सय (कथा)
दवंडी:
(हळू आवाजात) काथ्याकूटचा नवीन भाग लिहीत आहे, लवकरच पोस्ट करतो.
..............................................................
त्या दिवशी मी त्याला पहिल्यांदा बघितले.
फक्त एक सेकंद, जास्त नाही, त्याची उंची, रुंद खांदे, सावळा वर्ण, ऑफव्हाईट टी शर्ट, त्यावर राखाडी रंगाचे जॅकेट, फेडेड जीन्स, व्हाईट शुज आणि कपाळावरचे विस्कटलेले कुरळे केस.... स्स्स.. एका क्षणात माझ्या नजरेत भरले, मनात भिनले.
क्लास सुरु असताना, तो शांतपणे क्लासमध्ये आला, अगदी अलगद चालत, शेवटच्या बेंचकडे बेंचवर जाऊन बसला.