वेबसिरीज - ४

Do you wanna partner! नावाची सिरीज प्राईमवर आली आहे. नीरज कबी, जावेद जाफरी, तमन्ना भाटिया, डायना पेंटी, आयेशा रजा, श्वेता तिवारी, नकुल मेहता ( स्टार प्लस वरील निळ्या डोळ्यांचा देशी गोरा साहेब) आहेत.

तमन्ना आणि डायना जॉब गेल्याने/ सोडावा लागल्याने - कॉर्पोरेट कल्चर/ मेल डॉमिनन्सला वैतागून आपापली भट्टी टाकायचे ठरवतात. तमन्नाच्या बाबांची बिअरची रेसिपी शोधून, ब्रुअरी/ बिअर बिझनेस मधे उडी मारायची ठरवतात. मधे मधे काय अडचणी येतात वगैरे आहे. खास करून बायकांनी या धंद्यात येऊ नये, दोघीच दोघी, एवढ्या महत्त्वाकांक्षा चांगल्या घरातील मुलींना कशासाठी अशा थोड्या व बऱ्याच क्रिंज वाटणाऱ्या गमतीजमती आहेत. श्वेता तिवारी गॅंगस्टर आहे. नीरज कबी बिझनेस आयडिया चोरून श्रीमंत होऊन बसलेला धूर्त बिझनेसमन आहे, सुरवातीला याचा कैच्याकै 'तांबडी चांबडी चमकते बघा- लक लक लक लक' वर वेडावाकडा नाच आहे. मजेदार वाटला. मन रमते पाहताना, खूप दर्जेदार नाही पण पाहावीशी वाटतेय. टिपी आहे, मन एकाग्र करावे लागत नाही. बिअरचा फॉर्म्युला शोधणं, ब्रुअरीचा धंदा सांभाळून दिल्लीत जम बसवणं, बंगाली पार्श्वभूमी, चकाचक ऑफिसेस, सुंदर आणि आधुनिक वाटणाऱ्या नायिका - काहीबाही आहे. टिपी हवा असेल तर पाहून बघा. फारशा शिव्या आणि इंटिमेट दृश्यं नाहीत. मला फारच क्लीन वाटली सिरीज.

एकिकडे मॉर्निंग शो चालू आहे आणि अधे मधे काम करताना सिरियसली न बघण्याचे कन्टेन्ट म्हणून बा**स ऑफ बॉलिवुड चे २ भाग बघितले.
टिपिकल एक मिडलक्लास मुलगा बॉलिवुड मधे यायच्या प्रयत्नात असणे. पण तिथे नेपोटिजम विरुद्ध लढावे लागणे इ. बॉलिवुड चे स्टिरिओटाइप चे स्पूफ करण्याचा प्रयत्न असावा पण ते कॅरिकेचर जास्त झालेले आहे. जोक्स, एकूण ट्रीटमेन्ट बघता इट हॅज केजो रिटन ऑल ओवर इट. बॉलिवुड च्या सिंबाला (आर्यन ला ) मदत म्हणून भरपूर बॉलिवुड ए लिस्टर्स नी "सलाम साब" करत हजेर्‍या लावल्यात. एकूण क्रिन्ज कन्टेन्ट. नाही बघणार मोस्टली पुढे.

आर्यन खान ची डेब्यु डायरेक्टरल सिरिज >>> आशा आहे त्यानेच डायरेक्ट केली असेल. नाही पहाणार म्हणा.

गर्लफ्रेंड मलाही आवडली. ती नायिका एका विशिष्ठ बाजुकडुन किंवा तिच्या नजरेची स्टाईल कोणासारखी वाटली ते आठवले, हसु नका. ‘मुक्ता बर्वे‘.

मॉर्निंग शो मी पण सुरु केली प्राईमवर. मस्त आहे. ५वा भाग चालु आहे पहिल्या सिझनचा. सगळी पात्रे आवडली. दोन्ही बाया तर आवडतातच.

B***da of Bollywood चा पहिला भाग पाहिला. सिनेमा आहे या समजुतीने सुरू केला.
फ्रेश आहे सिरीज. सगळेच नवीन आहेत. राघव जुयाल म्हनजे ११ वेबसिरीजमधला ना ? त्याचा दुसरा सीझन आलेला नाही.
पुढचे भाग पाहिल्यावर मत देता येईल. तोपर्यंत सर्वांची पाहून होईलच.

