एक पुरुष म्हणून तुमची सामाजिक जबाबदारी काय असावी?

लिंबू.. जर चर्चेत पॉझिटीव्ह सहभाग देता येत नसेल किंवा द्यायचा नसेल तर देऊ नकोस.. पण उगाच फाटे नको फोडू.. धागाकर्तीनं स्पष्ट लिहिलं आहे काय अपेक्षा आहे प्रतिसादातून.. कळत नसेल तर सगळीकडं स्वतः सर्वज्ञ असलेलं सांगणं गरजेचं नाही..

लिंबूभाऊ,

मीही तुम्हाला काही प्रश्न विचारू इच्छितो.

१. पॉर्नसंदर्भात पुरुषांनी संयमीपणे वागून आपले स्त्रीकडे पाहणे, स्त्रीबरोबरचे वर्तन गढूळ होणार नाही हे बघणे, हे शक्य आहे का?

२. कंपनीत, सार्वजनिक ठिकाणी स्त्रीसंदर्भातील दृष्टिकोन बदलावा ह्यासाठी इतर पुरुषांना संघटित करणे शक्य आहे का?

३. मी वर दिली तशी एखादी प्रतिज्ञा रोज आपापल्या ग्रूपमध्ये उच्चारणे शक्य आहे का?

४. घरातील स्त्रियांना (बायको, बहिण, मुलगी किंवा इतर) मारणे, स्त्री आहेस म्हणून स्वातंत्र्य नाकारणे, बंधनात ठेवणे, फक्त मुलींवरच संस्कार करणे (मुलांना मोकळीक देणे) हे सगळे टाळणे पुरुषाला शक्य आहे का?

जर हे सगळे शक्य असेल तर ह्या लेखाची ती काही उत्तरे आहेत. ही उत्तरे देताना तुम्ही मिसळवलेत तसे विषय एकमेकांत मिसळावे लागत नाही आहेत. (असे मला वाटते).

लिम्बूदा, कड्डक पोस्ट

पुरुषांची मानसीकता कधीच बदलणार नाही,बहुतांश पुरुष हे लैगिकतेच्या बाबतीत नेहमीच ' स्टॅण्ड बाय 'मोडमध्ये असतात.यातले काहीजण सार्वजनिक ठिकाणी स्त्रीयांशी नेहमीच लगट करतात,काही क्रिमिनल टेंडंन्सीचे लोक बलात्कारापर्यंत मजल मारतात.त्यामुळे पुरुषांकडून अपेक्ष व्यक्त करणे म्हणजे कसायाकडुन 'तो कधीतरी शाकाहारी होईल व भूतदयेवर भाषण ठोकेल ,अशी अपेक्षा करण्यासारखे आहे.
यावर स्त्रीयांनीच स्वत:मध्ये बदल केले पाहीजेत,मी काही सुचवतो
१.स्त्रीयांनी आपला पेहराव व्यवस्थीत अंग झाकेल असा ठेवावा,साडी किंवा सलवार कमीज वापरावे.
२.रात्री सातनंतर शक्यतो घराबाहेर पडू नये,फार निकड असल्यास पुरुष सहकारी बरोबर असावा.
३.निर्जन स्थळं,झोपडपट्टी एरीया ईत्यादी टाळावेत.
४.आपल्या जवळच्या नातातल्या पुरुषांशीच फक्त इंटरॲक्ट व्हावे,इतर पुरुषांशी कामापेक्षा जास्त संबंध ठेऊ नये.
५.पुरुष स्त्रीयांचे चांगले मित्र होऊ शकतात या मोठ्या गैरसमजातून बाहेर यावे.
६.फक्त मुलींसाठी असलेल्या शाळेत आपल्या मुलींना घालावे,तेथील स्टाफ प्रामुख्याने स्त्री असावा हे बघावे.
७.पाश्च्यात्यांच्या खुळचट स्त्रीवादाकडे फारसे लक्ष देऊ नये,दे आर डीफरंट स्पेसीज दॅन अस.
८.स्त्री पुरुष समानता प्रत्यक्षात येणे शक्या नाहि हे आता विज्ञानाने सिद्ध केले आहे ,त्यामुळे ती संकल्पना डोक्यातून काढून टाकावी.

