वर्तमानात घेतलेला भविष्याचा शोध (Talaash - Movie Review)

परवा तलाश पाहिला. बराच आवडला.

आवडलेल्या बाबी:
-करीना आणि नवाजुद्दिनचा अभिनय. आमिर आणि राणी फारसे प्रभाव पाडू शकले नाहीत असे वाटले. आमिरचा खूप वेळ एकच भाव होता चेहर्यावर आणि राणीला फारसा वाव नव्हता.
-संगीत, जास्तकरून पहिले गाणे
- कथा आवडली

न आवडलेल्या बाबी:
- संथ पटकथा, काही काही ठिकाणी बोअर झालं.
- शेवटचा धक्का झाल्यावर मग खूप ताणल्यासारखा वाटला. शेवट justify करायसाठी इतकं explanation द्यायची जरूर नव्हती. त्यामानाने कहानीचा शेवट खूपच crisp होता.
- पोलीस केस आणि मुलाची कथा अजून चांगल्या रितीने एकत्र गुंफता आल्या असत्या.

पण तरीही एक वेगळा चित्रपट बघितल्याचे समाधान मिळाले हे नक्की

आणि हे सर्वच आघाडीचे हिरो करतातच. हे वर इतरेजणानी नमुद केलच आहे.>>> बच्चन करीत नसे हे पूर्वी कायम वाचलेले/ऐकलेले आहे. पण त्याचे ८० च्या उत्तरार्धातील चित्रपट पाहिले, की त्याने नाक खुपसायला हवे होते असेच वाटते. नाहीतरी अजून काय वाईट झाले असते ते चित्रपट?

पण त्याचे ८० च्या उत्तरार्धातील चित्रपट पाहिले, की त्याने नाक खुपसायला हवे होते असेच वाटते. नाहीतरी अजून काय वाईट झाले असते ते चित्रपट?>>

फारण्ड, परवानामध्ये नविन निश्चल हिरो मध्ये होता आणि अमिताभ व्हिलन. त्यावेळी त्यांच्यात काही प्रॉब्लेम झाले होते. नंतर देशप्रेमीमध्ये अमिताभने नविन निश्चलच्या रोलमध्ये बरीच ढवळाढवळ केली होती असे ऐकले होते.

तलाश पहिल्याच दिवशी बघितला. चांगला आहे नॉट द बेस्ट. मुळातच तो out and out suspense सिनेमाच नाही आहे. रसपने लिहील्याप्रमाणे सिनेमाच्या नावानुसार प्रत्येकजण कशाचा तरी शोध घेत आहे. त्यामुळे काही जबरदस्त शेवट होईल आणि सस्पेन्स फुटेल असा विचार मनात ठेऊन सिनेमा बघितला तर सिनेमा अगदीच फुसका वाटेल. अश्याच स्टाईलचा शेवट Dragonfly मध्ये आहे ना?

Spoiler: अमिरचा मुलाचा अपघात दुसर्‍या शहरात होतो ना? तिथुन बदली होऊन मुंबईत येतो ना? कारण शेवट मुंबईतील एका तलावाकाठी अमिर रडताना दाखवला आहे.

मला अमिरखानचे फक्त ३ सिनेमा त्याच्या करियरमध्ये बेस्ट वाटतात: सरफरोश, गुलाम, दिल चाहता है

मला अमिरखानचे फक्त ३ सिनेमा त्याच्या करियरमध्ये बेस्ट वाटतात: सरफरोश, गुलाम, दिल चाहता है
>>> गुलाम नाही पाहीला पण ह्या यादीत तारे जमीनपर पर पण चालेल

अकेले हम अकेले तुम आणि लगान माझ्या लिस्टमधे असतील.

मुंबईतील एका तलावाकाठी अमिर रडताना दाखवला आहे.
>>> हा बहुतेक गोरेगावच्या आरे मिल्क कॉलनीतला तलाव आहे.

