नारळीभात (जुन्या मायबोलीवरुन)

अहो पण लग्नातली/ देवळातली चव हवी आहे इतकं उच्च टार्गेट कशाला? नारळीपौर्णिमेला छानसा भात खायला मिळाली की झालं!

ते तर आहेच की, पण निदान चिरमुर्याचा लाडू किंवा फज्ज तरी होऊ नये

मी ह्याच पद्धतीने करते आणि भारी होतो. मुलाला आवडतो ना भा . दरवर्षी इमाने इतबारे फोटो ही डकवते, हा बघा.

नारळीपौर्णिमेला छानसा भात खायला मिळाली की झालं! ....+१.

ममो,परत मस्त आहे. कल्हईवाला कुठे सापडतो?

ममो,परत मस्त आहे. कल्हईवाला कुठे सापडतो? >> थॅंक्यु देवकी , माझं ही ह्या परातीवर खूपच प्रेम आहे. रोज कणिक भिजवायला हीच परात वापरते त्यामुळे चकचकीत असते. सोन्याचीच वाटते. कल्हई नाही केलेली आहे एकदा ही . काल परातीत भात गार करण्यासाठी काढला होता कुकरमधून, मग तसाच फोटो काढला.

मी पण या पद्धतीने केला. अ‍ॅबसोल्युटली नो कटकट नाभा तयार! एकदम परफेक्ट शीत शिजलं ना कमी ना जास्त.
नारळाच्या दुधाची आयडिया पण आवड्ली आहे.

नारळीपौर्णिमेला छानसा भात खायला मिळाली की झालं! >>>>>>>>>>>>> काय झालं ओ? भात मिळाली? ये बात कुछ हजम नही हुई

भात मिळाली? ये बात कुछ हजम ..... टायपो एरर! नशीब भात भेटला नाही झाले.

उठा उठा नारळी पौर्णिमा आली.
हा धागा वर आणायची वेळ आली.

धागा काढा वर पण पौर्णिमेला अजून १५ दिवस आहेत की

प्रतिपच्चंद्रलेखेव या धाग्यावरील प्रतिसाद पौर्णिमेपर्यंत वर्धिष्णु व्हावेत असं काहीतरी असावं

दरवर्षी नारळी पौर्णिमेला ह्या नो कटकट पद्धतीने गीचका ही नाही , कच्चा ही नाही तर मऊ, मोकळा , नीट शिजलेला नाभा करणे , खाणे आणि इथे फोटो डकवणे हे एक रिच्युअलच झाल आहे. हा काल केलेला फोटो.

धागा वर काढतेय.
केलेली आणि विश्वासार्ह पाककृती
( tried and tested recipe )

बरं झालं रेसिपी वर काढली. कालच मैत्रिणीने तू करतेस ती नारळीभाताची रेसिपी पाठव असा मेसेज केला होता. दर वर्षी मी तिला आयता नारळीभात पाठवते. यावर्षी मी बाहेरगावी असल्याने तिला करावा लागणार होता.
आता यावेळी आईला आणि बहिणींना खावू घालेन या रेसिपीने नारळी भात.
स्वाती, तुझी ही रेसिपी मायबोली बाहेर पण खूप प्रसिद्ध आहे. मी कितीतरी माबो सदस्य नसलेल्या मैत्रिणींना या रेसिपी ची लिंक नेहेमी देत आले आहे.

ही एक जबरदस्त रेसिपी आहे. मी एकदाच केली आहे पण फार सुरेख झाला होता नाभा. मी नारळिपौर्णिमेला कायमच घरी नाहिये गेली काही वर्षं, आम्हाला सुटी मिळत नसल्यामुळे. साबा करतात त्यांच्या पद्धतीने. तोही छान होतो (आणि संध्याकाळी घरी गेले की मला आयता मिळतो )पण मला कधीतरी मुद्दाम करायचा आहे तरी वेळ काढता येत नाहिये.

आज केलेला नारळीभात

भन्नाट!

जाई खूप सुंदर आहे फोटो. भात व डिश दोन्ही.

काल ह्याच कृतीने केला. चविष्ट आणि करायला फारच सोपा.
कृतीबद्दल थॅन्क्स.

जाई, मस्तच दिसतोय ना भा.

अंजली , सामो, ममोताई थँक्स

आज नारळीपौर्णीमेसाठी धागा वर काढला

धागा वर आणतेय कारण, शास्त्र असतं ते.

काल नारळी पौर्णिमा होती हे रात्री पाहिले .आज नारळीभात करणार याच रेसिपीने.
परत स्वातींना सोप्या रेसिपीबद्दल धन्यवाद!

सन आयलाय गो नारली पुनवेचा

Tried and tested recipe

हल्ली केशरी गुळ बाजारात मिळत नाहीये. आहे तो एकदम फिका , तोच वापरला ना भा करायला पण त्यामुळे त्याचा रंग इतका फिकट वाटायला लागला की साखरभात आहे की नारळीभात हा पेच पडेल बघणाऱ्याला.
त्यामुळे मी अगदी दोन चिमूट हळद घातली त्यात आणि हे वर्क झालाय . गुळ आणि हळदीची काही तरी रासायनिक क्रिया झाली असेल एखाद वेळी पण रंग हळदीचा पिवळा न येता परफेक्ट ना भा चां आला आहे. हळदीची चव जरा ही जाणवत नाहीये.
ज्यांच्या कडे फिकट गुळ आहे त्यांना हे उपयोगी पडेल म्हणून लिहून ठेवतेय.
बाकी ह्या रेसिपीने ना भा एकदम भारी होतो आणि त्रास काहीच नाही.

हल्ली केशरी गुळ बाजारात मिळत नाहीये. <<
ही मुंडे कृपा आहे.

माझ्याकडे ऑरगॅनिक (असे लिहिलेला ) गुळ आहे, त्याने तर भात असा गडद रंगीत होतो की इथे फोटो टाकायची हिंमत केली नाही मी. यावेळी मी मुद्दाम केशरी गुळ आणणार होते. बरे झाले नाही आणला.

उशिरा वाचला हा धागा. त्यामुळे माझा नारळीभात अशक्त दिसतोय.

दरवर्षी ह्याच पद्धतीने नारळीभात करते पण आज मी अवल यांच्या पद्धतीने करून पाहिला. पण माझे सुद्धा ममो यांच्या सारखेच झाले. आज मुद्दाम पिवळा गूळ विकत आणला. पण करताना लक्षातच आले नव्हते की तो पांढरट आहे त्यामुळे हळद टाकली नाही आणि नारळीभात पांढरा झाला. साखरेचा बनवल्यावर दिसतो तसाच दिसायला लागला. पण हे सर्व लक्षात आले प्रेशर पॅन उघडल्यावर. मग ठेवला तसाच. पण नेहमीच्या गूळाइतका खमंगपणा नाही आला.