>>> लिंबू.. जर चर्चेत पॉझिटीव्ह सहभाग देता येत नसेल किंवा द्यायचा नसेल तर देऊ नकोस.. पण उगाच फाटे नको फोडू.. <<<<<<
माफ करा पण पॉझिटीव सहभाग घेत नाही असे कशावरुन ठरतय? कोण ठरवतय? तीच बाब फाटे फोडण्याबद्दल.
>>>>> धागाकर्तीनं स्पष्ट लिहिलं आहे काय अपेक्षा आहे प्रतिसादातून.. कळत नसेल तर सगळीकडं स्वतः सर्वज्ञ असलेलं सांगणं गरजेचं नाही.. <<<<<<
वैयक्तिक गुणावगुणाच्या कॉमेण्ट ला दुर्लक्शतोय. मी देखिल स्पष्टपणेच विचारतोय.

>>>>> १. पॉर्नसंदर्भात पुरुषांनी संयमीपणे वागून आपले स्त्रीकडे पाहणे, स्त्रीबरोबरचे वर्तन गढूळ होणार नाही हे बघणे, हे शक्य आहे का? <<<<<<
पॉर्न बघुन भावना व शरीर पुरेसे चाळविल्यावर तरीही संयमी वागणे कसे शक्य होते ते कुणी सांगेल काय? तसे शक्य होते याचा कुनाचा स्वानुभव आहे काय? याबाबत मानसोपचार तज्ञांचे काय मत आहे?

>>>>>> २. कंपनीत, सार्वजनिक ठिकाणी स्त्रीसंदर्भातील दृष्टिकोन बदलावा ह्यासाठी इतर पुरुषांना संघटित करणे शक्य आहे का? <<<<<< कंपनी व सार्वजनिक ठिकाणांकरता स्त्रीबरोबर वागण्याबोलण्याबाबत अतिशय कडक कायदे आहेत. तिथे बाकि पुरुषांना "पोलिस" बनविण्यामागचा हेतू लक्षात येत नाही.

>>>>> ३. मी वर दिली तशी एखादी प्रतिज्ञा रोज आपापल्या ग्रूपमध्ये उच्चारणे शक्य आहे का? <<<<<<<
आधी आपण "भारत माझा देश आहे, सारे भारतीय माझे "बांधव" आहेत....." हे रोज म्हणून अंमलात आणले तर?

>>>>> ४. घरातील स्त्रियांना (बायको, बहिण, मुलगी किंवा इतर) मारणे, स्त्री आहेस म्हणून स्वातंत्र्य नाकारणे, बंधनात ठेवणे, फक्त मुलींवरच संस्कार करणे (मुलांना मोकळीक देणे) हे सगळे टाळणे पुरुषाला शक्य आहे का? <<<<< हा फारच मोघम प्रश्न झाला...... "सातच्या आत घरात (येणे भाग)" अशी सामाजिक परिस्थिती असेल, तर मुलिला एकटीला सात नंतर बाहेर पाठविणे शक्यच होणार नाही, त्यास "पुरुषाने" घातलेले बंधन असे समजायचे असेल तर तुमच्या प्रश्नाचे उत्तर "अशक्य " असे आहे. बाकि प्रश्न मोघम व एकतर्फी असल्याने उत्तर देणे अशक्य.

>>> यावर स्त्रीयांनीच स्वत:मध्ये बदल केले पाहीजेत,मी काही सुचवतो <<<<
अहो धाग्याच्या सुरवातीलच सांगितलय ना की स्त्रीयांनी काय करावे यावर खूप चर्चा झाल्यात, त्या इथे नकोत.
इथे निव्वळ पुरुष काय करु शकतील याचे नमुने हवेत.

माझा अनुभव लिहिते, सुमारे १८-१९ वर्षांपूर्वीचा. अगदी शेपटाच्या टोकावर म्हणावा असा निभावलेला.