मला तर बै त्याचा प्यार हुआ चोरी चोरी आवडला

मुंबईतील एका तलावाकाठी अमिर रडताना दाखवला आहे.
>>> हा बहुतेक गोरेगावच्या आरे मिल्क कॉलनीतला तलाव आहे.
हाहाहा. कितीतरी फिल्म्सचे शुटिन्ग तिथे झाले असेल. तुम्ही तो गोष्टीत सुधा मुम्बईतलाच तलाव आहे असे का मानताय? आमिर राणी करिनासारखेच तो तलाव हे एक पात्र आहे ना फिल्ममधले. तसा तर आमिर पण पोलिस नाहीये. नाही का?

वर्षाला एक....अथवा हातातील चित्रपट पूर्ण झाल्याशिवाय दुसरा स्वीकारायचा नाही, अशा भूमिकेतून आपली चित्रपट कारकिर्द घडविणारा आमीर खानसारखा समंजस अभिनेता ज्यावेळी 'तलाश' स्वीकारतो त्याचवेळी ही बाब अधोरेखीत झालेली होती की या चित्रपटामध्ये 'हटके...' पटकथा असून त्याचे सादरीकरण वेगवान असणार.

'तलाश' ची कथा आणि तिची मांडणी....लॉजिक.... कुणाला पटो वा न पटो [आणि तसे झाल्याचे इतक्या प्रतिसादानंतर स्पष्ट दिसत आहेच] पण तलाश आमीर खानने का स्वीकारला असावा असे म्हणता येणार नाही, किमान इतका तरी तो प्रभावी झाला आहे हे नि:संशय.

'तलाश' मध्ये जितक्या उजव्या बाजू आहेत तितक्याच डाव्याही असू शकतील हे पाहाणार्‍याच्या वृत्तीवर अवलंबून आहे. म्हटला तर रहस्यपट, पण तलाश नक्कीच केवळ रहस्यपट न राहता एका सुखी जोडप्याच्या संसाराला मुलाच्या अपघाती अकाली मृत्यूने लागलेली दृष्ट आणि त्यामुळे त्या दोघांची घालमेल तर दाखवितोच, शिवाय त्या घालमेलीतूनच नायकाची नोकरीच्या ठिकाणी निर्माण झालेली अस्वस्थता दिग्दर्शिकेने छान पकडली आहे.

[रसप.....एक शंका आहे.....चित्रपट मी पाहिला, पण आता लक्षात येईना की, कारमध्ये सीमरनला मौजमजेसाठी तीन युवक घेऊन जाताना दाखविले आहे, पैकी ज्या निखिल देशपांडेमुळे तो अपघात घडतो, तो निखिल केवळ जखमी होतो की तोही शेवटी यमलोकी जातो ? जखमी आणि बेशुद्ध अवस्थेत घरी दाखविला आहे व त्याला इन्स्पेक्टर शेखावत भेटतोही. ]

....वरील शंकेचा आणि 'रहस्यभेदा'चा काही संबंध नाही हे 'तलाश' न पाहिलेल्या सदस्यांनी कृपया लक्षात घ्यावे.

अशोक पाटील

निखिलच्या मृत्यू झालेला दाखवला नसेल तरिही तसा उल्लेख आहे. संजय केजरीवाल जेव्हा त्याच्या वडिलांना आपण प्रॉब्लेम मध्ये फसलोय अस सांगत असतो तेव्हा निखिलचा मृत्यू टेरेसवरून पडून झाला नाही, आम्ही खोटं सांगितलं असं सांगतो.

तेव्हा निखिलचा मृत्यू टेरेसवरून पडून झाला नाही, आम्ही खोटं सांगितलं असं सांगतो.>>> मॄत्यु नाही गं दक्षे, अ‍ॅक्सिडेंट झाल्याचं सांगतो तो. निखिल जिंवंत असतो पण तो बेडरिडन आहे व अपघातानंतर काही बोललेला नाही.

[रसप.....एक शंका आहे.....>>>> माझी पण. कित्ती दिवस झालं विचारावं विचारावं म्हणत होतो.

शशी कार मधुन सगळ्या मुलींना घेउन जात असतो. नाक्या नाक्यावर पोलीस बघतो. तेंव्हा करीना त्याला विचारते, पसिना क्यौं छुट रहें है शशी? (हिंदी समजुन घ्या) तेंव्हा शशी न ऐकल्यासारखे का करतो बरं?

माझ्या मते तरी तो सिन पुर्ण गंडलाय.

