आहारानुरूप आचारसंहिता, व्यवस्था आणि आहारसवयींचे मुद्रांकन

प्राणी खाऊ नकोस असे ओरडून समोरच्याचे डोके फोडून टाकणे , ही शाकाहाराची एक नवीन कॅटेगरी निर्माण झाली आहे

<< देशांतर्गत विमानप्रवासादरम्यान मांस इ. युक्त पदार्थांवर पूर्ण बंदी घाला. >>
------ आधी बिफ आता पुर्ण मांसाहारावर बंदी... यांना भारत अजूनही समजलेला नाही. देशाचे मस्त वाटोळे लावत आहेत.

unintentionally मजेदार आहे ते आर्टिकल. सुधा मुर्तींची ओळख - यांची बायको, त्यांची आई अशी करून दिली आहे लेखिका, चॅरिटी वगैरे बद्दल काहीच नाही त्यांची तशी ओळखही कदाचित इन्फोसिसमुळेच झाली असेल पण तरीही का होईना पण किमान एक लेखिका व इन्फोसिस च्या चॅरीटी प्रोजेक्ट्स चालवणार्‍या असे काहीतरी तरी द्यायचे

बाकी हातानेच का नाही खात शी सहमत. या प्युअर व्हेज वाल्यांची "काय चालते" ची एक मोठी रेंज आहे. काहींना जाणूनबुजून खायला नको आहे पण न कळत पोटात गेले तरी काही प्रॉब्लेम नाही, काहींना "या चमच्याची हिस्टरी" वाले प्रश्न पडतात. काहींना अगदी आपण जेवतो त्या टेबलावरही कोणी खाल्लेले चालत नाही. ते वैयक्तिक आहे. ज्याला "पिकिनेस" आहे त्याने स्वतःपुरते काहीही करावे. अगदी कडीपत्ता डिशवॉशरमधे फिरवून ओव्हन मधे ४५० डिग्रीत तापवून घ्यावा. जे लोक विशेषतः फक्त व्हेज खाणार्‍या घरात वाढले त्यांना मेण्टल ब्लॉक असतो. मी इतकी वर्षे अमेरिकेत राहून अजूनही बीफ, पोर्क खाऊ शकत नाही. टोटल मेंटल ब्लॉक आहे (बीफच्या बाबतीत अगदी माझा छुपा हिंदुत्त्ववाद उफाळून येतो म्हंटले तरी पोर्कच्या बाबतीत ते ही नाही ). पण यातले अनेक लोक स्वतःपुरते करून थांबत नाहीत. प्युअर व्हेज कसे श्रेष्ठ वगैरे वेळीअवेळी व अस्थानी सांगून लोकांना पकवतात.

सुधा मूर्तींनी स्वतःबरोबर स्वैपाकाच्या सामानाबरोबरच स्वतःच्या डिस्पोजेबल प्लेट्स, बोल्स, ग्लास, चमचे, काटे, सुरी न्यावं. म्हणजे तो ही प्रश्न मिटेलच.
मी पण फ्लेक्सिबल व्हेजिटेरियन आहे. बाहेर मला ग्रिल्ड शिक कबाब खायला आवडतात पण मी बाकी काही नॉनव्हेज खात नाही. गेल्यावर्षीच चिकन करायला लागले आहे पण स्वतः खावं अशी इच्छा होत नाही.
मिसो सूपमधली फिश पेस्ट खटकत नाही पण हल्ली अंड्याचा वासही नको होतो. असं काहीतरी विचित्र प्रकरण आहे.
मला पक्क्या नॉनव्हेज खाणार्‍या लोकांची एक मजा वाटते. व्हेजिटेरियन्सना सहज अरे खाऊन बघा ना, छान लागतं वगैरे अगदी सहज सांगतात प्ण स्वतः मात्र बिफ क्वचित पोर्क वगैरेही खाणार नाहीत. त्यांना नॉनव्हेज खात असून मेंटल ब्लॉक आहे तर व्हेजिटेरियन्सना कोणत्या जोरावर मीट खा म्हणून सांगता?

मला पक्क्या नॉनव्हेज खाणार्‍या लोकांची एक मजा वाटते. व्हेजिटेरियन्सना सहज अरे खाऊन बघा ना, छान लागतं वगैरे अगदी सहज सांगतात प्ण स्वतः मात्र बिफ क्वचित पोर्क वगैरेही खाणार नाहीत.