मी अडनिड्या वयात. एका मे महिन्याच्या दुपारी दुकानातून घरी येत होते. बिनागर्दीची निवांत वेळ, मी माझ्या घराला लागून असलेल्या बोळाशी पोहोचले होते. अर्ध्या मिनिटावर घर. तितक्यात मला मागून कुणीतरी पकडायचा प्रयत्न करतंय असं वाटताक्षणी मी जोरात किंचाळले. शेजारीपाजारी दुसर्‍या मिनिटाला धावून आले. दुपार असल्यामुळे लहान मुलं आणि ज्येना होते शेजारच्या सगळ्या घरात, आमच्याकडेही माझी आजी होती. तो जो कुणी होता तो तत्क्षणी पळून गेला. सगळा मिळून अवघा ३ मिनिटांचा प्रकार, पण मी भयानक घाबरले!! घरी आले आणी खूप खूप खूप रडले. शेजारच्या अजोबांनी आई-बाबांनी बोलावलं, तेही आले लगेच. एव्हाना मी जरा सावरले होते. बाबांनी तडक जाऊन पोलीस कंप्लेंट नोंदवली. लगोलग पळून गेल्यामुळे तो कोण माणूस होता, दिसायला कसा वगैरे मला काहीही समजलं नव्हतं.
संध्याकाळी एक जेन्ट्स कॉन्स्टेबल, लेडी कॉ. आमच्याकडे प्राथमिक चौकशीला आले. "हे सगळं नको, माझंच नाव खराब होईल" ही भीती होती मला, बाबा ठामपणे पाठीशी होते. "काही होत नाही, आम्ही आहोत ना! घाबरू नको बरं अजिबात!" असं म्हणाले. पुढे प्रकरण लवकरच निवळलं. पण सगळ्या प्रकारात अर्थातच बाबा, शेजारचे काका-आजोबा वयाचे लोक आणि ते पोलीस प्रचंड समंजसपणे आणि जबाबदारीने वागत होते. "तुझीच काही चूक असेल" असं वागण्या-बोलण्या-टोमण्यातून अजिबात नव्हतं. किंवा चौकशीला सुद्धा शेजार्‍यांनी सकारत्मक प्रतिसाद दिला. "आम्ही तिच्या आजोबांच्या वयाचे आहोत, आम्हाला काय प्रश्न विचारता" असा पवित्रा घेतला नाही. नंतरही कधी मला किंवा अन्य कोणत्याही मुलीला उगीच बोधामृत पाजलं नाही.

ही खूप मोठी गोष्ट आहे असं आज विचार केला की वाटतं. शारीरिक सामर्थ्य आणि वय बघता कोणी तिथे जाऊन दोन हात करू शकत नव्हतं. पण नंतर जी आश्वासकता वागण्यातून दिसली ती महत्त्वाची आहे.माझं लहान वय बाजूला ठेवून, एक माणूस आणि एक स्त्री म्हणून माझा कम्फर्ट झोन त्यावेळी जपला गेला.

( अस्थानी वाटल्यास ही पोस्ट नंतर एडीट केली जाईल.)

प्रज्ञा९

तुमच्या प्रकरणात तुमचे नातेवाई़क, शेजारचे काका-आजोबा, पोलिस जसे वागले तसे पुरषानी वागणे अपेक्षित आहे.

बाकी आपण काही करु शकत नाही. पण कायदे कडक केल्यास बराच फरक पडु शकतो. सिंगापुर मध्ये एकटी मुलगी मॅरेथॉन चा सराव करायला रात्री १२ वाजता निघुन शहर पालथ घालुन सकाळी ६ वाजता सुखरुप घरी येते. ( दिवसा खुप उन असल्याने सिंगापुरे मध्ये मॅरेथॉन चा सराव रात्री केला जातो). आणि सिंगापुर मध्ये ९८% लोक आशियातील आहेत आणि १०% भारतिय आहेत तरी सेफ आहे. हे कठोर कायद्यामुळे शक्य आहे. जर कोणी मुलीची छेड काढली आणि कोर्टात सिध्ध झाले की त्याला २ ते २४ पोकळ बांबुचे फटके दिली जातात. कोर्टाचा निकाल पण २-३ दिवसात येतो. कारण नसताना अपिल केले तर सजेत वाढ होउ शकते. दोन फटक्यामध्ये २ महिन्याचे आंतर असते जखम भरुन येण्यासाठी. त्यामुळे कोणी पुरुष वाईट नजरेने बघत नाही.

