुगलून बघितलेस वा तुझ्याकडे इतर फोटो असल्यास त्यावरुन चेक केलेस तरी कळू शकेल...

अन्जू, खरंय गं, इथे इतकं काही सतत शिकायला मिळत असतं, खूप आवडल्या तुझ्या शिक्षक दिना बद्दलच्या भावना.. तुला १०० % अनुमोदन स्मित >>>>>>

निसर्गासारख्या महान गुरुपुढे आपण सगळेच कायम विद्यार्थीच...... _____/\______

निसर्गासारख्या महान गुरुपुढे आपण सगळेच कायम विद्यार्थीच...... +१

कळलावी

जागू
+ ११११११११११११

मायबोलीकर क्षिप्राच्या घरी हा वेल दरवर्षी येत असे, आपोआप ।

कृष्ण जन्माष्टमीच्या शुभेच्छा
त्या निमित्त फुलांनी रचलेली रास की आरास......
आज आलेली फुलं (सोनटक्का)

.

निसर्ग हा महागुरू आहे. पण त्या निसर्गातील घटकांचे ज्ञान देणारे, ओळख करून देणारेही सगळे गुरूच.

जागुला मम.

उजू मस्त फुले.

जो एस, कसला आहे तो सोनटक्का. सॉलिड मस्त आणि हा कलर मी इथेच बघितला नि ग वर. मला कायम पांढराच दिसतो. कित्ती गोड.

माझ्या सोनटक्याचे शेवटचे फुल आत्ता फुलतेय, ते मी रात्री १२ वाजता कृष्णाला वाहणार आहे. कालच ठरवले आणि आज जो एस यांनी पण सोनटक्का आणि कृष्णजन्म सांगड लावली त्यामुळे मस्त वाटलं.

जो_एस.. अगदी मस्त फोटो.

मी मॉरिशियस मधे आणि श्रीलंकेतही पिवळा सोनटक्का.. रस्त्याच्या कडेने माजलेला बघितलाय.

जो एस अतिशय सुंदर फोटो काढलाय.

जिप्स्याने काही दिवसांपूर्वी या फळांचा फोटो टाकून कोडं घातलं होतं, साधना ने बरोबर उत्तर दिलं होतं

अगं माझ्या इथे चाफ्याचे वृक्ष आहेत भरपुर, फुलांनी आणि फळांनी लगडलेले.

या फुलांची नावे काय?

प्रचि ०१
प्रचि ०२

बाभळी

बाभळी
लवलव हिरवीगार पालवी - काट्यांची वर मोहक जाळी
घमघम करती लोलक पिवळे - फांदी तर काळोखी काळी
झिरमिळ करती शेंगा नाजूक - वेलांटीची वळणे वळणे
या सार्‍यातुनि झिरमिर झरती - रंग नभाचे लोभसवाणे
कुसर कलाकृति अशी बाभळी - तिला न ठावी नागर रीती
दूर कुठेतरी बांधावरती - झुकून जराशी उभी एकटी
अंगावरती खेळवि राघू - लागट शेळ्या पायाजवळी
बाळ गुराखी होऊनिया मन - रमते तेथे सांज सकाळी
येते परतुन नवेच होऊन - लेवुन हिरवे नाजूक लेणे
अंगावरती माखुन अवघ्या - धुंद सुवासिक पिवळे उटणे
(कवियत्री: इंदिरा संत)

शशांक, गुगलून पाहिलं.. माझ्या फुलांशी मिळती जुळती वाटताहेत ही फुलं.. अजून एखादा स्पष्ट फोटो शोधते माझ्या जवळ असला तर..

कळलावी, सोनटक्का अतिसुंदर!!!

बाभळी चं सुंदर रूप, जिप्स्या च्या कॅमेर्‍यातूनच पाहावं.. वाह!!!

जिप्सी —प्र चि १—मॅच स्टिक प्लांट

प्र चि २ — बेगोनिया/बिगोनिया

धन्यवाद शशांकजी

Saglya gappa mast..
Anju tai shikshak dina cha mag khup awadala..
Ani kitti chaan ga. Tu pahila phul devila ani shevtacha gopal krushnala
Vahilas...
Jipsy ... Babhali apratim... Dhanyavad share kelya baddal....

जिप्सी क्या बात है, इंदिरा संतची ही कविता मी वाचली नव्हती. फार सुंदर आणि तुझे काटेही सुरेख.

सायली ५ फुले मी देवालाच वाहिली. फक्त १ फुल झाडावर ठेऊन बघितलं, किती दिवस राहते. जवळजवळ सर्व देवांना वेगवेगळ्या दिवशी फुले. समाधान वाटतं नाही आपल्या मेहेनतीची फुलं देवाला वाहिला.

हल्ली शांकलीताई खूप दिवस दिसल्या नाहीत आणि मानुषीताई पण.

एक मस्त विडिओ मिळाला यूटुबवर.

सुगरण आपले घरटे कसे बांधायला सुरवात करतो त्याबद्दल.

मागच्या पानावर मी एका कोकिळेचा उल्लेख केलेला. कोकिळ कसे दुस-याच्या घरट्यात अंडी घालुन आपली जबाबदारी दुस-याच्य गळ्यात अडकवते. आणि ते पिल्लु अंड्यातुन बाहेर पडल्या पडल्या आप्ले रंग दाखवायला लागते. आणि हे सगळे होत असताना त्या बिचा -या मुळ पक्ष्याला काहीच क्ळत नाही. तो आपला भरवतोय हा घरापेक्षाही मोठ्या झालेल्या पिल्लाला. सर अ‍ॅटनबरोंचा विडिओ आहे.

मस्त व्हिडिओ आहे.

उजू कसली गोड आहेत फुलं.. नाम भी बताओ..

साधना, बघते विडिओ आता..

बाभळी फारच सुंदर दिसतेय!