मी वाचलेले पुस्तक

There is no point in reading Marathi books. They are always substandard in contents and style

मला अ‍ॅलिस्टर मॅक्लीन फारसा कधीच आवडला नाही. त्यातल्या त्यात 'आईस स्टेशन झेब्रा' बरी होती. (रॉक हडसनसाठी सिनेमाही पाहिला. पण तो आणखीच बेक्कार होता). 'फीअर इज द की' पण बरीय म्हणे. वाचली नाहीये. थ्रिलर्स लिहिणारा खरा एकच - फ्रेडरिक फोर्सिथ - तोही निगोशिएटर पर्यंतचाच!. फोर्थ प्रोटोकॉल केवळ भन्नाट जमलीये

आर्या, तू दा विन्सी कोड सुरू तर कर. एकदा गोष्टीच्या वेगात अडकलीस की ढेपाळणार नाहीस. काही शब्द नवे असले तर चांगलीशी मोठी डिक्शनरी हाताशी ठेवायची. बर्‍याचशा शब्दांचा संदर्भाने अर्थ लागतोच

चितमपल्ली- पराग +१

नी, माय फ्यूडल लॉर्डचा कशाला अनुवाद वाचायला गेलीस? मूळ पुस्तक साउथ एशियन इंग्लिशमधे आहे त्यामुळे अजिबातच कठीण नाहीये.

फोर्थ प्रोटोकॉल केवळ भन्नाट जमलीये>> कशावर आहे ही कांदबरी?

अगं इंग्लिश अवघड म्हणून नाही. लायब्ररीत समोर दिसलं उचललं आणि पस्तावले.

सध्या 'काईट रनर' वाचतेय. सुरुवातीला जरा बोर झाले पण हळू हळू वाचतेय तर कथा रंजक होत चालली आहे. लहान मुलाचे भावविश्व छान रेखाटले आहे. एक एक ट्विस्ट येतोय कथेत! पण प्रत्येक प्रसंग तपशीलवार देण्याच्या लेखकाच्या खोडीमुळे कधी कधी जरा जास्तच पाल्हाळ वाटते.

फोर्थ प्रोटोकॉल-
कोल्ड वॉरच्या पार्श्वभूमीवर आहे. किम फिल्बी रशियात अजून जिवंत आहे आणि त्याच्या डोक्यातून निघालेल्या एका अफलातून कटकारस्थानाने राजकीय मार्गाने, निवडणुकीतल्या विजयाने, सोव्हिएत रशिया पुरस्कृत अतिडाव्या लोकांचं वर्चस्व असलेली लेबर पार्टी सत्तेवर आणायचा बेत आखला जातोय. ते झालं तर ब्रिटन सोव्हिएतच्या आधिपत्याखाली येईल... आणि याला आनुषंगिक उपकथानकं.

रॉय किणीकरांवरच्या लेखांचे संकलन असलेले पुस्तक वाचले सद्ध्याच. त्यांच्या मुलाने - अनिल किणीकर ह्यांनी हे संकलन केले आहे. वाचताना रॉय किणीकरांचे मनोव्यापार किती अजब, अर्तक्य होते, किती गुंतागुंतीचे होते, हे वाटत राहतं. थोडेफार लिहिताना फुलवून लिहिले गेले असेल हा दोष ग्राह्य धरुनही.

हो शैलजा, मलाही असंच वाटलं होतं ते पुस्तक वाचून. असे कवी लांबूनच बघायला, वाचायला ठीक असतात असंही डोक्यात येऊन गेलं होतं

तुमच्यापैकी इथे कुणी चिनूक्स ज्या पुस्तकांचे परिक्षण लिहितो ती पुस्तके वाचून पाहिलीत का? खरेदी विभागात ही पुस्तके असतात.

नुकतेच 'रॉबिन कुकचे' "क्रायसिस" वाचले. अनुवादित. खूप खास नाही.
बाकिच्या कादंबर्यां प्रमाणे ही देखील एक वैद्यकीय कादंबरीच आहे. जॅक स्टेपलटन, लॉरी माँटीगोमेरी ही नेहमीचीच पात्रे पण आहेत. यावेळी त्यात अमेरिकेत चालत असलेली कंसीजर्स प्रॅक्टीस हा विषय. मग त्यात उलट सुलट धक्के, शेवटी न्यायाच विजय वगैरे आहेतच. आधीच्या कंटेजन किंवा कोमा इतकी ही रंगत नाही.

वरदा, खरंच, ते वाचताना, त्यांची पत्नी, मुलं ह्यांच्याबद्दल डोक्यात येत राहिलं की कसं त्यांनी सांभाळला असेल संसार. मुलांना त्या वयात कधीतरी काही उणी भावना आली असेल का वगैरे असं. पुढे जाणत्या वयात वडिलांचा साहित्यिक अधिकार कळाला असेलच, अभिमानही वाटणार पण वास्तवाचे चटकेही बसले असतील - आर्थिक अडचणी म्हणा, घरामधली उपस्थिती म्हणा... असो..

