खाऊगल्ली - आजचा मेनू - (६)

पालक चा रंग मस्त दिसतोय.. Looking yum

अनेक दिवसांपासून खादाडीच्या धाग्यापासून दूर होतो. सर्वांचेच फोटो मस्त आहेत, त्यांना एक जेनेरिक लाइक करतो.

---

नागपूरला मी नेहमीच जात असतो. मागच्या विकांतालाही नागपुरालाच होतो.

नागपूरला सांभरवाडी हा एक मस्त प्रकार आहे. ‌सांभर == कोथिंबीर आणि इतर मसाले यांची स्टफिंग करून आयताकृती आकारात तळलेला समोसा असे तिचे ओबडधोबड वर्णन करता येईल. सांभरवडीसोबत (पोहे, समोसे आणि इतर कशासोबतही दिली जाणारी) चना तर्री, दह्याची कढी, तळलेल्या मिरच्या देतात.

मायबोलीकरांसाठी हा फोटो -

अरे झक्कास. खरपूस तळलेल्या दिसून राहिल्या 👌

आम्ही “सांबारवडी” म्हणतो. आमचे अमरावतीकर मित्र आणतात-पाठवतात त्यात भाजक्या शेंगदाण्याचा कूट, चिरलेला सांबार उर्फ़ कोथिंबीर, भाजके तीळ, हिरव्या मिरच्यांचे झणझणीत वाटण असा ऐवज असतो.

Closing technique सुद्धा थोडेसे वेगळे, rolled, instead of envelope-like ends. हे असे रूप :

सोबत फक्त तळलेल्या हिरव्या मिरच्या देतात. तुमच्या फोटोत २-२ चमचमीत supporting beauties आहेत तशा नाही मिळाल्या कधी

याचेच “पुडाच्या वड्या” नामक version कोल्हापुरकर करतात, तेही छान असते. पण त्यांच्या सारणात सुके खोबरेसुद्धा असते म्हणून ….. दोन मार्क कमी. 😀

सांबार वडी मस्ती दिसतेय..आम्ही हिलाच पुडाची वडी सुद्धा बोलतो नागपुर ला

मस्त दिसतेय ! खमन्ग आणी खुसखुशित...

कूट्+भाजके तीळ + हिरव्या मिर्च्या व कोथिंबिर - निव्वळ खमंग लागणारच.

सांभरवाडी, सांबरवडी, सांबारवाडी जो काही उच्चार असेल तो, पण चव मात्र अगदी फँटॅस्टिक करते!

आता आठवून लिहितोय; तो गाडीवाला पोराला म्हणतो, "दोन प्लेट साम्ब्बार्वडी दे रे सायेबांना."

साम्ब्बार्वडी दे रे सायेबांना. … 😀

Forgot the disclaimer : वरील सांबारवडीचा फोटो मी स्वत: काढलेला नाही, shared it for illustration purpose.

थुकपा

👌

Hot, Spicy Thukpa - perfect for winter eves

वॉव, थुकपा !
So beautiful, so delicious, just looking like a wow!

वाह...! थूकपा
काय जबरदस्त दिसतंय!!

थूकपा , सांबार वडी, मस्तच !!

लाल भोपळ्याचे घारगे....

घारगे सुंदर. थूकपा आवडला पण मलाच नुडल्स बद्दल विशेष ममत्व नाही.

घारगे छान दिसत आहेत, टपोरे.

गोड आहेत की तिखटाचे ?

हेलोविन वाल्या देशात कामी येणारी रेसिपी

घारगे खूपच मस्त आहेत. थुकपा my favourite. Yummy

सांभरवाडी
थुकपा
घारगे
मस्तच दिसतायेत सगळे....
घारगे गोडच असतात पण तिखट असतील तर मी घेतो.

घारगे गोड आहेत. काल खंडोबाचे नवरात्र ( खरे तर षटरात्र) बसले. त्याच्या नैवेद्यासाठी केले.

लाल भोपळ्याचे घारगे....

>>> मस्त दिसत आहेत.

(कधी खाल्ले नाहीत.)

.. घारगे गोडच असतात…

ऋतुराज, मी कोकणी घरात तिखटाचे घारगे खाल्लेत आणि मला तेही आवडले होते. थोडा गोड अंडरटेस्ट असतो कारण लाल भोपळा जरा गोड असतो चवीला.

मी पण भोपळ्याचे गोडच घारगे खाल्लेत आमच्याकडे त्याला घाऱ्या म्हणतात .तिखट कधी पाहिले नाहीत.गोड फारसे आवडत नाहीत गोड पेक्षा तिखट आवडतील खायला. रेसिपी माहीत असेल तर द्या अनिंद्य.

तिखट घारगे आमच्याकडे करतात... काळ्या वाटाण्याच्या उसळी बरोबर छान लागतात ते

@jui.k, टम्म फुगलेले घारगे उचलून खावेसे वाटताहेत.
हे तिखट मिठाचे आहेत का?

---

घारगे हा प्रकार बऱ्याच काळापासून ऐकून आहे पण कधी ट्राय केला नव्हता; आता करून पाहण्याचा विचार करून पाहतो!

मायबोलीवर आणि इतरत्र शोधलं तर घारगे लाल भोपळा (काशीफळ) किंवा काकडी च्या खिसात पीठ भिजवून करतात असे दिसले.

कुणी सोपी रेसिपी सांगू शकेल का? लिंक दिली तरी चालेल.

@ ऋन्मेऽऽष, टिक्की मस्त दिसते आहे, ओट्स् ची आहे का?

लाल भोपळ्याचे घारगे शोधले पण नव्या माबोत रेसिपी नाही सापडली पण जुन्या माबो च्या हितगुज वर सापडली .https://www.maayboli.com/hitguj/messages/103383/82228.html?1112188852 जरा अगम्य भाषेत आहे पण शेवटचा प्रतिसादात थोडक्यात रेसिपी दिलीय .मी फक्त न शिजवता पिकलेला भोपळा किसून त्यातच गुळ घालून शिजवून घेते आणि थोडं थंड करून गव्हाच्या पिठात मळून घेते .तसाही भोपळा शिजायला वेळ लागत नाही .
हे मी केलेले घारगे (घाऱ्या)

@अश्विनी११ तुम्हीच नवीन रेसिपी लिहा ,तुमचे घारगे कसले टम्म फुगलेत आणि jui तुम्ही तिखट घारगे म्हणजे कोकणी स्टाईल घारगे करून बघता येतील.

हे तिखट मिठाचे आहेत का?>>>>
हो हे तिखट घारगे आहेत... भोपळ्याचा कीस, हिरवी मिरची आणि कोथिंबीर तांदळाच्या पिठात घालून बनवतात हे. आई la सविस्तर रेसिपी विचारेन.. मला गोड पेक्षा हेच वडे जास्त आवडतात...