गेल्या 25 वर्षांमध्ये पुण्याचा विस्तार अतिशय झपाट्याने झाला आहे आणि तो अजूनही होतच आहे. पुणे आणि आसपासच्या परिसरांमध्ये येऊ लागलेल्या छोट्या-मोठ्या उद्योगांमुळे शहराचा आकार वाढत राहिला आहे. वाढत्या शहरीकरणाचा ताण पुण्यातील उपलब्ध शहरी सार्वजनिक वाहतुकीवर वाढत गेला. हा वाढता ताण ती वाहतूक व्यवस्था पूर्ण करू शकलेली नाही. आजही मागणी आणि सेवेचा पुरवठा यात बरीच तफावत आढळत आहे. मागणी पूर्ण करण्यास सार्वजनिक वाहतूक सक्षम नसल्यामुळे रस्त्यावरच्या खासगी वाहनांची संख्या प्रचंड प्रमाणात वाढत चालली आहे. त्यातच अरुंद रस्त्यांमुळे वाहतुकीचा वेग आणखीनच मंदावत आहे.
मध्यंतरी पुण्यात बीआरटी (Bus Rapid Transit) व्यवस्था सुरू करण्यात आली; पण तिच्या नियोजनातील गोंधळामुळे तीसुद्धा यशस्वी होऊ शकली नाही. आता तर पुण्यातील वाहनांची संख्या पुण्याच्या लोकसंख्येपेक्षाही जास्त झालेली आहे. वाढत्या शहरीकरणाला सक्षम सार्वजनिक वाहतुकीच्या साधनाची जोड देण्याच्या हेतूने 2009-10 पासून पुण्यात मेट्रो सुरू करण्याबाबत विचार सुरू झाला. त्यामध्ये मेट्रो कशी असावी, उन्नत की भूमिगत, गेज काय असावा, रस्ताच्या बाजूने असावी की मधून, डबे कसे असावेत इ. इ. मुद्द्यांवरून सतत फक्त चर्चेतच राहिलेल्या पुणे मेट्रोच्या प्रत्यक्ष कामाला अखेर डिसेंबर 2016 मध्ये सुरुवात झाली. मेट्रोची उभारणी हे तसे अवाढव्य काम आहे. पण तरीही 2019 पर्यंत म्हणजे तीनच वर्षांमध्ये पहिल्या दोन मार्गांचे काम पूर्ण करण्याचे अवघड लक्ष्य ठेवले गेले होते. ती कालमर्यादा पाळणे शक्य नाही हे माझ्याही मनाला पटत होतेच. आज पुण्यातील मेट्रो मार्गांची उभारणी पूर्ण होण्याला अजून बराच काळ लागणार असल्याचे सध्या दिसत आहे. कारण गरवारे महाविद्यालयानंतर पुढे नदीपात्रात गेलेल्या मार्गावर अजून दुसऱ्या टप्प्यातीलच काम सुरू आहे. परिणामी डेक्कन, छत्रपती संभाजी उद्यान, पुणे महानगरपालिका येथील स्थानकांचे कामही प्रथमावस्थेतच आहे. त्यापुढे सत्र न्यायालयाजवळ होत असलेल्या जंक्शनचे कामही बरेच बाकी आहे. तीच अवस्था मंडई, स्वारगेटच्या बाजूलाही दिसते.
शहरांतर्गत चालणारी रेल्वे वाहतूक ‘मेट्रो रेल्वे’ म्हणून ओळखली जाते. ही सेवा जमिनीखाली, जमिनीवर किंवा उन्नत (elevated) अशा कोणत्याही प्रकारे उपलब्ध करून देता येते. ही सेवा सुरक्षित, इंधनाची बचत करणारी, प्रदूषणमुक्त, वेगवान आणि आरामदायक मानली जाते. मेट्रो भूमिगत असेल, तर रस्त्यावरील जागा व्यापली जात नाही, शिवाय उन्नत असेल, तर ती रस्त्यावरील केवळ 2 मीटर रुंद जागा व्यापते. लोहमार्ग आधारित सार्वजनिक वाहतूक प्रवासाचा कालावधी 50 ते 70 टक्क्यांनी कमी करते. तसेच एका प्रवाशाची एक किलोमीटर अंतरापर्यंत वाहतूक करण्यासाठी लोहमार्गावरील वाहतुकीला रस्ता वाहतुकीच्या तुलनेत एक-पंचमांश कमी इंधन लागते. ज्या ठिकाणी पीएचपीडीटी (म्हणजे Peak Hour Peak Direction Traffic) निर्देशांक 20,000 ते 45,000 आहे, तेथे मेट्रोसारखी लोहमार्ग आधारित सार्वजनिक वाहतूक व्यवस्था सोयीस्कर ठरते. कारण मेट्रोद्वारे दर 90 सेकंदाला एक याप्रमाणे सेवा उपलब्ध करून देता येते. रस्त्यावरील वाहतूक 8,000 पेक्षा कमी पीएचपीडीटीला उपयुक्त ठरते. पुण्यातील मेट्रोच्या पहिल्या दोन्ही मार्गांचा पीएचपीडीटी निर्देशांक 2031 पर्यंत 10,000 ते 20,000 दरम्यान राहण्याचे अनुमान काढण्यात आले आहे.
