मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
होता, नव्ह्ता..
Submitted by चाऊ on 20 October, 2011 - 08:47
स्तब्ध जग, स्पर्शही, होता - नव्हता,
कुडीतही प्राण जणू, होता - नव्हता,
निरवतेचा आवाजही मनी, होता? नव्हता!
अंधाराला गंध, उजेडाचा, होता - नव्हता
भाव मनातला, कळला होता? नव्ह्ता?
अस्फूट होकारही होता - नव्हता,
सरली निशा, दिन उघडला होता - नव्हता,
खरच कुणी जिवलग सोबत होता? नव्हता?
मंद झुले झुला, झोका होता - नव्हता,
गाली आसवांचा ओलावा, होता! नव्हता?
कवडसा स्मिताचा, किनारी ओठांच्या, होता -नव्हता,
विश्वाचाच पसारा जणू, होता - नव्हता !
गुलमोहर:
शेअर करा
