निसर्गाच्या गप्पा (भाग २६)

साधना खुप सुंदर माहिती..
शशांक जी ना अनुमोदन..

हा कमला नेहरू पार्क मधला कैलासपती. पावसामुळे खुपच फ्रेश दिसत होता..

अहाहा, सुंदर कैलासपती.

वा कैलासपती फार सुंदर. हे नाव मला फार आवडतं. आणि खरचं शंकराच्या जटाभारा सारखचं दिसतं ते.

कैलासपती काय सुंदर आहे.
जागू अश्या फुलांनी झाड भरलंय? मस्तच!
रिमझिम पाऊस कित्येक दिवसांनी चालू झालाय इथे.

मस्तंय तो गुलाब.. अशी पावसाच्या पाण्यानी ओथंबलेली फुलं बघून मन तृप्त होतं अगदी..

जागु मस्त फोटो. माझ्या गावी असलेल्या झाडाची आठवण झाली. माझ्या आईच्या माहेरी तिच्या लहानपणापासुनचे एक गुलाबाचे झाड होते. ते कधी लावलेले हे तिलाही माहित नाही. अग्दी झाड या नावाला साजेसे साधारण ७-८ फुट उंच आणि डेरेदार पसरलेले. त्याच्यावर कायम १०० एक फुले आणि कळ्या असायच्याच. फुलाविना झाड असे कधी पाहिले नाही. आता ते झाड अगदी म्हाता-या माणसासारखे खुरटलेले झालेय. फुले यायचेही बंद झाले.

हेमंतने आपल्या सर्पमित्रांवरही खुप टिका केली. त्याच्या मते हे सर्पमित्र सर्प गोळा करतात आणि जंगलात नेऊन सोडतात. गावी साप निघण्याचे प्रमाण खुप असल्याने त्याने एका वेळी ५०-६० सापांनाही जंगलात सोडताना पाहिलेय. जंगलात कायम रहिवाशी साप वस्तीला असतात आणि त्यात या सापांची भर पडल्यावर तिथल्या उपलब्ध खाद्यावर ताण येतो. मुळ रहिवाशी सापांना या नविन सापांबरोबर स्पर्धा करावी लागते. तिथली इकोसिस्टीम यामुळे बिघडते. काही साप उपासमारीने मरतात तर काहींना स्थलांतर करावे लागते. काही सर्पमित्र घरी १५-२० साप बाळगतात आणि त्याचे अभिमानाने प्रदर्शन करतात. हेमंतच्या मते हेही बरोबर नाही. साप हा काही घरात पाळायचा प्राणी नाही.

हेमंतच्या मते तुम्हाला जर एखादा साप दिसला तर त्याला मारल्याने फारसे काही बिघडणार नाही. पण त्याला पकडुन नंतर कुठल्यातरी अनोळखी जंगलात सोडुन दिल्यामुळे त्या सापालाही त्रास होतो आणि त्या जंगलातल्या इतर सापांनाही त्रास होतो.

आहाहा कैलासपती, निसर्गानी काढलेली सुंदर रांगोळी....
जागु काय सुरेख रंगा आहे त्या फुलाच.. आणि पावसाच्या थेंबांमुळे अजुनच टवटवीत दिसतय.

ह्म्म. कैलाशपती कित्ती सुंदर दिसतोय.

मुळात साप दिसला की ठेचा ही वृत्ती आपण बदलायला हवी. सगळे साप विषारी नसतात आणि जे विषारी असतात ते सहसा मनुष्यवस्तीकडे येत नाहीत.

आता माणुसच त्यांच्या वस्तीवर आक्रमण करायला लागला तर ते तरी काय करणर? जसे आमची बेलापुर टेकडी. इथे आठवड्याला एकतरी साप दिसतोच कारण ते मुळात त्यांचेच घर आहे. आम्ही तिथे अतिक्रमण केले

सोप्पे गणित आहे, उंदीर वाढले म्हणून साप वाढले. निसर्गात हेच तर असते.

ताई कडे गेली होती तिथ हे दिसलं... खुप टप्पोरं आहे ..

जागुतै, बीटल छाने .. आणि फुल तर चुम्मेश्वरी ..
no photos please

म्हणून बॅकपोझ दिलीय

साधना माहिती मस्त

कैलासपतीलाच शाल वॄक्ष म्हणतात ना?

मस्त माहिती आणि फोटो!
कैलासपती विदेशी झाड आहे आणि शाल वृक्ष अस्सल देशी ना?

नवीन भाग फारच प्रेक्षणीय ,वाचनीय झालाय. त्यात सर्वांनी घातलेली अनमोल माहिती व कुतूहल वाढवणारया निसर्ग प्रतिमांनी हा धागा रंगतदार झालाय. मानुषी यांची बारीक सारीक निरीक्षणाने युक्त प्रस्तावना ही आषाढगर्द मैफीलीची सुंदर नांदीच झालीय . हा धाग्याची निर्माणकर्ती खरी शिलेदार जागुला मनापासुन धन्यवाद....