>>>>>>>>

इथे "काही" असा शब्द हवा. अन्यथा फारच सरसकटीकरण झाले.

मी मांसाहार प्रेमी आहे. आमच्या घरी आणि मित्रपरिवारात बहुतांश असेच आहेत. तरी मी असे म्हणताना कोणाला पाहिले नाही.
(दारूबाबत हा आग्रह मात्र पाहिला आणि खूप अनुभवला आहे)

माझी बायको शुद्ध शाकाहारी होती. आता तिला चटक लागली तर स्वताहून नॉनव्हेज खाऊ लागली. पण कच्चे मासमटण किंवा मासे हाताळायला आवडतं नसल्याने स्वतः बनवत मात्र नाही. तिला खातेस तर बनवायला सुद्धा शिक असेही आजवर आमच्याकडे कोणी बोलले नाही.

काही मांसाहार करणारे लोक मात्र स्वताला फार मोठे तीसमारखान समजतात. आणि शाकाहारी लोकांना घासफूस खाणारे म्हणून हिनवतात. ते एक पटत नाही.

तर काही शाकाहारी लोक मांसाहारी लोकांना रानटी समजतात. ते ही एक पटत नाही.

अर्थात दोन्हीकडे सगळेच असे नसतात..

सार्वजनिक ठिकाणी,रेल्वेत आमचा डबा असतो. किंवा केळी बिस्किटे.

हा कपिल शर्मातला एपिसोड मी बघितला आहे , सुधा मूर्तींनी इतरांना फार बोलूच दिले नाही. मी त्यांची पुस्तकं फारशी वाचलेली नाहीत, त्यांच्या मुलाखती व छोटेमोठे लेख वाचलेत. मला अजून त्यांच्याबद्दल नीट मत बनवता आलं नाहीये, कधीकधी ह्या रामतीर्थकर बाईंचे रोबस्ट , पॉलिश्ड , आंतरराष्ट्रीय व्हर्जन तर नसावे अशी शंका येते. ही शंका चुकीची ठरली तर आनंदच आहे. मला 'साध्या' लोकांची भीती वाटते.

> कधीकधी ह्या रामतीर्थकर बाईंचे रोबस्ट , पॉलिश्ड , आंतरराष्ट्रीय व्हर्जन तर नसावे अशी शंका येते.
अगदी अगदी, हेच माझ्याही मनात आले होते.

अस्मिता, सहमत आहे. त्यांच्याबद्दल मत बनवता आलेलं नाही.

मला त्यांच्याबद्दल फार माहिती नाही. पण त्यांची पुस्तके वाचायला फार इंटरेस्टिंग नाहीत हे एक दोन पुस्तकांवरून जाणवले.

डॉलर बहु वाचलं होतं.आवडलं होतं.त्या पारंपरिक(रामतीर्थ
कर 1.1.0) असाव्यात असं वाटतं.अर्थात वय हाही फॅक्टर असावा.

हो भरत, मी दोन्ही शो बघितले होते आणि हे तिकडचं आहे हे लक्षात आलं होतं . आजकाल सगळीकडेच दिसतात त्या. तिथंही त्यांनी कुणालला बोलू दिलं नाही, शिवाय ह्यांच्या बडबडीने त्याला सुधरणं गेलं व खायचं सोडून खरकटा हात तसाच ठेवून बसला होता. त्यांनी मात्र एवढं बोलतबोलत सुद्धा केळीचं पान लख्ख केलं.

त्या तिकडे नेहमीच्या खाणार्‍या आहेत आणि फुडी आहेत म्हटल्यावर त्यांना काय येणार आहे समोर वगैरे माहित असणार आणि मुलाखतींची सवय असल्याने काय प्रश्न असतील ह्याचाही अंदाज असावा. हा मुलाखतकार असल्यामुळे खाणं आणि प्रश्न ह्यात मागे पडला असावा.

