क्रिकेट - २

>>> याआधीच्या सर्व विश्‍वकरंडक विजेत्या संघांना नमवून करंडक उंचावणारा भारत हा एकमेव संघ आहे.>>> हे लक्षात आले नव्हते.

या विश्वचषकात अजून बरेच विक्रम झाले.

स्वतःच्या भूमीवर विश्वचषक जिंकणारा भारत हा पहिला देश ठरला.

अंतिम सामन्यात सर्वाधिक धावांचा यशस्वी पाठलाग करणारा भारतच (या आधी यशस्वी पाठलाग केलेल्या धावसंख्या होत्या १९९६ मध्ये २४२ आणि १९९९ मध्ये १३२. भारताने २७४ धावांचा यशस्वी पाठलाग केला).

अंतिम सामन्यात सर्वात कमी धावांचे रक्षण करणारा भारतच (या आधी यशस्वी रक्षण केलेल्या धावसंख्या होत्या १९७५ मध्ये २९१, १९७९ मध्ये २८१, १९८७ मध्ये २५३, १९९२ मध्ये २४९, २००३ मध्ये ३५९ आणि २००७ मध्ये २८२. पण भारताने १९८३ मध्ये १८३ इतक्या लहान धावसंख्येचे यशस्वी रक्षण करून अंतिम सामना जिंकला होता).

>>> लक्षात राहील ते ऑस्ट्रेलियाने चौथ्या दिवशी नक्की ड्रॉ होत असलेली मॅच खेचून आणली ते!

+१

>>> जे भारताने मागच्या वर्षी संधी असून केले नाही ते - थोडा रिस्क घेऊन विजयासाठी प्रयत्न करणे.

नक्कीच. मागच्या वर्षी ३ र्‍या कसोटीत जिंकण्यासाठी भारताला कोणतीच रिस्क घ्यावी लागणार नव्हती. ४५ षटकांत १८० च्या आसपास धावा सहज शक्य होत्या. पण धोनी व कंपनीने शेपूट घातली होती.

परवापासून क्रिकइन्फो साईटला काहीतरी प्रॉब्लेम झालेला दिसतोय. परवा बराच वेळ ती साईट ओपन होतच नव्हती. कालपासून ओपन होत आहे पण ओपन झाल्या झाल्या, 'हार्मफुल वेब साईट', असा अ‍ॅन्टीव्हायरसचा अखंड मेसेज येत आहे. आज ओपन केल्यावर असाच मेसेज येत आहे. इतर कोणाला असा काही अनुभव आला आहे का?

विंडीज-ऑसीज च्या दुसर्‍या कसोटीतही दोन्ही कर्णधारांनी अत्यंत सकारात्मक खेळ केला. पहिल्या डावात ५४ धावांचे आधिक्य मिळविलेल्या ऑस्ट्रेलियाने ५ व्या दिवशी दुसर्‍या डावात फक्त २१४ धावांनी पुढे असताना व ६१ षटकांचा खेळ शिल्लक असताना डाव घोषित करून विंडीजला ६१ षटकांत २१५ धावा करण्याचे काहीसे अवघड पण अशक्य नसलेले आव्हान दिले. ऑस्ट्रेलियाने पहिली कसोटी जिंकलेली असताना सुद्धा हे धाडस केले. विंडीजने आव्हान स्वीकारून ११ षटकांत २ बाद ५३ धावा केल्यावर पावसामुळे खेळ थांबला व शेवटी त्याच धावसंख्येवर सामना अनिर्णित राहिला. विंडीजचा पहिला फलंदाज बाद झाल्यावर कर्णधार सॅमी ३ र्‍या क्रमांकावर खेळायला आला व त्याने २६ चेंडूत नाबाद ३० धावा करून सामना जिंकण्यासाठीच आपण खेळणार असल्याचा निर्धार दाखवून दिला.

मायकेल क्लार्कच्या जागी धोनी किंवा इतर कोणताही भारतीय कर्णधार असता तर, मालिकेत १-० ने पुढे असताना प्रतिपक्षाला ६१ षटकांत २१५ धावांचे फारसे अवघड नसलेले आव्हान देऊन २-० ने पुढे जाऊन मालिका जिंकण्याची संधी किंवा १-१ अशा बरोबरीचा धोका पत्करला असता का? तसेच सॅमीच्या जागी धोनी किंवा इतर कोणताही भारतीय कर्णधार असता तर, मालिकेत ०-१ ने मागे असताना ६१ षटकांत २१५ धावा करण्याचे आव्हान स्वीकारून मालिकेत ०-२ ने मागे पडण्याचा (व पर्यायाने ३ सामन्यांची मालिका हरण्याचा) धोका पत्करला असता का किंवा १-१ अशा बरोबरीची संधी घेतली असती का?

धोनीने किंवा इतर कोणत्याही भारतीय कर्णधाराने असे आव्हान दिले नसते किंवा दिलेले आव्हान स्वीकारले नसते असेच वाटते. दोन्हीपैकी कोणत्याही भूमिकेत, भारतीय फलंदाजांनी अत्यंत संथ फलंदाजी करून सामना अनिर्णित ठेवण्याचा आटोकाट प्रयत्न केला असता.