सध्या पुण्यात मेट्रोचा 12 किलोमीटरचा मार्ग वाहतुकीसाठी खुला झाला आहे. तरीही या मार्गांवरील स्थानकांचं काम अजूनही अपूर्णच असलेलं दिसत आहे. पुण्यात एकूण 3 मेट्रो मार्ग उभारले जात असून त्यांची लांबी 54.58 किलोमीटर असणार आहे. त्यापैकी पिंपरी-चिंचवड महानगरपालिका भवन ते स्वारगेट (परपल लाईन, लांबी 16.59 किलोमीटर) अशी असून ती खडकीतील रेज हिलपर्यंत उन्नत (elevated) आणि त्यानंतर स्वारगेटपर्यंत भूमिगत असणार आहे. या मार्गावरील फुगेवाडीपर्यंतचा मार्ग 6 मार्चपासून खुला झालेला आहे. दुसरा मार्ग कोथरुडमधील वनाज ते रामवाडी (ॲक्वा लाईन, 14.66 किलोमीटर) असा असणार असून तो पूर्णपणे उन्नत असणार आहे. त्यापैकी वनाज ते गरवारे कॉलेजपर्यंतचा मार्ग वाहतुकीसाठी खुला झालेला आहे. तिसरा मार्गही पूर्णपणे उन्नत असणार असून त्याची लांबी 23.33 किलोमीटर असणार आहे. तो मार्ग हिंजेवाडीतील राजीव गांधी इंफोटेक पार्कपासून सुरू होऊन बालेवाडी मार्गे शिवाजीनगरच्या सत्र न्यायालयापर्यंत जाणार आहे. हे तिन्ही मार्ग सत्र न्यायालयाजवळ एकत्र येणार आहेत.
भारतात मेट्रो रेल्वे सेवेचा विकास आणि विस्तार अतिशय संथ गतीने झाला आहे. त्यासाठी पुढील मुद्दे कारणीभूत ठरलेले आहेत.
• सार्वजनिक वाहतूक व्यवस्थेबाबत स्पष्ट धोरणाचा अभाव
• आवश्यक स्रोतांची कमतरता
• देशातील कायदेशीर व्यवस्था
• मेट्रोसंबंधीच्या तज्ज्ञांची कमतरता
• कार्यक्षम संस्थात्मक व्यवस्थेचा अभाव
मेट्रो सेवा सुरू करण्यासाठी देशातील अकार्यक्षम संस्थात्मक व्यवस्था हा सर्वात मोठा अडथळा ठरला आहे. मेट्रो रुळांवर आधारित व्यवस्था असली तरी सध्या तिच्या उभारणीसाठी कोणतेही एक मंत्रालय किंवा केंद्रीय संस्था जबाबदार नव्हती. त्यामुळे हे प्रकल्प मंजूर होऊन प्रत्यक्ष कामाची सुरुवात होईपर्यंतच बऱ्याच अडथळ्यांना सामोरे जावे लागत होते. पण मेट्रो रेल्वे सेवा सुरू करण्याची देशात वाढत असलेली मागणी लक्षात घेऊन 2017 मध्ये मंजूर करण्यात आलेल्या नव्या मेट्रो रेल्वे धोरणामध्ये देशातील मेट्रो रेल्वे विकासाची जबाबदारी केंद्र सरकारच्या आवास आणि शहरी व्यवहार मंत्रालयाकडे सोपवण्यात आली आहे.