तर मुद्दा असा की, अशा पोर्न वगैरे व तत्सम सेक्स्युअली उद्दीपीत करणार्‍या जाहिराती वगैरे चा विषय निघतो, तेव्हा त्यावरील बंदीबाबत पोर्नचे आधीन शौकिन पुरुषवर्गाचे खान्द्याला खान्दा लावुन व्यक्तिस्वातंत्र्याचे नावाखाली बहुसंख्येने सुशिक्षित स्त्रीवर्गही उभा राहिलेला दिसतो तेव्हा मला प्रश्न पडतो की आधी "पुरुषांची नजर" बदलायला हवी, पुरुषांची कर्तव्ये काय ते उगाळायला हवय की आधी स्त्रीयांनीच आपापसातले "मतभेद" दूर सारुन विशिष्ट विषयांवर ठाम कोणती भुमिका घ्यायची ते ठरवायला हवे?>>>>>
तुझे मुद्दे आणि गोंधळ दोन्ही लक्षात आले लिंबू. कसं आहे, व्यक्तीस्वातंत्र्य ह्या मुद्द्यावरुन जी लोकं पॉर्नबंदीच्या विरोधात आहेत किंवा नग्नता टॅबू समजू नका म्हणत आहेत ती लोकं तू सांगतोयस ती पॉर्न बघून आणखिन चेकाळणारी, पुढे जाऊन एखादा गुन्हा करणार्या मंडळींपेक्षा वेगळी आहेत. हे दोन स्वतंत्र गृप आहेत लोकांचे.

व्यक्तीस्वातंत्र्य वाल्यांचा (जे सहसा सुशिक्षित असतात) मुद्दा असा आहे की आम्ही आमच्या घराच्या ४ भिंतींमध्ये काय करतो, काय बघतो हे सरकार किंवा इतर कोणी मॉरल पोलिस लोकांना ठरवायचा हक्क नाही. तू ह्या लोकांमध्ये आणि तुला दिसणारे सो कॉल्ड पांढरपेश्या लोकांमध्ये गल्लत करु नकोस. ती लोकं तुला सुशिक्षित वाटली तरी ती ह्या वरच्या व्यक्तीस्वतंत्र्य वाल्या गृप मधल्या लोकांसारखा विचार करत नाहीत.

पॉर्न बाबत म्हणशील तर तो प्रश्न मलाही आहे कारण सध्या मिळालेल्या अनलिमिटेड पॉर्न अ‍ॅक्सेसमुळे लोकं चेकाळली आहेत हे खरय पण तो अ‍ॅक्सेस बंद करुन ही समस्या किती सॉल्व होईल हे माहित नाही. सॉल्व हा माझ्यामते खुप मोठा शब्द किंवा खुप मोठा गोल आहे ह्या समस्येबाबत. काही प्रॅक्टिकल गोष्टी करुन कदाचित काही गुन्हे होण्यापासून थांबवता येतिल. लहान मुलांना आधी पासून ह्या सगळ्याची कल्पना देऊन, पुढे असं काही हाती लागल्यावर ते हँडल कसं करायचं ह्याची कल्पना देणे, बायका/मुलींनी स्वतःच्या सुरक्षिततेकडे जरा जास्त लक्ष देणे. व्यक्तीस्वातंत्र्य वगैरे मी सगळं मानतो पण त्यापेक्षाही काही मोठं असेल तर माणसाचा जीव. मी पुर्वी एकदा (मला वाटतं स्त्रियांच्या पोषाखाबद्दल बाफं होता) लिहिलं होतं की पुरुषांच्या वाईट नजरा नीट होतील तेव्हा होतील पण व्यक्तीस्वातंत्र्याचा पुरस्कार करत असताना तुम्ही स्वतःचा जीव धोक्यात टाकत आहात का हे नक्की पडताळून बघा.