एक शंका माझी पण

रसप यांचं स्वतःच मल्टीप्लेक्स आहे का औरंगाबादेत ? किंवा स्वतःचा पॉपकॉर्न चा स्टॉल ??? खिलाडी ७८६ चं परीक्षण आलं नाही अजून

@ दक्षिणा....

संजय आपल्या बापाला प्रथम तैमूरकडून आलेल्या 'ब्लॅक मेल' वाबत सांगतो आणि मग निखिलबाबत खुलासा करतो की, 'तो आपल्या जुहू बंगल्याच्या टेरेसवरून पडला नव्हता तर त्याचा कार अ‍ॅक्सिडेन्ट झाला होता....' म्हणजेच तो अजूनी जिवंत आहे मात्र मारामुळे स्मृतिभ्रंश झाला आहे, असा अर्थ निघतो.

@ निवांत पाटील....

तो कारमधील सीन... दलाल शशी, दोन अन्य कॉल गर्ल्स + करीना.... गंडलेला नाही. शशीला फुटलेला घाम पाहून करीना जरून ते वाक्य उच्चारते, पण ते शशी ऐकू शकत नाही त्यामुळे त्यावर त्याची काहीच प्रतिक्रिया दिसणार नाही पडद्यावर. आता तो का ऐकू शकत नाही, याचे उत्तर इथे देता येणार नाही....[रहस्यभेद होईल....!]

अशोककाका

आमीरने स्वतःच एका वाहिनीवर ब-यापैकी रहस्यभेद केलाय या बाबतीत. ती गोष्ट आधी माहिती असेल तर पिक्चर ब-यापैकी एण्जॉय करता येतो हे स्वानुभवाने सांगतो. अपेक्षाभंग होत नाही.

हो, किरण....मी पाहिला तो कार्यक्रम....स्टार प्लसवरील विविध मालिकेतील कलाकारांच्यासमोर तो गप्पा मारीत बसला होता, आणि तुम्ही म्हणता तसा [किंचित असा] रहस्यभेद केला होता.

तसा त्यापेक्षा जादाचा इथे मी केला तर 'रसप दादा' मला कच्चा खातील, थेट कोल्हापूरला येऊन.... त्या भीतीपोटी मी वरील प्रतिसाद त्यातल्या त्यात सौम्य केला आहे....

रसप बसले असतील आता खिलाडी ७८६ ला. मी तर न पाहताच त्याचा रिव्ह्यू लिहून ठेवलाय :फिदी:. बघू आता काय काय जुळतंय ते !

आपली नोकरी धोक्यात असल्याचे दिसून येत आहे. मे गॉड ब्लेस यू माय सन !

हे भले, रणजित !!! मग ही बातमी तर २१.१२.२०१२ पेक्षाही चिंताजनक वाटणार खिलाडी ७८६ चे टिपिकल 'रसप' रसग्रहण वाचण्याकरीता देव पाण्यात बुडवून बसलेल्या इथल्या रसिक सदस्यांसाठी.

चुकुन सुध्दा रसप खिलाडी ७८६ पाहु नका...........
उगाच..................... सगळ्यांचाच उध्दार कराल
............................ मला आता अक्षय चा उध्दार करायला कंटाळा आलाय

अरे रणजित.....२१.१२.२०१२ रोजी जगबुडी होणार आहे ना !! [फक्त माझ्यासारखे पोहायला येणारेच सदस्य वाचणार आहेत म्हणे....!!]

खिलाडी ७८६ ची कथा हिमेश रेशममियां यांनी लिहीलीये यावरून सगळी कल्पना यावी. त्यात एका भूमिकेसाठी अमिताभ बच्चन उपलब्ध झाले नाहीत म्हणून मलाच ती भूमिका करावी लागली हे वक्तव्य ऐकून या जन्माचे सार्थक झालेय.

कथा पण लिहीलीये? गाणीही गायलीत! अरे देवा!
एका भूमिकेसाठी अमिताभ बच्चन उपलब्ध झाले नाहीत म्हणून मलाच ती भूमिका करावी लागली हे वक्तव्य ऐकून या जन्माचे सार्थक झालेय.>>

हायला! अजून चालूच तलाश?

हा मूवी खोदा पहाड निकला चूहा आहे.