भाकरी

१) एका बोलमधे तांदळाचे पिठ घ्या व त्यात मीठ घाला.
२) कपभर पाणी उकळत ठेवा.
३) तादळाच्या पिठावर एका हाताने उकळते पाणी थोडे थोडे घाला (सगळे लागणार नाही.)
४) चमच्याने भरभर घोटत रहा. पिठल्यापेक्षा घट्ट असू द्या.
५) मग त्यात कणीक घालून मळा, थोडे तेल लावून चांगले मळा.
६) मऊसर गोळा होईल.
७) आता प्लॅस्टीकच्या कागदावर हाताने गोल थापा. दोन कागदांच्या मधे ठेवून हलक्या हाताने लाटले तरी चालेल.
८) मंद आचेवर हि भाकरी टाका. पाणी लावायची गरज नाही. दोन्ही बाजूने भाजून घ्या.

पालेभाजी साठी

१) भाजी नीट करुन, धुवून, चिरुन घ्या.
२) डाळ धुवून घ्या, व जरा वेळ भिजत ठेवा. मिरच्या व लसणाचे तूकडे करा.
३)कूकरमधे किंवा प्रेशरपॅन मधे तेलाची फोडणी करुन, त्यात मिरच्या व लसूण टाका.
४) ते परतून त्यावर डाळ टाका व जरा परता. किंचीत हळद टाका.
५) मग त्यावर पालेभाजी टाका. जरा परतून थोडे पाणी घाला.
६) झाकण ठेवून, प्रेशर आल्यावर चार मिनिटे शिजवा. (शिट्या मोजायची गरज नाही)
७) प्रेशर गेले कि झाकण उघडा. मीठ टाका व पाणी आटवून टाका.
८) वरुन दाण्याचे कुट टाकून परतून घ्या.

लसणाच्या चटणीसाठी

१) पॅनमधे तेल गरम करुन हिंग आणि गार्लिक पावडर किंवा लसुण टाका.
२) गॅस बंद करुन त्यात लाल तिखट टाका, व ढवळा.
३) पीनट बटर किंवा कूट टाका, हवे असेल तर मीठ टाका(पीनट बटरमधे मीठ असते.)

मी जरी वेगवेगळे लिहिले असले तरी, हे भाजी भाकरी एकाचवेळी करता येते. भाकरीच्या तव्यातच चटणी करता येते.

१) सर्व घटक सांगितल्याप्रमाणे तयार करुन घ्यावेत.
२) पालेभाजीचे कोवळे देठ शक्यतो घ्यावेतच.
३) तूपाची हिंग जिर्‍याची फोडणी करावी.
४) त्यावर कांदा, बटाटे व वापरत असाल तर दाणे पसरावेत.
५) त्यावर पालेभाजीचा थर द्यावा
६) झाकण ठेवून मंदाग्नीवर आठ ते दहा मिनिटे ठेवावे.
७) एवढ्या वेळात बटाटे व दाणे शिजतात. मग झाकण काढून नीट ढवळावे.
८) मीठ, कूट व इतर जिन्नस घालावेत.
९) जरासे परतून आचेवरुन उतरावे.
सोबत दही घ्यावे.

माठाची पाने निवडून, स्वच्छ धुवून, चिरून घ्यावीत. कांदा बारीक चिरावा. फोडणीसाठी कढई/ पॅनमध्ये तेल गरम करून त्यात कांदा परतून घ्यावा. त्यात वाटण, लसूण पाकळ्या व आल्याचा तुकडा घालून परतावे. माठाची चिरलेली पाने, मीठ घालून ते परतावे. मुगाची डाळ घालून परतून घ्यावी. गूळ घालावा. भाजी शिजत आली की वरून नारळाचे दूध घालून ते सुकेपर्यंत भाजी परतावी.

.

.

.

.

डाळ थोडी हळद घालून कुकरमधून शिजवून घ्यावी.
पालेभाज्या बारीक चिरून , थोडा सांबार मसाला घालून शिजत लावाव्यात.
भाज्या शिजत आल्या की घोटलेली डाळ घालून अजून थोडा सांबार मसाला घालावा.
मीठ घालावे. चिचेचा कोळ घालावा.

दोन उकळ्या आल्या की तुपात मोहरी , सुक्या मिरच्या, कढीपत्ता,हळद, हिंग घालून फोडणी करावी व गरम गरम सांबारावर घालावी.

.

चार्डची पाने धुवून , मधला देठ काढून बारीक चिरुन घ्यावीत.
तेलावर फोडणी करून त्यात कांदा परतून घ्यावा. कांदा मऊ झाला की चिरलेला चार्ड टाकून परतून मीठ घालावे. ३-४ मिनिटे झाकून शिजू द्यावे. मग तिखट, दाण्याचं कूट अन लसूण एकत्र करून ते भाजीत मिसळावे. नीट मिसळून एक वाफ काढावी. भाजी तयार!