तुमच्या प्रकरणात तुमचे नातेवाई़क, शेजारचे काका-आजोबा, पोलिस जसे वागले तसे पुरषानी वागणे अपेक्षित आहे. >>>>+१

"जर रस्त्यात कोणी कोणाला त्रास देत असेल (आणि हे सर्रास घडतं) तर एक पुरुष म्हणून तुम्हाला लाज वाटते का? " - रस्त्यात कुणीही कुणाला अकारण त्रास देत असेल, तर पुरूष म्हणूनच काय, एक माणूस म्हणून देखील अस्वस्थच वाटतं. त्यातून मदत करता येत नसेल, तर येणारी हतबलता अधिक वाईट.

एका देवळाच्या रांगेत ऊभं असताना, एक बाई मधे घुसत होती. तिला एका पुरूषाने विरोध (शब्दिक) केल्यावर, तिने 'त्यानं मला हात लावला' असा कांगावा करून रान ऊठवलं आणी त्या पुरूषाला लोकांच्या रोषाला सामोरं जावं लागलं. तेव्हा स्त्री / पुरूष असा भेद न बाळगता केवळ अस्वस्थच वाटलं होतं. जर खरच त्या बाईला त्या पुरूषाने त्रास दिला असता, तरी वाईटच वाटलं असतं. पण असं गर्दीत काही करणं दर वेळी शक्य होत नाही, हे दुर्दैव.

पाश्च्यात्यांच्या खुळचट स्त्रीवादाकडे फारसे लक्ष देऊ नये,दे आर डीफरंट स्पेसीज दॅन अस........
भारतात 'स्त्रीयांनी' ने राहूच नये..... हेच खर............
पुरुषांनीच रहाव.............. कस??

हे पोर्नफार्न उचभ्रु समाजाचे फॅड आहे. या सगळ्या सुविधा व बघण्यासाठीचा एकांत त्यांनाच मिळतो.
लिंबुभौ सारखे हे समाजासाठी किती घातक आहे म्हणुन बघत असावेत. तर काही आंबटशौकिन असावेत.

The way this BB is being steered it is pretty clear why there are so few posts on this thread by male members.
पुरुषांकडून किंवा एकूण समाजाकडून बदलाची अपेक्षा ठेवणं हा केवळ मूर्खपणा आहे. कारण माझ्या ह्या जन्मात मी ते बदल बघू शकेन असं मला वाटत नाही. एक स्त्री म्हणून माझी लढाई मला स्वतःलाच लढावी लागेल हे मी माझ्यापुरतं मान्य केलं आहे. कारण हजारो स्त्रियांमधली एक स्त्री उलटून बोलली किंवा तिने गैरफायदा घेतला तर ते व्यवस्थित पोस्ट करकरून सांगितलं जातं! (आणि लगेच त्यावर इतर स्त्रियांकडून explanation च्या पोस्ट्स देखील येतात.)
जबाबदारी घेणे ही फार दूरची गोष्ट आहे! पण आज दररोज सर्वत्र स्त्रियांवर इतके अत्याचार होत असण्याबाबत as a male I feel sorry and guilty असं ह्या धाग्यावर कबूल करण्याची हिम्मत कालपासून किती जणांनी दाखवली?
जे घडतंय त्या बाबत शरम वाटते आणि होय ही जबाबदारी आता आम्ही घ्यायलाच हवी आहे ह्या अर्थाचं एकतरी वाक्य अपेक्षित होतं मला! जे फक्त बेफिकीर यांनी लिहिलं पण इतर सगळ्या धाग्यांवर चांगल्या प्रतिसादाला/वाक्यांना क्वोट करून +१ करतात तसं इथे आजीबात झालं नाही! जसं समाजात वागताना ignore मारतो तसं ह्या धाग्याला पण ignore मारलं सगळ्यांनी!
Yes, I am judging every one of you! And why shouldn't I?
Thank you Mami for this thread!

