निसर्गाच्या गप्पा (भाग २५)

Submitted by जागू-प्राजक्ता-... on 21 March, 2015 - 09:43

(निसर्गाची नैसर्गिक गुढी/तोरणे)

सर्व निसर्गप्रेमींना सप्रेम
नमस्कार,

गोनीदां, डॉ. शरदिनी डहाणूकर, दुर्गाबाई यांजसारखे जे निसर्गप्रेमी आहेत ते सतत आठवणीत असतातच पण त्यांचा विशेष आठव होतो ऋतूबदल होतो तेव्हा - काय सुरेखरित्या या नैसर्गिक गोष्टीला ते शब्दबद्ध करु शकतात !!

गोनीदांनी " माचीवरला बुधा" या कादंबरीत लिहिलेले हे वर्णन का पहाना ...
"फाल्गुन लागला. अन चाफ्याची सगळी पानं गळून पडली. त्यांच्या टोकाला बारीक बारीक कळ्या धुमारल्या. ती टोकं तांबूस चकचकीत दिसू लागली. होता होता कळ्या फुलल्या. सगळं टेमलाईचं पठार चाफ्याच्या वासानं घमघमायला लागलं.उंबराचीही पानावळ पार झडून
गेली होती. पण फाल्गुन लागताच त्या झाडाच्या अंगी चैतन्य रसरसलेलं दिसू लागलं. त्याच्याच अंगी का, सगळ्याच झाडांची तीच गत झाली. रानची सगळीच झाडं नव्हाळली, देखणी दिसायला लागली. त्यांच्या फांद्याच्या हातांना जणू कोवळी तांबूस नखं फुटली. त्या कोवळ्या झळाळीनं सगळं रान श्रीमंत झालं." (साभार - माचीवरला बुधा - गोनीदा - मॅजेस्टिक पब्लिशिंग हाऊस)

जरी आपण सगळे शहरी असलो तरी आपल्या आसपासच्या झाडापानात जो बदल होत असतो तो पाहून आपण
आंत कुठेतरी सुखावतो, श्रीमंत होत असतो. या निसर्गाची विविध रुपे पहाताना त्यातून जी निर्मळ प्रसन्नता, शांति व सौंदर्य यांची लयलूट केली जाते त्याची साठवण आपल्या मनात कशी करता येईल हे जरुर
पहावे.

सार्‍या झाडांसारखेच या नव्या वर्षाचे आपण उत्फुल्ल मनाने स्वागत करु या, कोवळ्या पालवीसारखी एक सुंदरशी सतेज गुढी आपल्याही मनात उभारुयात - चैतन्यमय होऊया, अमृतमय होऊया
....

असतो ऽमा सद्गमय |
तमसोऽमा ज्योतिर्गमय |
मृत्योर्मा अमृतं गमय |
ॐ शांति: शांति: शांति: ||

सर्वांना नववर्षाच्या
अनेकानेक हार्दिक शुभेच्छा ....

वरील प्रस्तावना मायबोलीकर शशांक पुरंदरे यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली. आज २५ वा धागा गुढी पाढव्याचा मुहुर्त साधून मराठी नविन वर्षाच्या प्रारंभदिनी सुरू करताना आनंद होत आहे.

मागील धागे.

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

जरबेरा कित्ती गोड आणि क्युट

जरबेरा कित्ती गोड आणि क्युट बिया आहेत. चकचकीत पण आहेत. मस्त.

Submitted by अन्जू on 23 May, 2015 - 09:42

जरबेरा. अ प्र तिम

जरबेरा. अ प्र तिम प्र.ची...
गु लाबी बहाव्याच्या असतील तर मला पण दे थोड्या...:)
अवनी छान लिहीलयस

Submitted by सायु on 23 May, 2015 - 10:14

उन्हाळ्यातल्या रखरखाटात

उन्हाळ्यातल्या रखरखाटात डोळ्यांना हा गारवा.

From mayboli

Submitted by मनीमोहोर on 23 May, 2015 - 12:25

मस्त हेमाताई. केरळचा आहे का

मस्त हेमाताई. केरळचा आहे का फोटो का कोकणातला.

Submitted by अन्जू on 23 May, 2015 - 13:01

जर्बेरा, हेमाताई मस्त

जर्बेरा, हेमाताई मस्त फोटो.

बहाव्याच्या शेंगा रुजवायच्या असतील तर त्या आधी स्वच्छ पाण्याने धुवुन घ्या. उन्हात कडकडीत वाळवा आणि मग रूजवा. शेंगेतील गर गोडसर असल्याने जर तशाच बिया रूजवल्या तर त्याला मुंग्या लागतात, त्यामुळेच धुवून, वाळवून रूजत घाला. मी असंच केलेलं, बी रूजली आणि रोप छान २-३ फूट वाढलंय. (शेंग मायबोलीकर बित्तुबंगाने दिलेली )

Submitted by जिप्सी on 23 May, 2015 - 13:05

अंजू, धन्स. अग केरळचा आहे. पण

अंजू, धन्स. अग केरळचा आहे. पण कोकणातल्या बॅक वॉटर मध्ये पण असचं दिसतं !!

