काय ऐकताय?

Submitted by निनाद on 29 September, 2015 - 08:16

काय ऐकताय हा धागा आहे आहेच...
पण तो वाहता असल्याने त्यावर आलेली अनेक गाणी वाहून गेली. म्हणून हा न वाहता धागा!

अर्थात येथे पुर्वी प्रमाणे कोणतीही गाणी चालतील. हिंदी, मराठी, किंवा इतर भाषेतली गाणी.
अभिजात संगीताचे स्वर किंवा अगदी पॉप रॉक पण चालेल.

मुखडा लिहा किंवा पुर्ण गाणे द्या शिवाय
ऐकायला आणि पाहायला साऊंड क्लाऊड किंवा युट्युब दुवे दिले तर अजून बहार!
हवे तर गाण्यातले काय आवडले, का आवडले तेही लिहा.

तेव्हा रसिकहो येऊ द्या तुमच्या मनात आणि कानात असलेली आवडती गाणी!

विषय: 
संगीत-नाटक-चित्रपट
संगीत
शब्दखुणा: 
संगीत
नाटक
मनोरंजन
चित्रपट
आवडती गाणी
प्ले लिस्ट
Groups audience: 
धन्य ते गायनी कळा
Group content visibility: 
Public - accessible to all site users
शेअर करा

विविधभारती मुंबईवर सकाळी ६:४५ ला संगीत सरिता मध्ये कालपासून गुलजार, आर डी, आशा यांच्या गप्पांचा कार्यक्रम कितव्यांदातरी पुनःप्रक्षेपित होतो आहे.

Submitted by भरत. on 3 January, 2022 - 20:40

जाने ये कैसी आग है जिसमे धुंआ ना चिंगारी
हो ना हो इस बार कही कोई ख्वाब जला है सीने मे
आवारापन बंजारापन

केकेने गायलेले एक अप्रतिम गाणे
https://youtu.be/DjNPrZdQZbI

Submitted by माझेमन on 8 June, 2022 - 09:04

सलील कुलकर्णी official या YouTube channel वर "कवितेचे गाणे होताना" या विषासंदर्भात असलेल्या मालिकेचे भाग ऐकते आहे. सगळेच भाग अप्रतिम आहेत. त्यात सलील प्रत्येक कवी बद्दल भरभरून बोलला आहे. बरेचसे वेगळे अर्थ, संदर्भ स्पश्ट केले आहेत. सलीलचे पाठांतर/ स्मरणशक्ती जबरदस्त आहे.
खूप सुंदर आहेत सगळेच भाग. बघितले/ऐकले नसतील तर नक्की ऐका.

Submitted by वत्सला on 8 June, 2022 - 09:37

अली अहमद म्हणून सनई नवा़ झ आहेत, उस्ताद बिस्मिलाह जींचे समकालीन, आणि म्हणूनच एवढी प्रसिध्दी नाही मिळाली, तशाच कल्याणी रॉय देखील सतारीवर
दोन्ही यु ट्यूब वर आहेत.
आवर्जून ऐका...https://www.youtube.com/watch?v=eAKGcwB98zo
https://www.youtube.com/watch?v=D_BLpKHXyJc
Ali Ahmed Hussain Khan was born on 21 March 1939 in Kolkata. His grandfather Wazir Ali Khan was the first to demonstrate Indian classical music on shehnai at Buckingham Palace. His father Ali Jan Khan and uncle Nazir Hussain Khan and Imdad Hussain Khan of Benares were also renowned shehnai specialists Ali Ahmed Hussain Khan (21 March 1939 – 16 March 2016) was a shehnai specialist from India

He taught how to play the instrument, shehnai, at Sangeet Research Academy, Calcutta beginning in 1974. He was regularly featured on All India Radio and Indian Television. He holds the distinction of composing the signature tune for Indian Television with Pandit Ravi Shankar in 1973. He played jugalbandhi both commercially and in live performances with artists such as Vilayat Khan, Pandit Manilal Nag on sitar, V. G. Jog on violin and Munawar Ali Khan with vocals

Ali Ahmed traveled within India and abroad. His concert tours included countries like the United Kingdom, Germany, Switzerland, the Netherlands, France, Belgium, Russia, Tunisia, Thailand, Singapore, Indonesia and the Philippines over a span of twenty years. On several occasions, he has been invited/sponsored by governments and/or music festivals. He performed a duet with pianist Peter Michael Hamel at the Indo-German Festival. He also participated in the 'Music Festival Raag-Mala' in the U.S. and Canada in 1994
कल्याणी रॉय
https://www.youtube.com/watch?v=GauAJTsjv4w
https://www.youtube.com/watch?v=Drok1RxmzEE
आणि ही त्यांची जुगलबंदी
https://www.youtube.com/watch?v=kyJ3qJQCsrY&list=PLuptjDm9tJTFinulwvK3Mc...

