निसर्गाच्या गप्पा (भाग ३३)

Submitted by जागू-प्राजक्ता-... on 17 July, 2018 - 03:13
landscape

अथ श्री आषाढ़ मासारम्भ ..

आषाढ़ महीना सुरु झाला की आपण आता पावसाळा खऱ्या अर्थाने लागला असं म्हणतो. वर्षातील सगळ्यात जास्त वाट बघितला गेलेला हा ऋतु. संपूर्ण निसर्गच जणू वर्षाऋतूच्या आगमनाची तयारी करत असतो, वरुणराजा येणार आणि सगळ्यांना तृप्त करणार या जाणिवेने पुलकित झालेला असतो. धरणी आपल्या कुशीतील अत्तराच्या कुप्या परत एकदा काठोकाठ भरून ठेवते. कोकिळ महाशय आपली उन्हाळी मैफिल आवरून चातकराजासाठी आसन मोकळे करून देतात. आमराया आपली उरलीसुरली फळे सोसाट्याच्या वाऱ्याला दान देऊन टाकतात. मयूर आपला पिसारा पुन्हा पुन्हा झंकारून पाहतो. तर मुंग्याची आपल्या अंड्यांना ऊन दाखवण्याची लगबग सुरु असते. मानवाच्या आनंदाला तर पारावर राहात नाही. आणि अशातच एक दिवस पश्चिम क्षितिजावर काळोख दाटून येतो. विजांचे भालदार- चोपदार वर्दी देतात आणि जणू ढोल ताशांच्या कडकडाटात, वाऱ्यावर स्वार होऊन तो येतो.. हो.. तोच तो.. मान्सून.

त्याच्या आगमनाने साऱ्या सृष्टीवर नवसंजीवनी पसरते. हिरवेगार गालिचे अंथरल्या जातात .

हा ऋतू नवनिर्मितीचा, ऋतू हिरवाईचा, ऋतू पाचूचा, ऋतू तृप्तीचा. आपण हा निर्मितीचा सोहळा दरवर्षी साजरा करतोच करतो. पिढ्यानुपिढ्या लेखकांनी, गायकांनी, कवींनी, चित्रकारांनी एकंदरीतच कलाकारांनी आपापल्या परीने पावसाला व्यक्त केलेच आहे. कधी आपल्या कुंचल्यातून तर कधी शब्दांमधून. एक राजस्थानी लोकगीत आहे. त्यात या 'पावस'काळाचं किती सुंदर वर्णन केला आहे बघा.

सुरंगी रुत आई म्हारे देस, भलेरी रुत आई म्हारे देस
मोटी-मोटी छांटयां ओसरयां ए बदली, तो छांट घड़े के मान, मेवा मिसरी
सुरंगी रुत आई म्हारे देस।
राजस्थान म्हणजे मरूभूमी. तिथल्या रहिवाश्यांसाठी तर पाऊस म्हणजे जणू अमृत वर्षा, प्रत्यक्ष देवाचा आशीर्वाद. ते म्हणतात..
"माझ्या देशात हा 'सुरंगी' ऋतु आला आहे. माझ्या देशात हा भला ऋतु आला आहे.
अरे ढगांनों तुमच्यातला एक एक थेंब आम्हाला घडाभर दिसतोय.
अरे बघा बघा, माझ्या देशात 'मेवा- मिसरी' (प्रमाणे प्रिय असा) हा 'सुरंगी' ऋतु आला आहे.

पाऊस प्रत्येकासाठी वेगवेगळा ठेवा घेऊन येतो. छोट्यांसाठी आता वाहत्या पाण्यात कागदाच्या होड्या सोडण्याची मौज असते आणि भोलानाथाला "शाळेभोवती तळे साचून सुट्टी मिळेल काय?“ असा निरागस प्रश्नपण विचारला जातो. तरुणाईला गडकिल्ले साद घालतात. शेतकरी नव्या आशेनी पेरणी सुरु करतो. "यंदा पीकपाणी भरपूर होऊ दे" असं साकडं वर्षाराणीकडे घातलं जातं. शहरी नोकरदाराला आपल्याला वेळेत ऑफिस गाठता येईल ना” ही काळजी सतावत असते. प्रेमिकांसाठी "सावन बरसें तरसें दिल" होऊन जातं. तर कोणाला आता धुतलेले कपडे कुठे वाळवू अशी चिंता भेडसावते. जितक्या वृत्ती तितक्याच प्रवृत्ती हेच खरे.

