दाक्षिणात्य सिनेमा कसा वाटला.

Por Thozhil: सायकॉलॉजिकल suspense Thriller. दोन CID Officers, एक मुरलेला जुनाजाणता आणि दुसरा नवशिक्या, एका psycho च्या मागावर असतात.

नेहेमीप्रमाणे climax +added Climax असला तरी मला आवडला. नाहीतर Ghazani (south चा) अणि Ratsasan प्रमाणे पाणी घालून वाढवला नाही, हे आवडले.

हनुमान नवऱ्याने लावलेला, तो दोन तीन दिवस थोडा थोडा करत पिक्चर बघतो. मला संपता संपेना वाटला, अर्थात मी फार कमी बघितला पण हे काय अजून हनुमानच सुरू, असं वाटलं. काही सीन्स आवडले, बाकी जे बघितलं ते काहीच्या काही टिपिकल साऊथ.

सध्या तो कुठला मुवि बघतोय बरं, तो ही काहीच्या काही आहे पण साऊथचा नाही. सैफ, अर्जुन कपूर, यामी, जावेद जाफरी दिसले.

भूत पुलीस ??

हो बहुतेक, तोच असावा.

तो अजून त्याचा बघून पूर्ण व्हायचा आहे, मगाशीच विचारलं, सैफ, अर्जुन कपूर, जावेद जाफरी बघत होतास तो बघून झाला का, तर नाही म्हणाला.

मुरूगन नावाचा चित्रपट रोस्ट करता येईल म्हणून सुरू केला. पण एकदम वेगळा निघाला.
दक्षिणेला जातव्यवस्स्था बिनदिक्कत मांडतात. यातही आहे. पण क्लास घेतलेला नाही.

निव्वळ मनोरंजन + वास्तवाची फोडणी अशी हुषार ट्रीटमेंट.
बाकी सगळा साऊथचे नियम पाळणाराच आहे. ओळखीचा कुणी स्टार दिसत नाही.
नायकाच्या लहानपणीचा फ्लॅशबॅक सुरू झाल्यावर बोअर झालं आणि बंद केला.

का बघितला असे झाले मुरूगन. नेमकं काय सांगायचंय असं झालं.

Manjummal boys आजच बघितला. छानच आहे.

मृणालीचा प्रतिसाद वाचल्यावर मंजुमेल बॉईज बघायला घेतला, नाव आधीपासूनच ऐकत होते बरंच.ग्रीपिंग आहे.कथा म्हणावी तर 3 ओळींची.पण सत्यकथा आहे हे सर्वात भीतीदायक.It is like someone's worst fears coming true.
ग्रीपिंग आहे.

टिल्लू स्क्वेअर बघायला घेतला, अर्ध्या तासानंतर फोन तोंडावर पडून झोपले.मग परत उठून थोडा पहिला.भंपक वाटला.काहीही कथा आहे.नायिका घाऊक बाजारातून अर्धा डझन एकाच फॅशन चे उचलून आणल्या सारखे एकाच गळ्याचे एकाच स्टाईल चे वेगवेगळे ड्रेस घालते.त्यात त्या केसांचं छप्पर असलेल्या छपरी हिरोचं नाव बालागंगाधर टिळक असल्याने अजूनच डोकं भडकलं आणि 'नॉट फॉर मी ' वाला अधोगामी अंगठा देऊन हिस्टरीतुन उडवला.

केसांचं छप्पर असलेल्या छपरी हिरोचं नाव बालागंगाधर टिळक >>

आवेशम बघायला घेतला.मनात मिश्र भावनांचा कल्लोळ आहे.
1. हल्ली इंजिनिअरिंग कॉलेज च्या मुलांना 'तो अमका खडूस टीचर सबमिशन वर सही देईल का' पेक्षा मोठे प्रश्न 'रोज दारू प्यायला मिळेल का,सिगारेट चा रतीब अबाधित राहील का' हे
पडले आहेत.
2. बारावी मध्ये कोणतीही ट्युशन न लावता स्वतः घरी अभ्यास न करणारी मुलं जशी ऍह(हात झटकून तोंड वाकडं करून) समजली जायची तसं प्रत्येक कॉलेज च्या मुलाने एक गॅंग चा सदस्य होणं बंधनकारक आहे.
3. मुख्य पात्रं दिसायला नॉर्मल आहेत(सिक्स पॅक किंवा छान चेहरे वाली नाहीत.)
4. फहाद फासील बघून पुण्यातले बरीच फ्लेक्स उत्सवमूर्ती आठवले.
5. जसं माणूस नोकरीत सिनियर झाल्यावर त्याने स्वतः काम न करता फक्त कामावर देखरेख करणे अपेक्षित असते तसं गुंड कामात सिनियर झाल्यावर तो इतरांना नुसता मेंटर करेल, स्वतः मारामारी करणार नाही.
6. किमान 10 जेंटस युरिनल मध्ये कार्यक्रम करताना गप्पा मारल्याचे सीन दाखवले नाहीत तर दोस्ती, चित्रपटात असलेली नैतिक मूल्ये सिद्ध होत नाहीत.
7. कोणीही कधीही अभ्यास केला नाही तरी चालतं.आपोआप दुसऱ्या वर्षात ढकललं जात असावं.
8 ऑल सेड, फाहाद फासिल जबरदस्त अभिनेता आहे.(तो असं म्हणाला नाहीये बरं का मी हे सर्व आहे म्हणून) सायकोपाथ, डिप्रेशन मधला, मूडी, शो ऑफ ची आवड असलेला गँगस्टर सॉलिड रंगवलाय. आणि काहीही केलंय(टॉवेल नृत्य काय,किस केल्यासारखे सिगारेट पेटवून देणे काय), त्याला बहुतेक खुल्या सांडासारखं 'जा, काय वाट्टेल ते मुक्तपणे कर' म्हणून या पिक्चर मध्ये सोडून दिलं असावं.
पाचूचा जादुई दिवा मध्ये चांगला होता.इथेही सॉलिड स्वॅग आहे.

