युक्ती सुचवा युक्ती सांगा भाग - ६

राजगिर्‍याच्या दशम्या मस्त होतात. आमची आई नवरात्रीच्या उपासांकरता नेहमी आणते ते पीठ.

धन्यवाद मानव & धनि.
राजगिर्यात बटाटा, दाणे कुट मिर्ची घालून मस्त थालिपीठ होतात.
कालच बरीच पिठं मागवलीत. आठवडी १ तरी वेळ भाकर करण्याचा इरादा आहे

foxtail millet..ह्यालाच मखाना म्हणतात का? ह्याचे भडंग टाईप केले जाते, भेळ छान लागते.

मखाणे म्हणजे कमळाच्या बिया ना?

कमळ नाही एक प्रकारची वॉटर लीली.

राजगिर्‍याच्या दशम्या मस्त होतात. >>> रेसिपि देणे

मखाणे म्हणजे कमळाच्या बिया ना?>> हो. त्या कशा काढतात कमळातून (मुळांमधून) ह्याचा १ व्हिडीओ पाहिला होता. जिकीरीचं काम आहे. म्हणुन महाग आहे.
आत्ता गुगलले, फॉक्स टेल मिल्लेट ला काकूम असं काहीतरी नाव आहे. दिसायला ज्वारी दाण्यांसारखे दिसत आहे. पीठ मिळाले तर आणेन.

कमळ नाही एक प्रकारची वॉटर लीली….

. त्या कशा काढतात कमळातून (मुळांमधून) ह्याचा १ व्हिडीओ पाहिला होता. जिकीरीचं काम आहे>>>>>

आता माझे डोके गरगरले….. कमळातुनच बिया काढतात आणि
कमलदलाच्या मध्ये जो भाग असतो त्यातुन बिया निघतात असा माझा समज होता.. पण ऋतुराजनी लिहिलेय म्हणजे बरोबरच असणार म्हणुन गुगलुन बघितले… काय किचकट काम आहे. फळ पक्व होऊन ते फुटते, बिया पाण्यावर तरंगतात आणि वरचे आवरण गेल्यावर खाली चिखलात रुततात… मग त्या गाळुन काढा आणि पुढची तितकीच किचकट प्रोसेस करा..
मखाने इतके महाग विकतात. विडिओतल्या प्रोसेसिन्ङ करणार्‍या जनतेकडे पाहुन त्यांना खुपच कमी पैसे मिळतात असे वाटले. हे असे सर्बत्रच आहे म्हणा…

फॉक्स टेल मिल्लेट ७-८ तास भिजवून नंतर भातासारखे शिजवून चपाती/भाकरी ऐवजी खाता येते. ते भाजीत मिसळून बाजूला कोशिंबीर, लोणचे घेते.

रेसिपि देणे >> जाई, आई कडून घेऊन इथे टाकतो

राजगिर्‍याच्या दशम्या >>>>>>>> मी जे करते त्याला दश्म्या म्हणायचं की नाही तुम्हीच ठरवा.

बटाटे उकडून किसायचे. साधारण मिडीयम २ घेते. त्या किसलेल्या बटाट्यात मळलं जाईल एवढं राजगिरा पिठ आणि भरपूर कोथींबिर हिरवी मिरची आल्याचे वाटण, थोडं दही, धनेजिरे पावडर, मीठ, चिमुटभर साखर घालून मळते. थापता येईल इतपत लहान लहान पराठे/थालिपिठं लावते.

छान आहे ही रेसिपी. थँक्स अंजली.

वेलकम सामो.

अंजली मी सेम असेच करते.
दशमी प्रकार मला वाटते, गुळ, दूध, वेलची घालून करतात.. ती जास्त टिकते.

जाई > आमच्याकडे दूध घालून करतात पण गूळ वगैरे नाही घालत.

दुसरी कृती आई ने सांगितली ती अशी - पिठात थोडे तिखट मीठ पाणी घालून भिजवायचे. पाहिजे तर कोथिंबीर चिरून घालायची. लाटताना चिरा जातात म्हणून तेलाचा हात लावून घ्यायचा. पीठ चिकट होते म्हणून हाताला पण तेल लावायचे

एका बाजूने भाजायची मग त्याला तेल लावायचे असे दोन्ही बाजूने भाजून घ्यायचे.

तिखट मिठाची केली तर थोडं आंबट ताक/ दही आणि मिरच्या चिरुन घालायच्या.

मुळा गाजर लोणचे केलेय.मेथीपूड किंचित जास्त झालीय:( कडसर चव आलीय..काय करू?

कडवट चव जाईल इतपत गाजर व लिंबाचा रस टाक मुळा नको

कडसर चव आलीय..काय करू?...
लिंबू रस घाला थोडा

noted मंजू ताई आणि मनिम्याऊ..लिंबू रस घालून बघते..

धनी >>> नोटेड. पाकृबद्दल थँक्स

राजगिरा म्हणजे amaranth ना?

राजगिरा, लाल माठ, हिरवा माठ सगळ्या बीयांना amaranth च म्हणतात त्याच्या पुढचं सफिक्स बदलतं.

घरच्या बागेतील चेरी टोमॅटो (गावराणी वाण बरंका), लसूण आणि ओव्याची फुले...
काय करता येईल सांगा.

काय करता येईल सांगा. >>> इकडे पाठवून द्या! खूप छान दिसतायत

तसे तर नुसतेच सॅलड सारखे जेवणाबरोबर मस्त लागतील.

पण हवे असल्यास ताजे चेरी टोमॅटो आणि लसूण घालून बटर वर मस्त पास्ता करता येईल. ओव्याची फुले गर्निश म्हणून

https://youtube.com/shorts/gEQ2eGg-I8I?si=EGZAmp6z30epCQS4

चेरी टोमॅटो मधे कापुन दोन तुकडे करा असे ३ कप, १ कप फेटा चिझ्,अर्धा कप मिडियम चिरलेला कान्दा, लसून पाकळ्या ५-७ मोठ्या -१०-१२ लहान , मिठ,मिरपुड ऑऑ सगळ ओव्हनला बेक करा...थन्ड झाल्यावर ब्लेन्ड करुन पास्ता सॉस म्हणून वापरा...भन्नाट लागतो.
किवा थोड गरम असताना पावभाजी स्मॅशरने स्मॅश करा, त्यावर इटालियन सिझनिग टाकुन गार्लिक ब्रेड बरोबर सर्व्ह करा.

घरात खूप उडद डाळ आहे. इडली, डोसा, दहीवडा हे सोडून इतर काय करता येईल?

भाजणी आवडत असेल तर तांदूळ आणि इतर धान्ये, कडधान्ये याबरोबर भाजून दळता येईल. लाडूही करतात पण मला रेसिपी माहिती नाही.