काहीच्या काही फॉरवरर्ड्स - २

मस्त अमित
विशेषतः.. पिझ्झा बर्गर...!

एकदम भारी का च्या का फॉरवर्ड आहे!!
मी पाठवते पुढे (वर उजवीकडे पॉईंट करणारा ॲरो टाकून forwarded असे लिहून टाकते!)

जमलंय अमित

@ अमित

हे तुमचं व्हर्जन आधी वाचलं असतं तर ब्लॉक करण्याआधी त्या लोकांना पाठवून बदला घेतला असता 😁

… उजवीकडे पॉईंट करणारा ॲरो टाकून forwarded असे लिहून….

नो नो नो, चुकतेय. हुश्शार लोक “Forwarded as received” असे disclaimer दिल्याशिवाय / मल्लिनाथी केल्याशिवाय नाही पाठवत

सद्गुरू जग्गी वासुदेव मला भंपक आणि चार्मिंग दोन्ही वाटतात. मी सगळीकडे ब्लॉक केले त्यांना. एकतर स्वयंघोषित सद्गुरू म्हणवून घेणे पटत नाही, राकु काय वाईट मग! एकेकाळी मी विद्वान माणूस दिसतोय म्हणून ऐकायचे त्यांचे पण इतकं रिपेटेटिव्ह बोलतात. दोन दोन लाखांचे दगडी यंत्रं विकतात. फारच impractical वाटतं त्यांचं सगळंच. पॉलिश्ड, आधुनिक चालतेबोलते जिवंत काकाफॉच आहेत. 'फंडामेंटल' हा त्यांचा आवडता शब्द आहे. त्यांचे अनुयायी किंवा स्वयंसेवक पोचलेले आहेत ते सर्वांना 'हॉन्ट' करून सगळीकडे प्रवचने पाठवतात. सारांश - सॉन्ग सुनाके इंग्लिशके जो डालें देसी दाने - क्युंकी भक्तोको बेस पसंद है

मीही शेजारी पाहिली होती रक्तचंदनाची बाहुली, सद्गुरू मुळे विरप्पन आठवला.
अमितचे रिव्हर्स काकाफा -
बाकीचे रत्न वाचते एकेक.

मी मोठी मोठी फॉरवर्ड्स वाचत नाही, फक्त गाई म्हशीचे वाचलेलं, त्या दोघी प्रिय असल्याने. इथे प्रतिसाद वाचायला मजा येते, मा बो करांची प्रतिभा बहरते त्यामुळे धमाल येते वाचताना.

अमित तुच खरा सद्गुरू आहेस रे ! ते फॉरवर्ड कॅनडास्थित भारतीय वैज्ञानिक अमित ( JPRAM, NTUP, VSVN), जे परदेशात राहूनही आपल्या मायभूमीला नि तिच्या उज्ज्वल परंपरेला, वारस्याला, संस्कृतीला विसरलेले नाहित , शरीराने तिथे राहूनही ते मनाने इथेच असतात , ह्यांच्या नावाने जाऊ दे.

किती दिवस हा उच्छाद सहन करायचा

बंगलूरू च्या एका तरुणाला आय आय एससी मधून पदवी घेतल्यावर कॅनडाच्या प्रतिष्ठित टोरोंटो विद्यापीठात प्रा. इरोडोव्ह यांच्या हाताखाली पी एच डी करण्यासाठी शिष्यवृत्ती मिळाली व तो कॅनडात दाखल झाला. पहिल्याच वीक एंड ला सहज फिरायला म्हणून जीन्स, टीशर्ट, स्नीकर्स अशा वेषात तो समुद्रकिनारी आला. तिथे त्याने एक विलक्षण दृष्य पाहिले, एक मध्यमवयीन भारतीय माणूस धोतर व बंडी अशा वेषात एका बेंच वर 'ब्रम्हसूत्रभाष्य' वाचत बसला होता. बिकिनी मध्ये बीच वर हिंडणार्‍या सुंदर ललनांकडे त्याचे जराही लक्ष नव्हते. गर्दी बर्‍यापैकी असल्याने त्यालाही याच बेंच वर शेजारी बसावे लागले. त्याने 'Recent Advances in Gravitational Theory' हे नव्यानेच खरेदी केलेले पुस्तक उघडले व वाचायला सुरूवात केली. दोघांची नजरानजर झाली व गृहस्थाने मंद स्मित केले. औपचारिक गप्पा रंगल्या, एकविसाव्या शतकातही असली जुनी पुराणी पुस्तके वाचून काय ज्ञान मिळणारे अशी शेरेबाजीही मुलाने केली व आपल्या संशोधनाची माहिती दिली. शेवटी जाता जाता त्याल लक्षात आले की आपण यांचे नावही विचारले नाही. विचारल्यावर त्या गृहस्थांनी मंद स्मित केले व मुलाच्या हातातल्या पुस्तकाकडे बोट केले. लेखक : प्रा अमितव. प्रा इरोडिव्ह यांच्ये एच ओ डी. !
( अमितव ला शेंडी व गंध ठेवणार होतो पण ते फारच होईल )

अमित
विकु >> अमित तिकडे किनाऱ्यावर बसलेला दिसला

विकु इसे कहते है सौ सुनारकी!

