माझे आवडते पदार्थ मला असे (खायला) आवडतात....

रुणुझुणू खरच हा वाईट बी बी आहे. कामात लक्श लागत नाही.

वाईट्ट बीबी आहे हा>>>+१०१
तरिही हावरटासारखं इकडे मन जातच.
मी तर कितीवेळा येवुन गेलो सकाळपासुन इकडे..

खुप तहान लागल्यावर...
.
.
.
.
फ्रीजमधील थंडगार पाण्याची बाटली घ्यावी आणि त्यात...
.
.
.
.
.
काहिच न टाकता तशीच बाटली तोंडाला लावावी आणि पाणी प्यावे .....बेचव पण अप्रतिम...
.
.
खाण्याच्या धाग्यावर पाण्याच्या गोष्टी करतोय क्षमस्व:

पोह्याचा ओला पापड किंवा त्याच्या लाट्या तेलात बुडवून गट्टम करायच्या !

गरम गरम गुरगुट्या भात + गार गार दही + मीठ + मेतकुट. स्स्स्स्स्स्स्स परिक्षेचे दिवस आठवले. पेपरला जाताना असे भाताचे गोळे पटापट गिळुन जायचे.
आता जेवल्यावर पण मिळाला तरी जाईल सहज तसा भात.

तव्यावरची पोळी व उन्हाळ्यातले ताजे ताजे कैरीचे लोणचे.
मधल्या वेळेसाठी चकली + घट्ट दही

बाळू जोशी वी.सू. वाचल्या पण रहावले नाही ..:-) असा चवीश्ट बीबी कसा ईग्नोर करणार ? ( वाईट्ट अस्ला तरी )

वाळत घातलेल्या ओल्या फेण्या

नुकताच वाळत घातलेला ओला पोह्याचा पापड

चिकवड्या राखताना गट्टम करायच्या!!

पोह्याचे डांगर + दही

तुरीच्या शेंगा मस्त मीठ लाउन उकडुन

मक्याचे भाजलेले कणीस त्या वर तुप मीठ लावुन ( समोर प्रचंड पडणारा पाउस पाहिजे)

हापुस चा आंबा पुर्ण सोलुन त्याचे नीगुतीने बारीक काप करुन, ते थंड करुन, त्यावर साय घालुन काट्याने खायचे ( बरोबर एखादे ३०० पानी पुस्तक पाहिजे)

बरोबर एखादे ३०० पानी पुस्तक पाहिजे >>>

पुस्तक संपेपर्यंत न संपणार्‍या फोडी पण पाहिजेत ना मग...

तांदळाच्या भाकर्‍यांना कोण ते नावं ठेवतंय. उकडीच्या भाकर्‍या खाऊन पहा. सोबत अळू नाहीतर अंबाडीची भाजी. दुसर्‍या दिवशीही मस्त लागतात.

गोडा मसाला आणि गूळ घातलेली कुठलीही भाजी + घरचं तूप लावलेली गरमागरम पोळी

माळव्यात अनेक वर्षे पोहे खाल्ल्यावर कां/ब पोह्यावर ओल्या खोबर्‍याऐवजी शेव (रतलामी असेल तर मज्जाच) आवडायला लागली. साबुदाणा खिचडीवर लिंबू पिळून खाण्यातली मजाही तिथेच कळली. तिथे सकाळचा नास्ता पोहा-जलेबी. पण माझ्या मुंबईकर पोटाला लग्नाच्या पंगतीखेरीज अन्यत्र जिलब्या खाणे रुचले नाही. रात्रीच्या जेवणानंतर बाहेर फेरफटका मारताना गरम दूध+ जिलेबी खाऊन येणे हेही तिथे कॉमन आहे.

