शब्दवेध - पर्यायी मराठी शब्द

shendenaxatra ,
त्या अर्थी नाही.
अनेक वेबसाईटवर त्या वेबसाईटसंबंधी चर्चा करताना त्या चर्चेत्या पानाला मेटा डिस्कशन अशा अर्थाचा शब्द असतो.
स्वतःबद्दल या अर्थाने मेटा. तसा मराठी प्रतिशब्द हवा आहे.
http://stackoverflow.com/help/whats-meta

सैराट म्हणजे काय?

अति मराठी / संस्कॄतीकरण टाळावे याच्याशी सहमत.

>>Disclaimer = अस्वीकरण
नाही पटले. याला "वैधानिक इशारा" म्हणणे योग्य राहिल का ?

अरे खरच की.
पण तरी डिस्क्लेमरला अस्विकार कसे काय ??

डिसक्लेमर ला सुचवलेला पर्याय रुचला नाही, योग्य तो अर्थ ध्वनित होत नाही ! नवा अर्थवाही शब्द तयार करुन प्रचलित केला पाहीजे ! (है याव , कसले शासकिय मराठी वाटतयं नै )

हर्पेन- हो.
पदार्थानुसार नाव बदलतं.

सैराट म्हणजे पिसाळलेला, वेड भिनलेला असेच ना?
व्हायरल सारखा कसा अर्थ होईल त्याचा?

या धाग्यावर आपण सगळे चांगली भर घालत आहोत. पण आपण सुद्धा काही रूढ झालेल्या मराठी शब्दा एवजी (उगाचाच त्याची लाज वाटून) इं शब्द वापरतो. उदा. 'स्वछतागृह ' खूप पूर्वीच रूढ झालेला असताना आपल्या तोंडी पट्कन 'toilet' च येते. सार्वजनीक ठिकाणी विचारताना तर 'संडास वा मुतारी' हे उच्चारायची आपल्याला का लाज वाटावी?
तसेच 'मूळव्याध', 'पाळी', 'संभोग' हे सभ्य शब्द असतानाही आपण त्यांच्याएवजी इं शब्द वापरतो.
पुलंनी या संदर्भात मार्मिक टिपणी केली आहे,'' मराठी माणूस आपली लाज लपवण्यासाठी इं. शब्द वापरत असतो''.
तेव्हा निदान या धाग्यावरील आपण तरी वरील शब्द बिन्धास्त वापरणार का?

गुळवणी बरोबर ( त्यालाच घाटले असे पण म्हणतात. ) जिरवणी म्हणजे जेवण जिरवण्यासाठी करतात ते. ( कोकमाचे किंवा चिंचेचे सार ) आणि मिरवणी म्हणजे बाळंतीणीसाठी मिरी घालून करतात ते सार. मिरवणी सहसा बोंबलाची करतात.

पुळकावणी म्हणजे बेचव सार !!!

'चार्जर' या शब्दासाठी कोणता मराठी प्रतिशब्द वापरता येईल?

चार्जर' या शब्दासाठी कोणता मराठी प्रतिशब्द वापरता येईल? >> चार्जरच वापरावे. सायकल म्हणता ना ? जी कल्पना आपल्यासाठी नवीन आहे तिला शब्द कसा असेल भाषेत ?

विद्युतभारसंजीवक , विद्युतभारपुनःर्पादक , भारतरतरक अशा भयानक प्रतिशब्दांपेक्षा मूळ शब्द बरा.

जी कल्पना आपल्यासाठी नवीन आहे तिला शब्द कसा असेल भाषेत ?>>>> खरंच आहे.तरीही संगणक,दूरध्वनी इ.शब्द रुजलेच ना.

लिखित भाषेत ते आहेत. बोलीभाषेत संगणक, दूरध्वनी असे शब्द वापरणारे फार थोडे असतील. यष्टी वगैरे शब्दही लिहीताना वापरले जातात. ते ही आपण नेहमीचे शब्द वापरले तर बरं दिसणार नाही म्हणून.