बॉबी देओल चा वावर भारीच आहे. त्या वेळी बिचार्‍याने चांगला मॅनेजर गाठला असता तर नक्कीच सुपरस्टार बनला असता.
रजत बेदी हा व्हिलन होता ना क्रिश मधे ? त्याची मुलगी कुठल्याही अ‍ॅक्ट्रेस पेक्षा सुंदर आहे.

मॉर्निंग शो पहिला सीझन संपला. अजून ३ आहेत असे दिसतेय, लेटेस्ट ४ था आत्ताच आला आहे बहुधा प्राइम वर नसेल. अ‍ॅपल टिव्ही वर आलाय .
एकूण इन्टेन्स ड्रामा आहे. अ‍ॅक्टींग सगळ्यांचेच आवडले - स्टीव कॅरल, जेनिफर अ‍ॅनिस्टन , रीस विदर्स्पून, चार्ली, आणि कोरीच्या रोल मधले अ‍ॅक्टर्स , सगळेच. '
मिच , जो स्टार ऑफ द शो आहे तो किती सहज कॅजुअली फीमेल असिस्टन्ट्स ना अब्यूज करतो, हे सगळे करताना हार्वी विन्स्टीन स्कँडल, मीटू चे रिपोर्टिंग ही करतो. तरीही त्याच्या गावीही नाही की आपण स्वतः तेच करत आहोत. फायर केल्यावर उलट सतत म्हणतो मी काही चुकीचे केलेले नाही, सगळे कन्सेन्ट ने झाले. कमाल वाटते. पण हे असेच प्रत्यक्षात खरे घडते हे माहितच आहे.
काल वाचले की एन्बीसी च्या टुडे शो आणि त्यचे होस्ट्स केटी कुरीक आणि मॅट लॉवर यांच्यावर आधारित आहे ही सीरीज.

ड. पो.

असेल असेल. तसंच असेल.
बॉलीवूडचे कुणीच ओळखीचे नसल्याने आतल्या खबरा नसतात.

नेटफ्लिक्सवर Billionaires' Bunker ही Spanish thriller series दिसली. कथा जरा पठडीतली नाही म्हणुन एक भाग पाहिला. ठीक वाटली. पुढे पाहीन. डबींग असल्याने नैसर्गिक संवाद वाटत नाहीत पण चालवुन घेणार. विनाशकारी युद्धात सुरक्षितपणे लपायला एका कंपनीने पाण्यात १००० फूट खाली प्रचंड इमारत बांधलीये. युद्ध सुरु झाल्यावर तिथे सगळे धनाढ्य लोक भरपुर पैसे देऊन येतात. पण ते खरं नक्की काय असतं त्यावर मालिका आहे.

B***da of Bollywood पहिला. मै हू ना चा सिक्वेल पहायचं फिलिंग आलं. बॉलिवूड स्पूफ, कॉमेडी, नेपोटिझम यात मध्ये मध्ये कथा पेरलेली आहे . मुख्य पात्रे आपले काम चोख बजावतात. केजो बीइंग केजो निराश करत नाही कारण वेगळ काही केलेच नाही आहे. मॅनेजर चे काम करणारी मुलगी प्रॉमिसिंग वाटली . बॉबी देओल अनिमल मोडात अजूनही आहे. बाकी इंस्टाग्राम बॉलीवुडी मंडळीनी एसआरकेचे घरचे कार्य असल्याने हजेरी लावलेली आहे .
आर्यन खानला केजो, फराह वगैरेचे इनपुट्स मिळाल आहेत हे जाणवते. त्यात काही गैर नाही. पुढील प्रयत्नात त्याचा ठसा उमतावा.

थोडक्यात डोक्याला ताप नसणारी, हलकी फुलकी सिरीज आहे. टाईम पास सहज होतो . काहि बघायल नसेल तर बघु शकता

टाईम पास सहज होतो . काहि बघायल नसेल तर बघु शकता >>> +१

आर्यन खानने लंडन कि कुठे जाऊन फिल्म अ‍ॅण्ड टिव्हीचा कोर्स केल्याचे वाचून वाईट वाटले. ज्याने पिता म्हणून जनाब शाहरूख खान यांची नेमणूक केली आहे , त्याला इतक्या लांब जाऊन फिल्मी जॉब्जचं शिक्षण घ्यावं लागतंय.

