बाल कविता

चल ना आई

Submitted by मोहना on 19 October, 2016 - 09:50

अमेरिकेत वाढणार्‍या मुलांना मराठी शिकवताना सोप्या शब्दांचा वापर करुन रोजच्या वापरातले शब्द ठाऊक व्हावेत यासाठी करत असलेल्या प्रयत्नातून सुचलेली कविता.
निळं आकाश
अंधुक प्रकाश
चमकता तारा
गार वारा!

चल ना आई,
जमीनीवर झोपू
आकाशात चांदण्या
किती सांग बघू!

चंद्र आला सोबतीला
बाबा लागला गायला!
आई लागली,
कौतुकाने पाहायला!

ही खरी गमंत
आई, बाबा,
अशीच रोज हवी
तुमची संगत!

शब्दखुणा: 

बाळाचा खाऊ

Submitted by कविता क्षीरसागर on 20 October, 2015 - 11:10

बाळाचा खाऊ

बाळाला अजून , आले नाहीत दात
म्हणून कुकरमध्ये होतो, गुरगुट्या भात

दुधामध्ये बिस्किटे , डुबक्या मारतात
बाळासाठी कशी , मऊ मऊ होतात

वाटी चमचा घेऊन ,येती भाज्यांचे सूप
बाळाला ते आमच्या , आवडते खूप

थोडे थोडे खाऊ लागलाय , आता पिकलेले केळ
मुटू मुटू खाण्यात त्याचा , मजेत जातो वेळ

एवढा सारा खाऊ , खातो हा एकटा
तरी सुद्धा रात्रभर , चोखत बसतो अंगठा

कविता क्षीरसागर

शब्दखुणा: 

बाळूचे स्वप्न -

Submitted by विदेश on 8 July, 2013 - 11:45

सशाने धरले सिँहाचे कान
गरगर फिरवून मोडली मान ।

शेळीने घेतला लांडग्याचा चावा
लांडगा ओरडला-धावा धावा ।

मुंगीची ऐकून डरकाळी कानात
हत्ती घाबरून पळाला रानात ।

कासवाने लावली हरणाशी शर्यत
हरीण दमले धापा टाकत ।

उंदराने बोक्याच्या पकडून मिशा
काढायला लावल्या दहा उठाबशा ।

बाळूने मोजले दोन सात चार
स्वप्नातच बाळू मोजून बेजार !
.

शब्दखुणा: 

केक, गिफ़्ट, आणि कॅन्डी

Submitted by pradyumnasantu on 10 January, 2012 - 19:42

अकरा-बारा वर्षांच्या पुढील बालांना थोडी दु:ख सह्नशीलता व अनुकंपा यांचीही ओळख करुन देणं गरजेचं आहे असं मला वाटतं. म्हणूनच ही कविता रचली आहे. ती येथे योग्य नसल्यास क्षमस्व!

केक, गिफ़्ट, आणि कॆन्डी

लांब दिसणारा तो तारा
म्हणजे म्हणे माझा डॅडी प्यारा
माझ्या डोळ्यात तो आणतो
एक आसू खारा
पण असतील का ते खरेच माझे डॅडी?
आणतील का माझ्या बर्थडेपार्टीला
केक, गिफ़्ट, आणि कॅन्डी?
**
डॅडी बहुतेक विसरला
पण का?
आजपर्यंत माझा बर्थडे त्यांनी कधीच नाही चुकवला
पार्टी संपत आली
तारा तर अजून तिथंच लुकलुकतोय
बहुतेक डॅडींना रजा नाही मिळाली
**
थकून शेवटी डोळे मी मिटले

गुलमोहर: 
शब्दखुणा: 

ससे आणि जादुगार -

Submitted by विदेश on 10 November, 2011 - 00:06

छोटे छोटे ससे कसे
टकमक इंद्रधनू बघती -
बघता बघता कोपऱ्यात ते
रुसुनी मुकाट का बसती !

चुन्यात बुडुनी आलो वाटे,
लाल ना कुणी दिसे निळे -
रंग कुणाचे ना नारंगी
कुणीच ना काळे पिवळे !

एक छडी जादूची घेऊन
तिथेच जादुगार आला -
'हिरमुसलेले तुम्ही दिसता
कोपऱ्यात ह्या का बसला ?'