खायचं सोडून खरकटा हात तसाच ठेवून बसला होता. त्यांनी मात्र एवढं बोलतबोलत सुद्धा केळीचं पान लख्ख केलं. >>> बोलू पण देत नाहीत आणि खाऊ पण देत नाहीत

अगदी रामतीर्थकर नसाव्यात. स्वतःपुरत्या पारंपारिक असतील आणि त्यांच्या स्थानामुळे "मोठ्यांच्या छोट्या गोष्टी" (क्रेडिट पुलं) सारखे त्याला महत्त्व येत असेल. पण अशा वक्तव्यांना महत्त्व मिळत गेले की मग त्याच विचारसरणीचे लोक अवतीभवती जमा होतात आणि आपण थॉट लीडर वगैरे आहोत असा समज होतो आणि मग तेच विचार आणखी अ‍ॅम्प्लिफाय केले जातात. फेबुवर खूप फॉलोइंग असलेले लोकही बहुतांश असेच असतात.

आहारावरुन लोकांना पारखू नका एव्हढे तत्व मी पाळतो.

सुधा मुर्ती बॅशिंग का? त्या व्हेज आहेत म्हणुन की भाजप कडे झुकलेल्या आहेत थोड्याफार म्हणुन?

भरत, ह्या धाग्यावर सुधा मुर्ती यांच्यावरची बातमी आणण्याचे कारण कळू शकेल का?

त्या त्यांच्या पदाचा / प्रभावशाली असण्याचा वापर करून इतरांना त्यांच्याप्रमाणे वागण्यास भाग पाडत नसतील तर हरकतच काय आहे. त्यांची जी काही तत्वे आहेत ती त्या कसोशीने पाळण्याचा प्रयत्न करतात (आणि हे करताना इतरांना त्रास देत नाहीयेत) ही बाब मला तरी (सध्याच्या तत्व विहीन वागणारे बहु झाले काळात) स्तुत्यच वाटते. हे मला फारतर ज्याप्रमाणे विशिष्ट संप्रदायाचे लोक विशिष्ट प्रकारचेच मांस खातात किंवा डुक्कराचे खातच नाहीत त्याच जातकुळीचे वाटते.

त्या हाताने खातील नाहीतर घरून नेलेल्या चमच्याने!
हा ही ज्याचा त्याचा (च) प्रश्न आहे.

<< सुधा मुर्ती बॅशिंग का? त्या व्हेज आहेत म्हणुन की भाजप कडे झुकलेल्या आहेत थोड्याफार म्हणुन? Happy
नवीन Submitted by mandard on 27 July, 2023 - 01:11 >>

-------- सुधा मुर्ती यांच्याबद्दलचे प्रेम आहे का ? त्या संभाजी भिडे यांच्या पायावर नतमस्तक होतात म्हणून?
https://www.hindustantimes.com/india-news/why-did-sudha-murthy-touch-rig...

महिला पत्रकाराने कुंकू लावले नाही म्हणून तिच्या प्रश्नांना उत्तर देणे टाळणारा, " आधी कुंकू लाव मग बोलतो " असे उर्मटासारखे बोलणारा संभाजी भिडे. सार्वजनिक स्थळी दिसला वृद्ध , पड पाया असे सुजाण लोक करत नाही.

असते एकेकाची पसंती.

त्या संभाजी भिडे यांच्या पायावर नतमस्तक होतात म्हणून? >> हे चुकीचे आहे. मला ही संभाजी भिडे आवडत नाहीत. त्यांच्या पाया पडणार नाही.

<<<या प्युअर व्हेज वाल्यांची "काय चालते" ची एक मोठी रेंज आहे. काहींना जाणूनबुजून खायला नको आहे पण न कळत पोटात गेले तरी काही प्रॉब्लेम नाही, काहींना "या चमच्याची हिस्टरी" वाले प्रश्न पडतात. काहींना अगदी आपण जेवतो त्या टेबलावरही कोणी खाल्लेले चालत नाही. ते वैयक्तिक आहे.>>>>

हे निरीक्षण एकदम इंटरेस्टिंग आहे. म्हणजे खरे आहे अर्थातच पण एका श्लोकात रामायण किंवा महाभारत टाइप्स एवढी मोठी रेंज एका वाक्यात कव्हर केली हे इंटरेस्टिंग वाटले :).

