चित्रपट कसा वाटला १३

The Odyssey खूप आवडला. ट्रेलर आल्यापासून IMAX मध्येच पहायचा हे ठरवले होते. पहिल्या आठवड्याची तिकिटे खूप आधीच संपलेली होती त्यामुळे दुसऱ्या आठवड्यात पाहिला. आणि IMAX मध्ये बघण्याचे सार्थक झाल्यासारखे वाटले. एकदम सुंदर चित्रीकरण आणि कसदार अभिनय झाला आहे सगळ्यांचा.
सगळे युद्ध आणि इतके थरारक प्रसंग एकदम अंगावर येतात पण त्याचबरोबर त्यांचे सगळ्यांचे क्लोज अप शॉट्स पण खूप परिणामकारक वाटतात. चेहऱ्यावर बदलणारे भाव मनात चालणारा गोंधळ सुंदरपणे दाखवतात.

मागे एक गोष्ट ऐकलेली - चित्रपट मोठ्या पडद्यावर चांगला दिसावा असे वाटत असेल तर भरपूर लाँग शॉट्स - जे थरारक असतील आणि मग एकदम क्लोज अप्स - जे नाट्य दाखवतील असा संगम झाला तर तो मोठ्या पडद्यावर बघायला हवा असे वाटते. नोलनला ते बरोबर कळलेले आहे.

पटकथा एकदम गोळीबंद वाटली. कुठेच विचार करायला वेळ न देता प्रसंग पुढे सुरू राहतात. नोलनच्या आवडीनुसार एका सरळ रेषेत कथानक न जाता मध्ये मध्ये फ्लॅशबॅक येऊन त्यात कथा पुढे सरकते. शेवट एकदम जबरदस्त वाटतो. डायलॉग नवीन इंग्लिश मध्ये आहेत म्हणून काही लोकांची टीका कानावर आलेली आहे पण पिक्चर बघताना अजिबात खटकले नाही. उलट बोजड भाषा नसल्याने सगळे समजायला सोपेच झाले.

********* Spoilers *********

ट्रॉय च्या युद्धाचा प्रसंग छोटाच असला तरी अंगावर येणारा आहे. लहानपणापासून विचार होता की त्या घोड्यात सैनिक कसे बसले असतील. यात त्यांना किती हाल झाले असतील ते दाखवले आहे.

सरसीच्या बेटावर सहाय्यक अभिनेत्यांनी खूप मस्त अभिनय केलेला आहे. तिने दिलेले अन्न खायचे नाहीये, पोट भरलेले आहे पण तरीही ते खातोच आहे हे काय भारी त्यांच्या चेहऱ्यावर दिसते.

फार चर्चा झालेली नसलेले पण मला ज्यांचा अभिनय आवडला ते म्हणजे जॉन लेगुझामो आणि हिमेश पटेल. हिमेश पटेलने ओडिसस चा उजवा हात अप्रतिमपणे साकारला आहे. सुरुवातीला सगळे ऐकणारा पण मग हळू हळू ऐकेनासे होणारा सहकारी त्याच्या बोलण्यातून आणि अभिनयातून चपखल दिसतो.

जो मिळेल त्यातल्या त्यात सगळ्यांत मोठ्या पडद्यावर बघा.

शेवटचं स्वयंवर रामायणाची आठवण करून देते >> अगदी अगदी.

प्रत्यंचा लावणे तर अगदी तेच वाटते.

मला तरी ऍन चे काम आवडले. पॅटीसन पण भारी आहे. यात तो एकदम चत्रा माणूस चेहऱ्यावरूनच दिसतो. त्याने ते लोचट भाव बरोबर पकडलेले आहेत.