पाककृती हवी आहे. माहिती आहे का? -४

आलं लक्षात, त्यानंतर उकड आली ना म्हणून मी कन्फुस्ड झाले.

आरतीने दिलेली ओगले यांची साईट मी आत्ता बघितली, खूप भन्नाट products आहेत त्यावर.

बापरे, अमच्याकडे काळे वाटाणे नसले तर संपलेच की सगळे गावी भजनात काळ्या वाटाण्याची सुक्की उसळ हा आवडीचा मेन्यू असतो. दर कृष्णाष्टमीला रात्री शेगलाची भाजी, आंबोळ्या व काळ्या वाटाण्याची उसळ हा ठरलेला मेन्यू (चुकून कधी) नसला की माझ्या बाबांचे पित्तच उसळायचे

आरतीने दिलेली ओगले यांची साईट मी आत्ता बघितली, खूप भन्नाट products आहेत त्यावर.>>>>>>>>>> हो मी पण पाहिले. पण पुण्यात शिपिंगचा ऑप्शन का नाहीये?.

अंजु , आरती धन्यवाद.
साईट खुप छान आहे . मी कोल्हापुरला शिप करण्यासाठी (घरी गेले कि मग तिथून इथे घेवून येईन) बराच प्रयत्न केला. पण चेक आउट करायला गेल कि कार्ट एम्टी मेसेज येतो. काय माहित काय इशु आहे.

आरती, ओगल्यांच्या साईट लिंक साठी धन्यवाद. हे इंग्रोत मिळू लागले तर बरे होईल.

काही कमेंट्स वाचून वाटतय की, काळा वाटाणा शिजवायचा कसा माहित नाहिये. ह्यात भरपूर प्रोटीन( बाकी कडधान्यापेक्षा) असते, ज्यास्त शिजवले तरी दडदडीत होतात आणि लोकं आधीच आंबट टाकतात.
अमीरेकेत बहुधा नाही मिळत( मला तरी तेव्हा नाही मिळाले) पण युकेला असताना सरार्स मिळायचे. ब्रिटिश लोकं आपल्याकडून घेवुन गेले.
अन्जू, बरोबर, सिंधूदुर्ग पट्ट्यात ज्यास्तच खातात, खास करून मालवण वगैर. बांदा वगैरे मग पुढे गोवा.
नाव सांगते आणि ऑनलाईन मिळतील आता.
अमेरीकेत जबरदस्त फाईन आहे एअरपोर्ट वर पकडले तर.. लोकं काय आणतात म्हणा लपवून.. पण $४८० का काय एकीला पडलेला फाईन. ती तर तांदूळ वगैरे घेवून जायची . तेव्हा तांदूळाला वेगळा. अशी सजा झालेली.

पण पुण्यात शिपिंगचा ऑप्शन का नाहीये?. >>> नाहीये का, मी ते काही बघितलंच नाही, फक्त products बघत राहिले .

अन्जू, बरोबर, सिंधूदुर्ग पट्ट्यात ज्यास्तच खातात, खास करून मालवण वगैर. बांदा वगैरे मग पुढे गोवा. >>> तळकोकणात जास्त करतात. मालवणी मसाला पण थोडा वेगळा असेल ना, गरम मसाल्यापेक्षा, मला आमच्या वरच्या म्हणत होत्या एकदा तुम्ही मालवणी मसाला घालून करून बघा, अजून छान लागेल गरम मसाल्यापेक्षा.

नाहीये का, >>>> नो शिपिंग अ‍ॅव्हेलेबल फॉर दॅट पिन कोड (निगडी)

brussels sprouts रेसिपी हवी आहे.भाजी करता येते का? जुनं हितगुज नाहीसं झालेलं दिसतंय.

https://www.maayboli.com/node/65323 अशी स्टरफ्राय भाजी फार आवडते.

सीमा, अजंली_12 मी त्यानां आज कळवते त्यांच्या site issue बद्दल. ही site नविनच सुरु केली आहे.

त्यांच्या site वरील सगळे प्रोड्क्ट्स आणि त्याहुन काही वेगळे प्रॉडक्ट्स आमच्याकडे विक्री साठी उपलब्ध आहेत. लवकरच माबो जाहीरात विभागात देईंन.

स्वाती ताई धन्यवाद, इंग्रो हे नेक्स्ट मिशन आहे आमच्यासाठी. सध्या कुरियर करत आहोत individual ऑर्डर साठी.

मस्त रेसिपी. अमितव धन्यवाद!

साधना, कोरडी मसालेदार (चाट प्रकारची) काळ्या वाटाण्याची उसळ नुसती खायला मस्तच लागेल. पण पोळीशी तोंडीलावणं म्हणून मला ती अजीबात जमत नाही. नुसता घास तोंडात फिरत राहतो.

