चित्रपटातील अप्रतिम पण खटकलेली गाणी

हा चित्रपट मला फारसा आठवत नाहीये, पण लेखक दिग्दर्शक काहीतरी वेगळे दाखवायच्या प्रतत्नात होते, पण त्यांना ते नीटसे जमले नाही असे मला आता चित्रपटाबद्दल विचार करताना वाटते. एक हरवलेली हिंदु मुलगी एका मुल नसलेल्या मुस्लिम दांपत्याला मिळते आणि ते तिची हिंदु ओळख लपवुन तिला स्वतःची मुस्लिम म्हणुन वाढवतात, तर त्याच वेळी एका हिंदु घरात एका मुस्लिम मुलाला मात्र मुस्लिम म्हणुनच वाढवले जाते. मग त्या मुस्लिम मुलीची ह्या हिंदु घरातील हिंदु मुलाशी झोपेत ओळख होते, प्रेम होते. पण लग्न मात्र ह्या हिंदु घरातील मुस्लिम मुलाशी ठरते.

धन्यवाद साधना, आर्या अधिक माहितीबद्दल.

यातच रफीचे 'कही एक मासुम नाजुक सी लडकी, बहुत खुबसुरत मगर सांवलीसी' हेही आहे. हे सुद्धा ऐका. अतिशय सुंदर आहे..>>>>> मला तर फक्त हि दोनच गाणी माहित होती
आजच शोधतो आणि ऐकतो

योगेश असं बर्‍याचदा होतं की गाणं आपल्या अतिशय आवडीचं असतं म्हणून आपल्याला वाटतं की व्हिडीओ पण बघावा. पण निराशा पदरी पडते. म्हणून मी माझ्यापुरता ह्यावर तोडगा शोधलाय तो म्हणजे आवडत्या ऐकलेल्या गाण्यांचे व्हिडिओ बघायचेच नाहीत. मग गाणीपण मनातून उतरतात. उदाहरण द्यायचं झालं तर 'ऑंखो में हमने आपके सपने सजाए है, बस आप आप आप ही मुझमें समाए है', किंवा 'होंठो से छू लो तुम'.

सर्वांना अनुमोदन. काय गाण्यांची आठवण करून दिलीत.

मुस्लिम मुलीची ह्या हिंदु घरातील हिंदु मुलाशी झोपेत ओळख होते, प्रेम होते. पण लग्न मात्र ह्या हिंदु घरातील मुस्लिम मुलाशी ठरते.>>>>अच्छा म्हणुन चित्रपटाचे नाव शंकर हुसेन.

'ऑंखो में हमने आपके सपने सजाए है, बस आप आप आप ही मुझमें समाए है'>>>>मेघना हे गाणे खरच नितांतसुंदर आहे (ऐकायला:)). ह्या चित्रपटातील सगळीच गाणी सुंदर आहेत. "बरसे पुहार ....कांच कि बूंदे बरसे जैसे..." हे माया अलग वर चित्रित झालेले अजुन एक मस्त गाणे चित्रपटात नाहि आहे

साधना,योगेश,
कमाल अमरोहीच्या आत्मचरित्रामध्ये (ईश्काचा जहरी प्याला या पुस्तकात) 'शंकर हुसेन' हा सिनेमा तयार होत असताना आलेल्या अडचणींचा उल्लेख आहे.

शंकर हुसेन काय किंवा पाकिजा काय,कमाल अमरोहीचा नेहमीच असा कटाक्ष असे की त्याच्या सिनेमातली गाणी ही ईतरांच्या सिनेमातल्या गाण्यांपेक्षा हटके असावीत. त्यात तडजोड करणे त्याला मंजुर नसे.

पाकिजा रखडला तरी त्यातली बहुतेक गाणी संगीतकार गुलाम मोहमंदनेच केली होती. पाकिजा रिलीज व्हायच्या आधीच गुलाम मोहमंदचं निधन झालं होतं. त्यातल्या सगळ्या गाण्याचं श्रेय कमाल अमरोहीने त्यालाच दिलं होतं, नौशादने फक्त पाकिजाला पार्श्वसंगीत दिलं.

कमाल अमरोहीच्या आत्मचरित्रामध्ये (ईश्काचा जहरी प्याला या पुस्तकात) 'शंकर हुसेन' हा सिनेमा तयार होत असताना आलेल्या अडचणींचा उल्लेख आहे.

मला काहीच माहिती नाहीये या चित्रपटाविषयी.... गाणी मात्र आहेत अगदी हटके. (ऑनलाईन मिळतो बघायला का पाहते आता..)

पण जर ती झोपेत आहे तर इत्के सुन्दर गाणे कसे म्हणते? भा प्र. अगदी बधीर दिसते हां पण.

