घोषणा

फेसबुकावरील मायबोलीच्या चाहत्यांची संख्या:
जानेवारी ३१, २०१२ : १००० + चाहते
मार्च १२, २०१२ : १०,००० + चाहते
सप्टेंबर १५, २०१२ : २५,००० + चाहते
एप्रिल २५, २०१३ : ५१,००० + चाहते
नोव्हेंबर ११, २०१३ : ७५,००० + चाहते
एप्रिल २०१४: ९०,००० + चाहते
जून ५, २०१५ : १००,०००+ चाहते.
धन्यवाद, धन्यवाद !! तुम्ही अजून चाहते झाला नसाल तर लवकर व्हा!! https://www.facebook.com/Maayboli

या गणेशचतुर्थीला मायबोलीला १८ वर्षे पूर्ण झाली आणि त्याच शुभमुहुर्तावर मायबोलीने हिंदी आणि कानडी भाषेतल्या वेबसाईट सुरु केल्या आहेत.

२०१२ मधे बातम्या.कॉम ही वेबसाईट मायबोली समुहाचा भाग बनली. या दोन वर्षात या साईटला उत्तम प्रतिसाद मिळतो आहे. एक थोडी आश्चर्याची गोष्ट म्हणजे मायबोली.कॉम किंवा बातम्या.कॉम या ठिकाणी पहिल्यांदा धडकणारा वाचकवर्ग हा बहुतांशी वेगळा आहे. आणि हळूहळू त्यांना दुसर्‍या साईटची माहीती होते आहे :)

जगातल्या बहुसंख्य प्रगत देशात इंटरनेवरचं स्त्रियांचं प्रमाण ५०/५० (किंवा जवळपास आहे). पण भारतात मात्र हे प्रमाण ३०% पेक्षा कमी आहे. जास्तीत जास्त भारतीय स्त्रियांनी इंटरनेटचा वापर करावा, त्यांना सुरवातीला येणार्‍या अडचणी दूर करता याव्यात म्हणून गुगल या कंपनीनं hwgo.com (Helping Women Get Online) हा सार्वजनिक हिताचा एक खूप चांगला उपक्रम सुरु केला आहे. इंटरनेटबद्दलची माहीती आणि महत्व सोप्या भाषेत सांगणं, इंटरनेटवरचा महिलांंना उपयुक्त वाटेल असा मजकूर दाखवणं, प्रत्यक्ष फोनवरून मदत करणं (Handholding) असं या उपक्रमाचं स्वरूप आहे.

मायबोलीवर सातत्यानं राजकीय चर्चांना चुकीचं वळण लागण्याच्या घटना घडत आहेत. शिवराळ भाषेचा वापर केला जात आहे. असे प्रतिसाद शक्यतोवर काढून टाकण्यात आले आहेत किंवा ते धागे वाहते केले आहेत.

मायबोलीच्या वावराच्या नियमांमध्ये भाषेच्या वापराबद्दल स्पष्ट सूचना केलेल्या आहेत. कुठल्याही जाती / धर्म / वंश / वर्ण यांच्याबद्दल कुठल्याही सदस्याचे अवमानकारक / बदनामीकारक लेखन आढळल्यास त्या सदस्याचे खाते गोठवण्यात येईल, हे वारंवार स्पष्ट करूनही काही मायबोलीकर सतत अयोग्य भाषेत लिहिताना दिसत आहेत. मायबोलीवरचं वातावरण यामुळे गढूळ होत आहे.

काही मिनिटांपूर्वी मायबोलीच्या दृष्यभागाचे (Frontend) नवीन सर्वरवर स्थलांतर झाले आहे.
(मायबोलीच्या डाटाबेसचे स्थलांतर काही महिन्यांपूर्वी झाल्याचे चाणाक्ष मायबोलीकरांच्या लक्षात असेलच)

मायबोली नीट दिसत नसेल तर कृपया आपल्या ब्राऊझरला ताजेतवाने करा (Refresh)

गुगल + या सोशल नेटवर्कवर ५०,००० + मायबोलीचे चाहते.

