सय

दवंडी:
(हळू आवाजात) काथ्याकूटचा नवीन भाग लिहीत आहे, लवकरच पोस्ट करतो.

..............................................................

त्या दिवशी मी त्याला पहिल्यांदा बघितले.
फक्त एक सेकंद, जास्त नाही, त्याची उंची, रुंद खांदे, सावळा वर्ण, ऑफव्हाईट टी शर्ट, त्यावर राखाडी रंगाचे जॅकेट, फेडेड जीन्स, व्हाईट शुज आणि कपाळावरचे विस्कटलेले कुरळे केस.... स्स्स.. एका क्षणात माझ्या नजरेत भरले, मनात भिनले.
क्लास सुरु असताना, तो शांतपणे क्लासमध्ये आला, अगदी अलगद चालत, शेवटच्या बेंचकडे बेंचवर जाऊन बसला.

धुंद पाऊस रम्य गारवा
झरझर झरतो तनुवर मारवा
त्याच्या मिठीतही तुझेच भास
नजरेत इंद्रधनु ओलेते श्वास
श्वासांची लय गंधित स्वर
लाडिक मिठी तरीही कातर
गंधाळल्या तनुस शब्दांचाही भार
श्वासांच्या लयीत जणू मेघमल्हार
आठवांचा वळीव बरसतो जरी
मन धुंद हळवे तरी
प्रेमाची सय घेऊन वारा
वेचित जाई आसमंत सारा
मधाळ स्पर्श अल्लड मिठी
फक्त आणि फक्त तुझ्याचसाठी!