भावनाउद्रेक समजू शकतो पण इतर पुरुषांनी फक्त पुरुष आहेत म्हणून बाकी अत्याचारी पुरुषांच्या वतीनं माफी मागायचा किंवा जबाबदारी घ्यायचा काय संबंध? धाग्याच्या मुख्य विषयाशी त्याचा काय संबंध?

संपादित. समजलं मामी.
बरं, असं कोणी करत असेल तर थांबवायचा (शारीरिक क्षमता आड येते म्हणून) ते ओरडून सांगायचा प्रयत्न करतो, रादर एकदा केलेल्या प्रयत्नात मला भीती वाटावी अशी परिस्थिती निर्माण झाली आणि रस्त्यातील एका वयस्क व्यक्तीने अशा लोकांच्या वाटेला जाऊ नको असा सल्ला दिला, काय करावं असं खरंच वाटलं तेव्हा. आजूबाजूचे गम्मत बघतात, हा अनुभव आहे. त्या व्यक्तीने पुढाकार घेतला तर मात्र आवर्जून बाजू घेतो. मूळ समस्या अशी असते की कोण बरोबर कोण चूक हे तिऱ्हाईत नाही ठरवू शकत. (कायम टोकाची बलात्कार सिच्युएशन नसते)
(परदेशात) सार्वजनिक ठिकाणी कोणी नर्सिंग करत असेल (अशी वेळ येते हे सत्य आहे) तर साउथ एशियन लोक जवळ मुद्दाम घुटमळतात हा अनुभव घेतलेला आहे, तिकडे अगदी शांतपणे जाऊन सागतो इथून दूर जाल का?

पोर्न बघून कोणी असं करत असेल असं खरंच वाटतं नाही मला. पोर्न जेव्हा सहज उपलब्ध न्हवतं तेव्हा ही अशा गोष्टी होतचं असतील. सेक्स सहज उपलब्ध झालं तर काही सुधारेल असं काही काळापूर्वी वाटायचं, पण वर्चस्ववादी वृत्ती, अहंगंड, कोणी माझं काही बिघडवू शकत नाही ह्या पण मोठ्या समस्या आहेत.

ह्या प्रश्नाचे उत्तर घरातुनच योग्य संस्कार करून, संवाद साधुन, योग्य वर्तनाचे उदाहरण घालुन दिल्यास सापडेल ह्याविषयी दुमत नाही. आमच्या घरात मुला मुलींना समान वागणुक दिली जाते. मुलांनाही जेवण झाल्यावर आपापले ताट वाटी उचलणे; धुवून ठेवणे, कामवाल्या बाई न आल्यास केर काढणे इ. कामे करायला लावली वातात. थोडक्यात "बायकी कामे" असा शिक्का मारला जात नाही. घरात निर्णय घेताना आई वडील चर्चा करून निर्णय घेतात (वडिलांनी सांगायचे व आई ने मान डोलवायची असे होत नाही). एखाद्या चुकीबद्दल आई रागावल्यास वडील तिचीच बाजू घेतात व मुलांना जसा वडिलांना जाब द्यावा लागतो तसाच आईलाही द्यावा लागतो. माझ्या किशोरवयीन भावाला मी पुढील गोष्टी कशा समजावू?
१. शीला, मुन्नी, चमेली इ. दररोज दाखविल्या जाणार्‍या व दर महिन्याला अजुन अजुन येणार्‍या आयटम गर्ल्स व त्यांची आयटम साँग, ही गाणी पुरुषांच्या भावना उत्तेजित करायलाच दाखविली जातात. ती बघण्यावर घरात बंदी केली तरी बाहेर गेल्यावर काय?
२. कॉलेज मधे / रस्त्यावर हिंडणार्‍या अनेक मुली तंग कपडे घालतात ज्यातुन त्यांच्या अंगाप्रत्यांगाचे दर्शन होत असते. मोठ्या गळ्याचे टॉप्स, कमरेखाली जाणार्‍या जीन्स असे कपडे मुली का घालतात? ह्यांच्याकडे दुर्लक्ष कसे करायचे?