दिल्ली मेट्रोमुळे झालेले फायदे
• शहरातील रस्त्यांवरील सुमारे 3,90,000 दैनिक वाहने कमी झाली.
• शहराचा मध्यवर्ती भाग आणि शहराच्या जवळपासची ठिकाणे यांच्यातील प्रवास जलद झाला.
• शहरांतर्गत वाहतुकीतील प्रवासाचा कालावधी 32 मिनिटांनी कमी झाला.
• इंधनाच्या वापरात वार्षिक सुमारे पावणेतीन लाख टनांनी घट झाली.
• दिल्लीच्या हवेतील प्रदुषकांचे वार्षिक प्रमाण पावणेसहा लाख टनांनी घटले.
• दिल्लीतील रस्त्यांवरील गंभीर अपघातांचे प्रमाण वर्षाला 125 ने कमी झाले.
• एकूण रस्ते अपघातांची वार्षिक संख्या 937 ने कमी झाली.
दिल्ली मेट्रो रेल्वे प्रकल्पाची व्यावहारितकता आणि यश लक्षात घेऊन केंद्र सरकारने 2009 मध्ये 20 लाखांपेक्षा जास्त लोकसंख्या असलेल्या देशाच्या अन्य प्रमुख शहरांमध्ये मेट्रो रेल्वे सेवा सुरू करण्याला मान्यता दिली. दिल्लीमध्ये मेट्रो सेवा सुरू झाल्यावर तिच्या खात्रीशीर आणि वेगवान सेवेमुळे रस्ता वाहतुकीवर अवलंबून असलेले प्रवासी मेट्रोकडे वळलेले आहेत.
सध्या मेट्रो सेवा उपलब्ध असलेली शहरे
• कोलकाता, मुंबई, पुणे, नागपूर, चेन्नई, जयपूर, नम्मा मेट्रो (बेंगळुरू), तीव्र गती मेट्रो (गुरुग्राम), अहमदाबाद, हैदराबाद, कानपूर, कोची, लखनौ, नोएडा. यातील सर्वच मेट्रो रेल्वे प्रकल्पांची सेवा थोड्या-अधिक प्रमाणात सुरू झालेली आहे. त्याचवेळी त्यांचे विस्तारीकरणही सुरू आहे.
सध्या सेवा सुरू न झालेले, पण उभारणी सुरू असलेले प्रकल्प
• नवी मुंबई, भोज (भोपाळ), इंदूर, पाटणा, आग्रा, सुरत, ठाणे.
मान्यता मिळालेले, पण काम सुरू होण्याच्या स्थितीत असलेले प्रकल्प
• ठाणे, विशाखापट्टणम
लिंक
https://avateebhavatee.blogspot.com/2022/03/blog-post_17.html
पुणे मेट्रोतून मी केलेल्या पहिल्या प्रवासाचा व्हिडिओ खालील लिंकवर पाहता येईल.
https://www.youtube.com/watch?v=JvTZICUysoA
चां धा चां च !
चां धा चां च !
आज पिंपरी ते रुबी हॉल
आज पिंपरी ते रुबी हॉल मेट्रोने प्रवास केला. फारच सुखद अनुभव. चिंचवड ते पिंपरी दुचाकीने प्रवास केला. पिंपरीच्या एका शॉपिंग मॉल पुढे दुचाकी पार्क केली कारण मेट्रोचे पार्किंग नाही. स्थानकात प्रवेश केला, सगळीकडे lift आहे, जिने चढायची गरज नाही. तिकीट काढले. रुबी हॉलला जाण्यासाठी मला सिव्हील कोर्ट स्टेशनला मेट्रो बदलावी लागणार होती. पिंपरी स्थानकात मला माझ्या गंतव्य स्थानकाचे तिकीट मिळाले ( ३० रू).. १०.१५ ला मेट्रो आली. फारशी गर्दी नव्हती. खडकी आणि रेंज हिल्स ही दोन स्थानके अजून तयार झाली नाहीत, त्यामुळे बोपोडी वरून डायरेक्ट थांबा शिवाजीनगर. शिवाजीनगर आणि सिव्हील कोर्ट ही स्थानके भूमिगत आहेत. पैकी सिव्हील कोर्ट स्थानकातून वनाज किंवा रामवाडी साइडला जाता येते. सिव्हील कोर्ट स्थानक हे भारतातील deepest underground station आहे म्हणे. फारच भारी आहे स्थानक. तीन भव्य escalators ne तुम्ही रुबी हॉल (रामवाडी) कडे जाणाऱ्या फलाटावर येऊ शकता. फलाटा वर येताच दोन मिनिटातच रुबी हॉल वाली मेट्रो आली. बरोबर १०.५५ ला उतरलो आणि पाच मिनिट चालून ११ वाजता ऑफिस. (आज उशीर झाला यायला रोज ११ वाजता येत नाही मी).गर्दी नाही, ट्रॅफिक नाही, प्रदूषण नाही मस्त गारेगार ए सी मध्ये बसून प्रवास. एकदम छान वाटले. गेली २५ एक वर्ष अगदी रोज म्हंटले तरी (आधी कॉलेज आणि मग जॉब) चिंचवड ते पुणे असा प्रवास होत आहे. इतका सुखकारक प्रवास अनुभवायला मिळाला खूप छान वाटलं. कधी काळी कॉलेजला जाताना ती एकदम चौकोनी पी एम टी असायची छोटेखानी, पावसाळ्यात बस मधून पाणी गळायचे, आणि आज इतक्या वर्षांनी हा अनुभव
एक वर्तुळ पूर्ण झाल्याचं फिलिंग अगदीच.... 