बॅडस ऑफ बॉलीवूड अजिबात बघू नका. पहिले चार एपिसोड ठीक आहेत. शेवट एकदम बालीश झाला आहे.
शाहरूखचा मुलगा आहे, काही चुका वयामुळे समजून घेता आल्या असत्या. पण जो काही धक्का द्यायचा प्रयत्न केलाय तो इतका इमॅच्युअर्ड आहे, कि त्याला कुणीच कसं समजावून सांगितलं नाही हा प्रश्न पडतो. प्रेक्षकांची फसवणूक आहे. करीअरच्या सुरूवातीला हा असा प्रयत्न आत्मघातकी आहे.
आर्यन खानला शुभेच्छा ! पुढचा प्रोजेक्ट पाहीन असं वाटत नाही.

मुख्य पात्रे आपले काम चोख बजावतात. केजो बीइंग केजो निराश करत नाही कारण वेगळ काही केलेच नाही आहे. मॅनेजर चे काम करणारी मुलगी प्रॉमिसिंग वाटली . बॉबी देओल अनिमल मोडात अजूनही आहे. बाकी इंस्टाग्राम बॉलीवुडी मंडळीनी एसआरकेचे घरचे कार्य असल्याने हजेरी लावलेली आहे .>>> +१
बर्याच भागात केजोनेच डायरेक्ट केलिये का अशी शन्का प्रेक्षकाना यावी हे अपयश म्हणाव लागेल कारण मग याने वेगळ अस काय केल हा प्रश्न पडतो.
शेवट अगदी काहि ही केलाय.

आर्यन खानची वेबसिरीज पाहिली. आवडली. मला करण जोहर, शाहरुख यांच्यापेक्षा फराहचा ओम शांति ओम आठवला. बॉलीवुडवरच बरेच spoof साधलेत. तोच अ‍ॅप्रोच आहे. हिंदी सिनेमांत असतात, ते सगळे प्रकार हाताळलेत. आसमानचे वडील जातात तो एपिसोड इमोशनल. अँग्री यंग मॅन आसमान. मुलाला आपले खरे वडील कोण, ते त्याच्यासाठी व्हिलन असणे तर अनेक चित्रपटांतून आलं असेल. कार चेस आहे. ड्रग प्रकरण आहे. समीर वानखेडेला चिमटा काढलाय आणि त्याला तो बसलाय. शाहरुखच्या वानखेडे धक्काबुक्कीचीही आठवण करून दिली.
प्रेमपात्र अर्ध बहीण भाऊ असण्याचा प्लॉट मराठी घरकुल मध्ये होता.
आसमानला बेस्ट अ‍ॅक्टर अवॉर्ड देणार नाहीत, असं वाटलं. तिथे पहिला चकवा दिला. मग शेवट कसा करतो, त्याची उत्सुकता होती. तो ट्विस्ट आवडला.
आसमान झालेला लक्ष्य लालवानी आवडला. चेहर्‍याचे स्नायू हलवू शकणारा आणि बाकी हवं ते सगळं असलेला अभिनेता खूप दिवसांनी दिसला. करण जोहरसोबत त्यांच तीन चित्रपटांचं काँट्रॅक्ट होतं , हेही उचललं की काय? त्यातले पहिले दोन चित्रपट डब्यात गेले.
पण त्याच्या पर्सनॅलिटीमुळे त्याला फिल्म्स मिळतील का की आधी टीव्ही आणि आता वेबसिरीज मध्येच राहील? तसा एक संवादही आला.

बॉबी देओलला प्रेझेंट केलंय, त्याने खास अभिनय केला असं वाटलं नाही.

आर्यन खान पुढच्या प्रोजेक्टमध्ये वेगळा विषय निवडून काय दाखवतो, यावर मत बनवता येईल. इथे होम पिचवर होता.

झेंडे पिक्चर पाहिल्यानंतर The Serpent ही मालिका बघितली. अतिशय सुंदर आहे. सर्वांची कामं उत्तम आहेत. मालिका दर पाच मिनिटाला २ वर्षं पुढे मग पुन्हा १० वर्षं मागे अशी झिगझाग काळ टिपत जाते, त्यामुळे जरा त्रासून जायला होतं. पण एकंदरीत प्रकार आवडला. भाग खूप मोठे मोठे आहेत. उत्कंठा टिकवून ठेवतात.