पण जर ती झोपेत आहे तर इत्के सुन्दर गाणे कसे म्हणते

काय हे मामी?? असले काहीतरी डोक्यात येतेच कुठून??

चित्रपटात रस्त्यावरची भिकारीणही लताच्या आवाजात गात असते. मला नेहमी वाटायचे, ही सरळ एचेमव्हीच्या हाफिसात का जात नाही?? लगेच गाणी मिळतील... खुद्द लताचाच आवाज आहे म्हटल्यावर एचेमव्ही नाही म्हणणे शक्यच नाही.

याच शंकर हुसेन मधे, अपने आप रातोंको काँरवे निकलते है, असे लताचेच गाणे आहे. सिनेमातल्या नायिकेच्या सवयीशी (झोपेत चालण्याच्या ) निगडीत आहे ते. त्या सिनेमातले धूसर वातावरण, कठडा नसलेला पूल, नदीतून जाणारी एक स्टीमर असे छान वातावरण आहे.
या सिनेमाच्या विचित्र नावाचा, पण खुलासा आहे सिनेमात.

'कही एक मासुम नाजुक सी लडकी, बहुत खुबसुरत मगर सांवलीसी'>>>> हे (ऐकायला) फार सुरेख आहे गाणं. माझ्या गाडीत नेहेमी लावलेलं असतं.

पण जर ती झोपेत आहे तर इत्के सुन्दर गाणे कसे म्हणते>>>
काय हे मामी?? असले काहीतरी डोक्यात येतेच कुठून??>>>>
इतके सुंदर गाणे त्या झोपाळु नायिकेला का दिले असे तर म्हणायचे नाही ना मामी

बादवे काहि चित्रपटांच्या VCD ("उजाला", "स्वामी" "नई इमारत", आणि मराठीत "नाव मोठं लक्षण खोटं", "संसार" इ.) शोधत आहे त्यात आता हा एक चित्रपट अ‍ॅड
ऑनलाईन उपलब्ध आहेत का हे चित्रपट?

नाव मोठं... ठाण्याच्या जय गणेशमध्ये होती दोन एक महिन्यांपूर्वी.

शंकर हुसेन पाहण्याच्या फन्दात पडू नये. कमाल अमरोहीचा तो एक पडलेला आणि रटाळ पिक्चर आहे. खय्याम म्हटल्यानन्तर गाण्याच्या दर्जाच्व्हा प्रश्नच येत नाही. कमाल अमरोहीचे पिक्चर तसेही कधी धो धो चालले नाहीत . त्याचे म्हणजे निवान्त कलाकुसर करीत काम चालायचे. तब्येतीत.... त्यामुळे खूप विस्कळीत पणा .त्याची वेगळीच पठडी होती कृत्रिमतेकडे झुकणारी....

खय्याम म्हटल्यानन्तर गाण्याच्या दर्जाच्व्हा प्रश्नच येत नाही>>>> हे मात्र १००% खरंय.

शंकर हुसेन पाहण्याच्या फन्दात पडू नये.

माझ्या मते एकदा पाहावा. हे झोपेत चालण्याचे नक्की काय प्रकरण आहे ते मला जाणुन घ्यायचेय.. त्याचा शेवटही मला नीटसा आठवत नाही. नायक नायिकेचे शेवटी लग्न होते, मग मुलाचे नाव शंकर हुसेन ठेवले जाते, पण ह्या सगळ्या भानगडीत त्या लहान मुस्लिम भावाचाही काहितरी रोल आहे (कंवलजीत आहे त्या रोलमध्ये).. मला आता बघितल्याशिवाय चैन पडणार नाही. सीडी मिळणे अशक्यच. ऑनलाईन बघते.

योगेश onlinemovies अशी काहितरी एक साईट आहे. मी पाठवते लिंक तुम्हाला. तिथे शोधा आणी सापडले तर मलाही पाठवा लिंक. (माझ्या घरचे नेट सध्या डाऊन आहे, आणि ऑफिसात movie/lyric इ.इ. शब्द असलेल्या साईट्स ओपन होत नाहीत. )

साधना, कशाला तो पिक्चर पाहण्याचा हट्ट करतेयस? आवडती गाणी पण नावडती होतील.

तू बघून इथे रिव्यू टाक. म्हण्जे आमची झोप उडेल ग. कधीकधी चांगली स्टोरी execution मध्ये गड्बड्ते तसे झाले असेल.

हे चित्रपटांचे बीबी सगळे एकत्र करायला पाहिजेत. विषयांची अदलाबदल होतेय सगळीकडे

हा धागा निवांत वाचण्यात येईल. वर आणल्याबद्दल थँक्स, केपी

रमड +१
वेळ काढून वाचायला हवा. बु मा केला आहे.