आणि हो हिंजवडी मेट्रो पण लवकर सुरू व्हावी ही अगदी मनापासून इच्छा, त्या जनतेचे पण फार हाल होतात. यातली उणीव म्हणजे पार्किंग नाही. आणि सकाळी घर ते पिंपरी स्थानक १५ / २० मिनिट तरी लागले. त्यात चिंचवड पुलाचे काम गेले पाच सहा महिने (की जास्त अजून) चालू आहे. एकदम वाईट ट्रॅफिक असते तिथे. दर्शन हॉल साईड ने जाईन उद्या.गंमत म्हणून जुना पी एम टी पास आणि आजचे मेट्रो तिकीट देत आहे. @ साहिल, मागच्या पानावर मेट्रो आणि लोकलची तुलना केली होती मी, अगदीच चुकीची आहे ती, लोकल पेक्षा हा प्रवास शतपटीने सुखावह आहे. 
अरे वा लंपन छान अनुभव कथन. मी
अरे वा लंपन छान अनुभव कथन. मी अजून पुण्याच्या मेट्रो मध्ये बसले नाही.मुंबईत नवीन मेट्रो ने जाण्याचा योग बरेचदा आला, गोरेगाव पश्चिम हून बोरिवली / दहिसर मार्गे परत गुंदवली. अजून इथली स्टेशनं पाठ नाही झाली. गाड्या स्वच्छ, आणि छान आहेत.
मस्त पोस्ट लंपन, अगदी मगाशीच
मस्त पोस्ट लंपन, अगदी मगाशीच एबीपी माझाच्या पत्रकाराने पिंचि महानगरपालिका ते सिव्हिल कोर्ट प्रवास केला ते बघितलं म्हणून समजलं सर्व.
मुंबई मेट्रोने प्रवास नाही केला. पुणे मेट्रो स्टेशन, ब्रिजेस मध्ये पुण्यात रोडने जाताना बघितलं, सही वाटतं बघायला.
धन्यवाद नवीन माहितीसाठी.
धन्यवाद नवीन माहितीसाठी.
पुण्याबाहेरून पुण्यात येणारे लोक रेल्वेने पुणे स्टेशन (किंवा शिवाजीनगर) येथे उतरतात. बसने येणारे स्वारगेट / हडपसर गाडीतळ येथे किंवा शिवाजीनगर चौकात उतरतात. मग इतर ठिकाणी जातात. त्यांच्यासाठी कोणती मेट्रो स्टेशने उपयोगाची आहेत?
लंपन धन्यवाद. खरी मेट्रो
लंपन धन्यवाद. खरी मेट्रो ह्या आठवड्यात चालु झाली . तो पर्यन्त मेट्रो एक पिकनिक स्पॉट होती.
दोन महिने पुण्याबाहेर असल्याने मेट्रो नाही वापरता येणार. परत आल्यावर मात्र पुणे स्टेशन, डेक्कन, कोथरुड ला जायला चांगली सोय झाली आहे. तिकिट दर पण फार योग्य आहेत. रविवारी ३०% सवलत आहे. प्री लोडेड तिकिट वापरल्यास आजुन १०% सुट आहे. सकाळी ७ वाजता चालु होते ते ६ वाजता केले तर बरे होईल नाहीतर सकाळी जाताना नाही वापरता येणार.
