पाककृती हवी आहे. माहिती आहे का? -३

Submitted by admin on 22 April, 2013 - 23:08

या अगोदरचे धागे
पाककृती हवी आहे. माहिती आहे का? -१
पाककृती हवी आहे. माहिती आहे का? -२

पाककृती हवी आहे? इथे विचारा. पण त्या अगोदर
या ठिकाणी, या ठिकाणी आणि या ठिकाणी अगोदरच आहे का हे पाहिलत तर आपल्या सगळ्यांचा वेळ वाचू शकेल.
बर्‍याचदा पोळी-चपाती-फुलके-पराठे याबद्दल प्रश्न येतात, त्यासाठी आता इथे वेगळा धागा आहे.
तसेच वेगवेगळ्या पदार्थांच्या घटकांच्या नावाबद्दल वगैरे प्रश्न इथे विचारता येईल

इथे फक्त पाककृतींबद्द्ल प्रश्न विचारणे अपेक्षित आहे. नवीन पाककृती इथे लिहू नयेत. त्या लिहिण्यासाठी "नवीन पाककृती" हा लेखनाचा धागा वापरावा. असे केल्याने पाककृतींचे योग्य वर्गीकरण होईल, सगळी माहिती एका ठिकाणी संकलित होईल व भविष्यात ती पाककृती शोधणार्‍यास सोपे पडेल.

विषय: 
पाककला
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

अकु, मला तुमची कमाल वाटते. ग्रेट आहात. कसं हो सुचत एवढ आणि एवढ्या पटकन तुम्हाला. !!!

किती ऑप्शन्स देता तुम्ही आणि किती कमी वेळात !!!

Submitted by मनीमोहोर on 12 December, 2014 - 06:34

मनीमोहोर Blush

लसणीचा पाला -

चटणी
भाजी / आमटी / उसळींत स्वादासाठी वापरू शकता.
स्वादासाठी सलाद ड्रेसिगमध्ये वापरू शकता.

Submitted by अरुंधती कुलकर्णी on 12 December, 2014 - 20:56

लसणीच्या पातीचं वरण मस्त होतं. नेहेमीसारख्या फोडणीत आधी पाला परतायचा हिरव्या मिरचीसोबत, यात तांबडं तिखट नाही घालायचं; पाला जरा मोठ्या आचेवर भराभर परतून हिरवाच राहील हे पाहायचं, वरण घालून एक उकळी आली की वर कोथिंबीर घालायची जरा सढळ हातानी, हिरवी/पिवळी डाळ दिसायला मस्तच दिसते. वाफाळता भात असं वरण अन एखादं तोंडिलावणं मस्त गरमागरम थंडीच्या दिवशी संध्याकाळच्या जेवणाचा फक्कड बेत होतो! Happy
कितीक वर्षे झाली आईच्या हातचं असं वरण खाऊन...

Submitted by योकु on 12 December, 2014 - 23:26

लसणीची पात घालून केलेले ऑमलेट, शक्तीवर्धक असते. या दिवसात मुद्दाम करतात.
उंधियू च्या वाटणात असते ती पात. या पातीचे विदर्भात सांडगे पण करतात.

Submitted by दिनेश. on 13 December, 2014 - 06:26

रिमझिम , इंग्रो त कुळीथ पीठ मला तरी अजून दिसले नाहीये, पण कुळीथ मिळतात. डोसे करायचे असतील तर उडीद डाळ आणि तांदूळ भिजत घालतो तेव्हा कुळीथही भिजत घालायचे.

Submitted by स्वाती२ on 14 December, 2014 - 21:31

योकु, इथे वाचून २-३ दिवसांपूर्वी लसण्याच्या पातीचं वरण केलं होतं. त्यात भाकरी चुरून मस्त लागली.थँक्स. Happy

Submitted by अल्पना on 15 December, 2014 - 23:50

उसळ नाही पण उकडून घेउन त्याचे सलाड मस्त बनते. कांदा टोमाटो कोथिंबीर, उकडलेले बटाटे बारीक तुकडे करून त्यात हे उकडलेले मिक्स घालायचे, वर चाट मसाला, धने जिरे पावडर, तिखट. लिंबूरस.