जिप्सी, धन्स. तुला आवडला छान वाटलं

Submitted by मनीमोहोर on 23 May, 2015 - 13:07

(No subject)

Submitted by अन्जू on 23 May, 2015 - 13:07

ममो छान आहे फोटो हिरवागार!!!

जर्बेरा, क्या रे, मामा ची भाची शोभतीयेस हां अग्दी!!!

सुर्रेख आलेत फोटोज.. पर्र्फेक्ट!!

Submitted by वर्षू. on 23 May, 2015 - 20:51

हेमा ताई, नागपूर चे ता. सद्या

हेमा ताई, नागपूर चे ता. सद्या ४७ आहे...त्या मुळे तुम्ही टाकलेली प्र.ची पाहुन खरच गार गार वाट्तेय......

Submitted by सायु on 23 May, 2015 - 22:29

सुप्रभात

सुप्रभात निगकर्स!
ममो...........गारगार वाटलं
सध्या जास्वंदीची भरपूर फुलं आहेत. पण अगदी सकाळी तोडली तर अर्धोन्मीलित असतात.

Submitted by मानुषी on 24 May, 2015 - 00:08

मानुषी ताई प्र. ची छानच ..

मानुषी ताई प्र. ची छानच .. पहिले फुल गणपती सारखे भासते आहे. .. पुंकेसराचा भाग गज मुखासारखा वाटतोय. .

Submitted by सायु on 24 May, 2015 - 04:31

जास्वंद सुरेख.

Submitted by अन्जू on 24 May, 2015 - 04:49

हंम्म्म. सायली वाटतय खरं.

हंम्म्म. सायली वाटतय खरं. तसंही जास्वंद बर्‍याच वेळा गणपतीसारखं वाटतं!
थॅन्क्स अन्जू.

Submitted by मानुषी on 24 May, 2015 - 06:20

वॉव मस्त रंग आहे जास्वंदा चा

वॉव मस्त रंग आहे जास्वंदा चा , लाल चुटुक

Submitted by वर्षू. on 24 May, 2015 - 06:23

मानुषी , जास्वंद

मानुषी , जास्वंद मस्त.
सायली, होय ग वाटतयं ग खरचं गणपती सारखं

Submitted by मनीमोहोर on 24 May, 2015 - 07:21

हे खास नागपुरातल्या

हे खास नागपुरातल्या सायलीसाठी...........४७ टु डायरेक्ट ० डिग्री!
हुडहुडी भरली का सायली?

Submitted by मानुषी on 24 May, 2015 - 07:31

गुलमोहर फुललाय सगळीकडे.

गुलमोहर फुललाय सगळीकडे. त्याच्या रंगांच्या पण किती विविध छटा आणि ते सर्व डोंबिवलीत बघायला मिळतात.

पांढुरका केशरी, केशरी, डार्क केशरी. मस्त लाल रंगाच्या पण दोन छटा. आमच्या सोसायटीत लाल रंगाचे आहेत. एक माझ्या किचन आणि बेडरूममधून दिसतो.

पर्जन्यवृक्ष पण खूप आहेत डोंबिवलीत आणि सगळे बहरलेत. मस्त नजरेने आस्वाद घेत फिरत होतो.

Submitted by अन्जू on 24 May, 2015 - 10:34

वॉव, मानुषी ताई ... ठंडा ठंडा

वॉव, मानुषी ताई ... ठंडा ठंडा कुल कुल....:)

Submitted by सायु on 24 May, 2015 - 13:55

जर्बेरा, मनीमोहोर,

जर्बेरा, मनीमोहोर, मानुषी
मस्तच फोटो

Submitted by जो_एस on 25 May, 2015 - 10:33

इथे मी खाऊचा फोटो का टाकतोय

इथे मी खाऊचा फोटो का टाकतोय म्हणून प्रश्न पडेल...

शेल्फ वर हि बिस्किटे बघितली तर मला आधी त्या शिकेकाईच्याच शेंगा वाटल्या. पण त्या बहुतेक खात नाहीत आणि तिच्या बिया लाल नसतात. या शेंगा कोकोला पर्याय म्हणून वापरतात. चव बरीचशी तशीच.. ( पण अगदी तशी नक्कीच नाही. ) हे पोर्तुगीज नाव आहे त्या झाडाचे.

Submitted by दिनेश. on 25 May, 2015 - 11:06