खरंतर आपल्याकडच्या शहरी भागात पाऊस म्हटला कि 'हाल-बेहाल'. गल्लीबोळात चिखल-राडा तर मुख्य रस्ते स्वतःच नाल्यांचे रूप घेतात. पण गुलजार साहेबांची नजर मात्र वेगळेच काही बघते. त्यांची लाडकी 'बारिश' येते तेव्हा काय होते...

बारिश आती है तो मेरे शहर को कुछ हो जाता है..
टिनकि छत, तर्पाल का छज्जा, पीपल, पत्ते, पर्नाला सब बजने लगते है।
तंग गली में जाते जाते,
मेरी साइकल का पहिया पानी की कुल्लियाँ करता है।
बारिशमे कुछ लम्बे हो जाते है कद भी लोगोंके
जितने ऊपर है, उतने ही पैरो के नीचे पानी में
ऊपरवाला तैरता है तो नीचेवाला डूब के चलता है.
खुश्क था तो रस्ते में टिक टिक छतरी टेंक के चलते थे
बारिशमें आकाश पे छतरी तक के टप टप चलते है..

सगळ्यां निसर्ग प्रेमींना नविन भागाच्या खुप खुप शुभेच्छा

वरील मनोगत निसर्गप्रेमी मनिम्याऊ (मृण्मयी) ने लिहिले आहे.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.
(भाग १) http://www.maayboli.com/node/21676 (भाग २) http://www.maayboli.com/node/24242
(भाग ३) http://www.maayboli.com/node/27162 (भाग ४) http://www.maayboli.com/node/29995
(भाग ५) http://www.maayboli.com/node/30981 (भाग ६) http://www.maayboli.com/node/32748
(भाग ७) http://www.maayboli.com/node/34014 (भाग ८) http://www.maayboli.com/node/34852
(भाग९) http://www.maayboli.com/node/35557 (भाग१०) http://www.maayboli.com/node/36675
(भाग ११) http://www.maayboli.com/node/38565 (भाग १२) http://www.maayboli.com/node/40660
(भाग १३) http://www.maayboli.com/node/41996 (भाग १४) http://www.maayboli.com/node/43114
(भाग १५) http://www.maayboli.com/node/43773 (भाग १६) http://www.maayboli.com/node/45755
(भाग १७) http://www.maayboli.com/node/47785 (भाग १८) http://www.maayboli.com/node/48236
(भाग १९) http://www.maayboli.com/node/48774 (भाग २०) http://www.maayboli.com/node/49280
(भाग २१) http://www.maayboli.com/node/49967 (भाग २२) http://www.maayboli.com/node/50615
(भाग २३) http://www.maayboli.com/node/51518 (भाग २४) http://www.maayboli.com/node/52059
(भाग २५) http://www.maayboli.com/node/53187 (भाग २६) http://www.maayboli.com/node/54423
(भाग २७) http://www.maayboli.com/node/55016 (भाग २८) http://www.maayboli.com/node/55962
(भाग २९) http://www.maayboli.com/node/57203 (भाग ३०) http://www.maayboli.com/node/58808
(भाग ३१) http://www.maayboli.com/node/60825 (भाग ३२) https://www.maayboli.com/node/63032

विषय: 
निसर्ग
Groups audience: 
पर्यावरण
Group content visibility: 
Public - accessible to all site users
शेअर करा

धन्यवाद ऋतुराज नावासाठी
धन्यवाद सिद्धी, शाली
खरंच निसर्गाची चित्रे @शाली.
ये कौन चित्रकार है.....

Submitted by वर्षा on 31 July, 2019 - 09:01

जागूताई ते वाळूचे लहान बॉल असेच टाकलेले नसतात. खेकडा ते विचारपुर्वक रचतो. हा चक्रव्युहच असतो एक प्रकारचा. यातुन बिळापर्यंत येणारे रस्ते खेकड्याला पाठ असतात. घराबाहेर असताना जर कुणी हल्ला केला तर खेकडा क्षणात घरी पोहचतो पण मागे येणारा शत्रू वाळूच्या बॉल्समधे अडखळतो.
हे चक्रव्यूह प्रत्येक ओहोटीनंतर खेकडा रचतो.