चर्चेचा रोख मुलींच्या वर्तनावर वळवण्याचा उद्देश नाही उलट पुरुषांनी कसे वागावे ह्यावर चर्चा चालू असल्यामुळे कोणी ह्या प्रश्नांवर प्रकाश टाकू शकल्यास मदत होईल.

भावनाउद्रेक समजू शकतो पण इतर पुरुषांनी फक्त पुरुष आहेत म्हणून बाकी अत्याचारी पुरुषांच्या वतीनं माफी मागायचा किंवा जबाबदारी घ्यायचा काय संबंध? >>

त्यापुढे जाऊन मी लिहीन की आमच्यासारख्या पुरूषांना देखील तसे पुरूष अपराधी वाटतात, तर त्या पिंजर्‍यात आम्ही स्वतःला का बसवावे?

The way this BB is being steered it is pretty clear why there are so few posts on this thread by male members >>

जीज्ञासा अश्या बर्‍याच चर्चा आधी झाल्या आहेत हे ही कारण असू शकते ना?

मुलींकडे दुर्लक्ष कशाला करायचे?
वखवखलेल्या नजरेने बघणे आणि दुर्लक्ष याच्या मध्ये काही करावे. आणि नजरा हा एक भाग असावा, त्याच्या पुढे संमती नसताना काही करणे हा गुन्हा आहे. आणि त्याचे परिणाम काय असतील आणि ते ज्याला त्याला भोगावे लागतील हे सांगावे.
या नजरावर उपाय म्हणून सहज आणि मुक्त (संमती असलीतरच) संबंध उपलब्ध असले तर परिस्थिती बदलेले असं कधीकधी वाटतं, पण मग खरंच काही बदलेल का? का परत वर्चस्ववादी वृत्ती, अहंगंड इ. मुळे काहीच फरक पडणार नाही असंही वाटतं.
एखाद्या वेळ गृम्ड मुलानी तंग कपडे घातले ज्यातुन त्यांच्या अंगाप्रत्यांगाचे दर्शन होतंय तर मुलीही बघत असतीलच की. लिमिट समजली की झालं.

शीला, मुन्नी, चमेली वर घरात बंदीची गरज नाही. घरात, बाहेर आवडेल तिथे त्यांना बघावे पण त्यावरून दैनंदिन व्यवहारात सर्वच मुली दारू पिणार्‍या आणि डार्लिंग साठी बदनाम व्हायला तयार असतील हा समज नसावा. जसे मुलींना पण जॉन अब्राहिमने बाईक उधळलेली आवडते पण प्रत्यक्षात प्रत्येक स्ट्रीट लाईटला थांबणारा व्यक्ती आवडतो. थोडक्यात सिनेमा, गेमिंग, ऑन-लाईन साईट्स वरचे जग व प्रत्यक्ष जग ह्यातला फरक समजला पाहिजे.

अंगाप्रत्यांगाचे दर्शन हा मुद्दा अनेक वेळा अनेक धाग्यांवर झाला आहे, तेव्हा त्या प्रश्नाला माझा पास.

वैद्यबुवा, I am sorry असं म्हटलं नाहीये I feel sorry असं म्हटलं आहे. मला वाटत ह्या दोन्हीच्या अर्थात बराच फरक आहे. दुसऱ्याच्या गुन्ह्यासाठी तुम्ही माफी मागावी अशी अपेक्षा नाही. आज भारतीय पुरुषांबद्दल जी प्रतिमा जगात/समाजात आहे त्याबद्दल एक भारतीय म्हणून मला नक्कीच sorry आणि guilty दोन्ही वाटते.
चौकट राजा, उत्तान गाण्यांबाबत सहमत पण त्याचे खापर कृपया केवळ त्या नाचणाऱ्या "स्त्रीवर" फोडू नये! आणि कपड्यांचे काही नसते हो! सलवार-कमीज आणि वर ओढणी अशा संपूर्ण कव्हर्ड वेषात हिंडताना अत्यंत किळसवाण्या नजरा अनेकदा झेलल्या आहेत
I am not a guy but I know for sure that there is something terribly wrong with you guys. Now since I am not a guy, I can't figure it out. You got to do that yourself! (you= plural you)

