युक्ती सुचवा/ युक्ती सांगा- २

तांदूळ भिजत ठेवायचा नसेल तर कुकिंग टाइम आणि पाणी वाढवायचे.
दक्षिणा, तुम्ही एक कपपेक्षा कमी तांदळाचा भात करत असाल तर वेळ कमी लागेल.
प्रमाण अर्धे केले तर वेळ २/३ पट.

दिनेशदा, Thanks! मी करुन बघते.... पण उड्दाच्या पिठाच्या भाकर्‍या? घावण केले तरीही चालेल नाहि का?

दक्षिणा राईस कुकर चा ऑप्शन कसा वाटतो त्यात मोकळा होतो भात.
मी त्यात करते.

मी नेहमी मावेत भात करते. तान्दुळ (. कसा लिहायचा?) धूउन..... पाणी काढून कमीत कमी १० मि. ठेव. (साबुदाणे भिजवतो तसे... चमचाभर पाणी ठेवतो तसे).... भात करताना जसा भात हवा तसे पाणी ठेव... मला मऊ भात आवड्तो म्हणुन मी दुप्पट पेक्शा जास्त पाणी ठेवते. बाउल मोठे घेते. Plastic Film ने cover करते. १५.मि. भात होतो... मधे काहि बघावा लागत नाहि... तु office ला जायच्या आधी तान्दुळ धूउन ठेवले तरि चालेल. मी नेहमी बासमती तान्दुळ वापरते. कधी जास्त तान्दुळ झाले तर धुतलेला तान्दुळ फ्रीज मधे ठेउन दुसर्‍या दिवशी हि वापरते.

उद्या सुट्टी आहे, भाताचा प्रयोग करून पाहतेच.

राजेळी केळी भेट म्हणून मिळाली आहेत. ३ मध्यम आकाराची आहेत. काय करता येईल त्यांचं? मावेचा वापर होईल का?

राजेळी केळी? म्हणजे कसली?

२-४ मुठी तांदुळ पातेल्यातसुध्दा जास्त भानगड न करता हातपायधुवून कपडे बदलेस्तोर रटरट गॅसवर शिजव की पोरी. वर लिवल्याप्रमाणे झाकण दडपू नकोस, कलतं ठेव. अन वरनाचा गोळा ठुतीस का फ्रिजात? का नुस्ता गुरगुट्टा भात? पेक्षा एक चिमुकला कुकर घेऊन टाक. मीबी प्रेस्टिज चिमखडा गेली ५ वर्ष विविध कामांसाठी वापरते.

राजेळी केळी? म्हणजे कसली? >>> सोनकेळी. पिवळीध्म्म्क छोटी छोटी असतात ती बहुतेक

ओल्याखोबृयाचे सारण भरून भरली केली खूप छान लागतात. वेल अन हौस असेल तर करू शकतीस

राजेळी केळी म्हणजे प्लांटेन. ती शिजवूनच खावी लागतात. त्यानुसार ती बेक करुन किंवा तळून खाता येतात.
त्याचा हलवा, उंबरे, पोळ्या असे प्रकार करता येतात.
त्यातल्या त्यात हलवा करायला सोपा. सोलून चकत्या करुन तूपात परतायच्या. त्याच वेलची, साखर घालायची. जास्तीचे म्हणजे त्यात ओले खोबरे किंवा लाल टोमॅटो घालायचा.

१००० पोस्टी झाल्या !!!

अनु गोड गिट्ट नाही लागत का ती भाजी? आणि शिजवल्यावर गिर्र गोळा होत असेल ना?

दक्षिणा, हि केळी थोडी आंबट असतात. नुसतीच गोड नसतात. केरळी काचर्‍या याच्याच करतात. (कच्च्या केळ्याच्या) साखर आवडीप्रमाणे घालायची.

ही केळी, पांढरा मूळा, हिरवे वाटाणे, टोमॅटो अशी भाजी पण करतात. छान लागते.

श्रद्धा मग काचर्‍याच करून टाक मस्त... नुसत्या तोंडी लावायला...

अग सोने, भ्रली केळी, (जशी भ्रली वांगी)म्हटल मी - गोड पक्वान्न ग. केळी भरून ती अलगद परतावीत.

अग सोने, भ्रली केळी, (जशी भ्रली वांगी)म्हटल मी - गोड पक्वान्न ग. केळी भरून ती अलगद परतावीत>> अरे वाह, पण त्यात भराव काय?
जरा डिटेल द्याकी.

मोदकाला ओल्या खोबर्‍याचे सारण करतो ते, पण तेवढे शिजवायची गरज नसते.

केळ्याचा हलवा

भरल्या केळ्यांसाठी केळी न कुस्करता तुकडे करायचे आणि त्यात खोबरे-साखर-खवा/पेढ्याचे मिश्रण भरायचे आणि तुपावर परतायचे.

हा...तिच ती मोठ्ठी केळी. त्याचा हलवा पण बराचसा चिवट होतो ना? चिप्स आणि भरल्या केळ्याचा ऑप्शन इंट्रेस्टींग आहे. धन्यवाद अनघा, मंजूडी, दिनेशदा आणि दक्षिणा दोन्ही प्रकार आधी केलेले नाहीत. करुन बघेनच.

अनघा_मीरा, हौस आहेच मग वेळ आता काढायलाच पाहिजे. सारण भरल्यावर शिजवायची कशी? तुपात परतायची की वाफवायचीत?

परतावीत . वाफवल्यास चांग्लई लागणार नाहीत शिवाय मेण होतील ते वेगळच :काल ५ डिग्री आजही किती थांद म्हणून कुडाकुडत टाएपणरी बावली:

परतावीत . वाफवल्यास चांग्लई लागणार नाहीत शिवाय मेण होतील ते वेगळच :काल ५ डिग्री आजही किती थांद म्हणून कुडाकुडत टाएपणरी बावली:

केळ्याचं असलं करा.. मला पण द्या.. http://www.misalpav.com/node/20575

जागोमोहनप्यारे, हे ऑलरेडी क्यु मधे आहे. पण ह्याला आपली नेहमिची केळी लगतील्.बनवल्यावर पाठवून देण्यात येईल

आभार अनघा!

घरी स्वादचं साबुदाण्याचं मोठं पॅकेट आहे, पण भिजवल्यावर साबुदाण्याचा गचका होतोय.. तो साबुदाणा कसा भिजवावा?

खिचडीच्या भानगडीत पडू नये.थालिपिठं लवून संपवावा तो साबुदाणा.

साबुदाण्याची खीर/ दही साबुदाणा हे प्रकार पण करता येतील. उष्ण प्रदेशात असाल आणि शक्य असेल तर पापड्या, चकल्या करू शकता. किंवा बेस्ट म्हणजे साबुदाण्याचं पीठ करून ठेवा.

बासुंदी करताना दुध आटण्यासाठी काही युक्ती आहे का?
दुध संपवण्यासाठी काय करता येइल? पण कमी वेळेत

बासुंदी चे दूध आठवताना, पसरट भांड्यात मोठ्या आचेवर भरभर ढवळत आटवायचे. रंग पांढरा राहतो आणि लवकर आटते. (मंद आचेवर आटवले तर रंग गुलबट होतो.)

दूधाचे दही व चक्का करता येईल. चक्का फ्रिजमधे टिकतो. श्रीखंडासाठीच नव्हे तर कोशिंबीरीत पण वापरता येतो.

हसरी, कस्टर्ड करता येईल. नुसते दही जरी लावून ठेवलेस तर दही फेटून कढी करता येईल. पनीरही करता येईल.

धन्यवाद