तुला पाहते रे.... झी मराठी.. ८.३० वाजता

इशाच्या घरी परवापर्यंत एकच पोळी सगळे खात होते. सिलेंडरसाठी पैसे नव्हते. आता एकदम लग्नाची तयारी करण्यासाठी कुठून पैसे आणले? >>> ईशाने मायरा कडून पाच लाखाच चेक घेतला आहे. ( पैसे त्यांच्याकडे तो डिपॉझिट करायच्या आधीच आलेत - पण तेवढे सोडून देउ )

हाहा अस्सं होय ते मिसलं

मी पण नाही पाहिलं ते, मी इथे घमासान सुभा-इशा discussion झालं की तो भाग बघते
सुभा चे expressions बाकी dessert to my eyes

अंजली १२ ईशाने मायराकडून नाही का ५ लाख घेतले.
आता ते फेडायचे तर नोकरी सोडून कशी चालेल?
आणि सोडलीच (हुश्श) तर एक पोळी ५ जणात खावी लागेल. ईशाई,बाबा, ईशा,बिपिन,त्याचे बाबा.

आता ते फेडायचे तर नोकरी सोडून कशी चालेल?>>> विकी सरांचे इशापायी जे काही झाले आहे आणि होत चालले आहे ते बघता ती मायरा नंतर ईशाला आहे ते ५ लाख ठेवून त्यावर नोकरी सोडायचे अजून ५ लाख देईल असे वाटते

ही असली बिनडोक आचरट स्टोरी कोणी लिहीली असेल? काहीच्या काहीच आहे. एक श्रीमंत माणूस, त्याला आवडणार्या, मुलीच्या वयाच्या, त्याला लाईन देणार्या , बालिकेला त्यागभावनेतून नकार देतो आणि तरी मग रहावत नाही म्हणून तिच्याच लग्नघरी हट्टानं कामासाठी जातो ही स्टोरी तुफान विनोदी आहे. त्यात ते दोन भोवरे वगैरे तर उच्चांकी विनोदी आहे.

चेक करून घेतील. चुकीचे तेल असेल तर डबे बदलून आणायला पाठवतील.>>>>>>

ही असली बिनडोक आचरट स्टोरी कोणी लिहीली असेल?>>
द भैताड केड्याने.

दोन भोवऱ्यांचा काय लोच्या. मी मिसलंय ते.

या सिरीज ने "आनंदाने माना डोलावणे" सीन्स चे आधीचे सारे उच्चांक मोडले असावेत. दर दोन मिनीटांनी कोणतरी आनंदाने/हसून माना डोलावते.

तिकडे मानबा मधे अगदी माना डोलावत नाहीत पण "काय भारी व्यक्ती आहे ही राधिका" अशा चेहर्‍याने बघत असतात.

सिरीज चा २०-२५ टक्के भाग हा असल्या एक्स्प्रेशन्स मधेच जातो. ते ही प्रत्येकाचे स्वतंत्र सीन्स.

पण सुबोध भावे अशा बिनडोक सिरियल मधे कसं काय काम करतोय तेच कळत नाही. इतकी कोणती मजबुरी असेल त्याला ??

ह्यातले बरेच प्रसंग "फिफ्टी शेड्स ऑफ ग्रे" ह्या कादंबरीतून ढापल्या सारखे वाटतात. उदाहरणार्थः
१. सु.भा स्वतःच्या हेलिकॉप्टर मधून फिरणारा successful businessman असणे
२. सु.भा हिरॉइनच्या कॉलेज मध्ये भाषण द्यायला जाणे
३. सु.भा ने हिरॉइनला कार भेट म्हणून देउ करणे
४. सु.भा ची घरात एक गुप्त खोली असणे
इ. इ. असं बरंच साम्य वाटलं. अर्थात "फिफ्टी शेड्स ऑफ ग्रे" मधल्या बाकी गोष्टी झी मराठी वर दाखवता येणार नाहीत. पण जमेल ते उचलायचा प्रयत्न दिसतोये बहुतेक.

कार कधी गिफ्ट केली तिला?

नव्हती दिली. पाठविली होती.. बागेत कंदिलखाली बोलावले होते तेव्हा.

