पुस्तक परिचय - राम गणेश गडकरी यांच्या आठवणी
Submitted by प्राचीन on 13 March, 2019 - 04:58
मंडळी, गडकरी म्हटल्याबरोबर माझ्या डोळ्यासमोर चटकन् महाराष्ट्रातली तीन व्यक्तिमत्वं दिसतात. ती म्हणजे भाषाप्रभु राम गणेश गडकरी, लोकसत्ताचे माजी संपादक माधव गडकरी आणि सध्याचे केंद्रीय मंत्री नितीन गडकरी. तसे हे तीनही गडकरी थोड्याफार फरकाने माझे आवडते आहेत. पण या लेखासाठी मी मला शालेय जीवनात मराठीच्या धड्यातून अलंकारिक भाषेचा बाज किती नादखुळा असतो, हे पटविणा-या राम गणेश गडक-यांविषयी लिहितोय.
राम गडकरी यांनी शंभर वर्षापूर्वी लिहिलेला राजसन्यास नाटकातील काही मजकूर वादग्रस्त असूनही केवळ त्यांच्या इतर लिखाणामुळे त्यांची थोरवी कमी होत नाही. पुतळा पाडणे हे निषेधार्हच. धिक्कार करायचाच असेल तर केवळ त्या ठराविक लिखाणाचाच व्हायला हवा. मंजूर.