पिंपरीला शॉपिंग मॉल मध्ये पहिल्या रो मध्येच गाडी लावणे. थोडी जरी बाहेर लावली तरी आर टी ओ वाले गाडी घेउन जातात. त्यापेक्षा १० /१५ रुपये देउन शेअर रिक्षा बरी. चिंचवड आणि पिंपरी (दर्शन हॉल साईडने गेल्यास) ह्या दोन्ही ठिकाणी पुलाचे काम चालु असल्याने नुसता वैताग आहे. दोन महिन्यात एका पुलाचे तरी काम संपेल ही अपेक्षा.
मस्त पोस्ट लंपन. आज एक
मस्त पोस्ट लंपन. आज एक व्हिडीओ क्लिप पाहिली. मस्त वाटते.
लंपन छान पोस्ट.
लंपन छान पोस्ट.
सध्या कामं चालू आहेत त्या मेट्रोलाईन्स सुरू झाल्या तरी मला उपयोगाच्या नाहीत. पण ज्यांना सोयीच्या आहेत, त्यांच्या वापराने रस्ते मोकळे झाले तर तो फायदाच आहे.
मेट्रोने प्रवास हा खरंच एक
मेट्रोने प्रवास हा खरंच एक सुखद अनुभव आहे. मुंबईत तर ते एक वरदान म्हणायला हरकत नाही. दहिसरच्या माणसाला घटकोपरला जायचं असेल तर तो 60 रुपयात , ते देखील गारेगार प्रवास करत एक तासात पोचू शकतो.
पुणेकरांचे अभिनंदन!
छान अनुभव कथन, लंपन. मीही
छान अनुभव कथन, लंपन. मीही लवकरच नव्या मेट्रो मार्गावरून प्रवास करणार आहेच. जेव्हा पुण्यात मेट्रो सुरू करण्याविषयीची चर्चा सुरू झाली आणि मार्ग निश्चित झाले, तेव्हा तो नकाशा पाहिल्यावर समजलं की, मेट्रोचं स्थानक घरापासून जवळच असणार आहे आणि मला शिवाजीनगर-पुणे स्टेशनला थेट जाता येणार आहे. तेव्हापासूनच मेट्रोची वाट पाहत होतो.
मला असे वाटते की सुरवातीच्या
मला असे वाटते की सुरवातीच्या हळु सुरवातीनंतर पुण्यात मेट्रो बर्यापैकी वेगात बनली. हिंजवडी फेज ३ चे पण काम थोडे फास्ट वाटते. पण येथली (ठाण्यातली) मेट्रो माझ्या हयातीत तरी सुरु होईल का याबद्दल शंका आहे. हिंजवडी फेज ३ त्याच्या आधी चालु होईल
मला एक कळत नाही. नवीन सुरु
मला एक कळत नाही. नवीन सुरु होणाऱ्या सर्व मेट्रो आणि मुंबईची मेट्रो (लाईन १) आता Paper QR तिकीट का देत आहेत?
संपूर्ण जग paperless होत असतांना मेट्रोमध्ये ही उलटी गंगा कशाला??
मुंबई मेट्रो (लाईन १- वर्सोवा ते घाटकोपर) ही ८ जून २०१४ रोजी सुरु झाली. तेव्हापासून कोव्हीड येईपर्यंत RFID based plastic tokens वापरात होती. ज्यांचा पुनर्वापर होतो. प्रवासानंतर ती आपोआप AFC (Automatic Fare Collection) gate मध्येच एका डब्यात जमा होतात. किंबहुना ते टोकन गेटच्या slot मध्ये टाकल्याशिवाय प्रवासी बाहेर पडूच शकत नाही. त्यामुळे कुठेही कचरा होत नव्हता.
नंतर कोव्हीड काळात मेट्रो बंदच होती. जसजसे निर्बंध कमी झाले तसे मेट्रोही सर्वसामन्यांसाठी पुन्हा सुरु झाली.