आप तो ऐसे न थे या चित्रपटात तू इस तरह सें मेरी झिंदगीमें शामिल है हे गाणे नेमके किती गायकांनी किती वेळा गायले आहे? प्रतिरफी असलेला अन्वर (हमसे का भूल हुई - जनता हवालदार फेम) आणि ओरिजिनल रफी दोघांनी स्वतंत्ररीत्या गायलेले गाणे मी विविधभारतीवर ऐकल्याचे स्मरते.

तसेच दोन गाणी मी नेहमीच विविधभारतीवर ऐकायचो तेव्हा डोळ्यासमोर अशी कल्पना करायचो ही दोन्ही गाणी पियानो साँग्ज असतील म्हणजे पार्टीत भल्या मोठ्या पियानोसमोर बसून त्याचा कीबोर्ड बडवित नायक / नायिका गात असतील आणि इतर पार्टी अ‍ॅनिमल्स माफक नाच करीत असतील. प्रत्यक्षात या गीतांमध्ये न पियानो दिसला न पार्टी न पात्रांची गर्दी. केवळ एक / दोन पात्रे दिसलीत. चित्रीकरण पाहून घोर निराशा झाली.

जब भी यह दिल उदास होता है, जाने कौन आसपास होता है? - सीमा (१९७१)

आशिकी में हर आशिक होता है मजबूर, इसमें दिलका, इसमें दिलका, इसमें दिल का क्या कसूर?

लहान असताना दूरदर्शनवर बरेच वेळा लागणारे गाणे

चित्रपट : सावन भादों

आए हाय, कान में झुमका, चाल में ठुमका, कमर पे चोटी लटके
हो गया दिल का, पुरजा-पुरजा, लगे पचासी झटके, हो तेरा
रँग है नशीला, अंग-अंग है नशीलामलहसावन भादों
आए हाय, कान में झुमका, चाल में ठुमका, कमर पे चोटी लटके
हो गया दिल का, पुरजा-पुरजा, लगे पचासी झटके, हो तेरा
रँग है नशीला, अंग-अंग है नशीला

या गाण्यावर नवीन निश्चल असा काही नाचला आहे की वाटावे याने भान्ग घेतल्यावर विन्चु चावला आहे

नवीन निश्चल नाचला? आयुष्यातल्या हालचालींचा कोटा तेव्हाच पूर्ण केला असेल मग.

या गाण्यावर नवीन निश्चल असा काही नाचला आहे की वाटावे याने भान्ग घेतल्यावर विन्चु चावला आहे

त्या चित्रपटातलं दुसरं गाणं ' सुन सुन सुन ओ गुलाबी कली, तेरी मेरी प्रीत अब आगे चली', नवीन निश्चल आणि रेखा यांनी नाचून वाट लावली आहे. पण दोन्ही गाणी ऐकायला सही आहेत एकदम !!

चित्रपट : गुलामी
गीतकार : गुलज़ार
संगीतकार : लक्ष्मीकांत -प्यारेलाल
गायक : लता मंगेशकर आणि शब्बीर कुमार

जिहाल-ए -मिस्कीन मकुन बरंजिश , बेहाल-ए -हिजरा बेचारा दिल है
सुनाई देती है जिसकी धड़कन , तुम्हारा दिल या हमारा दिल है

मिथुन चक्रबोर्ती आणि अनीता राज़, बसच्या छतावर चित्रित झालेले गाणे
मधेच मिथुन " कोई शक़ " म्हणताना बघवत नाही
बाकी गाणे अप्रतिम आहे

चित्रपट : चलते चलते (१९७६)
संगीतकार : बप्पी लाहिरी
गायक : किशोर कुमार

चलते चलते, मेरे ये गीत याद रखना
कभी अलविदा ना कहना

सीमी गरेवाल आणि विशाल आनंद वर चित्रित झालेले गाणे ऎकायला चांगले आहे पण बघितल्यावर रसभंग होतो

चित्रपटातलीच गाणी का अल्बममधली पण चालतील?

ऋतू हिरवा या आशाबाईंच्या अल्बममधील गाण्यांचं भयानक चित्रीकरण आणि डोळे पांढरे करणारा अभिनय पाहून त्या काम करणार्‍यांना तोफेच्या तोंडी द्यावं किंवा पोकळ बांबूचे फटके द्यावेत असं वाटतं!

'सिमटी हुई ये कलियाँ'

धोत्रातला राजकुमार आणि स्वतःभोवती घेतलेली गिरकी ते मौसमीचे पाय पकडणं....

राजकुमारने फक्त 'जानी' संवाद म्हणावेत. त्याला इतकं तरल गाणं का दिलं तो तो दिग्दर्शक जाणे.