एका ब्रह्मचारी कुटीत फारच कंटाळा आल्याने पोटभरीचा ब्रेकफास्ट म्हणून ब्रेड स्लाइसना लोणी लावून त्यात बटाट्याचे वेफर्स सँडविच करून मिळाले. त्याची चव कल्पनेपलीकडे धमाल होती. मी स्वतः कधी करून खाणार किंवा खिलवणार नाही कदचित, पण पुन्हा समोर आले तर नक्की खाईन.

मला बटाट्याच्या काचर्‍या शि़ळ्याच खायला आवडतात. सोमवार/गुरुवारच्या वरणबभातासोबत आई या काचर्‍या करते (आमच्याकडे त्याला काप म्हणतात). ताटात वाढलेल्या गरमागरम काचर्‍यासुद्धा मी उद्यासाठी म्हणून शिल्लक ठेवतो.

मला हिरवी द्राक्ष सोलून खायला आवडतात.

हुरडा आणि दही, सोबत ती खास चटणी... मी नगरला रस्त्याशेजारी खाल्ले होते.
उसाचा रस आणि बेळगावी फुटाण्याची चटणी.
भुईमुगाच्या शेंगा आणि गूळ (शेंगा आपणच सोलायच्या )
फणसाची भाजी -- नुसतीच
उकडलेल्या चवळ्या आणि मीठ (मालवणी बेत असे पुर्वी, तिखटही नाही घालत.)
चकलीचे किंवा थालिपिठाचे पीठ.. कच्चेच !
पापडाच्या लाट्या आणि तेल
कुरड्याची उकड --- नुसती
अळुवड्या, कोथिंबीर वडी, मुठिया नुसते उकडून, न तळता !
ढोकळा आणि लसूण घातलेली फोड्णी,
पंजाबी पद्धतीचा गाजर हलवा आणि व्हॅनिला आईस्क्रीम
गुजराथी खिचडी, त्यावर जिरालू मसाला आणि सोबत गुजराथी कढी
गुजराथी उंधियू + दही + बाजरीची भाकरी
केरळी पद्धतीचे अवियल + साधा भात + तांदळाचा पापड
शहाजिरे वाटून आणि गूळ घातलेले नारळाचे दूध + कडक पाव ( गोवन बेत)

तांदळाच्या भाकर्‍यांना कोण ते नावं ठेवतंय.>>> त्यांना दहा धपाट्यांची शिक्षा फर्मावण्यात यावी.

ती तांदळाची टम्म फुगलेली गरम भाकरी त्यावर लोण्याचा गोळा टाकून तो वितळताना एकेक घास बारकाईने मोडत गट्टम् करायचा.

गर्रम उकडीचा मोदक + भरपूर साजूक तूप.
उकडगर्‍यांची भाजी + भरपूर लाल सुक्या मिरच्यांची खमंग चुरचुरीत फोडणी चुरून घेऊन भाजी नुसतीच गटकावणे
वाफाळता मऊ भात केळीच्या पानावर + साजूक तूप + लच/ आंब्याचे लोणचे. त्या बरोबर शिळं कुळथाचं पिठलं असेल तर केवळ स्वर्ग!

आत्ता शेबपु खायला जायचंय, मग लिहिन बाकीचं

<<चकलीचे किंवा थालिपिठाचे पीठ.. कच्चेच !
पापडाच्या लाट्या आणि तेल
कुरड्याची उकड --- नुसती
अळुवड्या, कोथिंबीर वडी, मुठिया नुसते उकडून, न तळता !<<

एक नंबर दिनेशदा! मला ही अशाच आवडतात कोथिंबिरवड्या, अळुवड्या.

कुरडयांची दुध साखर घालुन किंवा तिखट हवी असल्यास तिळाच्या चटणीबरोबर.
नाचणी/ ज्वारी/ गहु यांच्या पापडांचे पीठ घेरलेलं (उकड), पातेलाच्या तळाला लागलेली खरड तेल आणि तिळाच्या चटणीबरोबर.
याचप्रमाणे बाजरीच्या पीठाची उकड घेउन तेही नुसतं किंवा पोळपाटवर टाकुन तीळाच्या चटणीबरोबर खाता येतं.
वडे/ सांडगे यांचे कच्चे पीठ तेल टाकुन चपातीबरोबर.
ब्रेडला घट्ट साय लावायची आणि वरुन साखर भुरभुरुन चहाबरोबर.

