दु:खद घटना

Submitted by admin on 8 August, 2013 - 00:36

काही दु:खद घटना घडल्या तर त्यासंबंधी एकत्रीत बोलायला हा धागा वापरा.

जुना धागा : http://www.maayboli.com/node/2296

विषय: 
समाज
Groups audience: 
चालू घडामोडी
Group content visibility: 
Public - accessible to all site users
शेअर करा

गुणी, प्रयोगशील संगीतकार>> +१
अरेरे.
अतिशय गुणी, प्रयोगशील संगीतकार. काय अफाट काम होतं त्यांच !!!
प्रीतरंग, शेवंतीचे बन, आख्यान तुकोबाराय, अमृतगाथा - एकाहुन एक अप्रितिम रचनांचे कार्यक्रम. त्यातील सुसुत्रता, रिसर्च, सादरीकरण आणि जोडीला मोडकांचे संगीत. कार्यक्रम कसा असावा, कविता कशी जिवंत करावी, नाटकी निवेदनापासुन तिला कसे दूर ठेवावे याचा वस्तुपाठ.
मी मराठी भाषेच्या आणि संगीताच्या प्रेमात पडण्यात मोडकांचा वाटा मोठा होता.

भावपूर्ण, विनम्र श्रद्धांजली!!!
थोड्याफार इतरही देशातले प्रयोग पाहिलेत. कुठल्याही निकषानुसार, माझ्या अल्पमतीनुसार या कार्यक्रमांची प्रतवारी 'उत्तम' यात गणली जाते.
माध्रुरी पुरंदरे, चंद्रकांत काळे असेपर्यंत तरी हे कार्यक्रम चुकवु नका हे कळकळीने सांगावेसे वाटते. मोडकांचे त्यातील संगीत अजरामर आहे.

एवढ्या गुणी माणसाला कधीच फार लोकाश्रय लाभला नाही. अजब दुनिया आहे खरोखर.

Submitted by रैना on 23 May, 2014 - 04:49

अर्रर्र.. मोडक काका Sad .....

प्रत्यक्ष संपर्कात होते... आजोबांच्या गाण्यांच्या कार्यक्रमाला बोलवाल्यावर आले नाहीत असे कधीच झाले नाही.. एकदम विनम्र व्यक्तीमत्व..

Submitted by हिम्सकूल on 23 May, 2014 - 04:49

आनंद मोडक ???? ओह्ह Sad

विनम्र श्रद्धांजली.

अतिशय गुणी, प्रयोगशील संगीतकार. काय अफाट काम होतं त्यांच !!!>>>>>रैना, +१

"एक होता विदुषक" चित्रपटातील "पूरबी सूर्य उदेला जी आणि सूर्यनारायणा नित्‌ नेमानं उगवा" हि भूपाळी असो वा "भरलं आभाळ पावसाळी पाहुणा", "लाल पैठणी रंग" या लावण्या किंवा "मी गाताना गीत तुला लडिवाळा" अंगाई असो. सगळी गाण्यांना अप्रतिम संगीत दिलंय. सगळीच्या सगळी गाणी सुरेख आहेत.

Submitted by जिप्सी on 23 May, 2014 - 04:53

अरे... आनंद मोडक... च्च... गुणी असूनही फार प्रसिद्धीस न आलेल्यांपैकी... माझा आवडता संगीतकार.

Submitted by दाद on 23 May, 2014 - 04:58

आनंद मोडक ?? अरे बाप रे! Sad
एक होता विदूषक, मुक्ता, चौकट राजा अर्वाचीन काळातील अनेकानेक अफाट आवडती गाणी या गुणी संगीतकाराची आहेत.

विनम्र श्रद्धांजली.

Submitted by हर्पेन on 23 May, 2014 - 05:00

एक झोका; एक झोका। चुके काळजाचा ठोका; एक झोका

प्रतिभावान संगीतकार हरपला

Submitted by संदीप पांगारे on 23 May, 2014 - 07:05

कालच माझी मित्राबरोबर गुणी असूनही फारसे प्रसिद्धी न मिळालेले संगीतकार म्हणून आनंद मोडकांच्या गाण्यांवर चर्चा चालली होती.
आज सकाळी त्याच मित्राने ही चटका लावून जाणारी बातमी दिली. Sad

Submitted by बोबो निलेश on 23 May, 2014 - 12:37

आनंद मोडक यांना श्रध्दांजली! त्यांचे चतुरंग मध्ये येणारे सदर वाचून जाणवले होते की किती प्रयोगशील संगीतकार होते ते! विदूषक मधली सगळी गाणी फार आवडती!

Submitted by जिज्ञासा on 23 May, 2014 - 13:25

माधव मंत्रींना श्रद्धांजली. ते अधिकोषात (बँकेत)अधिकारीही होते असं ऐकलंय. प्रशासन आणि क्रीडा दोन्ही क्षेत्रे त्यांना अवगत होती.

आनंद मोडक यांच्याविषयी ऐकून होतो. त्यांच्या संगीताशी परिचय नाही. प्रयोगशील, गुणी, सृजनशील कलावंत अकाली हरपला की दु:ख होतंच.

दोघांना शांती लाभो.

गा.पै.

Submitted by गामा_पैलवान on 24 May, 2014 - 02:38

Pages