सांग कधी कळणार तुला माझी वफादारी??

Submitted by टोकूरिका on 12 October, 2011 - 23:45

सदानकदा कुरवाळतेस असतेस
तुझ्या त्या अप्पलपोट्या मांजरी,,,,

सांग कधी कळणार तुला माझी वफादारी??

दारामध्ये बांधून मला
घराची राखण कर म्हणतेस?
अन दुध सारं संपतं जेव्हा
तेव्हा मलाच जाब विचारतेस?
माझ्याच मालकिणीच्या घरात
मी करेन का गं चोरी??

सांग कधी कळणार तुला माझी वफादारी??

तुझ्या गुब्ब्या मांजरींना कशी
प्रेमाने न्हाऊ माखु घालतेस
माझ्यात अन त्यांच्यात
तू एवढा फरक का करतेस??
आलो तेव्हा तुझ्या श्रीमंतीला पाहून
भाळलो मी,,,,पण आता वाटते सुखी असतो
जर गेलो असतो गरीबाच्या घरी

सांग कधी कळणार तुला माझी वफादारी??

बास! आता पेशन्स संपलाय माझा!
हा निघालो मी कायमचा!
ठरवलंय मी आताकी पुन्हा
लाळ नाही म्हणजे नाहीच गाळायची तुझ्या दारी!

सांग कधी कळणार तुला माझी वफादारी??

,,,,,,,,,,,,,,,,,टोकू Happy

गुलमोहर: 
काहीच्या काही कविता
शेअर करा

:हाहा:... भारी

Submitted by पद्मजा_जो on 13 October, 2011 - 00:47

मराठी : भू भू SSS
हिंदी : भौ भौ
इंग्रजी : माहित नाही Sad
बंगाली : घेऊ घेऊ
जपानी : वान वान
श्वानजगत अशा अनेक भाषांमधे भुंकून आपला आनंद व्यक्त करेल.
जर ही कविता त्यांना कोणी समजावून सांगू शकले तर. Happy

Submitted by महेश on 13 October, 2011 - 01:00

धन्स महेश. त्यांना कळण्यापेक्षा आधी त्यांच्या मालकांना कळायला हवीये मला.:)

Submitted by टोकूरिका on 13 October, 2011 - 01:03

लेकी बोले सुने लागे, असं केलं आहेस>>>>>> नै गो नै! श्वानमित्रांना दिलासा देण्याचा छोटासा प्रयत्न गं दुसरे काही नै. हम तुम दोस्त हय ना?? Happy

Submitted by टोकूरिका on 13 October, 2011 - 01:37

सहि Lol

Submitted by मयुरी. on 13 October, 2011 - 01:48

कुत्राच्या मनातील भाव-भावनांची लाळ कवितेतून उत्तमरीत्या मांडलीय (की सांडलीय?) Lol

Submitted by A M I T on 13 October, 2011 - 02:50

भू भूं ची व्यथा काळजाचा ठोका चुकवून गेली... डाव्या डोळ्यातून पाण्याच्या धारा वाहू लागल्या !! Happy

अवांतर : सांग कधी कळणार तुला, भाव माझ्या मनातला...!! हे गीत राग भुंकेश्री मधे गायल्यास असंच गावं लागेल... स्कूबी डूबी डू च्या मराठीत डब केलेल्या सिनेमात वापरता येईल.

Submitted by Kiran.. on 13 October, 2011 - 04:51

अमित्वा Lol
जाई, सारीका धन्यवाद!
बागे Wink
अती सूक्ष्म कविता लिहून डोळा दुखत असेल.>>>>>>>>:P
हर्षदा, विभाग्रज, मुकु, भुन्ग्या, अन किरन्यके सर्वांचे मनापासून आभार!

Submitted by टोकूरिका on 13 October, 2011 - 23:12