२. कॉलेज मधे / रस्त्यावर हिंडणार्‍या अनेक मुली तंग कपडे घालतात ज्यातुन त्यांच्या अंगाप्रत्यांगाचे दर्शन होत असते. मोठ्या गळ्याचे टॉप्स, कमरेखाली जाणार्‍या जीन्स असे कपडे मुली का घालतात? ह्यांच्याकडे दुर्लक्ष कसे करायचे?>>>>>>

असे कपडे घालणार्‍या मुली मी जुहू,बांद्रा इथे बघितल्या आहेत.यांच्या पालकांवर व यांच्यावर पाश्चात संस्कॄतीचा प्रभाव असतो. दुर्लक्ष करण्या पेक्षा बघु द्यावे नजर मरुन जाते.मी जुहू जवळ राहिली आहे.मुम्बईला आल्यावर हे बघण खुप आश्चर्य करणारे होते नंतर नजर मेली. वयात आलेल्या माझ्या मुलांची पण मेली असेल.काम धाम अभ्यास सोडुन किती वेळ बघणार

जिज्ञासाच्या पोष्टीकडे दुर्लक्ष करून आणि मामींनी त्यांची पोस्ट संपादित केल्यामुळे ---

इथे एक गोष्ट लिहावीशी वाटते ते म्हणजे ऑफिसमध्ये स्त्री कलिग्जबद्दलचे पुरूषांचे बोलणे आणि वर्तन. आयटीसारख्या क्षेत्रात जिथे सगळेजण शिकलेले असतात, तरीही स्त्री कलिग्ज किंवा बॉसेसबद्दल अतिशय अर्वाच्च म्हणता येतील अश्या कमेंट्स ऐकलेलया आहेत. मानसिकता बदलण्यासाठी काय केलं आहे किंवा करता येईल हे सांगायचं तर :
-अश्या कमेंट्स किंवा ज्योक करणार्‍याला ते चुकीचे आहे हे सांगणं. इथे कोणी अंगावर यायचा प्रश्न नसतो कारण सगळं ऑफिसच्या मर्यादेत सुरू असतं.
-जर हे स्पष्ट सांगणं शक्य नसेल तर तश्या कमेंट्स किंवा ज्योक्सवर न हसणं किंवा त्या चर्चेत अजिबात सहभाग न घेणं जेणेकरून आपल्याला ते आवडत नाहीये ह्याची समोरच्याला जाणीव होईल (हे मुख्यतः सिनियर्न्सच्या बाबतीत).
-वेळप्रसंगी एच आर कडे तक्रार करायची धमकी देणं. नुसत्या धमकीवर काम भागलं होतं, त्यामुळे प्रत्यक्ष तक्रार करायची अजून वेळ आलेली नाही.

अर्थात हे कधीकधी पुरूष कलिग्ज किंवा सिनिसर्स/सबोर्डीनेट्सना आवडत नाही पण ठिक आहे! बाकीचे काही मुद्दे अमित आणि बेफिकिरांनी लिहिले आहेतच.

किती एडीट कराल सगळेजण!

केदार, लिंक्स प्लीज! मला आवडेल माझा गैरसमज दूर करायला!

<<जिज्ञासाच्या पोष्टीकडे दुर्लक्ष करून आणि मामींनी त्यांची पोस्ट संपादित केल्यामुळे --->> पराग, धन्यवाद, इग्नोर करतोय असं लिहिण्याची तसदी घेऊन माझी पोस्ट इग्नोर केलेली नाही असं कळवण्यासाठी

anyway, माझ्या दोन्ही पोस्ट्स मी एडीट करणार नाहीये कारण मला जे म्हणायचे आहे ते मी नीट मांडले आहे. हा धागा जिथे जायचा तिथे जाऊ दे! हेमाशेपो

लिंबूटिंबू,
तुम्ही लिहीत रहा. लॉजिक अ‍ॅड केलंत तर एक माईण्ड ब्लोईंङ पोस्ट लिहिली जाईल..