भरत, दालबाटीबद्दल एकदम सहमत. पण हल्लीच मिळालेली एक नवीन टीप - 'दाल बाटीपे चटनी नही डाला तो मजा नही आता' तेंव्हा आता एकदा शेवटचा प्रयत्न करणार आहे चटण्या घालून खायचा. ही टीप पटली आहे कारण दाल पक्वान, रगडा पॅटीस अशा प्रकारांची लज्जत चटण्यांमुळेच येते नुसते खायला अगदीच सपक लागतात. (रच्याकने मला दाल बाटी खिलवणार्‍यांनी त्यावर नुसते तुपच ऑफर केले होते, चटण्या नाही. तेंव्हा चटण्या असतात का दालबाटीबरोबर याबाबत जरा साशंकच आहे)

दालबाटी सोबत बटाट्याची सुकी भाजी, चटणी, चुरमे के लड्डू आणि कढी असा पूर्ण बेत असतो. त्यामुळे दालबाटी सुसह्य होते.

 कोरडी मसालेदार (चाट प्रकारची) काळ्या वाटाण्याची उसळ नुसती खायला मस्तच लागेल. पण पोळीशी तोंडीलावणं म्हणून मला ती अजीबात जमत नाही. नुसता घास तोंडात फिरत राहतो. --- +1 , सुंदल आवडते.

इंदोरला मामाकडे गेले होते तेव्हा एका जेवणाला दाल बाफले केले होते घरीच. आमटीची चव छान होती आणि भरपूर घेतली त्यामुळे आवडली. चटणी, कोशिंबीर काही नव्हते. पण बरोबर खूप जण होते आणि कित्येक वर्षांपासून pending असलेल्या गप्पा

आरती, साईट बघते .... नागपूरला डीलर मीळाले का?
साधना, शेगलाची भाजी पहिल्यांदाच ऐकली... रेसिपी फोटोसहित टाक ना ...
दालबाटी खाण्याची पध्दत आहे... बाटी छान कुस्करायची त्यात दाल टाकून खायची... दाल त्यासाठी मात्र टेस्टी पाहिजे.

दर कृष्णाष्टमीला रात्री शेगलाची भाजी, आंबोळ्या व काळ्या वाटाण्याची उसळ हा ठरलेला मेन्यू >>>> नको नको साधनाताई !
एकतर बाहेर सकाळपासून पाउस पडतोय , काहीतरी गरम गरम खावस वाटतयं त्यात का जीवाला त्रास !

डाळ बाटी मला मध्य प्रदेशमध्ये नागदा इथे मावशी राहायची तेव्हा तिथल्या एकानी जेवायला बोलावले होते, मराठीच होते. अगदी चुलीवर बाट्या केलेल्या. तिथली आवडलेली, जाम टेस्टी होती. नंतर श्रीरामपुरमध्ये राजस्थानी लोक करायचे, दुकान होतं एक तिथली अजिबात आवडली नाही डाळ पण नाही, बाटी पण नाही, ओवन मध्ये केलेल्या बाट्या . मी घरीही केलेली, तीही नाही आवडली मला .

साधना, शेगलाची भाजी पहिल्यांदाच ऐकली... >>>> मंजूताई, शेगूल म्हणजे शेवगा.त्याच्या पानांची भाजी करतात.

साधना,कृष्णाष्टमीला तुम्ही सांगितलेला मेन्यू आजोळी असायचा अजून एक म्हणजे सांजोर्‍यापण असायच्या.

कोकणत ,शिजणारे काळे वाटणे मिळतात>>> +१०००

कोकणातल्या हाइप असा धागा हवा.>>>>

देवकी, मला वाटलं काही वेगळी भाजी आहे की काय... पण तीही कशी करायची.. पाला आधी उकडून घ्यायचा का

त्यांच्या site वरील सगळे प्रोड्क्ट्स आणि त्याहुन काही वेगळे प्रॉडक्ट्स आमच्याकडे विक्री साठी उपलब्ध आहेत. लवकरच माबो जाहीरात विभागात देईंन. >>> अरे वा, अभिनंदन आरती.

brussels sprouts >> आर्धे कापून त्याला तेल, तिखट मीठ आणि मीरेपूड लावून मस्त ओव्हन मध्ये टाकायचे. वरतून थोडे चीज भुरभुरायचे. खरपूस झाले की खायला तयार. बरोबर मेल्टेड चीज भन्नाट लागते.

स्वाती ताई धन्यवाद, इंग्रो हे नेक्स्ट मिशन आहे आमच्यासाठी.>>>>>>>>> हे फार भारी होईल.

पाला आधी उकडून घ्यायचा का>>>> आईला विचारायला हवे.

शेगला म्हणजे शेवग्याचा पाला.. बारीक चिरलेली मिरची, बारीक चिरलेला लसूण यांची फोडणी करून, बारीक चिरलेला कांदा परतून शिजवून घेऊन मग शेवग्याचा पाला धुवून टाकणे. वाफवून मीठ टाकून खवलेला ओला खोबरं घालणे. नणंद मेथीची भाजी पण अशीच करते. आणि समुद्री मेथीची भाजी पण अशीच.
नणंदेला कोकणात दिला आहे. त्यांच्या कडे पाचवी पुजताना ही भाजी लागते..
देवकी तुमच्या आई ची रेसिपी ही सांगा विचारून.

कोकणातल्या काही जणांकडे पाचवीला ही भाजी करतात, आमच्या शेजारी करतात. पण आमच्याकडे नसते.

ओके थँक्स धनि!

आरतीने दिलेली ओगले यांची साईट मी आत्ता बघितली, खूप भन्नाट products आहेत त्यावर.>>>> कुठे आहे ही साईट ???