मालवणी उकड्या तांदळाची पेज + करवंदाची चटणी + खारातला आंबा (कैरी) + शहाळ्याचे खोबरे
कोल्हापुरी मसाल्याची आमटी आणि कुस्करलेली भाकरी (दोन्ही शिळे)
काजूची बोंडे + समुद्राच्या पाण्यात बुडवून (समुद्र स्वच्छ हवा !)
फणसाच्या भाजलेल्या बिया + तूप
भाजलेली कणंगे + गावरान तूप + साखर + किंचीत मीठ
भाजलेले रताळे + तूप

उकड्या तांदळाची पेज ताप उतरल्यावर खायची. तोंडी लावायला दिलेले कैरीचे लोणाचे पेजेतच टाकायचे आणि भाताबरोबर कैरीची फोड तोंडात आली की सरप्राइज मिळाले म्हणून खुष व्हायचे. याबरोबर ओल्या खोबर्‍याचे तुकडे (चव नव्हे) .

बडीशेप खाऊन पाणी प्यायचे. ग्वाड ग्वाड लागतं.

बाजो.. <<आणि उकडलेल्या अंड्यातला पिवळ्या बलकाचा गोळा? विचारूच नका !<<

हायला हे सगळं सुंदर सुंदर लिहिणार्‍यांना त्रूंगात घाला राव.

शिळी भाकरी...दह्यात कालवून फोडणी द्यायची.....लय भारी....

वरच्या सगळ्या पोस्टींना +++++१०० (मांसाहारी पदार्थ सोडुन )

तांळाची गरमा गरम फेणी त्यासोबत घट्ट दही आणि फोडणीच्या मिरचीचे ताजे लोणचे,

चुर्र वाजलेली आंबोळी आणि त्यावर साजुक तूप

छोले भटुरे - छोल्यांवर चिंचेची गोड चटणी आणि कांदा, भटुर्‍यांबरोबर अमुल बटर

उपमा त्यात गरम दुध घालुन थोडा पातळसर करायचा आणि कैरीच्या लोणच्याबरोबर खायचा

कॉर्नफ्लेक्स + दूध + केळे

बॉम्बे सँडविच - मस्का मारके आणि सोबत फ्रेश ज्युस

लाल तांदळाचा चुलीवरचा भात आणि तुप मिठ....

पोळी कुस्करून त्यावर आमटी + कांदा आनि लसणाची चटणी

अजुन आठवेल तसे लिहीतेच

स्लर्र्र्र्र्र्र्र्र्प समद्याच पोस्टींना

गरम गरम गुलाबजाम आणि त्यावर थंड थंड व्हनिला आईस्क्रीम ...डेडली काँबो

काय विकृतपणा आहे हा कश्यातही काहीही घालून खात्यात

कालचा उरलेला मटणाच्या रस्स्यात शिळ्या ज्वारीच्या भाकरी घालुन शिजवतात त्याला ऊकडा किंवा ऊकडल म्हणतात मस्त लींबू पिळून अप्रतीम लागत असच ऊकडल उरलेल्या आमटी बरोबर पण करतात.

नाना न खाताच काय नन्नाचा पाढा...आणि लिहिलंय की डेड्ली म्हणुन

तुम्ही दुसरं काही थंड घ्या ..हाकानाका

हा बाफ वाचून एक गोष्ट लक्शात येते की सगळे मायबोलीकर अस्सल खवय्ये आहेत. आणि अशा मायबोलीचा एक मेम्बर असल्याचा मला अभीमान वाटतो