भाषा : अपभ्रंश, बदल, मतांतरे इ.

ताम्रकार असा संस्कृत शब्द आहे तो.

जबाकुसुम - बंगाली उच्चार, जास्वंद.
चीनी बादाम =- शेंगदाणे (बंगालीत)
हल्लागाडी - नगरपालिकेची गाडी, फेरीवाल्यांचा माल जप्त करते ती. (बंगाली सामान्य प्रचलित)

-----
कांस्य (तांबे अधिक जस्त अधिक कथील यांचा मिश्र धातू) सोने चांदी न परवडणाऱ्यांसाठी नसून न गंजणारे , हिरवे पडणारे आहे. लोखंडाच्या कढया गंजतात,पितळेची भांडी हिरवी पडतात. कल्हई करावी लागते . त्यावरचा उपाय आहे. काशाचे तपेले भातासाठी, फोडणीसाठी. बंगाल्यांना लागते.

कांस्य दोनच ठिकाणी पाहिलंय. ऑलिंपिक आदि स्पर्धांमध्ये तिसर्‍या क्रमांकावर आलेल्या स्पर्धकाला कांस्यपदक दिलं जातं.
दुसरं शरीराचा दाह होतो तेव्हा पायाचे तळवे काशाच्या वाटीने घासतात.

जस्त असतं का त्यात? ब्राँझ = तांबे + कथिल copper + tin. असं दिसतंय.

अ‍ॅल्युमिनियम म्हटलंय तिथे काही आ धुनिक कांस्य असे म्हटलेय.
लेखातली दुसरीच ओळ - Modern bronze is typically 88 percent copper and about 12 percent tin.

आमच्याकडे काश्याच्या झांजा होत्या.

ब्रॉंझचे पुतळेपण असतात ना?

भांडी ब्रांझची नाही करत. ते तांबूस असतं. भांड्यांसाठीचं कासं पांढुरकं असतं आणि त्याचा नाद बद्द असतो.

तांबे + जस्त = पितळ Brass
तांबे + कथिल = कास्य, कासं Bronze

इति शालेय रसायनशास्त्र

आमच्याकडे दोन काशाच्या थाळ्याही होत्या.
सत्तर ऐशी वर्षांपूर्वी शाळेत तासांचे टोल देण्यासाठी काशाची सपाट ताटली इमारतीच्या प्रवेशद्वाराजवळ टांगून ठेवलेली असे. त्यावर घणासारख्या एका हातोडीने आपटून टोल्यांचा आवाज निर्माण केला जाई.

कानाला नाद कमीच असतो.

उल्लू का पठ्ठा काय भानगड आहे कळत नाही.

परंतू हा वाक्प्रचार कसा आला हे नाही दिलं. उल्लू ( घुबड) हा शहाणा,हुशार पक्षी लक्ष्मीचं वाहन समजतात. मग त्याचं पिल्लू/चेला मूर्ख कसं?
गधा/गाढव - आपला अधिकार आहे ती गोष्ट हक्काने न घेणारा. कुंभार गाढवाकडून काम करून घेतो पण खाणं देत नाही. गावचे उकिरडे फुंकायला सोडतो. आणि गाढव त्यात मालकाने आपल्याला खायला सोडलं यात आनंद मानतं.

सगळे जग दिवसा जागे असताना उल्लु झोपलेलं असतं
आणि रात्री जग झोपतं तेव्हा उल्लु जागं असतं
त्यामुळे जेव्हा जे करायचे / करतात ते न करणारा तो मुर्ख अर्थात उल्लु का पठ्ठा

अर्धे जग/ जीवसृष्टी निशाचर आहे मग फक्त उल्लुलाच वेगळं का काढलं?

सूज्ञ पणात आणि श्रीमंतीत आणि जगात पसरलेले सरदार उगाचच जोक्सच्या केंद्रस्थानी कसे? अगदी खुशवंत सिंग यांनीही {आपल्याच} सरदारजी समाजावर जोक्स पुस्तक काढलं.

उल्लू हा घुबड या अर्थाने न घेता कोणी तरी माणूस म्हणून घेतला तर तो मूर्खपणा साठी प्रसिद्ध असू शकेल तर त्याचा शिष्य या अर्थाने तो महामूर्ख असा अर्थ लागतोय. पण आता उल्लू हा कुठल्या नावाचा अपभ्रंश आहे हे शोधले पाहिजे. उलुघ हे एक फारसी नाव आहे. या अर्थाचा कोणी महा मूर्ख होता का ते शोधले पाहिजे. वेडा / येडा महम्मद ज्याप्रमाणे महम्मद तुघलकावरून आले तसा काहीसा प्रकार दिसतोय.

कुमार१ उल्लू हा इथे घुबड म्हणून न घेता कोणाचे तरी नाव म्हणून घेतले पाहिजे. घुबडाचा शिष्य याला काही अर्थ नाही.

उल्लू हा घुबड या अर्थाने न घेता कोणी तरी माणूस म्हणून घेतला तर तो मूर्खपणा साठी प्रसिद्ध असू शकेल तर त्याचा शिष्य या अर्थाने तो महामूर्ख असा अर्थ लागतोय.

हे पटतंय.

हिंदी शब्दकोशांत उल्लू या शब्दाचा घुबड प्रमाणे मूर्ख असाही अर्थ दिसतो आहे. त्याच्या उच्चारामुळे तो अर्थ त्याला चिकटला असावा.

हर्पेन, तोच अर्थ डोक्यात आला होता.

पठ्ठा हे मुलगा या अर्थाने असू शकेल.
कुठल्याशा जुन्या चित्रपटात एक नबाब आपल्या पोराला समजवायला एक शिक्षकाला सांगतो आणि तो त्या पोराला समजवताना "उल्लु के पठ्ठे म्हणतो" नबाबाचे डोळे विस्फारतात,मग चूक लक्षात येऊन शिक्षक ओशाळून माफी मागतो असा विनोद आहे.

शिवाय "गधे की औलाद" वगैरे आहेच. तेव्हा मला उल्लु का पठ्ठा मध्ये सुद्धा तोच अर्थ असावा असे वाटते.

घुबडाला मूर्ख का ठरवलं गेलं? हे बहुधा त्याच्या घु घु अश्या मुक्या माणसासारख्या आवाजामुळे? की उल्लू ला अजून काही अर्थ आहे ?

घुबडाला मूर्ख ठरवलं असेलच असं नाही. एका शब्दाचे एकमेकांशी संबंध नसलेले दोन अर्थ असू शकतात.