मात्र तेव्हा एकाने वापरलेल्या टोकनला दुसऱ्याचा स्पर्श होतो म्हणून की काय त्यांनी Paper QR तिकीट देणे सुरु केले जे आजतागायत सुरु आहे. ज्यामुळे रोजचा कितीतरी कागद वाया जातो. काही प्रवासी प्रवास संपल्यावर ते Paper QR तिकीट कुठेही फेकून देतात, त्यामुळे कचरा वाढतो.
वास्तविक पाहता, RFID based plastic token उत्तम आहेत. बरे त्यासाठी AFC gate मध्ये काही बदल करण्याची आवश्यकता नाही. कारण smart card हे RFID based च आहेत. म्हणजे AFC गेटमध्ये RFID reader अगोदरच बसवलेले आहेत. QR code सिस्टिम फक्त आणि फक्त smartphone app based (उदा. Paytm, PhonePe etc.) तिकिटांसाठीच हवी, जेणेकरून मोठ्या प्रमाणावर कागद वाचेल आणि कचराही होणार नाही.
<<त्यांच्यासाठी कोणती मेट्रो
<<त्यांच्यासाठी कोणती मेट्रो स्टेशने उपयोगाची आहेत?>>
पुणे स्टेशनला लागूनच मेट्रो स्टेशन आहे. तिथून डेक्कन, कोथरूडला थेट जाता येतं. शिवाजीनगरचं मेट्रोचं स्टेशन (भूमिगत) पूर्वीच्या शिवाजीनगरच्या एसटी स्टँडच्या ठिकाणी आहे. तिथून न्यायालय, पिंपरीला थेट जाता येतं. शिवाजीनगरहून कोथरूडला यायचं असेल, तर सिव्हिल कोर्टला येणं जास्त सोयीचं पडेल, पण ते स्टेशन थोडंसं लांब पडतं.
धन्यवाद पराग.
धन्यवाद पराग.
अरे वाह लंपन
अरे वाह लंपन
आता हळूहळू आपलं लोकेशन ते मेट्रो स्टेशन असे फिडर म्हणौन share रिक्षा रूट सुरू होतील.
पुण्यात स्वतःची गाडी न्या, चालवा, पार्क करा वै कटकट नकोच.
मस्त पोस्ट लंपन. मला पण
मस्त पोस्ट लंपन. मला पण पुणे स्टेशन ते वनाज प्रवास मेट्रोने एकदा करायचा आहे. ११ नंबर पी एम टी बस/ खरंच पायी पायी/ रिक्षा असा अनेकदा केला आहे. माझ्या जीवनातील सर्व महत्वाची ठेशने ह्याच रूट वर आहेत. सो एक बार फिरसे टच करना बोलके अरमानां है.
मुंबईतील मेट्रो घाटकोपर वरसोवा नियमित वापरली जाते. फार छान सोय आहे. स्टेशनांची नावे प्रायोजित आहेत. उदा एल आय सी अंधेरी वेस्ट.
माझे डॉक्टर व्हिजिट करायचे किलिनिक घाटकोपर मध्ये व लेक वरसोव्याला राहते. तिला येजा करायला बरे पडते. लेडिज डब्यात पण मॅनेजिएबल गर्दी असते.
मुंबईतील मेट्रो घाटकोपर
मुंबईतील मेट्रो घाटकोपर वरसोवा नियमित वापरली जाते. फार छान सोय आहे. स्टेशनांची नावे प्रायोजित आहेत. उदा एल आय सी अंधेरी वेस्ट.>>
एक सुधारणा - एल.आय.सी. अंधेरी (वेस्ट नाही, कारण ते स्टेशनच मुळात अंधेरी पूर्वेला आहे!)
इतर प्रायोजित स्थानके :
विवो डी.एन. नगर
मेडीमिक्स आझाद नगर (काही महिन्यांपूर्वी होते, आता प्रायोजकत्व संपल्यामुळे केवळ आझाद नगर)
एल.आय.सी. अंधेरी
बिसलेरी वेस्टर्न एक्स्प्रेस हायवे (काही वर्षांपूर्वी Magicbricks W.E.H.)
Indusind Bank Chakala J.B. Nagar
Tecno मरोळ नाका
विवो घाटकोपर
वि मु बरोबर. मी सेंट्रलची
वि मु बरोबर. मी सेंट्रलची असल्याने माझ्यासाठी सर्व वेस्टच.
