अमानवीय...?

जाई तुला बोल गं.
अगं मला या आधीपण असा अनुभव मध्यरात्रीच आला होता. पण मी हल्ली काय काहिही निसर्गानुरुप होत नाही म्हणुन दुर्लक्ष केले. जसे यंदा पाऊस आता पडतोय.

त्यारात्री मी माझ्या नवर्यालापण उठविले तो जात होता बघायला पण मीच जाऊन नाही दिले. आमच्या बेडरुमच्या मागे मोकळे मैदान आहे तिथे कचरा वै. असतो म्हणुन तिथे माणसं येत नाहित त्यामुळे माणसांना पाहुन कुत्रे भुंकत नसतील. तसे मला कुत्र्यांचा प्रॉब्लेम नाही कारण ते कधीपण भुंकत असतात पण कावळे.. आणि आम्ही राहतो चौथ्या मजल्यावर त्यामुळे आमच्या डिशवर बसलेल्या कावळ्यांना कसला बर त्रास होत असेल की असे रात्री २-३ वाजता उठुन कावकाव करतात.:खोखो:

असे अनूभव आलेत आम्हाला, पण कावळोबा नाय, दुसरेच पक्षी असतात. कारण रात्री ते झाडान्वर झोपलेले वगैरे असताना मान्जर बिन्जर झाडावर चढुन त्याना मारण्याचा प्रयत्न करत असेल कदाचीत.:अओ: आमच्या साईडला मान्जर, कुत्रे यान्ची बरीच मोठी भटकी जमात आहे. कायम इकडे तिकडे कोकलत हिन्डत असतात रात्री अपरात्री.:खोखो:

कावळ्यांना कसला बर त्रास होत असेल की असे रात्री २-३ वाजता उठुन कावकाव करतात. >>>> काकस्पर्श

एकमेकान्चा की अमानवीय्?:हहगलो:

अरेरे

एकमेकान्चा की अमानवीय्>>> एक्मेका.न्चा असला तरी तो शेवटी तो अमानवीयच ना

मस्त धागा आहे!विश्वास नाही तरीही अनुभव वाचायला आवडले.कदाचित सुष्ट शक्ती असतात तसेच दुष्ट शक्तीही असतील!

एक शंका आहे.सर्वसाधारणपणे माणसांची भुतेचदिसतात.पण प्राणी-पक्षी यांच्या भुतांचे किस्से वाचनात आले नाहीत.तसेच स्त्रीभुताचा मेकपपण केस सोडलेले (तेही लांब),पांढरी/ हिरवी साडी, बांगड्या इ.असाच ऐकला / वाचला आहे.
हे लिहिताना कोणाचीही टिंगल करण्याचा अजिबातच हेतू नाही.एक वैयक्तिक मत मांडले आहे.

प्राणी-पक्षी यांच्या भुतांचे किस्से वाचनात आले नाहीत<<<

आपले येथील वाचन कमी पडत आहे असा त्याचा अर्थ होतो.

आपले येथील वाचन कमी पडत आहे असा त्याचा अर्थ होतो.>>> असेलही.त्यासाठी संदर्भ देऊ शकाल का?

तुमचा वरील प्रश्न हाच सगळ्यात मोठा संदर्भ आहे.

>>>एक शंका आहे.सर्वसाधारण्पणे माणसांची भुतेचदिसतात.पण प्राणी-पक्षी यांच्या भुतांचे किस्से वाचनात आले नाहीत.<<<

त्यासाठी संदर्भ देऊ शकाल का हे विचारताना प्राणी-पक्षी यांच्या भुतांचे किस्से कोणत्या पुस्तकातून/ लिंकमधून वाचायला मिळतील एवढेच अपेक्षित होते.असो.

च स्त्रीभुताचा मेकपपण केस सोडलेले (तेही लांब),पांढरी/ हिरवी साडी, बांगड्या इ.असाच ऐकला / वाचला आहे.<< कोकणंत स्त्री काय अन पुरूष काय भुताम्च्या मेकपचे अनेक किस्से असतात.

मानकाप्या ऐकलाय का कधी?

मानकाप्या ऐकलाय का कधी?>>> हो.तो एक वेगळाच प्रकार!

प्राणी-पक्षी यांच्या भुतांचे किस्से वाचनात आले नाहीत<<<>>>>>>>>>>>>>. पानीपत वाचा.....

मानकाप्या ऐकलाय का कधी? >>>> होऽऽ. गिरगावात खोताच्या वाडीतल्या बोळांतून फिरायचा म्हणे

गिरगावात खोताच्या वाडीतल्या बोळांतून फिरायचा म्हणे >>>> हायला, नशिब मला नाय कंदी दिस्ला!!