शाहरुखच्या वानखेडे धक्काबुक्कीचीही आठवण करून दिली.
>>> हे कुठल्या प्रसंगात?

अवॉर्ड सेरिमनीच्या आधी. वानखेडे म्हणजे वानखेडे स्टेडियममधलं. समीर वानखेडे नव्हे.

झेंडे पिक्चर पाहिल्यानंतर The Serpent ही मालिका बघितली. >>> मी ही अगदी असचं केलं .

सगळ्या कलाकारांची निवड, वेशभूषा , अभिनय भन्नाट आहे.
चार्ल्स ची थंड क्रूरता , गोड बोलेपणा , लोकांना manupilate करण्याची हातोटी सगळं थक्क करतं.
मोनिक is darling ! 80's च्या looks मध्ये ती इतकी गोड दिसते. तिचं नाक वेगळंच आहे.
अजय , डोमनिक , नादिन आणि तिचा नवरा , डच अधिकारी सगळ्यांचाच अभिनय उत्तम आहे.
तसही " never leave your drink unattended " म्हणतात , ही सिरीज बघून आणखी paranoid व्हायला होतं. .

या विकांताला , The perfect couple पाहिली.
7-8 episodes ची whodunit सिरिज चांगली आहे.
एक कादंबरीकार , तिचा नवरा , 3 मुलगे , गरोदर मोठी सून , काही मित्रमंडळी - सगळे मधल्या मुलाच्या लग्नासाठी vacation beach home मध्ये येतात. होणार्या सूनेचे आई-वडील आणि तिची जवळची मैत्रीण ही येतात. लग्नाच्या दिवशी पहाटे, घराजवळ समुद्रात एक deadbody सापडते. मग सुरु होतो तपास , एकेकाची चौकशी.श्रीमंत कुटुंबातील एकेक भानगडी , रहस्य बाहेर येतात , लोकांचे आपापसातील संबंध उघडकीस येतात. सामान्य घरातून आलेल्या नविन सूनेची घुसमट होऊ लागते. मालिकेतल्या प्रत्येक characterवर संशयाची सुई येउन थांबते.
निकोल कीडमन आहे.
आपला इशान खट्टर आहे. काही ठिकाणी shirtless पण आहे. पण Royals पेक्षा इथे जास्त चांगला वाटला.

या विकांताला , The perfect couple पाहिली. >>> कुठे बघितली.

नेफिवर.
मालिकेची treatment विनोदी , नयनरम्य आहे . उगाचच काळोखी , गूढ नाही.

आपला इशान खट्टर आहे
>>
हे उगाच
आपला इशान खट्टर खुनी आहे
वाचलं

आता बघायला लागणार

थँक्स स्वस्ति. बघता येणार नाही, नेफली नाहीये.

मंडल मर्डर पूर्ण पाहिली. सहा भागांपर्यंत उत्कंठा कायम राहते. सातव्या भागापासून पकड कमी होते. आठव्या भागात क्लायमॅक्स हाय पॉइण्टला नेला असला तरी थिअरी अगदीच कमजोर पडल्याने पुढे काहीही विश्वासार्ह राहत नाही. गूढरम्य रहस्यातली सगळी पात्र अगदीच छोट्या वर्तुळात असणे हे खटकले. ग्यारह ग्यारह सुद्धा साय फाय गूढ गोष्टींशी संबंधित आहे. पण त्या मालिकेने स्पष्टीकरणं देण्याच्या भानगडीत रचलेला डोलारा कोसळण्याची गोष्टच ठेवलेली नाही.

जर शेवटी सायंटिफिक मुलामा द्यायचाच होता तर आधीचे चमत्कार कसे घडतात याचं उत्तर मिळत नाही. आठव्या भागात फक्त कसं संपवतात हे बघणे हातात राहते.

टीव्हीवर १३ ची सारखीच जाहिरात येते आहे. बघितली का कोणी?

सध्या Cunk On Life बघतेय नेफिवर.
फिलोमीना कंक ची mockumentary आहे.
तिचे रील्स बघितले आहेत. कसला मठ्ठ चेहरा ठेवून महामठ्ठ प्रश्न विचारते ती.