Submitted by रेव्यु on 14 November, 2023 - 05:11

अली अहमद म्हणून सनई नवा़ झ आहेत, उस्ताद बिस्मिलाह जींचे समकालीन, आणि म्हणूनच एवढी प्रसिध्दी नाही मिळाली, तशाच कल्याणी रॉय देखील सतारीवर
दोन्ही यु ट्यूब वर आहेत.
आवर्जून ऐका...https://www.youtube.com/watch?v=eAKGcwB98zo
https://www.youtube.com/watch?v=D_BLpKHXyJc

Submitted by रेव्यु on 16 November, 2023 - 12:52

आज म्हणजे ३ डिसेंबर - देव आनंद यांची पुण्यतिथी.
'एक फनकार' मध्ये, विविधभारतीवरती सुरेख कार्यक्रम झाला. आत्ता देवानंदचीच गाणी ऐकते आहे.

Submitted by सामो on 3 December, 2023 - 11:54

प्रीती म्हणजे काय?

मराठीत अशी चाल क्वचितच ऐकू येते. संगीतकार दत्ता डावजेकर असतील असा अंदाज बांधला आणि तो खरा ठरला. यांना काळाच्या पुढे असणारे संगीतकार म्हणत.
चित्रपट - जुनं ते सोनं. आशा- मन्ना डे. शब्द गदिमांचे असावेत. पडद्यावर सीमा आणि रमेश देव. चित्रपट लहानपणी पाहिला होता. मॉडर्न बायकांना परंपरेचं महत्त्व पटवणे अशी थीम होती.

याच चित्रपटातले आणखी एक गाणे -
पाण्यात पाहती का माझे मलाच डोळे

Submitted by भरत. on 7 October, 2024 - 10:54

दोन्ही गाणी आवडली. कशी काय कधीच ऐकली नव्हती? आईने कधीच लावलं नाही कसं शक्य आहे कोण जाणे Lol
पाण्यात पाहती का बद्दल.. एक तरल/ इंट्रिगिंग परिणाम रहातो गाणं संपल्यावर. सुरुवातीचा पीस मेलडी प्रस्थापित करतो आणि मग ती कडवी वाढवत नेतात. त्यात बासरीचा वापर भारतीय संगीताची हार्मनी दाखवत एक वेगळा आयाम देत रहातो असं वाटलं. पण मध्येच तो एक लडिवाळपणा कशाला आणलाय असं वाटलं. पण शब्द ही 'आहेस चंद्रलेखा' वगैरे लडिवाळच होतात. तुमची थीम वाचल्यावर मग तिला फार प्रश्न पडूनही चालायचे नाहीत हे ही थोडं लक्षात आलंच. Happy

आशाचा आवाज मात्र यात नाही तितकासा रुचला. काहीतरी बालिश किंवा कदाचित तितकी तयारी न करता... कदाचित यात ती खूप तरुण असताचा असेल... कोण जाणे.
एक गूढ गाणं मात्र वाटतं. ऐकताना एकावेळी मला एकदम 'सख्या रे घायाळ मी हरिणी' आठवलं.
धन्यवाद!

Submitted by अमितव on 7 October, 2024 - 11:34

मलाही ही दोन्ही गाणी रेडियोवर ऐकल्याचं आठवत नाही.
युगुलगीत सारेगम कारवां मध्ये नीट ऐकलं.
या चित्रपटातलं - "ताईबाई आता होणार लगीन तुमचं " हे आधी ऐकलं होतं.
पाण्यात पाहती का - वरून पाण्यातले पहाता प्रतिबिंब हासणारे आठवलं. ते खळ्यांचं असावं.

Submitted by भरत. on 7 October, 2024 - 11:44

https://www.youtube.com/watch?v=eEhoEjv4JWk
हे मी पंडित नुसरत फतेह ह्यांचे ऐकले होते. आता हे डॉ ममता जोशी ह्या सूफी गायिकेने गायलेले ऐकले. पहा तुम्हाला आवडतेय का.

