शब्दवेध व शब्दरंग (५)

pet name >> हे बरोबर वाटतंय.

pet name हे तर दुसरेच देतील आपल्याला. स्वत:चे pet name स्वत: ठरवता येत नाही.

Family name >> हे मी आतापर्यंत "आडनाव" किंवा last name या अर्थानेच वाचले आहे….

डिट्टो

आडनावाला “उपनाम” सुद्धा म्हणतात ना ?

हो, उपनाम हे आडनाव या अर्थी वाचलं आहे.

उर्दूत पेन-नेमला तख़ल्लुस म्हणतात.

हर्पा, पेन आणि टोपण

A "dak naam" is a Bengali term for a "calling name" or nickname given to a person by their family and close friends, in contrast to their formal "bhalo naam" or "good name" used on official documents and in formal settings.

हे डाक नाम एका चित्रपटात ऐकलं होतं.

हो भरत, डाक नाम नसलेला बंगाली माणूस विरळाच.

डॉ शुप्रदिप्तो गुहाठाकुरता असे भारदस्त (good name) नाव आणि तशीच personality असलेल्या माणसाला घरचे काय हाक मारतात तर मोंटू दा 😀

sobriquet

नव्हता ऐकला. भारी.

>>> हे डाक नाम एका चित्रपटात ऐकलं होतं.
मला वाटतं पुलंच्या 'वंगचित्रां'तही उल्लेख आहे.

>>> मोंटू दा

मोंटू दांचे चोरोण भूमीवरच राहायला उपयोग होत असेल.

कहानी (१) मधे डाक नाम आणि भालो नाम उल्लेख आहे.
सात्यकी (राणा) आणि शुब्रतो (पोलटू) असे दोन उल्लेख ह्या चित्रपटात आले आहेत.

डाक नाम आणि शुभ नाम असे मीही एका बंगाली मैत्रिणीकडून ऐकलं होतं. डाक नाम म्हणजे पोस्टाशी संबंधित वाटून, पत्रावर पत्ता लिहिताना लिहायचे असे वाटले होते ऐकून. त्यांच्याकडे सगळ्यांना दोन नावं असतात.

प्रणयकलह

कलह म्हणजे भांडण हे डोक्यात इतके फिट्ट बसलेले आहे की हा शब्द वाचला तो शिरायला-मुरायला थोडा वेळ लागला.

प्रणयकलह = रतिक्रिया, संभोग

कुमार सर

हो, झोंबाझोंबी.

प्रेमातले भांडण ?

मनाला “भिडले” हे ! 😀

भांडणात एकमेकाला भिडणे अभिप्रेत असते ! मग बरोबर . . .>>>>>

प्रणयकलह खरेच माहिती नव्हता. भिडणे>>>
एका मराठी चित्रपटात याला "कुस्ती खेळणं" अशी सांकेतिक भाषा वापरली होती. ती नायिका "आईबाबांनी कुस्ती खेळली म्हणून मी झाले" असं म्हणते. प्रणयकलह वरून आठवले.

दादा कोंडकेंचा सिनेमा असावा

कालचा “प्रणयकलह” शब्द-शब्दार्थ एका मराठीच्या प्राध्यापकांना पाठवला, त्यांनी return gift म्हणून पाठवलेला शब्द :

“कर्नाटक कलह”

अर्थ = क्षुल्लक/ invalid कारणावरून झालेले भांडण

आधी मला चेष्टा वाटली. पण त्यांनी दोन दोन मराठी शब्दकोषांचा संदर्भ पाठवल्याने असा शब्द मराठीत आहे याची खात्री पटली.

आता कर्नाटकी लोक उगाच भांडतात की काय ते नकळे. 😀

आता कर्नाटकी लोक उगाच भांडतात की काय ते नकळे. >> ते बोलण्याच्या टोनमुळे आणि त्या भाषेतील आघातपूर्ण उच्चारांमुळे असावं. आम्ही मूळचे कर्नाटकी आहोत आणि अजूनही बरेच नातेवाईक कर्नाटकात राहतात. ते आमच्याकडे आले की कन्नडात (नेहमीच्या टोनमध्ये) गप्पा चालत. दुसऱ्या दिवशी आमचे शेजारपाजारचे चौकशी करायला यायचे की काल एवढी कशावरनं भांडणं चालू होती म्हणून.

काल एवढी कशावरनं भांडणं चालू होती म्हणून.
>>>>
कधीकधी आम्ही तर मराठीतून खरेखुरेच भांडतो पण आमची अमेरिकन शेजारीण म्हटली 'तुम्ही किती शांत आहात', मला धक्काच बसला ! ज्यांना कळत नाही त्यांच्यासाठीही मराठी भाषा खरेच अमृतासारखी आहे हे पटलेच.

“कर्नाटक कलह” मिटवायला प्रणयकलह .
काल एवढी कशावरनं भांडणं चालू होती म्हणून.
>>>>

अस्मिता
मला तरी मराठी भाषा काही मृदू वगैरे वाटत नाही...
बंगाली मात्र गोड वाटते कानाला... !!

तिला आम्ही प्रेमळ व समंजस कुटुंब वाटतोय, तर वाटू देणारे. गैरसमज दूर करायला मला पुन्हा टोपलंभर इंग्लिश बोलावं लागेल. हे 'लॉस्ट ईन ट्रान्स्लेशनच' बरं आहे.

@ हरचंद पालव

… बोलण्याच्या टोनमुळे आणि त्या भाषेतील आघातपूर्ण उच्चारांमुळे …

ओहो, कर्नाटक कलहाचा अर्थ आणि उगमशक्यता असे first hand समजतील असे नव्हते वाटले. थँक्यू !

… लॉस्ट इन ट्रान्स्लेशनच' बरं आहे.… 😁