मेट्रोतुन सायकल नेण्याचा काही
मेट्रोतुन सायकल नेण्याचा काही कोणाचा अनुभव
पुण्याची मेट्रो चालू झाली
पुण्याची मेट्रो चालू झाली ऐकून आनंद झाला . रूबी हॉलवाली विमान नगर पर्यन्त जाउ लागली की प्रवास करेन म्हणते .
मुम्बईहून पुण्याच्या ऑफिसला कार ने यायच तर एक-दीड तास पुण्याच्या ट्रॅफिकमध्येच जातो .
मुंबई मेट्रो मस्तच आहे . अन्धेरी-दहिसर-गोरेगाव वाली लाईन घाटकोपरच्या लाईन पेक्शा नविन असल्याने जास्त चकचकीत वाटते . अन्धेरी पश्चीम ते दहिसर पूर्व प्रवास पावसाळ्याच्या दिवसात खिडकी बाहेर बघत करावा , आयसी कॉलनीची झाडी सुन्दर दिसते .
एरवीही , रात्रीच्या वेळी कमी गर्दीच्या ट्रेनमधून झगमगीत फलाटावर उतरणं एक्दम भारी वाटतं. जिथे रिक्शाने दहीसर चेकनाका ते गुन्दवली एक दीड तास लागायचा आणी शे-दीडशे रूपये तो प्रवास आता २०-२५ मिनीटात ३०-४० रूपयात होतो .
मेट्रोतुन सायकल नेण्याचा काही कोणाचा अनुभव >>> स्वानुभव नाही पण काही लोकांना नविन मुम्बई मेट्रो मधून घेउन जाताना बघितल आहे .
सकाळी जेव्हा कमी गर्दी असते - ३/४ स्टेशन प्रवास करतात काही लोक सायकल घेउन.
मला एक कळत नाही. नवीन सुरु होणाऱ्या सर्व मेट्रो आणि मुंबईची मेट्रो (लाईन १) आता Paper QR तिकीट का देत आहेत?
संपूर्ण जग paperless होत असतांना मेट्रोमध्ये ही उलटी गंगा कशाला??>>> योग्य मुद्दा विमु . आणी काही काही अतिशहाणे लोक तो कागर नियेजित कचरापेटीत नीट टाकत ही नाही . लांबूनच भिरकावतात जो आजू बाजूला पडतो . अर्थात तो मुद्दा वेगळा .
अमा , गर्दीच म्हणाल तर आज काल दोन्ही लाईनवर साडेपाचच्या नंतर लोकल ट्रेनसारखी गर्दी असते .
अगदी समोरचेच्या मानेला आपलं नाक लागण्याईतकी नाही पण असते . फक्त एसी असतो आणी स्टेशनस दोद दोन मिनिटात येतात म्हणून काही वाटत नाही.
लोकल ट्रेनसारखी गर्दी असते .
लोकल ट्रेनसारखी गर्दी असते . Happy>> मी सेंट्रल सेकंड क्लास ठाणा व्हीटी केले आहे. त्यामुळे कल्पना आहे. मी गेले तेव्हा पीक टाइम नव्हता.
मेट्रोतुन सायकल नेण्याचा काही
मेट्रोतुन सायकल नेण्याचा काही कोणाचा अनुभव >> मुम्बई नवीन मेट्रो मधे त्यासाठी खास स्टँड आहे. बरेच जण घेऊन जातात.
संपूर्ण जग paperless होत असतांना मेट्रोमध्ये ही उलटी गंगा कशाला?? >> हो, कोविड नंतर आधीप्रमाणे टोकन्स देण्यास हरकत नाही. कागद खिशात चुरगळुन फाटण्याची किंवा खिशातुन काही काढताना पडण्याची भिती वाटत राहते. कचरा हा मुद्दा आहेच म्हणा.
तेव्हापासून कोव्हीड येईपर्यंत
तेव्हापासून कोव्हीड येईपर्यंत RFID based plastic tokens वापरात होती. ज्यांचा पुनर्वापर होतो. >>> बंगलोर मधेही हे वापरल्याचे आठवते. ते वापरायला सोपे वाटले होते. त्यात काही प्रॉब्लेम असेल तर पेपर व इलेक्ट्रॉनिक तिकीट असे दोन्ही पर्याय द्यायला हवेत. सिनीयर लोक सगळे मोबाईल सॅव्ही नाहीत.