'आम्ही सारे असे पांढरे -
रंगित नाही, शुभ्र कसे ?'
- एकमुखाने वदले सारे
जादुगार तो मनीं हसे !

मूठ उघडुनी जादुगार तो
रंगित चकती दावितसे
भरभर जादूच्याच छडीने
रंगित चकती फिरवितसे -

फक्त पांढरा रंगच दिसला-

गुलमोहर: 
शब्दखुणा: 

टॉक्डॉक् टॉक्डॉक् आला दौडत -

Submitted by विदेश on 14 October, 2011 - 14:16

टॉक्डॉक् टॉक्डॉक् आला दौडत
अबलख माझा घोडा -
आई बाबा आजी आजोबा
सरका रस्ता सोडा !

दोनच पायांच्या घोड्याची
घरभर भरभर घाई
पटपट झुरळे दूर पांगती
खुषीत येते आई !

हातांचा हा लगाम धरुनी
वेगाला मी आवरतो
ऐटित मागे पुढे डोलुनी
घर-मैदानी वावरतो !

घोडोबा मी घरी लाडका
खेळायाला पुढे पुढे -
शंभर टक्के परीक्षेत गुण
अभ्यासातहि सदा पुढे !

तबेल्यात बेजार हा घोडा
आठवड्यातले दिवस सहा -
चंगळ घोड्याची रविवारी
हैराण हे घरदार पहा !!

गुलमोहर: 
शब्दखुणा: 

महावीर बंडू -

Submitted by विदेश on 10 August, 2011 - 05:01

हाती फिरवत गदेस गरगर
बंडू फिरतो भरभर घरभर ,
येणा-जाणाऱ्यास तडाखे
बाल महावीराचे शंभर !

सोफ्यावरून खुर्चीवरती -
खुर्चीवरून फरशीवरती ,
उड्डाणातुनी जखमी होतो
पराक्रमी तो बंडू असतो !

गुलमोहर: 
शब्दखुणा: 

पिंकी, परी आणि मोर -

Submitted by विदेश on 17 July, 2011 - 00:43

परीने विचारले, पिंकीच्या कानात -
' यायचं का तुला आंब्याच्या वनात ?

मोराचा पिसारा छान पहायला
मोरासंगे खूप खूप नाचायला ! '

पिंकी परीसंगे गेली पटकन

गुलमोहर: 
शब्दखुणा: 

कोंबडा आरवतो -

Submitted by विदेश on 3 July, 2011 - 00:29

कोंबडा आरवतो
कुकूऽऽच कूऽक
ऊठ बाळा आता
झोप झाली खूऽप |१|

कावळा करतो
काव काव काव
हास बाळा आता
आईला बोलाव |२|

चिमणीची चाले
चिव चिव चिव
सरकत बाळा आता
बाबांना शिव |३|

मोत्या भुंकतो
भो भो भो
बाळ आलं रांगत
बाजूला हो |४|

पोपट बोलतो
मिट्टूऽऽमिया
दुडुदुडु बाळ चाले
बघायला या |५|

मनीमाऊ म्हणते
म्याऊ म्याऊ
बाळाच्या गंमती
बघायला जाऊ |६|

गुलमोहर: 

आता वाजले बारा -

Submitted by विदेश on 17 May, 2011 - 14:49

प्राण्यांचे संमेलन झाले ‘ नाच-धमाका ’ सुरू
लेझिम घेऊन वाघ म्हणाला , ' धमाल मस्ती करू ! '

स्वागत-गाणे म्हणतच केले ट्विस्ट अस्वलाने ,
भरतनाट्यम करीत कौतुक केले जिराफाने !

ता थै तक थै तालावरती झेब्रा नाचत सुटला -
गोरीला गरब्यात गुंगला तोल सावरी कुठला ?

रानगव्याचा डिस्को बघता , नागहि डोलत बसला -
रमला दांडीयात लांडगा , ससाहि ठुमकत हसला !

लबाड कोल्हा कथ्थक करुनी सावज शोधत होता -
हत्तीचा भयचकित भांगडा जंगल तुडवित होता !

फांदीवरती ब्रेक डान्सची धमाल मर्कटलीला ,

गुलमोहर: 

Pages

Subscribe to RSS - बाल कविता