rmd यांचे रंगीबेरंगी पान

मारवा

Posted
5 वर्ष ago
शेवटचा प्रतिसाद
5 वर्ष ago

तुटल्या नात्याचे तुकडे
मी सांग कसे सांधावे
रेशीमधाग्यांचे बंध
अन् पुन्हा कसे बांधावे

वाटेवर नुसत्या काचा
अंधार गर्द भवताली
हरवले, मी चुकले रस्ता
जरी परत वाटले यावे

नियतीचा होता घाला
की आगळीक माझी झाली
मी जवळ तुझ्या येताना
वाढवले फक्त दुरावे

मारवा जीवाला छळतो
मन उदास अन् एकाकी
मी श्वास समर्पिन माझे
एकदाच तू परतावे!

विषय: 
प्रकार: 

हाफ मून बे ( कॅलिफोर्निया )

Posted
5 वर्ष ago
शेवटचा प्रतिसाद
5 वर्ष ago

प्रचि. १

hmb1.jpg

प्रचि. २

hmb2.jpg

प्रचि. ३

hmb3.jpg

प्रचि. ४

hmb4.jpg

प्रचि. ५

hmb5.jpg

प्रचि. ६

hmb6.jpg

प्रचि. ७

रस्सीखेच

Posted
5 वर्ष ago
शेवटचा प्रतिसाद
5 वर्ष ago

मीच ढग, पाऊस मी, मातीत गेलो मिसळुनी
मी मला शोधू कसा, ना राहिलो कोठेच मी

जवळ ती होती कधी, आभास आता राहीले
होत अश्रू टपकतो गाली तिच्या हलकेच मी

नाव माझे चर्चिले गेले अनेकांच्या मुखी
होत बदनामीच होती, समजलो भलतेच मी

वाटले मी उत्तरे होतो सवालांची तिच्या
समजले आता मलाही फक्त होतो पेच मी

'विसरले सारे!' मनाला मी जरा समजावले
अवचितच पुढच्या क्षणाला हाय खाल्ली ठेच मी

ती जगाला दाखवे आता सुखाने नांदते
अंतरी वसते तिच्या जी तीच रस्सीखेच मी

विषय: 
प्रकार: 
शब्दखुणा: 

पानांमागून पानं

Posted
5 वर्ष ago
शेवटचा प्रतिसाद
5 वर्ष ago

पानांमागून पानं
शब्दांमागून शब्द
मनामध्ये वादळ
विचार मात्र स्तब्ध

डोळ्यांमधे अडकलं
मेंदूत नाही शिरलं
वाचलेलं ज्ञान सारं
जिथल्यातिथे उरलं

मिनीटकाटा तासकाटा
पळत राहीले पुढे
पुस्तकावर नजर
आत भावनांचे तिढे

प्रश्नांचेच प्रश्न
उत्तर कुठेच नाही
पानांमागून पानं
मी केवळ उलटत राही

प्रकार: 

(अ)स्फुट

Posted
6 वर्ष ago
शेवटचा प्रतिसाद
6 वर्ष ago

भूतकाळाची राख सावडत
सुखी क्षणांच्या अस्थी शोधते
आयुष्याच्या उजाड गावी
मी स्वप्नांची वस्ती शोधते

विषय: 
प्रकार: 

भेटशील का? ( नव्या रूपात )

Posted
6 वर्ष ago
शेवटचा प्रतिसाद
6 वर्ष ago

माझ्याच एका प्रकाशचित्रासोबत माझीच एक जुनी कविता एकत्र केली आहे.
bhetashil.jpg

नेमेचि येतो...!

Posted
6 वर्ष ago
शेवटचा प्रतिसाद
6 वर्ष ago

कालपासून धो धो पडणार्‍या पावसात
नव्याने वाहून जाईल सुचलेलं शहाणपण

सुरू होईल पुन्हा पाण्याचा बेलगाम वापर
निर्धास्त होतील आपली कोडगी मनं
वर्षा संचयनाचे बेत राहतील कागदावरच
आणि बांधकामांना ऊत येईल राजरोसपणे

सोयीस्करपणे विसरली जाईल पाणीटंचाई
आपापल्या कामाला लागतील सगळे
'नेमेचि येतो' म्हणून मनाची समजूत काढत
अजून एका वर्षाची सोय झाली या आनंदात
पुन्हा सुरूवात होईल नव्या दुष्टचक्राची

कालपासून धो धो पडणार्‍या पावसात
नव्याने वाहून जाईल सुचलेलं शहाणपण!

विषय: 
प्रकार: 

विचित्र मश्रूम्स

Posted
6 वर्ष ago
शेवटचा प्रतिसाद
6 वर्ष ago

बागेत या विचित्र प्रकारच्या मश्रूम्स पहायला मिळाल्या. कोणाला यांचं नाव माहीती आहे का?

IMG-20120723-00878_small.jpgIMG-20120723-00879_small.jpg

श्यामलमाया

Posted
6 वर्ष ago
शेवटचा प्रतिसाद
6 वर्ष ago

रुजून येती खोल मनातून
थेंबांची ही अगणित झाडे
झरझर झरती मेघ अनावर
विचार होती पाऊसवेडे

खेळ सावळा असा रंगला
भिजून गेली हरेक काया
चैतन्याने सजली सॄष्टी
भारून टाके श्यामलमाया!

विषय: 
प्रकार: 

पाऊसव्यथा

Posted
6 वर्ष ago
शेवटचा प्रतिसाद
6 वर्ष ago

भेगाळल्या डोळ्यांमधे
आता उरेना टिपूस
आटून गेली आसवे
कधी पडेल पाऊस?

नभ ना आता काजळे
फिकुटली शेतेभातें
धरतीचे आभाळाशी
जणु उरले ना नाते

तोंडचे पळाले पाणी
कोरडले नदी नाले
जीवनाचे थेंब सारे
असे का परके झाले?

विषय: 
प्रकार: 

Pages

Subscribe to RSS - rmd यांचे रंगीबेरंगी पान