Submitted by केशवकूल on 9 October, 2024 - 07:05

आशा- लेस्लि लुइज - मजरूह यांचा जानम समझा करो हा अल्बम.

मजरूहचं नाव शेवटी लिहिलं कारण चालीवर शब्द भरलेले कळताहेत. पण त्यातूनही त्यांनी भावनिर्मिती साधली आहे.
म्युझिक रिअलिटी शोजमुळे पर्फॉर्मर, पर्फॉर्मन्स हे शब्द कळले आणि रुजले. इथे आशा परफॉर्म करताना मनःचक्षुंना दिसते.

त्यातलं पाय थिरकवायला लावणारं गाणं

Submitted by भरत. on 27 October, 2024 - 10:51

हे गाणे माहीत नव्हते. हा अल्बम म्हटले की 'रात शबनमी भिगी चांदनी' हेच गाणे आठवते. लता नेहमी तल्लीन होऊन अगदी डिव्हिनिटीने गायची तर आशा ती गाण्याची प्रक्रिया जास्त एन्जॉय करायची असे वाटायचे. तल्लीनतेचेच दोन्ही प्रकार. त्यामुळे आशा पर्फॉर्म करताना बघायला मजा यायची. बऱ्याचशा अल्बममधे सुंदर -सुंदर साड्या, प्रसन्न मुद्रा व आनंदी व्हाईब्ज मधे बघितले आहे. ती तिच्या म्युझिक व्हिडिओंमधे सिंड्रेलाच्या गोष्टीत जशी 'फेअरी गॉडमदर' होती तशीच वाटायची. येऊन जादूची छडी फिरवून पूर्ण मूड बदलणार. हा बहुतेक माझ्या ज्यु कॉलेजच्या वेळेसचा आहे. तेव्हा बरेच म्युझिक व्हिडिओ यायचे. आम्ही हे बघून घरून निघायचो आणि त्या विषयीच बोलायचो. Happy

Submitted by अस्मिता. on 27 October, 2024 - 11:01

काल स्वरांगी मराठेने गायलेलं आभाळमायाचं शीर्षक गीत बघितलं, तेच गुणगुणतेय आज. मूळ देवकी पंडितने गायलेलं जास्त मस्त आहे. म टा ने आभाळमाया टीमला बोलावलं होतं, ते काहीजण येऊ शकले नाहीत, गीतकार मंगेश कुलकर्णी नुकतेच गेले. स्वरांगी आलेली, तिने गायलं ते. संज्योत हर्डीकर आता या क्षेत्रात नाही पण छान दिसत होती. आवडते मला ती.

Submitted by अन्जू on 27 October, 2024 - 11:15

लता नेहमी तल्लीन होऊन अगदी डिव्हिनिटीने गायची तर आशा ती गाण्याची प्रक्रिया जास्त एन्जॉय करायची असे वाटायचे. +

आशाचा एक स्टेज शो टीव्हीवर पाहिला होता. त्यातही ती वेगवेगळ्या डिझायनर साड्या नेसली होती.

मिळाला.

यात ती बोललीही छान आहे. एक नाट्य गीत म्हटलं आहे. गोविंदाचा डान्स आहे आणि आशाने एका गाण्यात हृतिकच्या सिग्नेचर स्टेप्स केल्यात.

Submitted by भरत. on 27 October, 2024 - 11:20

आज सारेगम कारवाँ मध्ये संगीतकार राम कदम लावले होते. पं. भीमसेन जोशींच्या आवाजात एक गाणं ऐकू आलं. आधी कधी ऐकलं नव्हतं.
भीमसेननी गायलेली चित्रपटगीतं म्हटल्यावर इंद्रायणी काठी, रम्य ही स्वर्गाहुन लंका, टाळ बोले चिपळीला आणि विठ्ठलाच्या पायी थरारली वीट ही आठवतात. आशासोबत एक युगुलगीत आहे.
आठवणीतली गाणीवर शोधलं तर आणखीही दिसतील.
तर हे राम कदम यांनी संगीतबद्ध केलेलं गाणं - शोधितो राधेला गोपाल

पं. वसंतराव देशपांडेंनीही भरपूर चित्रपटगीतं गायली आहेत. त्यांची कॅसेट घेतली तेव्हा कळलं. सप्रेम नमस्कार विनंती विशेष, माझं ठरल्यालं लगीन मोडलं. त्यांच्यावरच्या चित्रपटात हा भाग आलाय का आठवत नाही.

Submitted by भरत. on 12 November, 2024 - 01:23

Pages