विंडीज वि इंग्लंड पहिला कसोटी सामना रंगतदार अवस्थेत आहे. आजच्या ५ व्या दिवशी इंग्लंडला विजयासाठी एकूण १९१ धावा हव्या असून कालपर्यंत त्यांची धावसंख्या २ बाद १० आहे. एकंदरीत आपल्या तुलनेत विंडीज इंग्लंडला इंग्लंडच्या भूमीवर जास्त चांगली झुंज देत आहे.

या कसोटीत चंद्रपालने ८७* व ९१ अशा धावा केल्या. मागील ९ कसोटीतील १५ डावात त्याची जबरदस्त कामगिरी अशी आहे -

२३, ११६*, ४९, १८, ५९*, ११८, ४७, ४, ४७, १०३*, १२, ९४, ६८, ६९, ८७*, ९१ (१५ डावात एकूण १००५, सरासरी - ९१.३६, शतके - ३, अर्धशतके - ६). त्याने मागील लागोपाठ ६ डावात अर्धशतक केले आहे.

>>> मास्तुरेजी, आजच्या आयसीसी क्रमवारीत [ कसोटी फलंदाजी] चंद्रपॉल पहिल्या स्थानावर आला आहे !!!!

चंद्रपाल महान फलंदाज आहे. तो विंडीजच्या पूर्वीच्या धडाकेबाज फलंदाजांच्या तुलनेत (लारापर्यंत) फारसा महान नसेल, परंतु जवळपास १६-१७ वर्षे तो सातत्याने धावा करत आहे.

शिखर धवन, रहाणे आणि अभिनव मुकुंद विंडीज-अ विरूद्धच्या पहिल्या कसोटीत दोन्ही डावात अपयशी ठरलेत. रहाणे ऑस्ट्रेलियाच्या दौर्‍यावरील सुरवातीच्या २ सराव सामन्यातल्या तीनही डावात अपयशी ठरला होता. एकंदरीत तो फक्त मर्यादित षटकांच्या सामन्यांचा व ट-२० सामन्यांचाच खेळाडू आहे काय ही शंका येत आहे. तो आणि शिखर धवन नुकत्याच संपलेल्या आयपीएल तमाशात सर्वाधिक धावा करणारे खेळाडू होते, पण या ४ दिवसांच्या कसोटी सामन्यात ते अपयशी ठरलेले आहेत.

हो. धवन अजून नाबाद आहे (नाबाद १३). पण मुकुंद दोन्ही डावात शून्यावर बाद झाला तर रहाणेने पहिल्या डावात ० व दुसर्‍यात ५ धावा केल्या. बघूया धवन किती करतो ते. भारताला जिंकण्यासाठी एकूण १८६ धावा करायच्या आहेत. भारत आता ३ बाद २२ आहे.

शेवटी पुजाराच्या नाबाद ९६ धावांमुळे भारताने २ गडी राखून पहिला कसोटी सामना जिंकला. पुजाराने पहिल्या डावात ५० धावा केल्या होत्या. धवन कालच्याच १३ धावसंख्येवर बाद झाला. रोहीत शर्माने पहिल्या डावात ९२ व दुसर्‍या डावात २३ केल्या. धवन, रहाणे व मुकुंद दोन्ही डावात अपयशी ठरले. एकंदरीत द्रविडच्या जागेवर बसण्याची पुजारा तयारी करत आहे. रहाणेबद्दल आशा होत्या. पण तो ट-२० व मर्यादित षटकांव्यतिरिक्त इतर सामन्यात अजून चमकलेला नाही. धवन व मुकुंद त्याच अवस्थेत आहेत.

रहाणे, मुकुंद आणि धवन विंडीज-अ विरूद्धच्या दुसर्‍या कसोटीतही दोन्ही डावात अपयशी ठरले. जिंकायला २२० धावा हव्या असताना भारताच्या ४ थ्या दिवशी ४ बाद ५७ धावा झाल्या आहेत.

दुसर्‍या कसोटीत भारत्-अ सर्वबाद ९४. भारत १२४ धावांनी सामना हरला. एकंदरीत रहाणे व मुकुंद ला कसोटीत स्थान मिळणं अवघड वाटंतय. रहाणे एकदिवसीय व ट-२० मध्येच चांगला खेळतो. इतर सामन्यात अजूनतरी त्याला २० च्या पुढे धावा करता आलेल्या नाहीत.

१५ महिन्यांनंतर आंतरराष्ट्रीय क्रिकेट खेळणार्‍या गेलने जोरदार पुनरागमन केलंय (आजच्या एकदिवसीय सामन्यात ५१ चेंडूत ५३ धावा, त्यात ३ चौकार आणि ५ षटकार). पण विंडीज सामना हरले.

दुसरीकडे विंडीज-अ संघाने भारत-अ विरूद्धचा तिसरा कसोटी सामना जिंकून २-१ अशी आघाडी घेतली आहे. तीनही सामन्यात मुख्यत्वेकरून कर्णधार पुजारा, साहा आणि मनोज तिवारीने बर्‍यापैकी फलंदाजी केली. शमी अहमदने व अक्षय दरेकरने चांगली गोलंदाजी केली. पण अभिनव मुकुंद, अजिंक्य रहाणे व शिखर धवन सर्व डावात अपयशी ठरले.