निसर्गाच्या गप्पा (भाग १९)

शशंक जी, धन्यवाद. (त्वरीत प्रतिसाद दिलात)
खरच काय मजेशीर फुलं आहेत न!

अशीच कथकली नावाची ऑर्किड्स असतात. त्यांचे रुप कथकली नृत्यासाठी जे मुखवटे वापरले जातात तसेच असते.

मायकेल पालिन्सची (बीबीसी) द फुल सर्कल हि मालिका आपल्याकडे दाखवली का ?
मी सिडी कालपासून बघायला सुरवात केली. अलास्का ते अलास्का असा समुद्राच्या काठाने केलेला प्रवास असा विषय आहे. पहिला अर्धा तासच बघितला ( ३ सिडीज आहेत ) अफलातून चित्रण आहे.
यू ट्यूबवर तुकड्या तुकड्यात आहे. अवश्य बघा.

http://www.youtube.com/watch?v=m3nzKPEa20k&list=PL7EFC738CFC58701E

एका पॉइंटला जायच्या आधी डाव्या हाताला एक वाट लागते. त्या कड्याला वळसा घालून खाली एका मठात जाते. तिथे वाटेवर एक झरा पण लागतो. मी पाणी प्यायलोय त्या झर्‍याचे.>>>>>>>>

hiravyakeshichya vatevar?? tithe ujavya hatala ek math aahe. tithele swami var gele, ataa tya jagi utsav bharato - raghaveshwar mhanun ti jaga ata prasiddha aahe. tithe aahe paani.

daavya hatavalaa math malaa mahit naahi. mahadevgad point var ujavya hatala khali utarun gele ki siddeshwarache mandir aahe. tithe mi jaun gelel nahi karan jaane khupach avaghad aahe asa report aahe. aataa gele tar nakki jain.

नाही तो नाही. पश्चिमेला आहे तो पॉइंट. तिथे टोकावर बसायला बाक आहे.
वाटेत एक निळे गेट लागते. मग त्या पॉइंटच्या खालून वळसा घालून एक पायवाट जाते.

तू म्हणतेस त्या स्वामींना मी आणि लेकीने बघितले आहे. तिने त्यांना विचारले पण होते. तूम्ही एकटे का राहता ? तुमची केअर कोण करतं ? त्यांनी तिला प्रसाद पण दिला होता. त्यावेळी तिचे वय साडेचार वर्षे.. पण त्या वयातही Everbody must have someone to love and take care.. हे डोक्यात पक्कं. अजूनही तसंच आहे.

मंकी फेस ऑर्किड गुगलत असताना ही फुले ( फ्लाईंग डक ऑर्किड) दिसली ...... (फोटो आंतरजालावरुन साभार.. )

शशांक, आपल्याकडे अशी वेल पण असते. थेट बदकाचा आकार. मी टाकले होते फोटो. बघतो शोधून.

शशांक, आपल्याकडे अशी वेल पण असते. थेट बदकाचा आकार. मी टाकले होते फोटो. बघतो शोधून.>>>>>>>>>निसर्गाची कमाल आहे ना? किती प्रकार, किती रंग, किती आकार, सगळा विचार करताना मती गुंग होते.

http://www.maayboli.com/node/38565?page=23

या पानावर वर्षूने काढलेला फोटो आहे.

मी चेक करते गेल्यावर. मला अजिबात आठवत नहईय.

काल कंटाळा आल्याने जरा गॅलरीत उभा होतो. बाहेर थंडगार वारा वाहत होता. सहजच लक्ष आकाशात गेलं तर चतुर्दशीचा चंद्र नुकताच उगवला होता. आकाश निरभ्र होते. हळुहळु चंद्राचा तो लाघवी प्रकाशात पसरायला सुरूवात झाली. अचानक त्या नभपटलावर एक एक तारका उगवायला लागल्या. नेहमीपेक्षा तेजस्वी आणि पांढर्‍याशुभ्र. पण पौर्णिमेच्या चंद्रप्रकाशात तारका कुठे स्पष्ट दिसतात. छे! हे काहितरी वेगळंच आहे, पण नाही त्या तेजस्वी आणि शुभ्र शलाकाच होत्या. काहि वेळातच त्यातील एक तारा माझ्याकडे झेपावला. मला आधी वाटलं एखादा धूमकेतुच माझ्याकडे येतोय. पण नाही तो धूमकेतु नक्कीच नव्हता. अरे, पण हा माझ्याकडे न येता कुठे चाललांय? हा तर चक्क माझ्या शेजारी असलेल्या कुंडीतील झाडावर येतोय. अरेच्चा!!! हे काय त्याच्या मागोमाग अजुन त्या सार्‍या चांदण्या माझ्या शेजारच्या झाडावरच झेपावत आहेत. आता त्या झाडाच्या टोकावर या सार्‍या विसावल्या आहेत. हळुहळु त्यातील एक एक चांदणी अजुनच तेजस्वी आणि सुगंधितही होऊ लागली. त्यांचा तो सुगंध मनाला वेड लावणारा होता. रात्रीच्या काळ्या पार्श्वभूमीवर त्या पांढर्‍या शलाकांचे सौंदर्य वर्णनातीत होते. मी कितीतरी वेळ मंत्रमुग्ध होऊन ते सार सुवासिक सौंदर्य माझ्याही नकळत न्याहाळत होतो.