मायबोलीवर लिहणार्‍या मायबोलीकरांना हा आणखी एक वाचकवर्ग उपलब्ध आहे. गेले काही महिने मायबोलीवरचे निवडक लेखन (लेखनाच्या पानाची लिंक) आपण मायबोलीच्या अधिकृत फेसबुक आणि गुगल प्लस अशा दोन्ही पानांवर पुनःप्रकाशीत करतो. काही वेळेस असे लेखन मुद्दामच एकाच नेटवर्कवर प्रकाशीत केले जाते. त्यामुळे दोन्ही कडच्या चाहत्यांना थोडी Exclusivity ही मिळते.

ज्या वेगाने ही चाहत्यांची संख्या वाढली तो लक्षणीय आहे

मार्च ८,२०१४ : १००० + चाहते

काही मिनिटांपूर्वी मायबोलीच्या डाटाबेसचे नवीन सर्वरवर स्थलांतर झाले आहे.

बहुतेक मायबोलीकरांना काहीच फरक जाणवणार नाही. जाणवलाच तर मायबोली जास्त वेगवान झाल्यासारखे वाटेल. नवीन SSD तंत्रज्ञान असलेल्या या सर्वरमधे काहीच फिरते भाग नाहीत. आपल्यासाठी जास्तीची जागा, नविन सुविधा आणि भविष्यातील काही योजनांसाठी नवीन तंत्रज्ञान आणि जास्तीचा वेग यातून मिळेल अशी आशा आहे.

नवीन हार्डवेअर/सॉफ्टवेअर असल्यामुळे काही अडचण आली तर कृपया याच धाग्यावर सांगा.

गेले काही दिवस जिप्सी यांनी काढलेल्या काही फोटोंबाबत चर्चा सुरू आहे. त्यानिमित्ताने मायबोली प्रशासनातर्फे हे निवेदन.

मायबोलीवर नियमितपणे प्रकाशचित्रं प्रकाशित होत असतात. या प्रकाशचित्रांमध्ये अनेक फोटो हे सार्वजनिक ठिकाणी काढलेले असतात. जोपर्यंत हे फोटो कुठल्याही कायद्याचा भंग करत नाहीत, तोपर्यंत असे फोटो मायबोलीवर प्रकाशित करण्याला मायबोली प्रशासनाची हरकत नाही. मात्र मायबोलीवर फोटो प्रकाशित करताना फोटोग्राफरने पुरेशी काळजी घेणं, फोटोंबाबत व्यवस्थित विचार करणं अत्यावश्यक आहे, असं प्रशासनाचं मत आहे.

आजपासून मायबोलीच्या चेहर्‍यामोहर्‍यामध्ये एक बदल केला आहे.

यापूर्वी २००७पासून मायबोलीच्या पानाची रुंदी ९६० पीक्सेल इतकी होती. आजपासून ती १०२० पीक्सेल केली आहे. त्यामुळे मधल्या मजकुराच्या भागाची आणि बाजूच्या रकान्याची रुंदी काही प्रमाणात वाढली आहे.

गेले काही आठवडे मायबोलीवर राजकीय जाहिराती दिसू लागल्या आहेत. त्याबद्दलच्या धोरणाबद्दल काही मायबोलीकरांनी विचारणाही केली आहे.

मायबोलीची बॅनरसाठी असलेली जागा इतर जाहिरातदारांप्रमाणे कुठल्याही राजकीय पक्षासाठी जाहिरातीसाठी खुली आहे. हे नवीन धोरण नसून गेली जवळ जवळ १० वर्षे हे स्वीकारले आहे. इतकेच नाही तर अनेक देशांमधल्या निवडणूकीच्या काळात त्या त्या देशातल्या राजकीय पक्षांनी बॅनर जाहिरातीसाठी मायबोलीचा यशस्वी वापर केला आहे. अगदी आताही भारतात नरेंद्र मोदींच्या तर बोस्टनमधे स्टीव्ह ग्रॉसमनच्या जाहिराती दिसत आहेत.

यात काही नियम आपण आखून घेतले आहेत.