बी, चिनुक्स ने अक्षरवार्ता मधे ओळख करुन दिलेल्या पैकी काही वाचली आहेत. जी नावे आत्ता तोंडावर आहेत ती म्हणजे ड्रिम रनर, प्रकाशवाटा, नेगल, मुक्तांगणची गोष्ट. जरी माबो माध्यमातून विकत घेतली नसली तरी ह्या ४ पैकी ३ मी माझ्या गावातल्या मॅजेस्टीक मधून विकत घेतली आहेत. एक लायब्ररी मधून घेऊन वाचलय

परवा दिवशीच किरण नगरकरांचं ’सात सक्कं त्रेचाळीस’ ऑर्डर केलय बुकगंगावरून. आता त्याची आतुरतेने वाट पाहातोय.

मी पण किमान चार पाच तरी वाचली आहेत. प्रकाशवाटा, नेगल, बाईकवरचं बिर्‍हाड, शहाण्यांचा साईकीअ‍ॅट्रीस्ट ही नावं आत्ता आठवतायत. ऑस्कर प्रिस्टोरियसचं वाचायचं आहे पण ते मुळचं इंग्लिशच वाचेन असं आत्ता म्हणतोय.

आपण वाचनासंबंधीच्या अशा गप्पा मारण्यासाठी वाहता बाफ काढायचा का एखादा.. "वाचनकट्टा" वगैरे.. म्हणजे पुस्तकांसंबंधीच्या पोस्टी इथे लिहायच्या / हलवायच्या पण जनरल कोण काय वाचतय ? कोणी वाचलं आहे का? काय वाचावं ? कुठे मिळेल ? वगैरे सारख्या गोष्टी गप्पा मारल्यासारख्या वाहत्या बाफं वर बोलायच्या..
काय म्हणता ?

गोनीदांच्या नर्मदा परिक्रमेच्या पुस्तकाचे नाव काय आहे?

पराग, काढच धागा असा.

मीना प्रभुंचं 'चिनीमाती' वाचतेय. मस्त उलगडत जातो चीन त्यांच्या भाषेतुन.

मला मायबोलीच्या खरेदी विभागातुन पुस्तक घ्यायचं असेल तर क्रेडीट कार्डनेच पेमेंट करावं लागतं की आणखी काही ऑप्शन आहे? बरीचशी पुस्तकं क्रेडिट कार्ड नसल्याने घेताच येत नाहीत इथुन.

नर्मदा परिक्रमेच्या पुस्तकाचे नाव काय आहे?
>>
कुणा एकाची भ्रमणगाथा??

बरोबर योडे.

@माधव, परिक्रमेविषयी मात्र त्यात काही नाही आहे - म्हणजे कुंटे वा भारती ठाकूर लिखित वा तत्सम पुस्तके वाचून तशी अपेक्षा असेल तर.

खरेदी विभागातुन पुस्तक घ्यायचं असेल तर क्रेडीट कार्डनेच पेमेंट करावं लागतं की आणखी काही ऑप्शन आहे? >>
मला वाटतं डेबिट कार्ड चालत असेल. डेबिट कार्ड तर नक्की असेल तुझ्य कडे!

पराग,

आपण वाचनासंबंधीच्या अशा गप्पा मारण्यासाठी वाहता बाफ काढायचा का एखादा.. "वाचनकट्टा" वगैरे
>> +१
तुम्हीच का नाही सुरु करत?

डेबिट कार्ड आहेच. पण मागे एकदा मी बघत होते तेव्हा क्रेडिट कार्डचाच ऑप्शन दिसत होता मला.

निंबुडा,
सध्या 'काईट रनर' वाचतेय. >>> 'Thousand Splendid Suns' वाचले आहेस का?
'काइट रनर' पेक्षा छान आहे. खालिद हुसेनीचं तिसरे पुस्तक येणार होते. आले का माहित का कोणाला?

योडी आणि शैलजा, धन्यवाद. माबोच्या खरेदी विभागात 'नर्मदेच्या तटाकीं आणि दक्षिणवारा' असे पुस्तक पण उपलब्ध आहे म्हणून खात्री करून घेतली.

'Thousand Splendid Suns' वाचले आहेस का?
>>>

नाही. यादीत नेक्स्ट आहे!

हो माधव. मलाही सापडलं हे पुस्तक.

ओह, हे पुस्तक मला ठाऊक नव्हते, पहायला हवे. धन्यवाद माधव.

http://www.maayboli.com/node/38865 हे घ्या..

<<आर्या, तू दा विन्सी कोड सुरू तर कर. एकदा गोष्टीच्या वेगात अडकलीस की ढेपाळणार नाहीस. काही शब्द नवे असले तर चांगलीशी मोठी डिक्शनरी हाताशी ठेवायची. बर्‍याचशा शब्दांचा संदर्भाने अर्थ लागतोच.<< धन्स वरदा. आज ट्राय करते.

'Thousand Splendid Suns' वाचले आहेस का?
'काइट रनर' पेक्षा छान आहे. >>

हो. मलाही तसेच वाटले. पण काइट मधील डिटेल्स अनेक दिवस परेशान करतात.