"ए काका, मला दे ना ते" आवाज कानावर पडला आणि भानावर आलो. शेजारची चिमुरडी मला त्या सार्‍या चांदण्या मागत होती. तिचा तो बालहट्ट मला मोडवेना. मी हळुवारपणे एक-एक चांदणी गोळा करत तिच्या हातात देत गेलो. आता त्या चिमुरडीची ओंजळ त्या सुवासिक तारकांनी भरून गेली. तिच्या चेहर्‍यावरचे मोहक हास्य पाहुन मन आनंदाने भरून आले आणि नकळत गाऊ लागले....

उरले उरात काही आवाज चांदण्यांचे...
आकाश तारकांचे उचलून रात्र गेली!

अजुनी सुगंध येई हातास मोगऱ्याचा
ओंजळ कशी फुलांची भरून रात्र गेली...

(प्रचि पूर्वप्रकाशित)

सुंदर फोटो आणि ओळी.. कालचा चंद्र अनोखाच होता !

व्वा! जिप्स्या, मस्त वर्णन! (फोटो सुंदरच असतात. ते वेगळं सांगायची आवश्यकता नाही. :फिदी:)

जिप्सी, खुप छान वाटल वाचुन. तरल आणि उत्कंठावर्धक.

व्वा! जिप्स्या, मस्त वर्णन! ........+१

माझा ही मिकी माऊस

From mayboli

वा जिप्सी, क्या बात है. hats off. फोटो सुंदर.

मंकी फेस ऑर्किड, फ्लाईंग डक ऑर्किड आणि मिकी माउस सर्वच सुरेख.

आहा... सुंदर वास आला इथपर्यन्त....... जिप्सी सुर्रेख फोटो आणी ओळी...

बरंय तुला कंटाळा आला वाचून तुला कुणी चिडवायला नाही सुरु केलं..

क्यूट मिकी माऊस

हा धागा काय धावतो आहे!
सगळया पोस्टस वाचायला रजा टाकावी लागणार बहुतेक

सुप्रभात....
हे पण गुगल वरुनच.. नारी फुल ,थायलंड मधे आहेत म्हणे..... खुपच अमेझिंग आहे...

फोटो अंतरजालाहुन सभार.....

दिनेश दा, मस्त लिंक...
प्लाइंग डक, मिकी माऊस मस्तच...
जिप्सी, काय सुंदर लिहीता तुम्ही... व्वा! ...

सायली, ते नारीफुल - नारिलता खोटे आहेत. नेटवर कुठेही पाहीलेत तर हेच फोटो दिसतात. यापेक्षा वेगळे फोटोच नाहीयेत. खरी फुलं असती तर अनेक वेगवेगळे फोटो दिसले असते.

एकतर फोटोच खोटा / एडीटेड आहे किंवा मोल्ड मधे घालुन फळांना तसा आकार दिला आहे.
हे वाचा The Chinese orchard growing pears in the image Buddha

सावली, आता मला पण असेच वाटते आहे...

सायली तो फोटो फसवा आहे. असे कुठलेही झाड नसते.

काय म्हणतेस वर्षू.. जिप्स्याला चिडवायचे का परत ? आणि खरंच चिडला तर ?

नाही रे दिनेश, जिप्स्याला आपलं चिडवलेलं चाल्तं बरं..

जिस्प्या मस्त लिहिलेस रे... ओळी तर अगदी सुंदर.. तुलाच आठवु शकतात अशा, योग्य वेळी योग्य ओळी.

सायली, ते नारीफुल - नारिलता खोटे आहेत. नेटवर कुठेही पाहीलेत तर हेच फोटो दिसतात. यापेक्षा वेगळे फोटोच नाहीयेत. >>>>हो सावली म्हणतेय ते खरंय.

जिप्स्याला चिडवायचे का परत ? >>>>>बिनधास्त दिनेशदा

जिप्स्याला आपलं चिडवलेलं चाल्तं बरं.>>>>येस्स वर्षूदी

तुलाच आठवु शकतात अशा, योग्य वेळी योग्य ओळी.>>>>हे सगळं आठवण्याच/लिहिण्याचं कारण कि सध्या आमच्याकडे मोगरा अगदी भरभरून फुलतोय. गॅलरीत उभा राहिलो कि घमघमाट सुटतोय.

अबोलीलाही खुप बहर आला आहे. अबोलीची फुले आईला खूप आवडायची. आईनेच या झाडाच्या बिया मला आणुन दिल्या होत्या, ज्या मी कुंडीत लावलेल्या.

Jipsy khup Chan photo n oli n mickymousehi

मोगरा फुलला, म्हणजे ग्रीष्म कडक असणार !

जेवढा खुडाल तेवढा बहरेल..

फुले वेचिता बहरु, कळीयासी आला..

गल्फ मधे मोगरा आणि मोगर्‍याचे अत्तर फार लोकप्रिय आहे. तिथल्या कडक उन्हाळ्यात तो भरभरून फुलतोही !
तिथल्या ऑफिसेस मधेही अशीच ओंजळभर फुले टेबलावर ठेवलेली असतात. बकुळही तिथे अशीच फुलते.
त्यांचा जो पांढरा झगा असतो, त्याचा गळ्याजवळचा जो गोंडा असतो तो अत्तरात बुडवलेला असतो.

जेवढा खुडाल तेवढा बहरेल..>>>>हे १००% खरंय दिनेशदा. मी यावेळेस फांद्या कापल्याच नव्हत्या त्यामुळे फुलं आलीच नाही, १० दिवसांपूर्वी वरवरच्या फांद्या कापल्या आणि आता कापलेल्या सगळ्या फांद्यांवर कळ्या आल्या आहेत. फुलं येऊन गेल्यावर पुन्हा खुडणार.