डिसक्लेमर ला सुचवलेला पर्याय रुचला नाही, योग्य तो अर्थ ध्वनित होत नाही !>>> ट्रान्स्लेट अ‍ॅपने सुचवलेला शब्द आहे.मलाही तितकासा रुचला नाही.वीरकर डिक्शनरीतही नाकबुली असा अर्थ दिला आहे.योग्य शब्दाच्या प्रतिक्षेत.

चार्जरला नुसता भारक असा शब्द योजता येऊ शकेल.
संगणक, यष्टी सारखे शब्द बोलताना वापरायला काहीच हरकत नाही.
लेखी आणि बोली भाषेतल्या शब्दांमधे फरक असेल तर बोली भाषेतल्या शब्दांना प्राधान्य मिळते.
मुळात बाहेरून आलेला असल्याने केवळ चार्जर सुद्धा चालू शकेलच.

अवांतर : क्रिकेटच्या मराठी समालोचनात बहुसंख्य मराठी शब्द वापरले जात असत. ते लेखी आणि बोली भाषेत वापरायला काहीच अडचण नसावी (ज्यांना वापरायचे आहेत त्यांना)

डिसक्लेमर चं शब्दशः भाषांतर होत नाही.
इशारा, निवेदन असे पर्यायी शब्द (प्रतिशब्द म्हणून नव्हे) त्याऐवजी वापरता येतील. .

डिस्क्लेमर ऑफ ओपिनियन.. हा शब्दप्रयोग ऑडीट रिपोर्टच्या बाबतीत आम्ही पहिल्यांदा ऐकला. त्यावेळी आमचे गुरु.. ( सी.ए. विजय कोरके ) यांनी उत्तम भाषांतर केले होते... " आम्ही जबाबदार नाही ! "

>>डिसक्लेमर चं शब्दशः भाषांतर होत नाही.
>>इशारा, निवेदन असे पर्यायी शब्द (प्रतिशब्द म्हणून नव्हे) त्याऐवजी वापरता येतील. .
सहमत. हा पर्याय योग्य वाटतो.

मूळ परकिय शब्दांचेच, आपल्याला जमतील तसे उच्चार करून तेच शब्द रुळवायचा एक मार्ग आहे कि.. आणि हे मी नाही म्हणत... आपली परंपराच आहे ती.

डांबरट, डँबिस, आलबेल, झंपर, डिपोटी, यस्टी, शिटा इतकेच नव्हे तर तारांबळ सुद्धा.... अगदी व्यवस्थित रुळलेत हे शब्द.

डिस्क्लेमर = (रुढार्थाने) चु.भु.ध्या.घ्या.

For crying out lou
हे ज्या अर्थाने इंग्रजीत वापरले जाते, त्याला मराठी पर्याय काय?

टाहो फोडणे, आक्रोश करणे

चुभूद्याघ्या हा वाकप्रचार आहेच . तोच वापरला पाहीजे.

दिनेशदा

डाक हा शब्द कसा आलाय मराठीत ? डाकबंगला त्यावरूनच आलाय.

दिनेशजी,

'तारांबळ' हा शब्द ल्ग्न लावताना शेवट्चा श्लोक 'ताराबलं चंद्रबलंच देव.." यावरुन आलेला आहे. आधी (भयाण) मंगलाष्टकं म्हणण्यात बराच वेळ गेला आता मुहुर्त अगदी जवळ येत आहे असे दिसतात लग्न लावणार्‍या गुरुजींची हा श्लोक म्हणून मुहुर्त गाठण्याची (आंतर्पाट दूर करायची) एकच गडबड उडत असे . त्यातून हा 'तारांबळ' शव्द आलेला आहे. याचा अर्थ अगदी गडबड उडाली, कसरत करत वेळ गाठली असा आहे.