केड्या उचलतोच सगळ पण स्वतःची क्रयसक्ती लावुन त्याच्या लिन्का लावत नाही त्यामूले ते ठिगळ जोडुन गोधडि दिसते सुन्दर क्विल्ट दिसायच्या एवजी

गोधडी पण छान दिसते जरा नीट केली तर, केड्याला तितकंही जमत नाहीये ठिगळे जोडायला बहुतेक.

नव्हती दिली. पाठविली होती.. बागेत कंदिलखाली बोलावले होते तेव्हा. >>> लोल आणि तिने ती घेतली नव्हती.

मात्र त्यावेळेस अगदी प्रेसिडेण्टच्या सिक्रेट सर्व्हिस प्रोटेक्शन सारखे त्याचे लोक तिच्या अवतीभवती होते. पण फक्त तेव्हाच. एरव्ही असले काही नसते. त्याचे लॉजिकही कळाले नाही.

हो ना, रोज बस मधूनच जाते की ऑफिस ला.... तेंव्हा काही होत नाही वाटत.... बाकी तो लग्नाच्या बोलणीचा एपी महाभयंकर होता, काय ते पिवळं दूध इतकं पात्तळ मसाला दुध, sarakhग्लासात हिंदकळत होतं... आणी मसाला दूध नंतर लगेच चहा देतात का? कमालच आहे...

काय ते पिवळं दूध इतकं पात्तळ मसाला दुध, sarakhग्लासात हिंदकळत होतं >>> हो तो लगेच चहाचा प्रश्न मलाही पडला होता.

त्याला किती वेळ ताटकळत ठेवलं आहे दारात? आता आणलच आहे तर पटकन उतरवून घ्यायचं ना? >>> हे सही आहे. मस्तपैकी त्याला डॉयलॉग बोलू देत, दम खाउ देत बाकीचे बघत उभे होते. एकानेही हात पुढे केले नाहीत धरायला

चेक करून घेतील. चुकीचे तेल असेल तर डबे बदलून आणायला पाठवतील >>>

मी त्याच्या जागी असतो तर एरंडेलाचे डबे आणून आदळले असते.
असेही सगळ्यांचे चेहरे एरंडेल प्यायल्यासारखेच असतात.

हो किंवा नाही चा खेळ...
नर्सरीतली मुलं हा खेळ खेळतात हे माहिती नव्हतं.
कचर्याचा पण अजून कचरा करतायत. काही केलं तरी सुभाला ती शोभतच नाही. तिच्याजागी थोडी अजून अॅक्टिव्ह मुलगी हवी आहे. तिचे डोळेच बोलके नसतील तर सुभाच्या बोलक्या डोळ्यांना प्रतिसाद कुठुन मिळणार?

ते पाठोपाठ दुध आणि चहा बघून मलाही खटकलं. बाकी डिडिएलजे चालू झालयं.

सीन १: सुभा काहीतरी म्हणतो. सीन-२: निमकर चिंताग्रस्त नजरेने पाहतात. सीन-३: सौ निमकर चिंताग्रस्त नजरेने पाहतात, सीन-४: ईशा आश्चर्याने पाहते.
या क्रमाने कथा गोगलगायगतीने पुढे सरकत आहे.

म्हणे मला तुमच्या घरी येउन काम करण्याची परवानगी द्या.. सेल्फ मेड बिझिनेसमन असतात तसा हा सरंजामे सेल्फ मेड नारायण आहे.

हे घर लहान आहे म्हणून. नाहीतर आता लग्नघरी सरंजामे आणि ईशा "आँखोंकी गुस्ताखियाँ माफ हो" म्हणत फिरतायत की काय असे वाटले.

"मला माझा भूतकाळ आठवला" यावर ईशाला इतके आश्चर्य वाटते, की तिला भूतकाळ न आठवता वर्तमानकाळ किंवा भविष्यकाळ आठवतो की काय अशी शंका येते.

सरंजामे पूर्वी चाळीत राहात होते, इतरांसारखेच वाढले ऐकल्यावर मी पहिले विचारले असते "वयाच्या कितव्या वर्षी तुम्ही आईला आईसाहेब म्हणायला, व त्यांनी तुम्हाला अहोजाहो करायला सुरूवात केली?"