आमचे घर २ बाजुनी पिंपळाच्या झाडांनी वेढलेले आहे. त्याला फुटलेली चैत्रपालवी...

काही दिवसांनी उगवतीच्या प्रकाशातली पिंपळपाने..

आणि पाऊस पडल्यावर आनंदाने शहारलेले आणि त्याचा थेंब धरून ठेवणारे ओलेते पिंपळपान...

आहा निरु..मस्त प्रचि.. पहिला तर कातील आला आहे..

काल अप्पा बळवंत चौकात गेली होती. विमाननगर मधुन निघताना छान हलक उन्ह होत आणि जशी येरवडा पोहच्च्ली तश्या आल्या न सर धावुन! वेगात गाडी चालवत होती त्यामुळे असे मुंग्या एकत्र डसतात/ चावतात तसे लागत होते..
सर्वांनी एकसाथ गाड्या रस्त्याच्या बाजुला घेऊन झाडाखाली आश्रय घेतला आणि मी..मस्त गाडीचा वेग कमी करुन अंगावर थेंब झेलत पुर्ण ओली झाली ..
खुप दिवसांनी वरुणदेव प्रसन्न होऊन बरसले..
आह ! पावसात भिजण्याचा आनंदच काही और असतो .. दिल पुकारे आ रे आ रे आ रे..

गुलाबीसर पिंपळपान गोड. मला नेहेमीच आवडतं असं बघायला.

टीना मी पण काल संध्याकाळी बाहेर गेले तर इवलासा पाऊस आला आणि मी इवलीशी भिजले पण मज्जा वाटली.

रवीवार दुपारची गावाबाहेरची पावसाळी हवा.....

पिंपळपानं सुरेख!
आज मी पण भिजले! लेकीला (आणि तिच्या मैत्रिणीला, तिच्या आईला) घेऊन टेकडीवर जाणं हा दर रविवारचा कार्यक्रम असतो. आज टेकडीवर पाऊस आला. लेकीने आणि तिच्या मैत्रिणीने पावसात नाचून घेतलं, चिखलात खेळून घेतलं ... दोघी "चहाचं डबकं" शोधून त्यात बसल्या आणि एकमेकींवर पाणी उडवत होत्या

पिंपळपानाचे फोटो एकदम मस्त.

सगळेच फोटो सुरेख आहेत.
साधना, फार छान माहितीपूर्ण पोस्ट्स!

कैलासपतीलाच शाल वॄक्ष म्हणतात ना? >>>>>> नाही...........

Common name: Sal • Hindi: साल Sal, Salwa, Sakhu, Sakher • Marathi: sal, guggilu, rala, sajara • Bengali: Sal • Oriya: Sargi gatcho • Urdu: Ral, Safed dammar • Assamese: Sal, Hal • Khasi: Dieng blei • Sanskrit: agnivallabha, ashvakarna, ashvakarnika
Botanical name: Shorea robusta Family: Dipterocarpaceae (Sal family)

------------------------------------------------------------------------------
कैलासपती - Common name: Cannon Ball Tree • Hindi: Nagalinga नागलिंग, Tope gola तोप गोला • Kannada: Lingada mara, Nagalingam • Marathi: Shivalingam • Bengali: Kaman gola • Tamil: நாகலிங்கம் Naagalingam
Botanical name: Couroupita guianensis Family: Lecythidaceae (Barringtonia family)

दोन्हींची माहिती - www.flowersofindia.net/ वरुन साभार .........

काय सुंदर माहिती वाचून जीव फुलून आला..

माझे जिथे ऑफीस आहे तिथला भाग हा जंगलानी वेढलेला आहे. इतक्या विपुल प्रकारच्या वनस्पती दिसत राहतात आणि भर दुपारी रातकिडे ओरडत राहतात. माझ्याकडे स्मार्ट फोन नाही म्हणून नाहीतर एक छान कलेक्षण करता आले असते मला.

इथे दोन तीन तळे आहे. तिथे अनेक कासव दुपारच्या वेळी जमीनीवर येऊन बसतात कारण दुपारी तिथला गाळ उपसला जातो पाल्यापाचोळ्याचा.

कुणाला Dandelion ला मराठीमधे काय नाव आहे माहिती आहे का? ह्याचा चहा करतात तो फुलांचा असतो की पानांचा असतो? धन्यवाद.

बी, मराठीत Dandelion ला कणफूल म्हणतात बहुतेक. पण ते मुळचे युरोप मधील असल्याने आपल्याकडे दुर्मिळ आहे. बहुदा हिमालयात उगवते. चहा करण्यासाठी कळ्या, फूले आणि ताजी कोवळी पाने वापरतात (हा चहा म्हणजे काढाच असावा ).. युरीनरी डिसॉर्डर्स बर्‍या करण्यासाठी खूप उपयोगी असतो.