मंजुम्मल बॉईज बघितला. आवडला. अनोळखी, धोक्याच्या ठिकाणी बेदरकारपणे वागणारे लोक, त्यांना अपघात झाल्यावर स्थानिक माणसांचं आणि पोलिसांचं वागणं वास्तवदर्शी वाटलं. मुख्य म्हणजे बेजबाबदारपणे वागणं ग्लोरिफाय केलेलं नाही.
हरिहरेश्वरच्या जवळ रहात असल्यामुळे तिथे समुद्रात घडलेले अनेक अपघात दुर्दैवाने लहानपणापासून कानावर पडले आहेत. मध्यंतरी जंजिरा-मुरुडजवळही पुण्याच्या एका कॉलेजच्या सहलीत मोठी दुर्घटना घडली होती. सुरक्षिततेसाठी लिहिलेल्या सूचना पाळणं आणि स्थानिकांचा सल्ला ऐकणं हे किमान केलंच पाहिजे. त्यापलीकडेही अपघात होऊ शकतातच, पण निदान आपण शक्य तितकी काळजी घेतली पाहिजे.
चित्रपटात आधी जो निसर्ग सुंदर वाटत असतो, तोच अशा अपघातानंतर भीतीदायक दिसतो हे cinematography तलं कौशल्य असतं की दिग्दर्शनातलं?

हो अगदी वावे. सध्या सर्व समुद्र, जलाशय, धरणं याजवळ हे अपघात घडतायत.कधी धोक्याची पाटी असताना पण पुढे जाऊन तर कधी धोक्याची पाटी नाही, पण प्यायल्यामुळे जास्त खोलात गेलं आणि तोल सावरला नाही, पोहता आलं नाही म्हणून.

भीड पाहिला, मध्येच सोडून दिला. खुप त्रासदायक वाटला; म्हणजे त्यांचे त्रास बघून

Siren 108: Ambulance driver ला त्याच्या बायकोच्या खूनात अडवकतात. Parole वर सुटल्यावर तो त्याचा बदला घेतो. so so आहे. Ambulance driver हे वेगळे profession घेऊन Thriller आहे असे description असल्यामुळे काही चांगले बघायला मिळेल असे वाटले होते पण regular vendetta story आहे.

मृ , मी चिकवावर हेच लिहून आले आहे. मी हिंदी ऑडिओ लावून बघितला.

पुलिस स्टोरी 1996 की भारतीय कन्नड़ भाषा की एक्शन फिल्म है, जिसका निर्देशन थ्रिलर मंजू ने किया है, जरूर देखिये .

Naadu: तामिळ चित्रपट आहे. शांत, सरळ साधा सिनेमा आहे. एका खेड्यात बरेच महिने रिकाम्या पडलेल्या आडगावात एक मॉडर्न डॉक्टरीण येते. ती जाऊ नये म्हणून गावकरी बरेच प्रयत्न करतात त्याची गोष्ट आहे. शेवट बर्‍यापैकी लॉजिकल आहे. तिची बदली का होत नाही ते शेवटी कळते. मारामारी आणि भडक साऊथ सिनेमा आवडत नसतील, तर हा शांत सिनेमा एकदा बघणेबल आहे

Neru: Synopsis वाचून आणि मोहनलालचा म्हणुन बघितला. आंधळ्या मुलीवर घरातील बाकीचे सगळे बाहेर गेले असताना बलात्कार होतो. मुलीने बनवलेल्या पुतळ्यावरुन गुन्हेगार पकडला जातो. पण conventional "Eyewitness" कोणीही नसल्याने आणि as usual, पैसेवाल्याचा मुलगा involve असल्याने कोणीही वकील खटला चालवायला तयार होत नाही. मग somehow मोहनलाल (त्यालाही typical background आहे) तयार होतो. मग सर्वकाही नेहेमीप्रमाणेच....

मूळ विषयामुळे interesting courtroom Drama असेल असे वाटले. पण तसा so so होता. शेवटापर्यंत सर्व expected घडते. May be one time watch आहे.

किष्किंधा कांडम. कुणी पाहिलाय का हा चित्रपट? ऐकलंय की आतापर्यंतचा सर्वोत्कृष्ट थ्रिलर चित्रपट आहे. जबरदस्त सस्पेन्स आहे.