पाणीपुरी
आपलं नातं म्हणजे मित्रा
आहे चवदार पाणीपुरी
तिखट, गोड, आंबट, तुरट
जिभेला चव येते न्यारी
जास्त पाणी भरता जशी
कोलमडून पडते पुरी
मैत्रीचंही तसंच काहीसं
ती जपण्याचीच कसरत खरी
उतावीळपणे घाई करता
तिखटाचा हा जातो ठसका
भांडण, तंटा, रुसवे, फुगवे
मैत्रीत थोडा मारू मस्का
सगळे जिन्नस प्रमाणात असता
जिभेवर चव रेंगाळते भारी
आपलेपणाने वाद घालायलाही
संवादाची गरज खरी
"अरे, तिखा कम करो !"
भैयालाही देऊ दम
तुझ्या माझ्या मैत्रीत राहूदे
थोडी ख़ुशी, थोडा गम
उडतो तुझ्या आठवणींचा धुरळा
माझ्या या चेहऱ्यावरी
पापण्या या आपसूक मिटता
हात हे डोळ्यांवरी
क्षणभर जातो सावरताना
स्वप्न असे की भास परी
परिचयाचा माझाच रस्ता
आठवणींचा पूर उरी
मी मुकेपणाने चालत जातो
पाचोळा हा तुडवत राहतो
कणाकणाने क्षण उडताना
चेहरा धुळीने माखत जातो
खूप वाटते पुसून टाकावे
तर रुमालाजवळ हात जातो
चेहरा पाटी होते कोरी
भाव त्यावर आकारत जातो
दुःखाचा अश्रू टिपून त्यावर
आनंदाने हासत राहतो
गर्दीत होते मग आठवांची
एक एक क्षण ओघळत जातो
सुख दुःखाच्या या जाळ्यामध्ये
कप - बशी
माझं नाव तुझ्याशी कायम जोडलेलं
जशी प्रत्येक पुरुषापाठी स्त्री
तशीच तुझ्यासाठी मी...
नाविण्याने परीपूर्ण
तुझा रंग,आकार,रुप
मीही तुला साजेशी
तु माझा कप मी तुझी बशी
हवाहवासा वाटतो
तुझा उबदार स्पर्श
वाफाळलास कि तापतोसही फार
मग मीच होते तुझा आधार
कधी वर कधी खाली
सोबत तुझ्या तुला हवी तशी
तु माझा कप मी तुझी बशी
किती जन्मांची सोबतही
आठवतही नाही...?
आजकाल तु तुला
माझ्यात साठवत नाही
"आजन्म साथ देईन" म्हणालास खरं
कुठे शिंकली रे माशी
तु माझा कप मी तुझी बशी
उन्हाळा तुम्हाला जरा वाटून देऊ का
पाऊसाचा प्रत्येक थेंब मी घेऊन जाऊ का...???
भरून येणाऱ्या आभाळाला मात्र
माझ्या कडे मी घेऊन जाऊ का...???
उन्हाळा तुम्हला जरा वाटून देऊ का...???
आमच्याकडे पाऊसच पडत नाहीये
कोरड्या जमिनीची ढेकळ तुम्हला देऊ का...???
आमच्या कोरडवाहू जमीसाठी मात्र
मी हा पाऊस घेऊन जाऊ का...???
उन्हाळा तुम्हाला जरा वाटून देऊ का...???