गिरगावात खोताच्या वाडीतल्या बोळांतून फिरायचा म्हणे >>>> हो का?? मग तोच पुढे बंबखान्याकडे यायचा का? आम्ही पण ल्हान्पणी बंबखान्याकडे मान्काप्या फिरतो असं ऐकलयं.

सगळे कोकण फिरुन मुन्बईत गेला काय चाकरमान्यान्सारखा.:फिदी::दिवा:

हायला, मानकाप्या मुंबईत? आम्हाला सांगितलेले जंगलात नायतर समुद्रकाठी फिरतो म्हणून. पूर्वी भाट्याच्या सुरूबनामध्ये मानकाप्या फिरायचा म्हणे.

सावंतवाडीमधे मानकाप्या उभ्या बाजारात फिरतो म्हणे!!!! ख.खो. मा.जा.

आमच्या लहानपणी पुण्यात हाकामारी फिरायची म्हणे....>>>+१११
दारावर फुल्या मारल्या की ती येत नाही असा काहीतरी समज होता.

हाकामारी आम्च्याकडे शिमग्याच्या दिवसांत हमखास येतेच.

आमच्या उद्यमनगरमध्ये एक बाई रात्री अपरात्री रस्त्याने फिरायची, खासकरून अमावस्येला. आम्ही त्या भुतीण बाईला बघायला एका अमावस्र्येला तीन चार जण रात्रभर रस्त्यावरून फिरत होतो. बाई काय दिसली नाहीच. गस्ती घालणार्‍या पोलिसांनी तीनदा पकडलं. एकदा "फ्रेन्डला घरी सोडायला चल्लाव" दुसर्‍यांदा "आता दुसर्‍या फ्रेन्डला घरी सोडताव" आणि तिसर्‍यांदा "मॉर्निंग वॉकला निघलाव" अशी कारणे दिली होती.

पण भूत काय दिसलं नाहीच!!!!

अरेरे बिचारी भुतीण.

पोलिस पण अमानवीयच असतात ना!

>>मानकाप्या ऐकलाय का कधी?

हा काय प्रकार असतो? म्हणजे ह्याची मान कापलेली असते (पॉटर मुव्हीजमध्ये निअरली हेडलेस निक असतो तसा) का ह्याच्या मार्गात आलं की तो मान कापतो?

>>आमच्या लहानपणी पुण्यात हाकामारी फिरायची म्हणे....

हे तेच भूत ना जे आपल्याला ओळखीच्या माणसाच्या आवाजात हाक मारतं आणि 'ओ' दिली की झपाटतं? माझे आजोबा फॉरेस्ट खात्यात होते. त्यांना घरी यायला बर्‍याचदा रात्री उशीर होत असे. पण त्यांनी ३ वेळा हाक मारल्याशिवाय आजी 'ओ' देत नसे किंवा दरवाजा उघडत नसे.

हा धागा बंद का?

पेट्रोल संपलंय नव्हं का?

नमस्कार मंडळी,
मी नवीनच आहे मा. बो. वर. त्यामुळे कालच वाचला हा धागा. पण मस्त आहे एकदम. सगळ्यांचे अनुभव जबरदस्त !! मजा आली वाचायला आणि रात्री भीतीपण वाटली सगळे आठवून.

मला पण दोन अनुभव लिहावेसे वाटतात. ते इथे देतेय, माझे स्वतःचे नाहीत, ऐकीवच आहेत.