पुणे स्टेशनचा व्ह्यू मेट्रोतून फार मस्त दिसतो असे क्लिप मधे पाहिले. एरव्ही रेल्वे स्टेशनचा साधारण असा व्ह्यू जवळ पूल असेल व त्याच्या बाजू उघड्या ठेवल्या असतील तरच मिळतो. आजकाल बहुतांश ठिकाणी दोन्ही बाजूला पत्रे किंवा इतर काहीतरी लावलेले असते. पूर्वी पुलावरून जाताना खाली गाड्या/स्टेशन पाहणे हा आवडता उद्योग होता. आजकाल फार बोअर झाले आहेत हे पूल
उदा: शिवाजीनगरचा इंजिनिअरिंग कॉलेज जवळचा पूल. बहुधा कल्याणजवळचा पत्री पूलही आता तसा आहे. (हे कोणाचे काय तर कोणाचे काय सदरात टाकले तरी चालेल 
)
गेल्या १-२ दिवसांत बर्‍याच क्लिप्स आल्या आहेत. ही ज्याने बनवली आहे तो रेल्वेवर खूप चांगल्या क्लिप्स बनवतो. मी बर्‍याच पाहिल्या आहेत.
अजून प्रत्यक्षात गेलो नाही. सुरूवातीला कोठेही जायचे नसले तरी आपले शहर थोडे उंचावरून कसे दिसते हे पाहायलासुद्धा जाण्यात इंटरेस्ट आहे.
लंपन मस्त!
लंपन मस्त!
पुणे मेट्रोने जायची उत्सुक्ता आहे.
पुणे मेट्रोवरचा माझा व्हिडिओ
पुणे मेट्रोवरचा माझा व्हिडिओ खालील लिंकवर आहे.
https://youtu.be/1Bs5MKe05dM
मंडईपर्यंत मेट्रो सुरु कधी
मंडईपर्यंत मेट्रो सुरु कधी होणार ? मला त्याने तुळशीबागेत जायचे आहे.
मंडई ते तुळशीबाग बुलेट ट्रेन
मंडई ते तुळशीबाग बुलेट ट्रेन सुरू होतेय.
धन्यवाद लोकहो. आज जरा जास्त
धन्यवाद लोकहो. आज जरा जास्त गर्दी होती, हौशी लोक पण आहेत प्रवास करायला, अगदी पूर्ण फॅमिली, आजी आजोबा सगळे. @साहिल, आज पार्किंग अजिबात नाही मिळाले, मग शेवटी फिनोलेक्स समोरच्या शॉपिंग कॉमप्लेक्स मध्ये दुचाकी दामटली. आज मोबाईलवाले कोड scan होईनात रुबी हॉल ला. बरेच प्रवासी अडकले. दहा एक मिनिटांनी झालं परत सुरू. त्या scan चा बराच झोल आहे. Pimpri la रिटर्न तिकीट दिले नाही काल, त्या बाई म्हणाल्या रिटर्न तिकीट scan problem येतो. वनाज - रुबी हॉल दणक्यात चालेल असेच दिसत आहे कारण त्याला जास्त गर्दी होती. दोन्हीकडे फ्रिकवेन्सी कमाल आहे, थांबावे लागत नाही अजीबात. फारेंड, फुगेवाडी ते शिवाजीनगर एक साईड पूर्ण हिरवी दिसते, खास करून बोपखेल , दापोडी , बोपोडी, खडकी ई. काही ठिकाणी नेत्यांचे घाणेरडे फ्लेक्स आहेत. मुंबै स्टेशन प्रायोजित आहेत हे नवीन समजले. सशा, आज सकाळीच बघितला रे गिअर सायकल वाला जिना उतरताना. Srd हडपसर ला उतरलं कोणी तर कल्याणीनगर स्टेशन, अजून काम चालू आहे आणि स्वारगेट स्टेशनच पण काम चालू आहे अजून.
मुंबै स्टेशन प्रायोजित आहेत
मुंबै स्टेशन प्रायोजित आहेत हे नवीन समजले. >>> मलाही माहिती नव्हतं. थॅंक यु अमा.
पुणे मेट्रोवरचा माझा व्हिडिओ खालील लिंकवर आहे. >>> बघते.
लपन छान रिव्ह्यु, मला हौस
लपन छान रिव्ह्यु, मला हौस म्हणुन आल की नक्किच पुणे मेट्रोने प्रवास करु बघायचा आहे, मुबैत कुणि नाही त्यामुळे फक्त फिरायला जाता येइल.
Pages