Submitted by अश्विनीमामी on 15 December, 2014 - 23:56

http://www.maayboli.com/node/4861

शर्मिला, या पद्धतीने मोड न आलेल्या मिक्स कडधान्याची डाळ बनवता येईल. आख्खे मुग, थोडी मटकी, ह्खे मसुर, कुळिथ, राजमा, उडीद आणि चण्याची डाळ घ्यायची. कडधान्यं भिजवून घ्यायची फक्त. बाकी रेसेपी वरच्या लिंकमधली सेम. थंडी स्पेशल पहाडी डाळ आहे ही.

Submitted by अल्पना on 16 December, 2014 - 00:03

नाही अमा, सलाड नको आहे. पण तुमची ही रेसिपी एरवी नक्की करणार. हेल्दी आहे.

अल्पना यस. अगदी परफेक्ट. फार काही मसाल्याचे वाटण वगैरे नाहीये यात. आणि थंडी स्पेशलच हवी होती.

धन्यवाद!

Submitted by शर्मिला फडके on 16 December, 2014 - 00:10

आमच्याकडे उसळ म्हणजे "ए आज काहीतरी मराठी खावंस वाटतंय ग." खाली फाइल केलेली आहे त्यामुळे ही एकच रेसिपी आम्ही ऑथेंटिक मराठी बनवत राहतो.

Submitted by अश्विनीमामी on 16 December, 2014 - 00:13

मला उसळी टिपिकल ब्राह्मणी पद्धतीच्याच आवडतात. म्हणजे गोडा मसाला, गुळ वगैरे मटकीच्या असतात तशा. फार फार तर चवळीच्या उसळीत लसणीची फोडणी. पण मुलींना उसळी म्हणजे एक तर मिसळीसारख्या तर्रीच्या किंवा पंजाबी पद्धतीच्या ग्रेव्हीतल्याच लागतात. आजकाल सटल चवींची काहीच मातबरी राहिलेली नाही हेच खरं Proud

अर्थात पंजाबी घरगुती पद्धतीच्या रेसिपीज (जशा अल्पनाच्या असतात) सुद्धा खूप सौम्य असतात. हॉटेल्समधे फारच मसालेदार करतात हे लोक.

Submitted by शर्मिला फडके on 16 December, 2014 - 00:55

आजकाल सटल चवींची काहीच मातबरी राहिलेली नाही हेच खरं >> अगदी अनुमोदन,

घरगुती काहीतरी म्हणजे फार फार थकल्यावर किंवा बाहेरचे खाउन कंटाळा आल्यावर आईला मागायचे असे समीकरण झाले आहे. सम थिंग सिंपल? लाइक दॅट खिचडी यू मेक? ओ आय लव्ह मटकीची उसळ विथ पाव. ओ बटाट्याची भाजी इज टू डाय फॉर. आज जस्ट वरण भात तूप लाइकओल्ड टाइम्स. थालिपीठ वो क्या होता है? वडापाव - वो तो कँटिन में मिलता है. साबुदाणा खिचडी विथ दही? ऑल स्टार्च ना आप भी मत खाओ. चलो पिज्झा मंगाते है. खलास.

Submitted by अश्विनीमामी on 16 December, 2014 - 00:47

आजकाल सटल चवींची काहीच मातबरी राहिलेली नाही हेच खरं <<
अगदी अगदी..

प्रत्येक ठिकाणी जे पारंपरिक घरगुती म्हणून अन्न असतं त्याच्या चवी जनरली सटल असतात. पण ते हाटेलात आणून विकताना त्यात बदाबदा तेल आणि मसाले ओतल्याशिवाय का जमत नाही कोण जाणे.

Submitted by नीधप on 16 December, 2014 - 01:53

ओल्या तुरीच्या दाणे आहेत जवळ्पास अर्धा किलो.
ह्याच काय करता येइल? वाटण घालून रस्सा झालाय करून .

Submitted by इन्ना on 17 December, 2014 - 05:59

तुरीच्या दाण्यांची कचोरी

इन्ना, ही पाकृ शोध. माबोवर आहे. कचोरी ऑसम लागते Happy

Submitted by पूनम on 17 December, 2014 - 06:06

इन्ना त्या तूरीच्या दाण्यान्ची कचोरी पण करतात. पण गुजराथी पद्धतीने करतात असे कुठेतरी वाचलय त्यामुळे नक्की कृती माहीत नाहीये. मायबोलीवर गायु वगैरे ला ती कृती माहीत असेल कदाचीत.

आणी उन्धियो मध्ये पण घालतात ना.

Submitted by रश्मी. on 17 December, 2014 - 06:02

Pages