१. काळ - १९८० - ८५ दरम्यान, स्थळ - अहमदाबाद.
माझ्या नात्यातला एक जण व्यवसायाने मेडिकल रिप्रेसेन्टेटीव, नुकतीच अहमदाबादला बदली झालेली, घर वगैरे शोधुन स्थिरस्थावर झाल्यावर बाकीची मंडळी येणार होती. मोक्याच्या ठिकाणी एक बंगलेवजा घर, अगदी कमी भाड्याने मिळाले. घर प्रशस्त, हवेशीर आणि अगदी स्वस्त त्यामुळे फार चौकशा न करता घेतले आणि हा रहायला आला. सबंध दिवस तर बाहेरच असे पण रात्री घरी याला काही विचित्र अनुभव येऊ लागले. घरात कोणीतरी वावरत असल्याचा भास होई त्याला, एक्-दोनदा तर एक स्त्री जिन्यावरुन जाता येतासुद्धा दिसली पण याने विशेष मनावर घेतले नाही कि कोणाला काही सांगितले नाही. ठरल्याप्रमाणे इतर कुटुम्बीय आले, त्याची आई, बायको आणि दोन मुली. आई अगदी भक्तिमार्गातली बाई, तिला म्हणे घरात प्रवेश करताच काही जाणवले आणि ही वास्तु प्रसन्न वाटत नाही असे बोलुनही दाखवले तिने, लेकाने मात्र आईला व बायकोला, आलेल्या अनुभवांची खबर लागू दिली नाही. एक- दोन दिवसातच आईने स्वप्नात पाहिले कि एका तरुणीने याच घराच्या गच्चीवरुन उडी मारली आणि ती दचकुन जागी झाली. सकाळी तिने लेकाला व सुनेला स्वप्न सांगितले व घर बदलण्याबद्दल सुचवले, मुलाने मात्र हे सर्व धुडकावुन लावले कारण इतक्या स्वस्तात दुसरे घर मिळणार नव्हते. सासु-सुनेने मात्र शेजार्-पाजारी रहाणार्या गुजराथी माणसांशी ओळख करुन घेतली आणि सहज बोलता बोलता चौकशी चालु केली कि पूर्वी इथे कोण रहात होते व. त्यांना कळलेली माहिती अशी-- या घराचे बांधकाम चालू असताना या घराच्या समोरच असलेल्या घरातील एका तरुण मुलीने काहि कारणावरुन या घराच्या (जे बांधले जात होते) गच्चीवरून उडी मारुन आत्महत्या केली होती. घर पूर्ण झाल्यावर घर मालकाला व त्याच्या घरातील सदस्यांना ती मुलगी घरात दिसत असे व म्हणून ते हे घर सोडुन गेले. हि बातमी आसपास पसरली व कोणीच येथे रहायला तयार होइना. बरेच वर्षांनंतर हा माझा नातलग या ठिकाणी आला आणि याच कारणाने त्याला हे घर इतके स्वस्त मिळाले. हे सर्व ऐकुन त्यानी लगेच घर बदलले.

२. काळ -२००५ च्या आस्पास स्थळ - सेन फ्रान्सिस्को
या भागात माझ्या नत्यातल्या एका दांपत्याने duplex bungalow घेताला, खाली होल, किचन व वर ३ बेडरुम्स असा. रात्री बेडरुम मध्ये असताना त्या दोघाना खाली कुणाचातरी वावर जाणवे. भांडी, काचेचे ग्लास हाताळल्याचा आवाज येत असे तर कधी furniture हलवल्याचा आवाज येई. जमिनीवर टकटक केली असता त्याच तालावर खालुन आवाज येई. खाली गेल्यावर कोणीही कधिही दिसले नाही. मात्र हे जे कोणी होते ते मझ्या मते मवाळ मतवादी होते त्याने स्वतःचे दर्शन कधी कोणाला दिले नाही व त्रासही दिला नाही पण "हम है" हे रोज दाखवुन दिले दोघाना. दोघे घाबरले. भारतात आई-बाबाचे मत घेतले गेले, रामरक्षा, हनुमान चलिसाचे वाचन झाले पण जैसे थे. शेवटी घर बदलण्याचा निर्णय घेतला. Estate agentla contact केला, कसे, घर हवे व.व. झाले. मात्र त्याना हे जाणवले कि आपल्या घरातील हे जे कोणी आहे (मूळ लेखकाच्या शब्दात अमानवीय) त्यास आपण हे घर सोडावे असे मुळीच वाटत नव्हते, कारण जेव्हा कधी Estate agent नवे घर बघायला बोलावीत असे, काहीना काही अडचण येऊन हे जाऊच शकत नसत. उदा. office चे urgent काम येणे, बायकोचे अचानक आजारी पडणे, एकदा तर दोघे निघालेपण आणि garrage मधे जाउन car सुरु करणार तर garrage चे शटरच खाली पडले अचानक आणि याना उघडताच येइना, यात बराच वेळ निघुन गेला आणि भेटिची वेळही टळून गेली. असे अनेकदा झाले आणि शेवटी कंटाळून दोघानी समझोताच केला "त्याच्याशी" कि आपल्याला काहीही त्रास नाही होत ना मग राहु या असेच एकत्र.

आज कित्येक वर्ष यांचे चौकोनी कुटुम्ब + १ (अमानवीय शक्ती) असे सारे joint family सारखे गुण्यागोविन्दाने नांदत आहेत फक्त दिवसातुन एकदा तरी याना आठवन करुन दिली जाते "हम है " याची