Submitted by हरिहर. on 31 July, 2019 - 10:01

Submitted by 'सिद्धि' on 31 July, 2019 - 17:27 >>> ok. परशुरामातून वाशिष्ठी फार सुंदर दिसते. फरशीजवळचा प्रवाह उठून दिसतो तिथून. बरं तुमच्या विपुला मी प्रतिसाद दिला होता. तुम्ही वाचला की नाही माहित नाही कारण नव्या मायबोलीत विपुचा प्रतिसाद आपल्याच विपूत दिसतो.

Submitted by अश्विनी के on 31 July, 2019 - 10:34

शालीदा मस्त माहिती.
निग साठी मनोगत कोण देणार आहे? प्लिज लवकर कळवा मला.

Submitted by जागू-प्राजक्ता-... on 31 July, 2019 - 10:49

निरु फोटो सुंदर.

जागू ताई किती शब्दांत मनोगत पाहिजे आहे ??
कोणी लिहीणार असेल तर तसं कळवा नाही तर मी प्रयत्न करते.

Submitted by 'सिद्धि' on 31 July, 2019 - 11:11

आमच्या घरी बुलबुलाने घरटं बांधलेलं झाड एवढं वाढलं की ते कापायला लागलं...
ते घरटं बाकी हिरवाईमधे ठेवून काढलेला हा प्रचि...

IMG-20190731-WA0101.jpg

फांदी कापल्याकापल्या बाल्कनीत ठेवली होती तो प्रचि...

IMG-20190731-WA0102.jpg

आणि हा घरट्याचा क्लोज-अप....
कुठनं कुठनं कसल्या कसल्या वायरी आणलेल्या त्या बुलबुल दंपतीनी.. Happy
IMG-20190731-WA0103.jpg

Submitted by अ'निरु'द्ध on 31 July, 2019 - 11:46

निरु तुमचे सगळेच फोटो छान आहेत.

मनोगत पाठवते.

Submitted by 'सिद्धि' on 1 August, 2019 - 00:23

आज मला नविन गुगल अकाउन्ट मध्ये फोटो लोड करता आले.

सध्या हा गुलाब मस्त फुलतोय.
<img jsname="uLHQEd" class="SzDcob" width="798" height="393" src="https://lh3.googleusercontent.com/PihWCOndh9oBmOyevpDAbNOZ5trfaDFb1IdmUy... aria-label="Photo – Landscape – 1 Aug 2019, 11:37:51" style="transform: translate3d(0px, 0px, 0px) rotate(0deg);">

Submitted by जागू-प्राजक्ता-... on 1 August, 2019 - 03:36

सगळ्यांचे मस्त फोटो आहेत. मागचे पान तर खुपच सुरेख आहे.
शाली तुम्ही बिघोजचे दोन फोटो टाकलेत. ती जागा आता ह्या पावसाच्या दिवसातसुद्धा जाण्यासारखी आहे का? मला वाटलेले पावसात ते रांजण भरुन जात असतील.

Submitted by vt220 on 1 August, 2019 - 15:25

@vt220, सरत्या पावसात म्हणजे श्रावणानंतर रांजण कुंड व आजुबाजूचा प्रदेश जास्तच देखना आणि प्रेक्षणीय होतो. या वर्षी नेहमीपेक्षा जास्त पाऊस व वेळोवेळी कुकडी नदीला सोडलेले पाणी यामुळे कुंडांचा महत्वाचा भाग पाण्याखाली जातो. मी या दोन दिवसातले कुंडाच्या परिसरातले फोटो टाकेनच येथे. Happy

Submitted by हरिहर. on 1 August, 2019 - 19:14

निरुदा आणि शालीदा , सगळी प्रचि अप्रतिम.
आजच्या लोकप्रभामध्ये "विदर्भातील हॉर्नबिल " असा धनेश पक्ष्यावर सुंदर लेख आला आहे.

Submitted by ऋतुराज. on 2 August, 2019 - 00:13

सुप्रभात.

बहरलेला गुलाब

लीली ची लीला.

साधनाने दिलेला चाफाही बहरला आहे.

Submitted by जागू-प्राजक्ता-... on 2 August, 2019 - 01:09

जागू झकास फोटो
.लीली ची लिलया. ऐवजी लीला किंवा किमया करणार का? लिलया म्हणजे सहज.

Submitted by देवकी on 2 August, 2019 - 01:00

Pages