चाळीत म्हणे त्याला भोळीभाबडी माणसे भेटली. ही चाळ नक्की कोठे आहे बघायला हवे.

आणि डीडीएलजे? लग्नाला कोणाचाच विरोध नसताना कसले डीडीएलजे करताय? हे म्हणजे कांदेपोहे, दोन्ही बाजूंनी होकार आणि मग बैठक झाल्यावर पळून जाउन एकमेकांशीच लग्न करण्यासारखे आहे.

फारएण्ड

मी मालिका बघायची सोडली.
सुभासाठी इतका पाणचटपणा सहन करायची ताकद माझ्यात नाही.
पण हा धागा फाॅलो करतेय.

सुभा आहे म्हणजे सिरियल वर्षानुवर्ष चालणारी नसेल अशी अपेक्षा कारण त्याच्याकडे तेवढा वेळ नसणार.

सरंजामे आणि कंपनी :- "येथे लग्नघरासाठी गडी मिळतील."

फारएंड....
ऑखोकी गुस्ताखिया........
आता तो ऐश्र्वर्यशाली महाल कुठे मराठी सिरेलीत आणणार? पण ईशा मात्र एक नं ची पोचलेली आहे हं...काही भोळी भाबडी नाही..आई बाबांना दिलं पाठवून.. (तेही लग्नाची साडी आणायला...आणि एकच?)
पण सुबोध चे कातील लुक्स.......... अगदी अहा........ किती गोड दिसतो , वागतो, बोलतो!

आता प्लीजच तो दो रुपये वाला ड्वायलॉक बंद करा बुआ....!! केड्या स्वतःच्याच डायलॉग च्या प्रेमात पडलाय!
खरेच ईशा च्या जागी दुसरी कुणीतरी हवी होती...... ती कुलवधू तली किंवा मग नुपूर....
इशा फारच बालीश आणि लहान दिसते त्याच्या पुढे.....तोही तिच्या कडे पाहून कौतुकाने हसताना दाखविला काल...... ते पाहून तर मला फारच जाणविले की तो तिला अगदीच लहान समजतो आहे!

काल सुभाची Expressions भारी होती जेव्हा तो म्हणला "बरीच जळमट साफ करायचतेव्हा" तेव्हा

पण पण पण...बाकी भंकस सोडल्यास काल शेवटी जेव्हा इशा आई बाबांना साडी आणायला पाठवते .. तेव्हा सुभा बरोब्बर ओळखतो कि हि जाणूनबुजून त्यांना पाठवतेय आणि तेव्हा त्याने चेहऱ्याच्या अभिनयातून ते खूप भारी दाखवलं कि त्याला ते कळलंय कि हिला आपल्याशी काहीतरी बोलायचं .. तेव्हाचा डायलॉग पण चांगला होता
आम्ही दोघं मिळून सगळी जळमटं दूर करतो आणि सुभा ने तेव्हा जो काही लूक दिलाय आणि डोळ्यातून बोललांय .. मस्स्त !!
आणि इशा च्या मैत्रिणीची भूमिका आणि अभिनय पण आवडतोय ...

आम्ही दोघं मिळून सगळी जळमटं दूर करतो आणि सुभा ने तेव्हा जो काही लूक दिलाय आणि डोळ्यातून बोललांय .. मस्स्त !!
आणि इशा च्या मैत्रिणीची भूमिका आणि अभिनय पण आवडतोय ...>>> खरय.... कसला लुक दिलाय.... कातील.....

लग्नाला कोणाचाच विरोध नसताना कसले डीडीएलजे करताय? हे म्हणजे कांदेपोहे, दोन्ही बाजूंनी होकार आणि मग बैठक झाल्यावर पळून जाउन एकमेकांशीच लग्न करण्यासारखे आहे>>
पुलं म्हणतात त्याप्रमाणे, हा गडी जर आता मान उतरवून द्यायला तयार आहे, तर मी आता काय शत्रुच्या तलवारीला धार लावून देऊ?