अमित, तूच लिहिलं आहेस हे लगेच समजतंय

त्याआधीचे फॉ मनोरंजक आहेत

रक्तचंदनाचं एक लाकडी खोड उचलून भिंतीला टेकवा >>> म्हणजे कसं? खोडं दगडी वगैरे पण असतात का? भिंतीला कुठून टेकवायचं?
रक्तचंदनाची सतरंजी कशी तयार करतात?

जर -चंदनाची चोळी माझं अंग अंग जाळी
तर- रक्तचंदनाची सतरंजी माझ्या तीन फुल्या जाळी असे त्रैराशिक होते आहे.

विकु, जबरी.

@ रक्तचंदनाची सतरंजी

फार आवडली कन्सेप्ट मला

अंग अंग जाळणारी चंदनाची ती फेमस चोळी चालते तर रेडीयेशन शोषून (सॉरी, सोखून) घेणारी रक्तचंदनाची गुणी सतरंजी का नको ? दाहकता कमी नाही का होणार ?

अस्मिता, प्रतिसाद एकसाथ पडले आपले दोघांचे

तीन फुल्या जाळी 🤣

विकु

अनिंद्य, ग्रेट माईन्डस झाले.

रक्तचंदनाची सतरंजी माझ्या तीन फुल्या जाळी >>>

Annie are you OK >>> MJ!

लहानपणी हान्स अँडरसनच्या परीकथांचे अनुवाद वाचले होते. त्यातल्या एका कथेत एक बहिण आपल्या राजहंसात कन्व्हर्ट झालेल्या भावांना शापमुक्त करण्यासाठी त्यांच्यासाठी खाजकुईलीच्या झाडाचे सदरे विणते असा उल्लेख होता. तो या सतरंजीच्या निमित्ताने आठवलाय

मला आठवते ती गोष्ट रमड. सगळ्यात धाकट्या भावाच्या सदऱ्याची एक बाही विणायची राहते त्या जागी एक पंख तसाच राहतो. हॅन्स ॲन्डरसन फॅन

आईशप्पत! मिलाओ हाथ पार्टनर हॅन्स ॲन्डरसन फॅन मी पण!!

चंदनाची चोळी माझं अंग अंग जाळी >> आणि चंदन सा बदन असेल तर काट्याने काटा काढावा किंवा लोहा लोहे को काटता है टाइप चंदन चंदन जाळी (आता चंदनाच्या लाकडाला जाळी पडली असेल तर चंदन जाळी चंदन जाळी पण होईल)

अमित आणि विकू
दंडवत घ्या

सगळ्यांच्या कल्पना शक्तीचे वारू चौखूर उधळले आहे!
त्याने मस्त सोनेरी धूळ उडते आहे हास्याची!!

रक्तचंदन आणि रेडीएशन - मला यातलं ज्ञान नाही. कुणी तरी सांगेल का हे काय आहे ?
https://inis.iaea.org/records/me8j5-p8c42

त्याच्या औषधी गुणधर्मांबद्दल ऐकून आहे.
https://www.netmeds.com/health-library/post/red-sandalwood-uses-health-b...

जपानमधे तीन तारांचं एक पारंपारिक गिटार बनवण्यासाठी फक्त रक्तचंदनाचा वापर करतात. तसेच फर्निचरमधे कोरीव कामासाठी जपानमधे रक्तचंदनाचा वापर होतो. ते लाकूड त्यांना फक्त द. भारतातलंच चालतं.

हॅन्स ॲन्डरसन फॅन मी पण!!

धन्यवाद मानव.
रक्तचंदनाची जंगले जिथे आहेत त्या म्हैसूरच्या परीसरातल्या मातीबद्दल पण मध्यंतरी असेच काही तरी प्रसिद्ध झाले होते का ?

अमित, खतरनाक लिहिलंयस आता मी कुणीतरी ओरिजिनल रक्तचंदन फॉरवर्ड पाठवायची वाट बघतोय.. ते आलं कि लगेच हे अमितने लिहिलेलं पाठवून देणार रिप्लाय म्हणून.