<<<<त्या त्यांच्या पदाचा / प्रभावशाली असण्याचा वापर करून इतरांना त्यांच्याप्रमाणे वागण्यास भाग पाडत नसतील तर हरकतच काय आहे. त्यांची जी काही तत्वे आहेत ती त्या कसोशीने पाळण्याचा प्रयत्न करतात (आणि हे करताना इतरांना त्रास देत नाहीयेत) ही बाब मला तरी (सध्याच्या तत्व विहीन वागणारे बहु झाले काळात) स्तुत्यच वाटते. हे मला फारतर ज्याप्रमाणे विशिष्ट संप्रदायाचे लोक विशिष्ट प्रकारचेच मांस खातात किंवा डुक्कराचे खातच नाहीत त्याच जातकुळीचे वाटते.>>>

हर्पेन तुमचा हा मुद्दा १००% पटला. आजकाल सार्वजनिक पटलावर जेन्युइन व्यक्ती फार दुर्मिळ झाल्या आहेत. सगळे एकत्र पोलिटिकली करेक्ट वाटतात किंवा कुठलातरी हिडन अजेंडा जाणवतो. सुधा मुर्तींचे सगळे विचार पटले नाहीत तरी त्यांचं सामाजिक कार्य आणि ज्येन्युइननेस वादातीत वाटतो मला. भिडे गुरुजी प्रकरणात त्यांना बेनिफिट ऑफ डाऊट द्यायला हवा. भिडे गुरुजी आणि त्यांचे उपद्रवमुल्य त्यांना माहिती असण्याची शक्यता कमीच. एक वयस्क माणूस अचानक पहिल्यांदा भेटला त्याला मी आदर देण्यासाठी नमस्कार केला हे त्यांचे स्पष्टीकरण मला पटले होते.

अस्मिता जस्ट कुतुहल म्हणून रामतीर्थकर बाईंशी साम्य जाणवणारे विचार म्हणजे नक्की कुठले? शक्य असल्यास लिंक देणार का? मी त्यांना फॉलो करत नाही, 'वाईज अदरवाईज' वगळता त्यांच कुठली पुस्तकंही वाचली नाहीत म्हणून विचारले. कुतुहल ह्यासाठी की वैयक्तिक आयुष्यात त्या बर्याच बंडखोर वाटतात, मुलींना प्रवेश नाकारला म्हणून डायरेक्ट जेआरडींना पत्र वगैरे लिहिणारी बाई इतरांना परंपरा पाळा म्हणून सांगते (सरळ असो वा आडवळणाने) हे विसंगत वाटले.

येतंय हळूहळू लक्षात माझ्या. बरंच काही येतंय.

भिडे गुरुजी प्रकरणात त्यांना बेनिफिट ऑफ डाऊट द्यायला हवा. भिडे गुरुजी आणि त्यांचे उपद्रवमुल्य त्यांना माहिती असण्याची शक्यता कमीच. >> हे पटत नाही. भिडे गुरुजी काही रँडम म्हातारा माणुस नाही. She must be well aware about him.

वृद्ध व्यक्तीबद्दल आदर दाखविण्याची कृती नैसर्गिक आणि आपल्या उच्च भारतीय संस्कारांचा भाग असेल तर दिसणार्‍या प्रत्येक वृद्धाला वाकून नमस्कार करायला हवा. निदान पहिल्या भेटी मधे तरी. अनेक सार्वजनिक कार्यक्रमात मुर्ती यांनी हजेरी लावली आहे. संभाजी भिडे हे पहिले वृद्ध होते का ज्यांना हा असा दुर्मिक सन्मान मिळाला. गुगलल्यावर केवळ भिडेंचेच चित्र आहे.

पाच दशके आधी (१९७२ - १९७४), मुलींना समान वागणूक मिळावी यासाठी JRD यांना खरमरित पत्र लिहीणारी सुधा मुर्ती.
आज पन्नास वर्षानंतर एका महिला पत्रकाराला, सार्वजनिक स्थळी " आधी कुंकू लाव मग बोलतो" असा घोर अपमान करणार्‍याच्या पाया पडते हे विचित्र आहे.

पाया पडते वेळी सुधा मुर्ती यांना भिडे यांची पार्श्वभुमी माहित नव्हती, ठिक आहे, समजतो. पण वरिल प्रकारचे भिडे यांचे वक्तव्य "समानतेच्या" विरोधांत आहे असे बोलण्याचे धाडस तर करु शकतात ना.